元気寿司

營業中

休息中

我地又去左Momo搵朋友食飯下午茶平日唔洗等位三文魚刺生 厚厚地 真材實料 幾好食㗎今次加埋辣味三文魚手卷 啖啖肉 微辣 好味呀烏冬唔會好咸 啱我bb食有bb chair提店舖服務員好好 有禮貌

好耐無食🍣而且依間更加未來過, 因為早左去拿位, 所以只係等左2,3張枱, 不過QR Code点餐, 訊號就收得好差, 已經唔係坐最入😁 之後要用商場網絡先成功, 点左唔係好耐, 各款壽司🍣陸續送上, 用火車載住一碟碟壽司🍣, 再停係你面前, 感覺好治療💕, 而且每次都喜歡看碟上的文字🤭, 每款壽司🍣食材都好新鮮, 有些特別少少的壽司🍣, 擺設更加精緻🥰, 蒸蛋有足料海鮮🦐🦀🦪, 又夠熱又夠滑好味😚 湯烏冬🍜正常味道, 湯底應該是壽喜湯, 而且係我喜歡的稻庭烏冬🍜, 還有食到我喜歡的酸薑, 食少少幾好, 但茶粉的味道就一般, 唔係太濃, 個件甜品是限定出, 有驚喜幾好食😘😋, 食左出來就見到人排隊了🤣🤣

下午2點食元氣都多人 要等位建議網上排隊 假如有會員掛住食都無乜點影想 元氣一向三文魚壽司比壽司郎好食有魚味螺片又大塊又爽口炙燒左口魚油脂味香濃😋呢幾款都係我必叫最緊要係我帶埋仔仔去有bb櫈 可以舒服咁食小朋友食嘢好亂 員工都好好 幫我地收拾服務真係好

平日下午5:30前有下午茶，見到佢有四個set揀，$60左右就包5款壽司、小食、熱食，仲可以以優惠價加配小食，咁抵梗係要食啦壽司盛D $55內容包括：燒汁牛肉、炙燒珍寶皇帝蟹柳、厚燒玉子、蒲燒鰻魚、炙燒黑椒三文魚小食：蟹柳🦀熱食：茶碗蒸追加：牛油果鰻魚手卷 $13比平時平勁多，仲要有呢一個唔係好多生野嘅組合，啱晒鍾意食熟食壽司嘅我😂而且呢個鐘數冇咩人食，座位闊落舒適👍🏻店員唔會趕你走，任得你慢慢坐🙈

星期六去旺角行街新世紀廣場出，就諗住喺呢度食咗嘢醫肚先！今日超多人呀，成個旺角都，正lunch time 1:30左右周圍餐廳都仲係勁多人！壽司郎要等百五個位，想食嘅我即刻周圍拎飛，元氣就等幾十個應該好快！行完一齊出嚟都淨係等多10分鐘左右！卡位就冇啦，不過都坐得舒服鬆身㗎即刻嗌啲平時食開嘅蒸蛋帆立貝同埋勁想食嘅海膽！海膽$27嚟講合格！不過可以慷慨少少🤏帆立貝諗緊要唔要黑松露，因為太肚餓，所以好啦要少少沙律醬黑松露，超級正呀，加一蚊都值得蒸蛋都好好味，不過男朋友唔係咁鍾意面頭嘅蟹膏 然後因為男朋友太肚餓亂咁叫，又叫咗個海蝦海膽同我哋食嘅嘢有啲相似😂🤣想食飯嘅可以嗌加州卷整體嚟講上菜好快 肚餓嘅話好好呀！快過馬鞍山嗰間好多，唔知係好彩定係咩🤣🤣

為慶祝家中领導嘅生日，指明要食得“清清地”，於是去了位於Moko嘅元氣分店。已經係平日8點多，仍要等15分鐘才入座。實践民主精神，各人自己用手機落單，選自己喜歡嘅壽司。先來軟殼蟹手捲，新鲜炸好脆卜卜。再來海膽壽司，颜色亮麗味道香滑。整體食物水準稳定會再來。

