元札幌拉麵 (宇晴軒商場) (已結業)

今日去荔枝角朋友家傾野，去到晚飯時間大家都餓了，朋友介紹去宇晴軒商場食日本野。這間叫"元札幌拉麵"，正想食碗拉麵也不錯。看看餐牌，主要分幾個大類，而且還可以在自選套餐任選配搭。我們就揀了自選套餐，可以在每類中各選一款。"松 梅 竹 菊 = $188"，加起來比單點都平左$41，幾抵食。豚軟骨拉麵湯底香濃，豚軟骨十分腍軟入味，有半隻半熟蛋還有紫菜。串燒雞肉丸內有軟骨，口感一流。燒牛舌牛舌部位不錯，一點不韌也不乾，汁香爽口。燒三文魚頭份量十足有驚喜，魚頭肉多嫩滑又不腥，燒得夠香夠野味。

聽聞最近昇悅居宇晴軒個頭開左唔少食肆，為食嘅小妹我就帶埋寶寶去覓食。行過元札幌拉麵，裝修睇落好新式日系，仲有隻多拉A夢係門口，就吸引左我入去試～餐廳入面好多各種各類嘅裝飾，食客都有講有笑，環境氣氛都唔錯。呢度除左拉麵，丼物定食串燒炸物都有，種類都幾多，我地就每樣叫左Ｄ。首先叫左支可樂。配美食又點少得可口可樂呢！今日想食辣，所以叫左碗地獄拉麵挑戰下。湯底就咁聞到已經有少少攻鼻，入口味道好濃，辣度夠勁，食左兩啖就出哂汗。硬麵咬落爽口，粗幼適中；叉燒應該有烤過，有少少焦香，咬落軟熟；糖心蛋岩岩好，蛋黃為濃湯加左唔少蛋香味；濃厚嘅湯底辣味配埋淡香的蔥花同海帶，一濃一淡，幾夾。之後輪到吉列豬扒。炸皮鬆脆，唔會太厚太粉岩岩好，豬扒肉嫩又多汁，咬落相當有層次。配上酸酸地開胃嘅煙燻風味醬汁中和番，味道有所提升之餘又唔會太膩。炸魷魚鬚外皮香脆，內裡煙韌。調味風味簡約，但唔單調，反而可以突顯食材原味，配合沙律醬別有一番風味。店家都好細心，燒雞翼都切做一口size。雞翼燒到恰到好處，有熟透又唔會太柴。雞皮脆口之餘，鹽燒口味配上烤油香食落相當夠風味，燒雞翼，我鍾意食～整體黎講，野食都算出色，種類又多，荔枝角又

今晚在荔枝角買完一點東西，隨便到處走一走到晚飯時間心血來潮很想食拉麵，便發現到這間離地鐵站非常近的日式餐廳！真的一出地鐵站便到了，也太方便了吧因為時間尚早的關係所以店員很快便可以幫我安排好位置坐在店內一角發現餐廳地方非常寬敞位置頗多，但位置又不會覺得迫，空間安排不錯呢～發現餐牌上食物選擇很多有趣的是他們的set是用植物名稱松梅竹菊，每個字代表是一個類別我一個人的關係就選了$145的松。梅。竹即是一碗拉麵配2款小菜選擇困難症的我發現這邊選擇真的很多在那麼多拉麵中我選了北海道櫻花蝦拉麵因為它有一個推介，便試試吧另外小菜選了凍豆腐和雜錦串燒凍豆腐先上，本來以為只會有一小份的小菜誰知份量也不少呢！凍豆腐冰冰涼涼的芝麻醬汁份量剛剛好，每啖都有酸酸的芝麻醬味道實在是一份很開胃的小菜另外拉麵份量也不少呢！要讚一下便是湯口不太咸，味道調得剛好滿滿的櫻花蝦帶點咸味，令湯頭變得更特別加上食完沒有那種食完很口渴的味精味，值得一讚！另外麵身有咬口，不會煮得太淋而且發現食到最後麵也沒有因放在湯太耐而變太淋可想麵質本身便不錯另外蛋煮得好剛好，流心蛋配拉麵真的一流加上大大塊叉燒，煮得非常入味是一碗高質拉麵，很難得找

