元気寿司 (上水中心)

營業中

休息中

5月16日，遙距取了一人票，到店看到有一個單獨的空位，向店員查詢是否可以入座但被否定(不止一次同類經驗)，在門外等了20多分鐘，期間有關空位仍然空著，到我的時候我被帶到上面說的同一個空位上坐下，真不明這是什麼安排。此外，帶位的店員，面如死尸，毫無表情，也不要說什麼熱情招呼了。可能我已經是老顧客，不需要招待，店員帶我到位後便速速離開，讓我自生自滅。食物 : 元氣的食物品質是相當不錯的，最喜歡就是它的sushi米，很有日本的風味。魚生sushi : 水準不錯，但種類不是很多。也不多元化店員服務態度 : 面如僵尸，毫無服務可言，非常差這次經驗之後，我轉去了同區另外一家sushi店，真的最怕比較，別人這店門前雖然排滿客人，但店員仍然笑容滿面，態度熱情有禮，雖然等候需時，但多樣化和高品質的食物，熱情有禮的服務，絕對會讓顧客再次光臨，果然每次走過這家sushi店，都是排滿等候入座的客人，元氣sushi 一直是我喜歡的食店之一，但今天看到元氣的服務態度實在是為僱主倒米。希望元氣能有所覺悟，了解當前環境而做出適切改變。

推出咗三文魚祭 有來自塔斯曼尼亞嘅三文魚壽司 因為環境得天獨厚 所以帶有獨特的濃郁油香 份外甘香肥美 而且營養豐富 澳洲優質無污染水域生長 魚質保持到一定嘅鮮嫩 鍾意食三文魚嘅一定要去試吓😍🐟極品厚切三文魚腩塔斯曼尼亞三文魚魚腩油脂豐富、入口即溶 於味蕾間散發鮮美而不膩的鮮甜三文魚味道👍🏻🐟牛油味噌燒極品厚切三文魚面層輕輕掃上日本味噌醬及蒜香牛油調製而成的醬汁後炙燒🔥豐腴既油脂香 再灑上自家製七味米紙脆脆作為點綴 香脆口感配搭軟嫩 食完好想再encore！🐟洋風極品厚切三文魚在軟嫩肥美的三文魚上放上紫洋蔥、牛油果及鹹香芝士🧀️綿密又清爽 好有西式既風味～🐟極品三文魚生春卷以米紙包裹清新爽脆的日本水菜和黃椒 卷上軟糯的牛油果和三文魚刺身 配搭酸甜開胃的日向夏沙律汁 清爽又清新！🐟洋風極品三文魚刺身 (香蒜蕃茄風味)極品三文魚刺身配上清爽蔬菜和特選醬汁 一道如西式沙律一般的三文魚刺身料理 以香蒜蕃茄風味爲你帶來豐富惹味的獨特三文魚體驗🤣‼️

角落小夥伴x Genki Sushi 又有cross-over，除左有特別壽司+甜品，仲有一系列超萌精品～即刻衝左去食!!餐廳內外都有好多角落小夥伴裝飾，周圍都好有feel，仲有限定menu，當然係小朋友才做選擇，全部都試試先～🎀芝士蟹柳粟米蛋奄列有炸蝦尾個樣印係蛋奄列上面，超可愛!! 蛋奄列中間有超多芝士蟹柳粟米餡料，大人細路都中意～🎀三色腐皮壽司有三文魚沙律+粟米沙律+飛魚籽粒粒，超豐富!!🎀芝士冬甩串入面有流心芝士，出面再點點芝士醬，芝士控必點～🎀炸蝦尾&蜥蜴甜品杯食完白桃味啫喱仲可以帶走個杯，個杯超可愛呀為左換角落生物，食完又食，食完再食呀😈

又出角落小生物限量版便當啦！識食一定是買外賣，因為佢個紙盒都好靚🥰期間限定連食物上都會有小生物的圖案，好萌呀！有公仔喺上面特別好食😋個餐有小食（蟹籽沙律&紅鱈蟹忌廉餅）、主食（炸豬扒飯團、玉子蝦尾壽司、皇帝蟹柳、 北海道玉米軍艦、青瓜卷）和甜品（迷你泡芙），飲品: 青森蘋果汁。話一人份量，但食完都幾飽。加錢買埋個吉士布丁，食完甜品個公仔仲可以裝飾，質量好好，好得意😍還有一本精美小簿冊，買滿指定金額加錢換購掛飾。

