元気寿司 (已結業)

同肥髀去呢個商場睇戲，之後搵食！比佢知道呢度有元氣！堅持下去咗攞票等位！門口已經坐滿等位嘅客人！等了45分鐘終於有位！坐迴轉卡位！不過要搭枱！每組客人各佔一邊！比較奇怪！第一次去元氣要搭枱！迴轉帶上壽司唔多！所以揀咗啲想食嘅order!食物好快到！炙燒左口魚群邊壽司：第一次見燒到飯都黑埋嘅炙燒壽司，魚肉又唔見燒得香，飯粒就黑咗！蟹籽沙律:青瓜爽脆，沙律醬比較水！蟹籽卜卜脆！正常海膽軍艦：啲海膽已經溶晒！好醜樣！咁都可以攞出來比客！差！三文魚子軍艦 ：三文魚子微腥！粒粒唔夠卜卜脆！唔夠新鮮！芥辣八爪魚軍艦：八爪魚彈牙！不過醬汁唔夠芥辣味！係連少少攻鼻嘅感覺都無！三文魚腩壽司：幾肥，夠厚有口感！正常芝麻八爪魚：正常北寄貝壽司：比較啞色！味道唔腥正常！螺片壽司：喜歡螺片韌韌地有咬口！帆立貝壽司：淋身唔腥！味道正常三文魚壽司： 好瘦！差不多無白色嘅紋理！一般日式芝士炸年榚（$26）差差差！個波波炸到爆晒口！中輻射咁！年榚雖然煙韌！芝士幾香！但賣相咁差都照上菜！感覺好差！店員超級忙，忙帶位上菜！有時都要舉一陣手先有人理！不過態度正常！回應都好快！一向對元氣印象幾好！希望只係一次失手！

元氣的高速線不是每間店也有, 但是每一間也要極度人潮, 原先想去APM的高速線, 可惜遙控取票時也有150多籌號, 所以唯有放棄, 唯有去荷里活廣場的元氣壽司, 順道可以逛街。加上天氣太熱, 這間分店位於荷里活廣場, 一出港鐵站直達, 不用怕曬可以優先選擇。由於一早用遙控取票, 去到該店等了約7-8分鐘便有位了, 可能是下午茶時段, 人流不算好多。坐在迴轉位, 最方便係想拎就拎, 見不到就直接ORDER, 十分方便.我們就點選了以下 :玉子壽司 (甜甜帶有甜蛋汁)三文魚壽司 (我揀的不算肥美, 但也吃得出魚香)元氣卷 (雖然價錢貴, 但配合埋炸魚皮確係一流)八爪魚 (味道就正常)帶子裙邊 (可能本身怕鹹, 覺得重手左)鰻魚壽司 (好少用汁, 感覺直接食最好)元氣壽司於食肆林立能夠企咁耐, 質素真的能夠維持 ! 希望下次可以試下高速線啦 !!

生日午餐，同我同team出生入死嘅好拍擋佢真係好sweet架，番到公司買左蛋糕又送左支香水比我，午餐我地就去左元氣食，我babe話要食好d食豪d，我地點左午餐又額外點多幾款壽司其實元氣午餐menu改左好幾次，今次冇刺身，但沙律份量大左，午餐包括，堅魚湯烏冬，壽司七份，炸蝦卷壽司，同沙律湯烏冬，熱呼呼的，令人吃不停，湯看似清淡，但其實味道十足，魚味洋溢壽司七件有甜蛋，赤海蝦，八爪魚，北寄貝，熟蝦，三文魚；甜蛋凍同微暖嘅飯好怪，蛋相信唔係新鮮；赤海蝦新鮮爽口; 八爪魚就唔得喇，唔鮮冇味，咬落好多好似雪水嘅感覺，北寄貝冇乜味; 熟蝦新鮮正路有蝦味; 三文魚不太肥，紋路平均炸蝦卷新鮮炸，還熱的，脆炸蝦，加上壽司飯，不油膩，好食沙律就最唔掂，下次食記得要叫小汁，汁多到勁酸，本來柚子沙律汁係好好食架，但太多喇，浸到只食到酸味，浪費了額外點的，灸燒黑椒海蝦，芥辣八爪魚軍艦，海膽墨魚軍艦，灸燒黑椒海蝦個擺盤係咪可以整好d先出呢，燒得過火，燶左dd，芥辣八爪魚軍艦同海膽墨魚軍艦紫菜都淋曬，當然芥辣八爪魚芥辣份量調得剛好，既刺激亦帶出八爪魚新鮮，海膽墨魚也不輸蝕架，食到海膽味，又有墨魚爽脆感，正！