之前來到這裡吃拉麵，都覺得價錢不貴而且仲要味道不錯，今日來到附近又想在這裡吃飯，來到今次不吃拉麵而選擇吃魚的定食，魚都有幾款選擇，而見隔離的吃鯖魚好大條就決定鯖魚。等了十分鐘期待的燒鯖魚定食來到，鯖魚好大條，一人食都差點吃不完，肉質嫩又香，帶有魚香，好惹味。蒸蛋蛋味夠又帶點甜，前菜都大碟，白飯軟熟而且十分大碗。麵豉湯咸度剛好不錯。在餐牌見到三文魚刺身有五片，$48幾抵食就叫了一份，三文魚魚香不錯，厚度剛好，而底部是海帶之類，仲可以夾一起食十分好味道，在這裡又坐得舒服，待應都好快手倒茶，慢慢吃這個定食的確不錯。

老公駕車接放工順道到荔枝角宇晴軒吃晚飯，泊好車後在商場走到近入口處看到有間拉麵店，門前擺放了一個叮噹，原來是「元札幌拉麵」，一於跟叮噹叮晚餐。餐牌上的選擇和配搭多，但胃口不大，我只簡直簡單點了一碗《雜錦拉麵 $82》和兩客串燒。雜錦拉麵有豬軟骨、流心蛋、叉燒、粟米、蟹柳和海帶。湯底沒有偏咸，拉都彈牙，豬軟骨入味香軟，很有膠質。《燒牛舌 $48》燒得剛好沒有偏韌，很有肉汁，建議襯熱吃。《串燒雞肉丸 $35》有兩串粗粗厚厚的雞肉丸串，看似乾身但入口肉嫩有汁。服務：上菜快，有禮貌，而且夠大方給客人一壺水。

今日去荔枝角探完朋友，我哋就係佢屋企附近食飯，佢知我鐘意食日本野，就帶左我去附近宇晴軒商場的一間小店，係荔枝角D4 出口一出就係。店外掛有滿滿的日式燈籠🏮驟眼一看已經知道係日本餐廳。呢到的食物種類都幾齊全，刺身，燒物，拉麵，定食都有。如果想試吓多啲唔同款嘅就可以揀自選套餐，分別可以係松、梅 、竹、菊中自選一款，只係$188，真係好吸引同好抵食。不過由於頭先食飯前我地已經食咗好多野，所以我哋今次就食拉麵。拉麵嘅款式都算多，有十多款可以選擇，所有拉麵基本上都可以自選湯底，有味噌、醬油和鹽味揀。不過我哋揀咗兩款甘啱都係唔可以轉湯底。北海道櫻花蝦拉麵$88係咁多個拉麵入邊中，我地點左櫻花蝦拉麵係因為呢個湯底係呈奶白色，味道似豬骨底加咗海鮮，飲落都幾鮮甜，幾好飲。唔會好似平時一般食到嘅蝦拉麵咁咸。而櫻花蝦嘅份量都幾多，乾身而脆口。而且仲有好多其他嘅配料，包括叉燒，半隻糖心蛋，海帶，日本魚蛋等。叉燒肥瘦適中，軟淋嫩滑，糖心蛋都淹得好香，有好香濃嘅醬油同味醂味。地獄拉麵$72呢個拉麵係有三粒辣椒🌶️，鍾意食辣嘅真係唔好錯過！冇諗過原來真係會咁辣，雖然辣到出晒汗，不過食得好過癮。佢嘅辣並唔係一股死辣味，

今次進餐的地方，它的裝修和外型的濱芬色彩和食物種類之多，真係可以用心花怒放形容。外觀看上去以為是小舖仔，但一入去發現別有洞天。環境好寬敞。梳化式座椅💺坐得好舒服。每張枱都有自助茶水供應。還有紙巾提供，好細心。食物種類多到讓人眼花撩亂。選擇困難症候群的我當然交比朋友發版。咸青瓜＄28至啱餐前吃，真是開啓味蕾的好開始。清新爽嫩口感換醒味覺。雞泡魚干＄60細細碟，系還帶溫熱的口感，越嚼越有味，適合慢慢咀嚼的一環。自家制手包餃子＄48好抵食，皮薄肉鮮，剛煎香又不油膩，很香口又飽肚，留下深刻印象。