無蟹不歡的您看過來，今日我地就去左元氣品嚐松葉蟹料理，餐牌上面通通都要點啊！松葉蟹海鮮蒸蛋超級滑溜，面頭仲有甘香濃郁的蟹膏搭配蟹肉及鮮蝦，夾雜蛋香拌勻黎食到我舔舔脷！松葉蟹牛油果花卷除左食到蟹肉外仲有晶凝通透既三文魚籽、順滑牛油果🥑再把紫菜包起整件壽司食好超鮮味！松葉葉蟹豪快盛係大葉上面放滿蟹肉，大葉獨特嘅味道估唔到同松葉蟹肉咁夾！松葉蟹棒壽司真係連豉油都唔使點，蟹捧啖啖肉食落夠鮮甜！另外仲叫左松葉蟹軍艦分別用左牛油果，黑松露沙律醬及蟹膏配搭鮮甜的松葉蟹肉，一次過試到不同味道，滿足唔同口味嘅您！夠哂豐富呀！您地都快啲去試下季節限定極盡奢華的蟹肉滋味盛宴啦！

❤️炙燒神戶牛 個燒汁好好味，薄片神戶牛牛肥瘦適中，有油脂香得黎又唔會太肥膩🧡火龍卷 好肥美大件鰻魚放係牛油果x玉子飯卷上面，一大大啖幾重滋味好滿足rrr💛 活．赤貝 有2件赤貝壽司+1件赤貝裙邊軍艦，橙紅色好有光澤既新鮮赤貝，好鮮甜💚岩手縣產炙燒黑椒秋刀魚 當造既秋刀魚當然係好肥，輕輕炙燒之後有微微既焦香，正rrr💙炙燒牛油熟帶子 帶子好有香草+牛油味，次次都必食P.S. 頭4款新出既秋旬之食材系列壽司，要趁秋天期間先食到架～

自25/12光顧完旺角新世紀分店，大失信心所以我都係去返經常光顧的上水分店，果然冇令我失望除咗服務好，食物新鮮之外環境坐得舒服。他他醬白魚天婦羅壽司炸粉適中唔會太厚，恰到好，最重要唔油好明顯係即整。點餐後一陣就已經好快有，唔洗等好耐。蟹籽沙律壽司，青瓜都係keep 住凍，食完好fresh.....紫菜仲係脆明太子醬唔會太多，而且唔腥，色澤都好新鮮。野菜天婦羅，炸粉夠乾身，外脆內暖，有兩件茄子🍆，兩件南瓜三文魚腩壽司，入口鬆化黑椒炙燒三文魚，香濃的黑椒味👍炸軟殻蟹卷物，飯質一夾唔會散，燒辣辣的蟹好正呀濃濃的牛油炙燒蝦，正暖暖的鰻魚配上鰻魚汁，正呀點少得炸蝦卷，每次都必食留意到職員好似轉左，服務更好，又快，值得繼續再光顧，停不了同埋唔同店舖都會有唔同既質素。都係光顧好的一間就夠。

我個人鐘意食日式野， 當中最常同朋友屋企人食嘅就係元氣壽司。 元氣壽司嘅質素好高， 味道很好，衛生環境亦都唔錯，可惜價錢就有少少高， 因此我都係間唔中嚟食。 我個人覺得元氣壽司係咁多間香港見到嘅壽司連鎖店入面最好食嘅， 因此極力推薦大家來食。炸蝦卷係我最鍾意食嘅每次同朋友嚟我都會叫幾碟， 口感非常好，唔似食緊粉咁樣，食完會想繼續再食炸雞軟骨十分美味， 加上檸檬汁更增色不少，可惜份量有d細。元氣畀我嘅印象係好衛生，三文魚亦都好新鮮。最多人叫嘅就係軟殼蟹手捲，真的很高質。 每次食完元氣壽司之後總會想再返嚟食， 即使個價錢唔平，但係都覺得食物嘅質素係值得比咁嘅價錢嘅

上水元氣壽司是次次來親都要排隊， 好彩有得用手機apps預先排隊。 真係方便咗左好多。講真是從呢度裝修左之後。有個架電子列車喺度送壽司， 次次放親假個女都話要食元氣壽司。次次來親一定會食 炸蝦卷軟，殼蟹手捲，三文魚壽司，芝麻八爪魚，燒三文魚壽司，同埋個囡好鍾意食玉子壽司。次次架車嚟到個女都喺度歡呼，話我要，我要，我負責攞，同埋又要負責叫架車返返去。 完全係喺度一邊玩車車一邊食壽司，平時食飯又唔見佢食咁多😅大家一齊食飽飽再去第二度玩。