元氣出咗幾款期間限定嘅新款壽司 🍣 都幾好食😋#帆立貝花之盛帆立貝砌成靚靚嘅花蕾 
上面鋪上一層紅鱈蟹肉，口感柔嫩，飛魚籽增添口感#醬油蝦味道鮮甜，帶出獨有鮮味，配上青椒點綴，帶嚟微微辛辣嘅味覺👍🏻#昆布漬平目～北海道產平目魚柳肉質結實，而昆布香氣滲入魚肉當中，令魚香更加濃郁#炙燒四重芝士珍寶虎蝦肉質結實彈牙、味道清甜嘅虎蝦，上面香脆嘅豬肉紙增添口感，黑胡椒調味同香濃芝士醬完美混合，超美味#藁燒鰤魚配醬油脆蒜  以傳統藁高溫炭火燒稻草燒烤表面，經香烤過的鰤魚，配上脆蒜芝麻醬油， 濃郁滋味#鰻魚奄列蛋香濃嘅奄列包裹著肥美軟嫩嘅鰻魚片，加上濃厚美味四式芝士醬，風味十足，大人細路都一試愛上🤍#脆辣吞拿魚卷微甜醬油加上微辛吞拿魚粒，令味道份外惹味，再加上松子，令口感更豐富

疫情下冇得去旅行，呢一餐一等就等咗2年。第一波爆之前仲去咗一轉日本，諗住疫情一過就去當地再食最新鮮嘅龍蝦之王- 伊勢龍蝦！一等就2年，仲要等幾耐。。。。食完刺身waiter會問你要唔要煮埋個蝦頭，識食一定會，因為感覺同印象分都滿滿！一路食一路睇Menu，又俾佢吸引到。話晒都係時下特產直送，幫襯一隻。一隻好啦，我就覺得，口感一樣，但就無咗當地嘅氣味，或者呢個就係蒸一隻同蒸一鍋嘅分別例牌野都係個句，水準啦。不過服務真係幾貼心，行過都會留意到洗唔洗加水之類。

疫情嚴重還是外賣啦⋯今日叫咗個特選壽司盛C，承惠$158，有三文魚子、帆立貝、牡丹蝦、甜蝦、帶子等⋯ 每款都有1-2件，品質唔錯，都好新鮮！另外又叫咗加州手卷$23/件，同軟殻蟹手卷$32，味道中規中矩，紫菜特別脆，正！最後一個細卷物盛B，承惠$91，呢個就比較普通咗，下次可以唔使再試⋯

聖誕節一家人小聚，小小聖誕party每樣買少少，等大家可以食得開心壽司懶得諗就直接買左✨人氣壽司盛✨🌈大切三文魚、長鰭吞拿魚、日本鯛魚、油甘魚、螺片、赤貝、北寄貝、帆立貝、赤海蝦、蒲燒鰻魚、甜蝦、炸蝦卷、腐皮、厚燒玉子各有各喜好，咁就岩岩好。壽司好新鮮。帶子肥美，好鮮甜。赤蝦好大隻，好彈牙螺片爽脆彈牙。赤貝好鮮甜爽口。

晚上相約了朋友到元気寿司相聚，用了應用程式先取票節省不少時間，近年元気寿司已經用了高速線新幹線送餐取代了舊有的迴轉壽司帶及手機下單，安全衛生同時確保新鮮，方便又快捷。馬上點了最愛吃的帆立貝壽司，一整顆的帆立貝很厚身，淡淡的鮮味很鮮甜彈牙筋子壽司，十分多橙色晶瑩剔透的筋子，細細顆很鮮甜，脆卜卜，味道甘甜蟹肉蟹膏壽司和甜蝦蟹膏壽司，甜蝦很鮮味，蟹肉份量多，主角蟹膏味白影濃，食得出的鮮味，推介！海膽魷魚軍艦壽司，口感十分不錯，香滑的魷魚配上香濃的海膽這組合令我再次加點了它油甘魚，新鮮肥美，入口即溶，油脂恰到好處地充足，質感細滑，加上點點鼓油已足夠炙燒系列也很好，牛油蒜蓉火灸蝦晶瑩剔透，加上許蒜茸及牛油一起燒，香味撲鼻！蒲燒鰻魚壽司同樣出色，肥美加嫩滑，配上元氣特製鰻魚汁，好吃！炙燒黑椒三文魚，三文魚油脂炙燒過後很香滑，明太子跟黑椒及沙律醬很夾日式海鮮燉蛋，配料十足，有帆帆立、蟹肉棒、香菇，蛋的質地蒸得非常嫩滑，口感豐富水準保持，這餐很滿意，期待推出更多款式和口味！