今晚同朋友去完荔枝角行新商場, 行完有D肚餓之後朋友話想食日本野 我地就入左呢家元札幌拉麵食野一入到去 D侍應就好好禮貌咁問我地幾位 咁之後我地叫野食啦 由於我地唔太肚餓所以只係叫左個吉列豬扒飯,牛舌同埋炸蝦天婦羅一黎到個豬扒飯好大份 仲好多豬扒 D豬扒好脆又名淋 成個飯都好好食之後炸蝦天婦羅質素都好高 FEEL到D蝦係用真蝦 好有蝦味 牛舌都燒得岩岩好同埋最重要既係價錢都唔貴 真係平靚正日本菜呀!

黎到星期五，心情特別好，放工之後同friends一齊去食好西。黎到荔枝角呢間元札幌拉麵度食晚餐，呢度又近地鐵，又係商場入面，真係又近又方便，食飽重可以行下商場添!呢度既晚餐選擇有好多嘎，除左有湯底好正既拉麵，重有多款新鮮唔同既魚生手卷添。鰻魚手卷蟹子三文魚手卷呢度手卷既分量又大，新鮮又好食。而呢度既小食更加令我有驚喜啊，呢個炸墨魚嘴真係食完又想食，外面炸得鬆脆，入面包住新鮮又爽口既墨魚嘴，少少椒鹽味，好正啊！選擇多多，環境又令既拉麵店，真係值得一試。

今晚同朋友嚟到荔枝角呢邊行街，就順便食埋晚餐先返屋企！喺好近站嘅宇晴軒商場，見到一間好吸引嘅拉麵店 叫做元札幌拉麵，我同朋友都覺得唔錯 就想試下！一開始入門口見到以為好細間 點知入面仲有延伸嘅位置，一啲都唔細。急不及待，實在太餓，我哋就商量咗一齊叫，然之後share食，我哋商量咗要一個札幌螃蟹拉麵，跟住再加啲小食。札幌螃蟹拉麵，湯底濃郁，拉麵滑溜，仲有四件 好吸引嘅蟹柳，滋味超甜！ 同時亦有其他嘅蔬菜 例如海帶同埋粟米。呢碗麵嘅味道唔錯，值得推介！另外我哋仲叫咗兩個小食 ，一個係章魚燒，因為實在太耐冇食章魚燒啦！ 見到有就想食啦！ 呢個章魚燒新鮮出爐，熱辣辣，配埋沙律醬同埋鰻魚醬！滋味無窮！粒粒好味！另外一個小食亦不容忽視！就係墨魚咀啦！佢哋炸皮好薄，墨魚咀好彈牙，好正！本身以為同朋友都好細食，點知食曬都唔飽，我哋就再加單要咗鰻魚手捲同三文魚蟹籽手捲， 呢間嘅手捲都好唔錯，分量好足！成餐飯我都好滿意！會再嚟食㗎！

今日星期五，放咗工去荔枝角揾朋友食飯，係朋友推薦下揀咗呢間日本餐廳佢餐廳前面擺咗隻多拉a夢，都幾吸晴幾可愛！餐廳位置好方便，商場門口一入去就見到啦，而且餐廳既裝修唔錯，即使客人多都唔覺逼，係適合同朋友吹水食飯happy hour既地方我地坐低即刻睇下有咩食佢有小食，刺身，拉麵，定食等等提供，每款望落都幾吸引最後我地叫咗一碗元拉麵同地獄拉麵無幾耐就上菜啦，速度好快！拉麵既半熟蛋好好食，同日本既無分別，湯底亦係熟悉既味道，同日本既麵真係差唔多，有得揮！因為太好食啦，我地好快就食晒，本身仲想叫多幾碟小食試下，不過太夜啦，我地決定下次過嚟再試！誠意推薦呢間店俾大家，地理方便，價錢合理，味道一流，真係適合同朋友嚟食飯吹水既地方，下次再嚟荔枝角揾朋友一定會再幫襯！

