元気寿司 (已結業)

平時好少寫食評，更加好少喺呢度直接讚、彈d餐廳，真係唔好食喺Facebook寫唱通街啦。但今日餓得滯入咗去元氣(TKO)，即係厚德商場打爛晒嗰間呢，由於事態嚴重已經好耐冇去食啦，竟然今日一入到去，服務態度超好，一個人都比我坐卡位，啲壽司好到冇得彈啊！比起前兩日食千両嘅性價比，有得揮！叫咗下邊呢度嘢食之後，你自己看看，又大件又厚身，仲好新鮮，好食抵食到冇得彈👍🏻👍🏻👍🏻左邊個蠔(赤燒黑椒蠔)，係我呢啲之前一個禮拜食一次元氣嘅人，第一次食到咁新鮮！我係經常都唔新鮮，唔脹卜卜，仲好細粒，所以寧願唔食！今次真係超級驚喜你睇吓個油甘魚厚度！又大件。睇元氣食到咁厚身又大片嘅鰻魚真係估唔到！後尾再加左三件，赤海蝦同吞拿魚，都係新鮮度冇得頂，見油甘魚唔使講啦又大又厚。 結論係除咗唯一可以彈，啲飯比起其他連鎖壽司店不嬲都係比較厚、多，搞到呃飽你，壽司真係比以前好食左好多！而且呢個價錢，最好嘅事而家完全唔使等位，鍾意坐邊就坐邊！正👍🏻👍🏻👍🏻無人，全場得3、4台

閒日晚市8點左右黎到完全唔需要等位迴轉壽司或者打卡位，任君選擇今次壽司🍣真係麻麻舊飯又鬆散，又細，好扁好扁！個玉子壽司舊蛋仲厚過舊飯好似成間鋪頭唔夠飯用咁🤷🏻‍♀️🤷🏻‍♀️🤔唔通佢係特登整細啲舊飯，令到感覺上舊蛋好似好厚今次叫左三文魚湯食壽司，飲啲熱野暖暖胃，會舒服好多~個三文魚湯係味噌湯咁，有幾件三文魚頭可以食下，鍾意魚既我緊係比like🤗🤗🤗🤗另外仲有幾片白蘿蔔，都好好味呀～廿幾蚊，都值既👍🏼另外，軟殼蟹手卷都幾好食個軟殼蟹炸得好脆🤤🤤值得一試

之前一大班人去朋友屋企玩，懶得煮又想食多啲食飽啲就當然去買外賣啦我地決定上網預訂比埋錢，然後再自取。整個過程都約一小時左右今次訂咗個派對盛B，包括有一份元氣A (有38件)，一份卷物盛(有36件) ，一份刺身盛同埋一份蟹籽沙律 。首先，盒元氣A 有三文魚、赤海蝦、熟蝦、北寄貝 、辛辣香蔥吞拿魚、脆蒜長鰭吞拿魚、帆立貝、螺片、蟹肉蟹膏軍艦、飛魚籽軍艦同甜蝦蟹膏軍艦。每款大約有3-5件，大家爭下爭下黎食。我覺得最特別最正都係個蟹肉蟹膏軍艦同甜蝦蟹膏軍艦啲蟹膏份量以個軍艦大細比例計都ok，而且幾鮮甜跟住盒燒物盛就有元氣卷、蟹柳卷、青瓜卷、波士頓卷、芝士鰻魚卷、炸蝦卷。當然呢盒野我最愛係芝士鰻魚卷同炸蝦卷。至於蟹柳卷同青瓜卷就係⋯⋯⋯無人想去食嘅有細路仔就岩啦呢個派對盛都唔錯，但如果個刺身盛有多少少就更perfect 了

以前仲緊讀書既時候會去堅尼地城補習，每次補完習都會去元氣叫個下午茶當夜晚飯，所以元氣對我黎講唔淨係壽司，係青春回憶！今次我留意到元氣轉左新壽司碟好cute，「吃飽才有力氣去減肥」「要努力工作，因為上司很懶惰」😹完全係我心聲1️⃣蟹肉蟹膏軍艦💰HK$10🦀終於！元氣終於出多d 蟹壽司，而且係真蟹肉！好濃蟹味，不過有少少腥2️⃣炙燒黑椒蠔💰HK$10🐚灸燒系列每次必點！因為我唔太食得生野，灸燒壽司好易入口，$10 都有咁大舊，好抵3️⃣珍寶皇帝蟹柳💰HK$10🦀唔洗多講，咁大條我都要堅持成舊擺入口一啖食哂，爽

Genki sushi is always my favourite sushi shops. Although it doesn't provide many many choices of food, the quality of them are best. My friends and I ordered different types of sushi and rice rolls tonight such as soft shell crab rice roll with salad sauce. This is always my favourite rolls and I'm highly recommend this. Another one is the seared salmon sushi with creamy sauce. This is a must to eat especially is very cheap. It's only 14hkd for 2 pieces. The fried shrimp sushi also taste delicio

Had a simple and quick late lunch with friend during weekday.Reasonable price, nice service and the environment is quite comfortable too.Like their tea set menu, only cost $50 , u can pick a Two small dishes like Japanese steam egg and a plate of sushi.