為了做會員，與朋友去食元氣，晚上時間開始多人，都等左一陣先可以入去，好彩有卡位坐，次次都係坐吧枱，叫左D壽司、烏冬、蒸蛋：如果有埋D蟹肉就正啦，哈哈"＂壽司我最喜歡豚肉個款,好好味~~~他他牛都唔錯~~^^三文魚刺身新鮮就好好味，有少少肥仲正。改善：壽司今次麻麻地，因為一夾落去D飯已經散開晒，可能太趕時間掛，希望改良*

係唔知荷里活食乜好嘅情況下，我又揀左我係會員嘅元氣寿司做晚餐~ 叫左個前菜係味付八爪魚，我覺得一碟好嘅味付八爪魚係唔應該有太多醬，而且要每一隻八爪魚都係完整嘅~ 呢一碟算係做到~ 平時我多數會點帆立貝壽司多過單點刺身，但係今次佢係迴轉帶經過我面前嘅時候，真係肥美到....太吸引! 雖然唔可以話係新鮮，但起碼無雪味，又肥大~ 係連鎖店食到呢啲已經滿足~ 呢碟炸軟殼蟹，上碟時微溫，有3隻，算係份量適中。我每次來到都要食呢度嘅淨烏冬，其實成個烏冬都係無料，但係個湯底令我覺得，好似已經放左好多野咁，好容易就食哂成個~ 不過18蚊咁細碗.... 是但啦~ 其實都要推介下呢度啲甜品，真係幾好食，你話去到好好食就唔係，但係放得入口，難得嘅係，今次唔係啱啱係雪櫃拎出嚟，如果唔係就太硬，完全唔好食~ 

為左食夠$900做會員，今日繼續嚟元氣食。12點去到，好彩仲有卡位。叫左個元氣午餐($78)，有麵豉湯，壽司，烏冬，刺生，同蒸蛋，食材新鮮，美中不足係，壽司嘅飯唔係甘似珍珠米。烏冬-爽口彈牙蒸蛋-蒸得恰到好處，味道清新此外，我哋叫左筋子壽司同軟殼蟹卷，都無令人失望。軟殼蟹卷是本人至愛，新鮮熱辣，超脆口。元氣質素穩定，價錢大眾化，超正

唔經唔覺都食左好多間元氣，貪佢經濟啲又好味啲，今次黎到鑽石山分店有點失望。門外等侯嘅人唔多，原來大家都有手機app攞左位，等左成個鐘先有位，仲係卡坐同人撘枱。枱雖有抹過仍好污糟，侍應沖沖放低餐牌即閃，其實已經可以落單，但等左好耐都無人理。迴轉帶上嘅壽司塔哂，個蓋又甩埋，好難攞得落手。幾經辛苦先落到單，都係叫返啲例牌野。日式燉蛋 $18，水準keep到，蛋又夠熱又滑，好味。飛魚籽手卷 $16，無試，好似話都幾多魚籽。軟殼蟹手卷 $20，軟殼蟹一早炸定，淋哂，一般。海膽墨魚軍艦 $16，有點出水。芥辣八爪魚軍艦 $13，無試。牛油果軟殼蟹卷 $18，完全食唔到牛油果味，軟殼蟹同樣淋哂，今次切到咁細，食唔出係蟹添。玉子壽司 $10，甜甜地加軟身，好食。蟹柳沙律船 $13，蟹柳仲係冰嘅。海膽軍艦 $38，上次無貨，今次有得食啦，好creamy好好味。

不嬲都覺得元氣幾好味、所以60分鐘都會等下、嗌左個鵝肝壽司、平時食開外脆內軟好香、今日件鵝肝一黎到炸到乾哂不特止、薄到紙咁、脆既有咩理由會咁、叫待應換個碟、再拎番出黎我一反轉「打左個凸、竟然係掉轉左再比番我」有咩可能咁過分離譜！再叫待應過黎、一副吾耐煩既樣、同佢講番件事、佢條氣好吾順咁拎走隻碟、最後黎左、多油唔香、係元氣食過最差！後尾order炙燒帆立貝、黎左碟特大帆立貝、同佢講、佢好負氣咁話跟單、咁姐係點？我order唔係呢個丫嘛、呢餐3人埋單5百幾、不過食到成肚氣！！唔洗指意再黎！

鑽石山元気總是人龍長長的, 今日去到要等位, 三人被安排坐六人卡位, 要搭枱兼坐埋一邊, 攞位時, 侍應已預先通知即時落單點了幾款壽司, 要了炸芝士年糕, 三文魚壽司, 腐皮壽司, 蟹子壽司, 吉列炸蠔壽司,炙燒黑椒三文魚壽司及元氣卷吃壽司前, 先取薑食, 味道夠酸, 可惜入口搶喉吉列炸蠔壽司入口香脆燙口炙燒黑椒三文魚壽司面上灑了一點黑椒, 而燒過了的三文魚像一塊薄煎肉類 三文魚壽司每碟HK$9, 味道不俗炸芝士年糕賣相不美, 炸得過火之餘, 芝士味不夠, 年糕煙韌度不足總括來說, 當中以吉列炸蠔壽司及炙燒黑椒三文魚壽司較為好吃, 其他則沒有太特別之處, 而壽司飯不黏之餘也欠了點點的醋味......

