元気寿司 (東薈城名店倉)

營業中

休息中

一直都係元氣壽司粉絲嘅fans，因為壽司嚟講佢嘅衛生程度唔錯，同埋最鍾意就係佢嘅飛機運送帶，我個仔成日都間唔中冇時停，但每次嚟到元気寿司見到架飛機車就會乖乖地，事關佢要等架車嚟送食物俾佢🤣🤣吞拿魚同埋三文魚系列超好食，同埋種類都多，另外小朋友兒童推介每次都叫蟹柳卷熟蝦同埋皇帝棒，三碟就夠晒，我小朋友食得飽飽又開心，不過當然最後一定要叫多個朱古力泡芙咁就滿足啦。今日happy Friday所以一定要嚟happy一下。 另外佢限定推介期期都有一啲新出產品會有啲期待😚😙另外而家食個滿$180就會抽獎一次，我哋今次抽到個三文魚手卷🥳🥳🥳

今日去元氣見到有優惠，有個2:30pm之後嘅下午茶餐叫午後之自選壽司盛分開三個部份第一個部份可以喺24款壽司裏面揀六款款式除咗三文魚,其他都係啲睇落唔係太受歡迎嘅款😝同埋佢有時會有啲款式冇，就會改其他壽司第二個部份就係四款小食揀一款，都係熱食為主第三個部份係三款輕食揀一款，個人建議如果唔夠飽可以揀烏冬成個餐總共$60 不過由於你食完之後會覺得唔夠飽，所以你都會散嗌其他嘢食最後埋單價錢其實同平時冇乜分別😂

枱面衛生環境十分污糟(豉油漬、油漬)還有上一台客人剩下的食物碎。餐具如筷子匙羹等應該也是清洗不乾淨，還有食物殘渣殘留。最離譜的就是豉油樽上面按鈕及樽身竟然全部都是豉油，如沒有看清楚就按下去會整到成隻手都係！這間店的員工是沒有看清楚還是懶惰沒有去做好清潔？之後輪到講食物，所有有紫菜在內的壽司(軍艦、手卷)來到的時候紫菜已經完全變淋，令本來食物的味道分數大打折扣。還有的就是如果一碟壽司入面有兩件(例如：海膽墨魚)這兩件壽司的份量會完全不一樣，會出現一個多料一個小料的情況，難道廚房入面沒有一個標準的出餐份量嗎？對於這次消費本人感覺並不愉快。

📍元気寿司 (東涌)東涌達東路20號東薈城6樓602號舖喺東涌唔算多壽司舖，元氣感覺上係唯一首選😂所以間唔中都會嚟食，而且佢每月有一日八折，感覺幾抵食而且佢又唔限時，可以慢慢食傾吓計吹吓水👏👏食物勝在夠新鮮，選擇都算多，大人小朋友都啱食🤭最中意佢個酸薑好好食😋仲要任加😎

入到東涌做野，又唔知食咩好，東薈城餐廳花多眼亂，最後都係選擇最多人排隊既元氣壽司午餐時段都好快就入得，都算係甘今次試食佢既雜錦刺身丼套餐（$58+10%），佢既套餐除左主食，仲包左沙律，日式海鮮燉蛋，汽水，我再為食地加左個手卷（+$12）。呢個價錢真係好抵，而且東涌店係我食過最有誠意既餐廳，佢用既餐盒都好靚，其他店既刺身丼係就甘用碗上刺身丼好新鮮就不在話下，其他食物都維持高水平，特別係燉蛋熱辣辣送上。呢個價錢真係超抵，東涌店仲要做得比其他分店好最衰東涌太遠，唔係都有機會再去

今日同老婆、媽咪同兩位姨媽到元氣食壽司🍣，人山人海，等咗差唔多成個鐘先有位，最後仲要係坐四人枱，都有點擠迫，所以成程都唔係食得好舒服。我哋叫咗多款壽司🍣，整體都尚算唔錯，唔算好滿意，性價比唔算高。哩度嘅三文魚比較薄身，所以食起上嚟比較乾身及欠口感，無乜魚香味，所以我通常都唔會叫齋三文魚壽司，今次叫咗牛油果三文魚壽司$17同元氣卷$23，有其他配料食落就無咁口寡寡。三文魚腩刺身$32有驚喜，雖然size比較細，但味道可口，魚油味香，入口香滑細嫩，有少少入口即化嘅感覺。赤海蝦壽司$11不過不失，蝦唔算肥美或彈牙爽口，不過味道係甘甜的。新出嘅牛油果卷🥑$12則令人十分失望，牛油果唔新鮮，食落去有少少怪味，好似放咗好耐咁。

