元気寿司 (銀行中心)

營業中

休息中

帶住小朋友想食壽司通常都會揀元氣，因為佢有好多小朋友可以食嘅熟壽司，仲有好多唔同嘅飲品同埋甜品，而且每期都會有啲唔同嘅款式壽司可以選擇，不過每次等位嘅時間都比較長…每次都要早啲攞飛！

今日有遲咗食lunch，小有食到下午茶！原來而家可以自選六件壽司，加小食，再加熱食☺️自選壽司更貼近自己心水，火炙三文魚同埋赤海蝦蟹膏軍艦係最重魚脂同鮮味🥰反而吞拿魚蓉好林，紫菜都好林，唔太新鮮😣另加咗蝦刺身，彈牙鮮甜，不錯。食左隻之後先記得影相😂幾鐘意個8爪魚丸，外皮脆，入面熱辣辣有咬口，做得幾用心，比起好多地方做得好，值得表揚一下。烏冬依然彈牙，不錯。$91食到咁多嘢，性價比高得嚟，都幾滿足嘅。

每一次無從選擇嘅時候，元氣壽司都係一個好嘅選擇，好少令人失望。尤其最近逢星期三，元氣壽司都有銀會員感謝日，八折真係好抵食呀。今次食咗好多好鍾意嘅壽司，包括炙燒牛油赤海蝦、炸雞翼———佢嘅炸雞翼外脆內嫩，好Juicy👍🏻、炙燒黑松露帆立貝、蔥香珍寶熟帆立貝♥️，這次沒有叫刺身，每一次食蔥香珍寶帆立貝都覺得好幸福😂，仲有叫其他嘢食，都好唔錯，但係以上呢啲係比較有感受嘅～最後尾聲嘅甜品，必食海鹽檸檬焦糖芝士蛋糕 及 柚子雪葩 ～被耽誤了的甜品鋪😂今日要讚一讚有一位服務員好細心，見到我隻手攞完鰻魚手卷，充滿笑容同埋好窩心咁俾咗兩張濕紙巾我地～

天氣轉涼又驚食太多生冷野可以叫個三文魚湯暖胃再食推薦新出呢個柚子胡椒醬油吞拿魚柚子味好重 絕對可以刺激你味蕾鍾意食吞拿魚嘅唔可以錯過下午都冇乜人 靜靜哋簡單當下午茶都唔錯

今晚約左朋友食元氣🥰見到推出「黑白祭」新餐牌😬今次主要以我喜愛既左口魚及鰻魚為主題😉即刻叫黎試下先😊🧡我地叫左極上厚切鰻魚壽司🍣一片厚實鰻魚放係醋壽司飯上🤗增量足足一倍既鰻魚完全遮蓋了壽司飯架😎口感絕佳🤤🧡鰻魚蛋他他軍艦🥰配搭紫菜和元氣雞蛋沙津他他醬🤗蒲燒鰻魚食落有帶點酸酸甜甜味道😉我鍾意淋上附加香甜鰻魚汁😬令味道層次增添不少😎🧡炙燒左口魚裙邊經過炙燒令魚油迫出帶焦香😍魚肉入口即化口感鮮嫩😍 魚油甘香細膩🥰讓人胃口大開要再Encore🥳🧡鹽蔥醬油左口魚裙邊打開蓋就傳來鹽蔥香氣🤤包住中間紫蘇葉與鮮嫩口感左口魚一口咬下😊鮮味十足 🥰另外兩款左口魚裙邊軍艦及鰻魚芝士脆卷剛巧售罄🥲今次新Menu’s 咁豐富🍣中秋再約埋朋友一齊去元氣歡度中秋先😬順便攞埋個燈籠返屋企賞月🎑🥰

自從核廢水之後，無乜食日本嘢，今日要去旺角銀行中心攞嘢，要食個快嘅午餐，所以去咗商場裏面唯一間快嘅食肆，就係元氣壽司。佢話啲米係日本產，但係例如三文魚全部用挪威嘅魚。午飯時間，12點幾，全程冇乜人，可能旺角太多食肆選擇。我叫咗日本鯛魚，蔥香油甘魚，鹽蔥拖羅，蟹肉蟹膏，赤海蝦蟹膏，墨魚，螺片，辣味三文魚，柚子胡椒鰈魚同埋炙燒牛油赤海蝦。埋單$176.70。蔥香油甘魚最好味，但係總括嚟講，啲飯嘅味道有少少怪，對比起其他元氣壽司分店，好似太淋嘅感覺。

晚上帶倆豆丁去左新世紀廣場5樓的元氣壽司，提前係app度優先取票，方便又快捷去到就有位⋯⋯坐低就見到面前的poster有新野出，梗係要試一試啦～依家可以直接係app掃二維碼點餐，見到今日有半價壽司-赤海蝦蟹膏軍艦半價後七蚊好抵食！自己就點了一份黎試，而新產品都幾吸引下，珍寶蟹柳天婦羅，豪快辣味三文魚🍣和珍寶螺片等等，全部叫係碟～兩個小朋友依然係蒸蛋，炸蝦壽司，粟米壽司和甜品朱古力泡芙，吃得好開心7點半吃完見到門口已排了唔少人⋯⋯