元氣壽司大家食得多，味道依舊，沒必要特別再陳述。但元氣既抺茶千層蛋糕大家又有無食過？如果無，下次不妨叫黎試下，為一餐飯劃下完美句號😋😋😋.🍵抺茶千層蛋糕 ($19)🍵千層蛋糕製作出名繁複，一層一層蛋皮製作花費時間絕對不少，外面餅店一件千層蛋糕，價錢$30-40起跳是常見之事。而元氣的抺茶千層蛋糕只需$19，絕對是物美價廉。🤩🤩🤩.一件抺茶千層蛋糕共12層抺茶蛋皮，蛋皮當然比不上外面貴價的千層蛋糕般薄，但口感濕潤，q彈，對得起這個價錢👍🏻 每份蛋皮之間夾附著濃郁的抺茶味吉士醬及紅豆餡。整個蛋糕吃得非常滿足，個人曾經吃過元氣的原味千層蛋糕，但個人認為抺茶味遠比原味出色，蛋皮及吉士醬加入抺茶，不單解膩，抺茶天然的苦味亦平衡了紅豆及吉士醬的甜度，推薦！

元氣用手機點餐，坐低個陣店員會問你有冇用過手機點餐，如果你話冇佢都會好有禮貌咁幫你整完教你用返點樣點餐，咁大約係1430-1630有幾個lunch set ，可以黎一試！五件唔同既壽司，蟹棒超大舊，灸燒系列都係好香，但不能期滿太高，不過不失啦。配埋個綠茶冷面仲有炸魷魚，綠茶面係唔會煮到好淋，加埋佢放左冷面汁，不過個冷面汁就少左啲。炸魷魚係椒鹽口味。

為左兩個細路開心🥶天寒地凍都要去食壽司🥶就係為咗架壽司嘅火車😅長期排隊嘅元氣好彩今日天氣凍唔使點等位海膽今日尚算新鮮 迷你鰻魚丼飯真係好迷你拎到黎嘅時候我哋全部人都呆左之後爆笑左出黎😂😂都唔夠我老竇個攝牙😂😂兩啖就K.O.左成個飯😂😂之後再要補多幾件鰻魚壽司補補數😂👇🏻送來嘅時候已經散咗掛住食好多嘢都唔記得影相😅🎈提一提大家記住臨走埋單嘅時候記住要check 一check 張單 因為我哋都有三款野 係冇送黎但有收錢😓

Personally, i like japanese food. This restaurant really suit my taste. The sushi here is quite normal. The staff here are very nice too. I really like the decoration here. It is very modern and japanese. The drinks here are very good too. I would recommend my friends to come here.

去上水食壽司就會食元氣，佢仍然係咁多人排隊，等左成個鐘，但想食就係要等每次去親都要叫魚頭湯，仲要一坐底就叫，因為好快冇晒，魚頭湯有少少鹹但好味道墨魚壽司有少少淡，唔知係唔係沖左水?炸雞粒份量好多，食極都仲有，但雞粒味道偏鹹，食完要飲好多水先得火炙壽司好香，燒帶子唔會好韌，而且仲大大舊，燒熟蝦都好易咬得開鰻魚壽司唔會好腥，鰻魚汁的份量剛好，唔會蓋過鰻魚本身的味道，否則就只係食鰻魚汁煙肉鳥冬好香但份量有點少，佢好creamy好cheese，但正因為份量較少所以食完唔會覺得特別膩，都唔錯

自從上水開左元氣就多左去食壽司，但比起架車運送食物我更中意以前的迴轉我一坐底就叫左魚頭湯，因為唔快d叫就會冇晒，魚頭湯每次叫都好好味，湯唔會太鹹，而且料多炸蝦卷較大件可惜蟹籽唔夠多，如果可以再多d蟹籽口感會更好，炸蝦好脆燒三文魚送到尼都仲暖的，而且仲好香燒的味道，燒三文魚一定要即食，雖然有件凍左先食係冇太大問題，但熱食會更好三文魚刺身都算厚最後仲叫左芝士蛋糕，蛋糕好凍好硬，夠晒正，食完唔會好膩，可以再叫元氣真係好多人，6點排隊都要等一個鐘