元福日本料理

營業中

休息中

大學時期食都覺得還好 最近食覺得而家愈來愈差大學時期貪平食 覺得價錢同食物都算係成正比 唔會話好差但一定唔係叫好隔幾年諗住入去食一次睇下會唔會搵番以前啲回憶同感覺 環境清潔麻麻 唔會令我想坐耐啲 就連食物都差左好多 食左個招牌吉列豬排芝士烏冬 已經係招牌 未計圖文少少不符 天真以為係類似港式芝士撈烏冬 原來係壽喜燒湯底 本人咁岩唔太鍾意壽喜燒既甜 都只係同想像唔同都唔太緊要 但吉列豬排都整得唔好 浸曬落啲湯汁 同肉質都麻麻 唯一好係烏冬質感算唔錯 $59唔係貴但都唔太值 食完唔會想食第二次 又唔係話好難食但真係好一般

食物質素甚差：1. 鰻魚飯的白飯非常乾身，水份不足，入口甚不舒服，要加七味粉才好少少。2. 鰻魚肉質欠佳，似是非常平價的貨色，上面的汁太濃烈，完全唔想放入口。3. 配菜相反，完全淡而無味，尤其是蛋絲，建議取消。4. 唯一特點，就是非常多飯，太肚餓可以考慮。服務水平相當一般：1. 連少汁少飯也做不到。2.經常叫客人準備充足現金，暗示不欲找續，態度甚不親切3.不能提供清水，相當吝嗇4.位置有限，當然只想你飯完即走。總結：真係唔好去，只有忍耐力強的大學生才可應付！

好懷疑推薦果啲人係咪買返黎，間鋪分兩邊，左邊大啲，但佢安排右邊間鋪叫我坐，勁迫，完全係掂到隔離枱，叫左個鰻魚飯（$65）同滑旦吉列豬（$55），個鰻魚有苦味，汁又奇怪，唔知食左啲咩，個滑旦豬係冇味，要落七味粉先勉強食完….飯係勁大碗，應該有1.5-2碗飯量，上檯因為太迫又要用手抽住個袋，所以食完先影到相，12:28入座落單，佢12:55已經扔張單落嚟叫你埋單，絕對唔會有下次！眼見都係附近學生幫襯多🙄勁難食，勁難食，勁難食，重要嘅要講3次！

下课路过浸会大学善衡校区，发现对面的楼下的走廊上有好多餐厅，这家日料店人格外多，就跟朋友进去点了几份，随手点的，真的好好吃😋！菜品推荐🍱滑蛋鳗鱼丼饭⭐⭐⭐⭐⭐老板好实在，比脸还大的碗，放了超多鳗鱼肉！滑蛋搭配起来也很绝，米饭淋上酱汁，超级软糯！不咸不淡，难得有让我吃的这么干净的鳗鱼饭🍱汁煮猪软骨拉面➕豚骨汤⭐⭐⭐⭐⭐猪软骨煮的熟度刚刚好，肉入口即化，还有少数蹄筋，拉面搭配汤一起吃，超级幸福！猪软骨肉也放了超级多，朋友也吃撑了！同样是比脸还大的碗 🍱滑蛋亲子鸡肉丼饭⭐⭐⭐⭐⭐这个饭还让我涨了个知识：亲子鸡就是鸡一家子，鸡腿鸡翅鸡蛋等。这个饭也好吃！肉蛋酱都很绝，鸡是属于烤的有一点小焦的那种口感🍱海鲜拉面➕豚骨汤⭐⭐⭐⭐两只大虾仁🍤不咸不淡的汤底 很鲜🍱烧鸡排丼饭⭐⭐⭐⭐超大快鸡排 超美味的米饭🍱汁煮猪软骨拉面➕地狱汤⭐⭐⭐⭐地狱汤也不是很辣 汤底依然很鲜元福（有三家连锁挨在一起，左到右依次主打台湾菜、日料、海鲜）🔗香港浸会大学善衡校区对面 负一层⚠️只收现金！⚠️每份饭都送一罐饮料，可以自己选（推荐芦荟）⚠️➕10可追加小食（跟朋友选了鸡翼，油有点多，不太推荐）