第2個因會員咭.而食的食評,今次超左支吃了348元...下次吃300元就有會員咭.....服務一般..店員之間自己傾講..三吹四請都無加茶,....9元一碟的壽司.同樣不俗.料新鮮.無雪味.飯粒都握實....味道也有魚香...反而呢盤壽司相當一般..魚生味道欠決.一夾就分開4邊.什至最貴的帆立貝壽司也不夠新鮮.入口又滑又林......食物差了.員工效率不高....今次ok....

下午與表妹們出完海後乘92號巴士黎荷利活食壽司,元氣總是排著很多在門口附近我們6點4到,等左差唔多九個字先有位.......我地7個人,店員安排我們住bra桌的卡位,很好~我d cousin 佢地就爭住坐裡面....><一坐低,先點:軟殼蟹手卷x7客,牛肋骨x7客炙燒蔥牛肉x7客以上是我們的鐵膽來的~水準很高^,^今天的三文魚刺身看落很新鮮,也吃了兩客元氣壽司店的最大優點是:每個員工都親切有禮,面上總掛著微笑但可唔可以唔好再加價呀~P.S.其實,香港連鎖壽司店有90%都不是來至日本,但香港人鍾情的程度卻不能想像~

與朋友相約到佢喜歡的元氣午膳，2個人獲安排坐迴轉枱，有點擠迫。朋友想要玉子壽司，但見迴轉帶上的玉子壽司並不新鮮，有點黑，因此所有壽司都是order 的，並未在迴轉帶上拿壽司。每次必叫北寄貝沙律、筋子、燒牛肋骨、吉列炸蠔、炸蝦壽司等等，可惜當天北寄貝沙律售罄。炸蠔、炸蝦壽司也很新鮮、很燙口。燒牛肋骨壽司有點"un"。到過黃大仙中心與荷里活的元氣，相比下，始終是荷里活的水準較高，雖說荷里活的環境不及黃大仙中心的靜。

平日下午茶餐, 見有得揀章魚小丸子... 小丸子微暖, 唔太熱, 外層脆脆的, 好特別, 亦好好食 小丸子內粒章魚算大粒, 唔會太韌 近期黎過幾次, 發覺上菜時間快左, 值得讚許 三文魚有時不太新鮮, 好似今次咁, 肉質過稔, 無魚味

往時食元氣,感覺總是款色單調,不像別的有什麼混合壽司,比較出色的是炸物壽司而已. 今日一餐改變了我的想法不少,雖然幾年間也有光顧,但變化都不算太大,今日打去餐牌一看,界面美觀了很多,感覺較潮,而且款色多了 而且排面清晰,每種類別分開. 而且多了混合口味炸蝦卷很久以前已經鍾意食,當然唔少得叫,而且這兒的軟殼蟹手卷又是出色,也叫了,另外試了叫炸蠔(即炸),小柱軍艦,遺憾不是大粒的,而且也沒有供應...但好味道就是了. 也試了海老3味,就是一熟 一甜蝦+ 一海膽蝦, 還試了甜蝦軍艦(第一次試), 甜蝦多同時鮮甜,非常好味..真的想翻吃翻吃..海膽也是份量多新鮮,反之三文魚較失色,咬感不像出面食的好..但整體感覺提升就是了

未食就已經趕客走! 一入門口冇人SERVE, 見到佢staff呆企發夢都算啦咁唯有同媽咪兩個行入去打算坐order枱啦行到埋位先問幾多位我話: 兩位, 想坐order枱點知叫我地同人地搭枱 (人地都係兩位, 但坐緊oder枱)但明明隔離就有兩張吉左出黎既oder枱我問:點解唔坐得呢張?要搭枱?佢話: 因為繁忙時間就要搭枱, order枱要留返比3位以上既客人留返??! 咁即係我地兩位既客人就唔洗serve?!最重要係當時門口一個客都冇人等位咩叫繁忙時間?!如果佢話有客人訂左枱就話姐..佢講緊係留返比3個以上既客, 即係兩位客人就唔坐得order枱?佢當時意思就係話一係你就搭枱, 一係坐迴轉, 再唔係就走啦到我地走左出門口, 佢地都唔比我地坐order枱?點做生意呀?! btw, 我知道唔係間間都係咁樣既service, 其實佢食物質素唔差, 不過SERVUCE真係要改進一下囉如果呢個''留返ORDER枱比3位以上客人''既policy係元氣本身既冇野講啦如果唔係既, 咁呢間分店真係要學下點樣尊重客人!