午飯時間第一次來宇晴軒吃午餐，被這兒的傳統日式裝飾所吸引。門外掛着多個大紅燈，感覺很像去了日本的節慶活動，喜慶十足。我點了一個溫泉蛋和牛鍋飯，整個餐的造型和設計都是地道的日本菜樣式。打開飯蓋，熱氣騰騰，真是先聲奪人。飯有芝麻和紫菜碎，吃起來不但很有口感，而且還提升了飯的多元味道。和牛配燒汁，和牛燒得剛剛熟，很軟很彈牙，沒有渣。份量也很多，粗略數算，整碗飯有多於10粒和牛粒！真是大滿足！味噌湯也是熱氣騰騰的，內有豐富的海帶和豆腐，不像其他店只有湯沒有湯料。這兒距離荔枝角地鐵站非常近，D4出口一上就是商場的電梯入口，一上電梯就見到了！非常方便！

宇晴軒係痴住泓景臺嘅一個小商場自己當然無咁有錢住泓景臺啦咁啱黎到附近探親戚佢帶我黎到呢間日式小店食飯個環境係超級舒適好坐，卡位甚多，坐位闊絡唔好睇佢咁少人因為我地黎到時天都未黑店內擺設精緻我地揀咗個二人餐，店家都用拉麵黎做店名，無理由唔試試佢嘅元拉麵拉麵麵線偏幼身，但食落好爽，唔會好似公仔麵質咁又黏又淋伴有筍，紫菜，叉燒等等，湯底味道還好，唔會太鹹整黎黎講幾好味，確有地道日本小拉麵店的風味咖哩飯(大)日式咖哩，係唔會有辣味嘅~撈飯食好正，甜甜地嘅咖哩，有紅蘿蔔，洋蔥，薯仔配料另外餐小食可以選擇三款雜錦串燒雞軟骨，雞肉串，菇，仲有條類似關東煮咁嘅串燒?四條略嫌有點乾，汁醬可多添一點，但味道可以吉列蝦新鮮炸油，厚又多汁蝦，薄薄炸物粉點埋沙律醬汁 送酒一流燒魚餅必點!!好好食，魚蛋再硬點點嘅口感，面層燒得又薄又香食落魚香味滿溢，檸檬擠埋落去中和濃味更佳，值得推介~~隔離嗰支係白葡萄炭酸味道不錯 唔會藥水味openrice不如諗諗加個掣係可以轉番正幅圖

2019.09.20（星期五）收工同友人打算去D2 place 行下街, 唸住係荔枝角地鐵商場附近醫飽肚先～見到呢間日式拉麵似乎吳錯，於是決定一試！拉麵選擇都多～但見到套餐價好抵好吸引！於是選左《松梅竹菊》這個套餐，兩樣主食再加兩個小食都只係$188，好抵食首先要左個雜錦拉麵$82，選了醬油湯底都好香濃～雜錦配料勝在樣樣都可淺嘗味道！麵質都好夠彈牙滑蛋豬扒丼$65，水準很好！好夠大碗，而且豬扒炸得都鬆脆可口滑蛋甜而不膩！小食就點左自家製煎餃子（6隻），餃子煎得好香脆，而且亦好juicy!最出色莫過於呢碟串燒雞翼！真係燒得好香脆多汁！而且味道好入味！亦好嫩口～好正！臨走仲見到門口有呢架咁可愛的多啦A夢夾公仔機

很有驚喜的日本餐廳，我與朋友到這間日本餐廳食中午飯。 我哋一入舖頭 ，看到很有味道嘅日本裝修，感覺好像到了日本當地一樣😍當我哋打開菜單嘅時候 ，菜單設計也很有日本感覺。 菜單嘅選擇種類也很多 ，有便當有拉麵，有很多不同嘅小食 。我哋點了一個海鮮拉麵 ，味道非常之濃郁可口， 海鮮也非常新鮮 ，用料非常豐富 ， 拉麵很彈牙。另外一碗拉麵係蟹棒拉麵， 拉麵也非常之濃郁可口， 很彈牙 。我哋有點幾款小食，有燒雞翼，皮脆可口 ，非常好味 。我哋亦都點了燒牛舌 ，牛舌入口即溶 ，淡淡香味 。我哋亦點了燒雞軟骨， 雞軟骨也非常香脆可口， 燒得非常之脆脆卜卜。燒三文魚頭 ，三文魚亦都非常之香口 。這裏的燒物非常之美味 ，拍得住日本地道風味，食物食過返尋味，下次一定要再來 ，充滿驚喜的日本餐廳。