今次同朋友到新世紀廣場的元気寿司，方便快捷的高速線和手機QR Code落單。 今晚都食咗好多款壽司🍣， 燒珍寶皇帝蟹柳、 蔥香油甘魚、 蟹肉蟹膏、 赤海蝦、 帆立貝、筋子、 大拖羅、 元氣卷，熟食有牛肉烏冬和 三文魚湯。 覺得近期元氣壽司的水準進步了， 新鮮又好味咗， 尤其是大拖羅味道鮮甜，蔥香油甘魚 都好美味。 反而牛肉烏冬 味道好淡， 三文魚湯真材實料好飲。元気寿司地址: 旺角太子道西193號MOKO新世紀廣場5樓505A號舖

今日約左朋友出嚟行吓街，行完一田覺得有啲肚餓，唸緊食乜好？在一田出到嚟見到間元氣壽司🍣，又冇人排隊，所以就食呢間，因為我好怕好好多人排隊，服務員都係得1、2個，因為其實都係掃QR code落單，所以吾使人帮手寫野，所以都OK既，價錢中上，味道新鮮，二人消費$265

平時也會到其他地區的元氣食野，質素都唔差， 經過旺角便和和家人到旺角新世紀這間分店食午餐，等了十五分鐘左右，假日來講算比較快。環境：一入到去好焗，無冷氣一樣，到食左一陣先有少少風，差唔多走時交好多人入到店舖，當時又再次熱同焗，我更聽到剛入店的客人都講好熱...出乎意料服務同食物都比較失準.....炸蝦卷保持到一貫水平，好食炸粉唔油，前後叫左兩碟。炸軟殻蟹一夾d飯就散晒，但味道都ok.食咁多次，今次食到明太子醬好腥完全唔掂北寄貝軍艦，都keep 住，北寄貝夠凍，夠彈牙牛油味都夠，蝦質感爽口，炸魷魚鬚好油，油到一夾魷魚同炸粉分開，入口成啖油。我第一次唔油乾爽好食，今次食完都要再考慮表面仲係吸晒油仲有天婦羅皮都好油，蝦同粉分開，由於太油所以唔再食皮。薑味道ok。食左咁油的食物諗住食薑解下，但由第一次落order 前後等左半個鐘。已同職員講左，但都係未到，我再問職員，再等一陣先比，有無一句都可以講。讓人不用白等不同分店的食物都有分別，這間食完一次就停停。仲有我有VIP 積分，每次都有問，今次無問，好趕時間咁相反我叫返經理扣埋積分。服務有點差...這間試一次便夠

放大假的日子又成了「孤獨的為食家」，一個人走著走著想到最好消磨時間的就是「元氣」，因為沒有人會催逼，下午茶時段食客不多，又因應疫情坐位相隔遠，自成一個小空間，還挺自在的。迥轉壽司店都用上APPS點餐，用高速火車送餐，現在大家都用習慣了。我喜歡分幾輪點餐，慢慢享受「慢活、慢食」的那刻。通常第一輪會點一些新品推介、季節限定和特價推介。第二輪就是每次必點的壽司、前菜或者湯類。第三輪通常已經飽了一大半，所以會點剌身和甜品。不過，有時沒有太多想法的，想食什麼就點什麼，這也是一種小確幸。其實一直以來元氣都沒有令我失望過，食材尚算新鮮平價，味道雖沒有說得上超好食，是滿足到偶爾想食壽司的心情。