182521082022，今日想食壽司，係東涌既壽司店選擇很少，元氣的確是一個比較好既壽司店而且呢間都算是幾大同坐得舒適。元氣平時都冇咩寫，不過不失但今日撞正九州祭，所以我決定叫晒今期限定。熊本縣產，天草真鯛壽司，味道偏淡而爽脆好味！👍鹿兒島直送既海之櫻勘間八壽司，同海之櫻勘間八腩壽司，名字怪怪地不過唔緊要，最重要係味道。當大家諗住腩會好d，但今次就例外。海之櫻勘間八壽司魚油味濃口感軟滑加上柚子胡椒醬相匹配，海之櫻勘間八腩壽司味道反而沒有咁香同有渣。枕崎市產柚子醬油漬鰹魚，肉質梅而淋柚子又硬可以不叫。福岡直送灸燒明太子軍艦，明太天很咸，好多人認為明太子咸就應該，但我曾經係沖繩食過一些明太子係唔太咸主要係鮮甜，咁當然經過咁多日黎到香港咁始終都有少少分別。最後日本直送九州和牛，牛味重加上醬汁可惜沒有入口即溶既和牛感，不過19蚊都算啦！今次九州之旅都還可以啦！希望下次更多地方既直送

同🤴🏻去左東涌影 ‘ lulu豬🐽 ‘ ，剛巧元氣會員有八折，就係咁我哋攞咗飛仔等咗個半鐘😢😢有趣嘅係攞飛仔時入咗電話號碼，仲有5個號碼電腦自動打黎提醒你😊😊，而今次都係食新產品為主😎😎～～～活煮蝦🦐～～～比熟蝦🦐大隻少少，可以唔使叫😔😔～～～三文魚🐟頭湯～～～🤴🏻好鍾意個湯，好香三文魚🐟味又唔腥😀😀～～～櫻花蝦🦐軍艦～～～櫻花蝦🦐唔夠香口，試過就算😃😃～～～黑醋鵝肝配青蘋果🍏手卷～～～鵝肝幾乾身唔油，黑醋加青蘋果🍏有清新嘅感覺😄😄，可惜紫菜係 ‘ 林 ’ 嘅😔😔～～～極上塩蔥拖羅手卷～～～拖羅蓉勁香油脂，同塩蔥好夾，敗在紫菜又係 ‘林’ 嘅😕😕～～～凱撒海老玉子堡～～～感覺是有蝦🦐味嘅蛋🥚沙律🥗😅😅～～～蟹🦀肉蟹膏🦀手卷～～～蟹🦀️膏好香，紫菜香脆😊😊～～～海鹽檸檬🍋焦糖芝士🧀蛋糕🍰～～～我同🤴🏻都鍾意，甜甜嘅芝士🧀帶有鹹味嘅檸檬🍋味！好食😋😋～～～芝士🧀焗雜菌～～～芝士🧀味蓋過雜菌味，同埋太細份啦☹️☹️～～～燒汁牛🐂肉～～～牛🐂肉嘅份量可以包裹壽司，燒汁香濃😉😉～～～天使海老🦐～～～炸好咗嘅蝦🦐頭+天使蝦，正常口味，但唔明有咩特別🤨🤨食完喇出門口仲見好多人排隊，8折嘅威力真係犀利🤣🤣

元氣可以話係香港壽司僅餘嘅始祖, 數數手指都有好多年冇食過, 今日重拾細個回憶, 睇完侏羅公園順便食埋個壽司, 雖然今日係平日但都要等咗一個鐘頭位, 終於入到坐, 叫咗幾款壽司食下, 軟殼蟹手卷永遠都係我最愛, 不過有少少唔同嘅係炸粉太多隻蟹細到唔講都唔知有隻蟹喺度, 灸燒三文魚最好食又最抵食, 最想講嘅係元氣卷, 簡直唔知食緊乜😵‍💫😵‍💫 下次都係乖乖地出去市區排番乜乜郎，鮮乜鮮好小小😅

姨媽生日，無得出街食，唯有叫外賣在家慶祝。一共8個人，叫咗兩個派對盛（當然仲有叫其他餐廳嘅嘢），用某銀行信用卡有九折，早多幾日訂嘅話仲有85折，唉😮‍💨⋯⋯遲咗㖭，激氣！不過唔緊要，最緊要啲嘢好味，大家食得開心長輩唔食魚生，所以叫咗「一團派對卷物盛」。咁多款我最鍾意食甜蛋壽司，大大件嘅甜蛋十分有口感！其他都唔錯，無乜驚喜或失望。最可惜係炸蝦卷，因為外賣，所以食嘅時候已經凍咗，無咗酥脆嘅口感，相信堂食嘅話會好正。哩盤壽司要$250，略嫌有啲貴，始終裡面無乜貴價食材，主要都係甜蛋、蟹柳、青瓜、酸瓜、腐皮⋯⋯不過最繄要係長輩食得開心！另外仲叫咗「經典壽司盛」，最近做緊優惠，折咗之後只需要$164，抵食好多！我食咗帶子、大蝦同蚌，三款都好食！帶子大大件，啖啖肉，好鮮甜，好滿足啊！大蝦都好，肉質彈牙有黏性，好有鮮味。蚌都唔錯，新鮮爽口。想試多幾款，可惜僧多粥少，好快俾人清晒。整體來講，今次嘅經驗十分正面，會繼續幫襯