今日食咗個港式日本餐廳六十零蚊，有一個飯同汽水，都算幾抵食叫咗個滑蛋鰻魚飯滑蛋好好食，雖然有少少稀，但係鰹魚味都好足夠，用嚟撈飯好滿足鰻魚嘅份量都係比較少，不過始終呢個價錢，都算接受，鰻魚唔腥，切咗小片，軟綿綿咁，配埋滑蛋幾好送飯，飯嘅份量就真係好多，一定食得夠飽。仲要連埋汽水，公道到連ooha 都唔使額外加錢。店員嘅服務亦都好好，雖然好忙碌，但係都會介紹餐牌內嘅小食，不過今次就冇加到，下次先再試啦

🎏元福日本料理💛評分：🌕🌕🌕🌕🌑🐉九龍塘小店·良心の價格相信浸大既朋友對呢間性價比高既日文料理·元福🍱 唔會感到陌生，包飲品$50有找，在附近番工的朋友有福了😋元福店內空間不大，但勝在環境滴骰別緻，頗有九州屋台既味道🏮以及親民既人情味~今次午餐點了豬軟骨丼飯，份量足料，汁煮得很入味且軟骨部分鬆軟，感覺到是用心用時間製作，細心發現珍珠米粒伴上了飯素很好餸飯，再配上清新既麻醬沙律菜🥗 整體觀感和味道都唔錯，形容為日式平民飯堂當之無愧 👘....

呢間可以話所有讀BU嘅都一定有食過🤣佢嘅價錢都係學生價，拉麵丼飯等都係四五十蚊一餐🙆🏻‍♀️價錢咁平，質素當然無得同出面一百蚊碗嘅拉麵比，不過都未至於好差，個雞扒嘅汁甜甜地都幾好食😋

元福日本料理 地址：九龍塘聯合道320號建新中心地下低層11號舖陪朋友食呢間大學生落堂都喺島仔呢度食附近仲有幾間餐廳大家都可以試吓1.滑蛋親子雞肉丼飯好抵食雞肉質素又唔差都幾正同埋勁大碗飯分量十足推薦指數 👍🏻👍🏻👍🏻👍🏻

建議： 如果午市去，可能要等耐少少。堂食同外賣都幾多人🤓去開浸大附近，行左落醫院個邊搵食。上網搵下原來下層仲有其他餐廳，不過都係同名😂 元福日本料理、元福荼房 同埋 元福漁市場丼飯專門店，三個舖位係連住。上網睇到有啲標題寫住「平靚正九龍塘日本料理」同「經濟實惠」😂 本來打算試元福荼房，因為想食台灣野，不過當日無開。見到日本料理 已經坐滿哂人，丼飯店門口就有一大班人排哂隊，見到咁既情況本身係打算放棄。 不過店員話佢地係等緊外賣 😂 等多左陣好快就有得入座今次試左：▫️燒鯛魚腩丼飯 (HK$48)每個定食都包左一款罐裝韓國飲品 (總共有5️⃣款揀：可樂、檸檬汽水、錫蘭檸檬茶、石榴汁 同埋 蘆薈汽水)午市比較多人，所以丼飯都要等左差唔多10分鐘先有。丼飯味道中規中矩，勝在夠大碗。鯛魚腩有四塊，加埋椰菜絲做配菜，食完真係好飽。見到其他人都會叫埋小食，開心Share。加配小食都只係加多HK$8，仲要有6️⃣款揀。如果大家係BU附近，行去建新中心都近 5-10分鐘路程。而且一個lunch 黎講，味道同價錢都算可以接受👍

未試過咁差黎到店右面坐吧枱竟然有烏蠅。 位又窄，唔係佢個雞排唔會吸引到我黎食。 叫左雞排烏冬，平日都叫呢個因為個雞排整得好好食。，好juicy ,又唔會過燶太乾太硬。但今次黎到無筷子，仲要自己行過隔離問， 問完諗住佢會拎黎啦等左5min 都未有，又再行過去隔離問，點個個女職員話放左係外面張寫登記既枱到，就咁一對子，勁唔衞生，又無禮貌。雖然唔係貴，上菜時間都快。但咁既服務態度真係差到我好少遇到。以後都唔考慮再黎食。

👏🌟🎊呢度嘅「元福日本料理」小食及午餐、午餐午飯總類挺多、有日式蓋飯、及日式拉麵烏冬、平均餐費都好便、仲可以加$8追加小食、包埋支飲品先$42至$60、真係經濟又實惠划算，主廚推薦必食「金菇牛肉卷」及「唐揚雞軟骨」呢個好贊、最愛吃「泡菜豚肉飯」肉汁鮮嫩多汁😋😋唔貴又抵食又飽肚、豚肉爽口唔會老、而，「燒鰻魚飯」非常厚實且大塊，也是我的至愛、食落滿口齒留香超贊👍👍👍整體嚟講？感覺唔錯、下次會再嚟過