不時不食，食咗秋天期間限定 旬の味覚 幾款壽司🌸帆立貝花之盛 帆立貝飽滿彈牙，紅鱈蟹肉有光澤，飛魚籽增添口感同鮮味🦐醬油蝦口感厚實彈牙，海蝦鮮甜中又有辛辣感🐟昆布漬平目🙆‍♀️食後感：平目魚肉質結實有嚼勁，魚香濃郁突出🧀🦐炙燒四重芝士珍寶虎蝦虎蝦肉質結實彈牙，入口清甜，過後散發香濃惹味「芝」味

元氣算唔算係香港壽司始祖之一呢其實🧐今日晏就黎元氣食少少野貪佢就腳 又唔係太餓 食日本野岩岩好-畢竟係單點 份量都不錯刺身夠厚牛油果三文魚嘅三文魚有少少硬三文魚湯16$又幾抵飲～黑松露薯條好邪惡但幾好食雞軟骨都不錯但二選一會揀薯條-佢地嘅碟 上面嘅slogans 都好盞鬼

今日又係壽司日，點解咁鍾意食壽司呢，因為除左有舊飯之外，其餘大部分都係魚生，自我感覺都算比較健康。今日星期六，同屋企人去食位於旺角銀行中心既元氣壽司。.🍚 軟殼蟹手卷我敢講元氣壽司既軟殼蟹手卷絕對係世一，其他壽司可能麻麻地，不過佢既軟殼蟹手卷炸得好出色，加上獨有醬汁，係真係好好食。.🍚油甘魚刺身，長鰭呑拿魚刺身油甘魚刺身叫左兩次，第一次俾啲頭頭尾尾，好難睇，味道係可以既，第二次就正常返。長鰭呑拿魚刺身切得超級薄，另外解凍做得唔好，霉霉爛爛咁，味道一般，好失望。.🍚帆立貝用apps 落單明明寫巨型，點知都係正常大小，性價比好差。.總括然而，好壞參半，一分錢一分貨，黎過吓癮都可以，諗住食好野就不了。

每次同朋友諗唔到食乜就會去元氣 主要係好方便 有期間限定 可以試下新野今次見到期間限定餐牌係海老祭 好多款式都係蝦蝦蝦 天使海老大隻海蝦口感豐富，肉身好鮮甜，炸好的蝦頭野味脆口 - 期間限定蝦貝三點(螺片、赤貝、甜蝦)一次過滿足曬三個願望 最適合叫三點三點 (甜蝦、赤身、長鰭吞拿魚)吞拿魚長鰭吞拿魚比較喜歡吃長鰭吞拿魚 口感軟化 好有鮮味炙燒黑松露帆立貝每次必食大大隻帆立貝 這一款炙燒質更加軟滑 仲有好濃郁黑松露香 甜蝦蟹膏好鮮甜蝦味 配上濃郁蟹膏味 必食蟹肉蟹膏好濃嘅蟹味加上蟹膏 絕配凱撒海老玉子堡期間限定款式 玉子裏邊包住飯同甜蝦 仲有凱撒醬 好好味燒三文魚鮫燒得好香的三文魚鮫 肉質好嫩有魚油香 我比較喜歡另外叫走鹽 味道更加原汁原味

本鮪大拖羅(一件) $25好味指數 4/5 🍭🍭🍭🍭{大拖羅味道新鮮 油份十足但又不會太膩｝特大赤海蝦(一件) $16好味指數 4.5/5 🍭🍭🍭🍭🍬{赤海蝦比平時大而且肉厚 肉質鮮甜｝海鹽檸檬焦糖芝士蛋糕(一件) $19好味指數 3/5 🍭🍭🍭{底部既芝士蛋糕係平時元氣都有既 今次這款新既 就係上面加了海鹽 檸檬兩小片 脆口既焦糖 其實感覺不錯 但不算很特別｝青森蘋果芝士蛋糕(一件) $22好味指數 4/5 🍭🍭🍭🍭{這件蛋糕就有點驚喜 蛋糕入面有新鮮香口的蘋果肉 蘋果肉帶少少爽口但又唔會太硬 芝士蛋糕既芝士味就不算太濃 整體配搭很合襯}

出開旺角行街突然想食壽司, 見到呢間好似新開地方又企理.一於入去食番餐.安排坐係梳化座位特別舒適.梳化位舒適.到點餐時間, 三文魚, 三文魚腩, 炙燒三文魚都係必定點架啦,不過好老實質素真係麻麻, 反而吞拿魚三點就唔錯, 可以追加.三文魚質素麻麻炙燒三文魚正常, 未係突出吞拿魚三點正, 追加左2次軍艦幾好食, 飛魚籽一向都好食赤海蝦每次都必點黑松露薯條個醬冇乜黑松露味烏冬用黎飽肚用總括黎講呢間元氣壽司都係一間輕便用餐既好地方.唔會有種好迫既感覺, 可以輕輕鬆鬆嘆番餐.

原來元氣壽司真的像便利店一樣總有一間在左近。以前通常去太子新世紀商場那一間，但原來單單旺角已經有至少三間分店，包括始創一間，及這間在銀行中心的元氣，應該算是較新開的一間。元氣是最佳的親子餐廳之一，因為去元氣首先是地方較寬敞，即使不是坐四人枱也不會太迫，四人枱就更加一定舒服了。第二小朋友無論什麼年紀也有適合的食物，例如年紀尚細可以吃烏冬，也有熟的壽司例如蛋壽司。我兒仔六歲，但也不敢讓他吃魚生，仍是吃熟的魚。第三是環境裝潢有趣，像高速線送餐系統，小朋友必定覺得新奇。而從大人角度，用平板電腦點餐也實在方便，知道自己點了什麼，也容易計數。平均每人消費100元。