今日去貝澳玩下，去之前就黎元氣壽司醫飽個肚先🤪 今日星期日午市卡位要等一張枱，店員見我地多行李，主動問我地洗唔洗擺底野先，呢點值得加分！過左五分鐘左右就有卡位啦，咁都好快上到菜。一如既往我地都係叫左赤海蝦，三文魚，油甘魚等，亦叫左期間限定嘅松葉蟹壽司。蟹壽司食落都幾特別，畢竟以前未試過，發現配飯嘅效果都唔錯，不過感覺上冇其他分店咁新鮮，之前個次係食得岀海水味。三文魚反而扣分，佢嘅岀品好凍，感覺就係岩岩係雪櫃拎岀黎咁

點解今次食⋯因為都幾新鮮又遇上citi bank做招募會員夠$400就可以又可以同屋企人吹水慢慢食一食就食咗兩個幾鐘上次已經食超過$400申請會員卡仲未有回音點知同職員講有個姓梁主任非常好幫我哋跟進今次都食咗四百幾蚊希望兩張會員證盡快做到啦（其實真係好多年冇食㗎啦因為一向都係好普通）最近再食返竟然進步不少佢嘅甜品係日本進口真係唔錯上次食嘅鹹味雪糕真係好好味今次試過雪芭又係唔錯約朋友我覺得喺呢度真係幾好一邊食嘢一邊吹水幾舒服再一次強調呢一間嗰啲服務員真係非常好尤其是主任級💯💯🚳💯🚳🚳🚳

就係頭幾次都要等好耐位今次醒啊5:00就入座唔使等位呢啲時間不過就好多人等外賣可能疫情下外賣有八五折掛入去一坐低就吹水食嘢食嘢食嘢超新鮮價錢合理唔使講因為一直有食物都幾好服務員水準好咗好多今次用咗Citibank食夠$388就順利做會員今次埋單係$432食咗都幾多嘢加埋甜品真係唔錯刺身壽司乜都食仲食埋烏冬添個栗子雪糕同埋鹽雪糕都不得了下次encore坐下坐下已經6:45😂我哋係坐卡位好舒服一邊傾偈一邊食嘢唔覺唔覺就已經接近兩個鐘⋯真係好過坐Starbucks😆最重要一邊食嘢一邊吹水所有嘢都超新鮮可能之後時段多人唔錯唔錯值得推薦⋯今次已經第五次食⋯所以一定要寫分享係喎好想講未食過炸魚皮第一次食真係唔錯嚟到嘅炸魚皮係香噴噴仲要係熱辣辣加油啊期待會員卡到咗再encore🤟🏻😉🥳（幾年前喺長沙灣元氣食過差到不得了驚咗點知嚟到呢度簡直係意外收穫⋯講返長沙灣嗰間元氣真係污糟到不得了服務態度又差希望而家得到改善啦如果係嘅話就同屋企人去試吓）

今日要歡送一位同事，大家夾份攪個小型歡送會，與一個同事去買壽司，去到門外店舖很大，門外很多客人等位中，同事入店落單，要等20分鐘，因有其他食物外賣要取，所以到取貨時是我取壽司，店員竟然記得係位男士，我出示單據攞到食物元氣A餐（$439）很大盤，大路款式都有，食咗：赤貝幾爽口，有咬勁帆立貝軟滑三文魚就剛好是邊位，有啲銀色皮，賣相唔係咁靚仔，味道都算肥，炸蝦卷外面夠多蟹籽，牡丹蝦爽口唔腥經典壽司盛A餐（$197）呢盤細嘅我無食，因為係比唔食生魚片嘅同事嘅包裝企理，外賣自取有折，跟壽司嘅醬料俾得足夠，店員態度幾好，對答有禮保持水準

繼上一次幫襯過「東薈城」新開嘅「元氣壽司」分店，八個月之後我又舊地重遊。唔知係因為疫情關係少咗人幫襯，定係廚房嘅水準問題，呢日食物嘅質素相比以往實在相差好遠👉🏻👈🏻「新幹線列車」系統似乎出咗問題，每次佢喺我身邊掠過， 正當我想攞嘢食嘅時候，「列車」忽然飛站、又或者我只係攞到其中一碟，其他嘅食物我都未拎上手，就跟「列車」開走🤪 搞到我每次都好似「麻鷹捉雞仔」咁，最後又係要麻煩 #服務員 幫我續碟搵返啲食物返嚟👉🏻👈🏻 至於啲食物，呢日真係好唔得，#蒸蛋 過多水份、或者根本係唔夠熟😅 #炸蝦卷 似乎一早整好，#炸蝦 同 #壽司飯 都一樣係凍嘅，無嚟神氣😅 另加嘅 #炸蠔 比較腥🤪 唯獨係個 #炸南瓜餅 似係新鮮整起，咬落去鬆化得來又帶住南瓜嘅甜味🤤 總算彌補我對呢場嘅不滿😤