筆者因事到浸信會醫院一趟，順道在對面的建新中心買午飯。店舖面積不算大，大概可容納二十多人；因疫情問題，筆者還是決定買外賣帶走。🥚滑蛋吉列豬扒丼飯滑蛋跟洋蔥炒得恰到好處，滑蛋還保持著剛凝固的濕潤狀態，而日式醬汁十分到味；吉列豬扒厚度及份量滿意，沒有骨，也沒有皮肉分離；惟經過不足五分鐘的路程後，豬扒已全部變軟...建議店家可把醬汁和豬扒分開包裝，保持吉列豬扒的酥脆口感。總結（5分滿分）餐廳環境🖼🖼🖼餐廳服務🤵🏻🤵🏻🤵🏻🤵🏻食物賣相🌸🌸🌸味道質素👅👅👅整體價錢💸💸性價比值⚖️⚖️⚖️

對餐廳期望和實際很大出入。隔離有間又係元福分店，賣台灣野，望落餐牌正常、裝飾都有d台灣感覺就試試佢啦。本身見佢個滷肉飯幾出名有上新聞咁就諗住叫，但望到餐牌寫紅燒牛肉麵最出名、最多人叫，就以為好好食，試試佢。點知黎到同所想既紅燒牛肉麵完全兩回事。湯底顏色淺，冇藥材味。湯底先甜，後韻就咸到似味精。肉方面就4舊牛+5-6舊金錢肚，金錢肚勁甜，似來貨非即斬即煮。四舊牛就真係勁細+唔軟，似煲唔夠時間整唔軟身。收人45蚊碗仲要鋪頭top one，CP值低/無心煮野食。其他鋪頭用都用牛腱、牛腩嗰d，呢間既牛仲差過滿漢大餐既牛，又冇份量又冇質量，唔講以為真係滿漢d牛搬過黎賣你45蚊。嬲左。(仲有得一舊細蘿蔔+兩條菜。菜仲有陣勁生既青菜味)，蘿蔔已經係算最好食，唔會再食第二次隔離佢果間日本野元福我都食過佢既吉列豬扒滑蛋飯，中規中矩，完。

📍元福日本料理元福係一間賣日本料理嘅店🙆🏻‍♀️佢哋提供多元化嘅日本料理選擇比客人😚今次就試左兩款飯😬-燒鯛魚腩飯（$48）飯除咗有燒鯛魚腩 仲有一啲蛋絲同埋沙律菜～燒鯛魚腩食落去冇骨🤩 仲有幾多醬係上面🥰食落去鹹鹹香香😚沙律醬同燒醬分量唔算好多 撈勻左仲有啲飯未有醬汁🤭食到最尾嗰幾啖會有少少乾成嗰飯食落去都較甜🤭 如果冇咁甜就好😬滑蛋鰻魚飯（$60）滑蛋睇落去幾滑 而且份量都適中💖鰻魚食落去都幾多骨😳 不過成個飯食落去都濕潤不過價格就貴左少少🤧食落去都係太甜😣✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎綜合食評📝外觀：★ ★ ★ ★ ☆回頭率：★ ★ ★ ☆ ☆ 抵食指數：★ ★ ★ ☆ ☆

平時都有食開呢間, 個人好鐘意食佢既拉麵, 老闆娘比我既感覺都幾有Heart, 而且平時都好有禮貌. 今次一如以往叫外賣自取.  我中午12:35左就打定去叫, 並且講定1:00去到拎.  1:00 去到, 已經見到自己叫既外賣已經整好放左喺門口張外賣自取枱上面, 只要拎上面張單入去比完錢就走得, 都幾好效率. 拎左個飯返去食, 打開係好吸引既, 叫左個滑蛋鰻魚飯, 好香, 睇落去個樣都幾唔錯.   但係一食落口, 有小小失望, 事關佢真係好咸, 相信係d汁出事, 因為佢浸住d鰻魚, 點食都食唔到, 好大啖飯先送到小小鰻魚, 食食下仲有條頭髮  食過幾次都冇呢個問題, 今次可能失準, 但真係要改善下,  大好一個LUNCH, 因為食物太咸食唔飽, 因為衛生問題而食得唔安心.  希望下次食唔會再咁啦.