偶爾Lunch 都要食好D☺️ 今日同同事們去食壽司，原來元氣落單都轉左用QR code ，落完單無耐好快就到齊！我自己擇左SET A元氣定食，貪佢樣樣都有齊，有雜錦壽司、三文魚親子丼、湯烏冬、芝士薯餅、溏心蛋湯烏冬口感煙韌；親子丼、湯烏冬雖然用碗仔盛載，但其實份量都不少，食完呢兩樣已經飽左一半，再加埋什錦壽司🍣&芝士薯餅真係飽到上心口！幸運地當日撞正有折扣優惠，打左八折，呢個Lunch set 真係豐富又好味

星期一晚上 差唔多七點黎到 本身想去東港城果間 但係佢會員果張85折coupon指明要黎厚德依間 咁就黎左不過依間好處係可以坐到bb凳 但係就係因為擺bb凳 張凳好幾次比服務員 行過撞到 踢到 真係好恐怖 有次張凳直情踢到去左隔離枱 好在果陣bb唔係坐係凳So far野食都唔錯啦 一向既水準今次無食到平時最鐘意食既三文魚頭湯同埋佢地鋪有得scan ar code自己落單 又快又邊便 同高速線果邊一樣 但感覺乾淨係比起東港城果間乾淨好多 上次去東港城果間 成枱都係魚子🤦🏻‍♀️

又係食晏時間坑口有兩間元氣壽司通常東港城等唔到位就會走過來都會好快有位燒三文魚壽司🍣迴轉壽司三文魚油出晒嚟🤤邪惡之選小朋友最愛竹輪卷湯烏冬湯底清清地烏冬保持水準有1.5舊竹輪卷加1.5粉紅色魚蛋飽肚之選厚燒玉子壽司厚厚既玉子食落甜甜地小朋友最愛又有營養🐚炙燒牛油熟帶子熟食之選好香牛油味🦐炙燒牛油赤海蝦兩個都非常之香牛油味海蝦算新鮮水準一直保持仲有叫咗個飛魚子手卷唔記得咗影相😂👩‍👦一大一細買單都係百零蚊會員仲可以儲埋分

元氣既下午茶餐又平又好食有三款食物都係＄60左右多春魚多春魚有三條，炸得好香脆表面有少少紫菜，好香口粟米天婦羅有驚喜！好少見到有炸粟米，炸完個形仲好靚，幾特別粟米有咬口、鮮甜，外脆內軟，好得意炸蝦卷食元氣必點天婦羅外皮好脆，蝦肉爽口壽司好中意元氣既壽司飯，溫度、味道同口感岩岩好三文魚同甜蝦都好鮮甜我就最中意火炙壽司燒到表層既油香出哂黎仲食左茶碗蒸同朱古力蛋糕整體食物質素高，環境都舒服幾十蚊食到咁多野性價比好高食到好飽同朋友黎食下tea傾下計一流

大約9點幾入座，本身用手機app攞咗飛等緊同樣喺將軍澳既元氣高速線，但要等30幾張枱。係誤打誤撞既情況之下經過依間元氣，見冇人等緊就入咗去！今日上菜速度好快，可能因為人唔多。食物整體水平都唔錯，但今次唯一覺得美中不足既係佢個千層蛋糕唔夠硬身。如果可以雪硬啲有啲口感就會更好！每次去元氣都會叫千層蛋糕，因為佢個千層蛋糕喺依個價錢（$19）有依個水準的確唔錯。性價比超高！大家都可以一試。除咗千層蛋糕之外，佢個軟殼蟹手卷都值得一讚！紫菜同軟殼蟹上菜之後都唔會凍咗同淋咗！👍🏿👍🏿👍🏿👍🏿

一行三人食元氣九點入座 唔洗等位 可惜冇牛肋骨同左口魚灸燒黑椒三文魚仍舊好味必食軟殼蟹手卷 太心急 冇影相軟殼蟹多膏 即炸 包得好就算食到尾都仲有軟殼蟹軍艦即包 紫菜脆口 不錯炸墨魚咀夠熱 夠味海膽新鮮

呢輪打得火鍋多，好想食返d簡單的嘢，今餐食壽司，有我最愛的赤海蝦，幾爽囗；螺片清脆可口無腥味；小食有螺肉，味道可口又夠凍；熱食想飲三文魚頭湯，有兩舊魚頭，可以食埋d肉，啖湯夠晒味，但略縑油左少許，好在夠熱，飲完都半飽！今餐簡而清，腸胃無投訴

屋企今日冇飯開，又係自己一個外賣回家開餐既時候。好耐冇食壽司，一於就揀元氣！三文魚手卷、吉烈豬扒手卷、炸蝦卷--元氣既炸蝦卷真係人氣no.1，香脆之餘再加埋沙律醬，仲有d飛魚子粒，口感豐富。三文魚亦夠新鮮，吉烈豬做成手卷，感覺冇咁油膩！

想食壽司都會揀呢間，一來分店夠多，二來本身係會員，食嘢有得儲分當錢洗！ 壽司選擇都算多，睇下呢盆，樣樣都喜愛特別喜歡赤海蝦，蝦算幾爽口，一啖一舊；亦都推介螺片，夠晒爽脆，每件$10， 抵食而軍艦壽司就喜愛粟米及蟹籽沙律，兩款都好味最後當然唔少得叫碟前菜螺肉，味道唔錯，加上螺肉爽囗，亦有靑瓜粒伴食！