光榮冰室 (常悅道)

營業中

休息中

一向都覺得光榮冰室好好食呢日去完旅行最掛住係茶記西多！光榮有兩款西多選擇: 傳統西多士餐$32花生醬夾心好好味，外面蛋漿好香芝腿西多餐$34幾有創意，咸咸甜甜咁，幾得意！兩款西多個人都係中意傳統果隻多啲！總括啲食物係好味既，如果啲食物可以岀得快啲就更好了！

呢間嘅滑蛋牛肉飯真係好難食味道同水一樣，一啲味都冇。蛋好碎好少啲汁又冇味。希望你地用心小小唔好咁求其，真係好失望，之後唔會再食。。。。。。。。。。。。。。。。。

光榮好出名，但真係第一次食，因為成日堂食都好多人。🤓食過嘅朋友都一致推介「三眼仔」、「雞扒」，本身心諗，咪又係茶餐廳嘢😆。食落覺得，又真係做得幾好食！🙂🫴🏻三眼仔雞扒飯 加蔥油（外賣）雞扒 - 外皮煎得非常香脆，肉質都彈牙，亦有肉汁！外賣泥講，都真係超班！🐎飯 - 煙韌有咬口，外賣都唔會焗腍曬，幾好！🤤蔥油 - 蔥味香，撈飯+配雞扒都好fit，香口得泥又juicy。🤩蛋 - 中規中矩，焗耐咗，蛋黃冇流心，不過煎蛋可以做到緩衝效果，減輕油膩感。😇

好耐冇去九龍灣 揾返間良心店食飯先💛今日突然想食炒蛋同多士所以就去左光榮😋叫左個全日特餐、朋友就食是日午餐快餐～-全日特餐8 - 🥩🍜招牌香煎雞扒公仔麵 $45包牛乳炒滑蛋、轉辛辣麵(free)、轉丹麥多士(+$1)😍超開心🥳依家仲有$45一個常餐 仲包咁多野 剩係份量都抵晒！🍜辛辣麵煮得啱啱好 煙煙韌韌 唔會太淋😋調味粉係自己加嘅 唔怕一次加晒會太辣～🐣煎雞扒成個碗咁大塊😍😍煎得外香脆內嫩滑😌可以同啲平價西餐廳比呀🍳My favourite炒滑蛋😍香滑蛋味濃🍞丹麥多士有酥香味 仲搽左牛油🧈少少鹹香超好味😭💖好邪惡呀-光榮快餐A - 🐷🍳叉燒炒蛋飯 $50 包餐飲朋友話好想食開心浩園餐 但掙扎後揀左叉燒炒蛋🤣🤣🐷🥩呢度嘅叉燒係瘦叉😋😋唔會食到好油膩🥚炒蛋忯火半熟炒滑蛋黎 超級滑撈埋少少豉油 溝飯食真係一流😍-跟餐仲送凍熱飲品 凍飲唔洗加兩蚊叫左杯凍華田 黎到佢係面舖左大量柯華田粉估唔到一杯跟餐送嘅飲品可以咁高質😍🤩柯華田由頭飲到尾都超濃 同出面$4-50嘅特飲差唔多 真係超良心💛

九龍灣都幾多茶記，試過乜哥，試過時代，咁唔淨在光榮。完全沒有裝修好本地茶記格局，完全茶記的餐牌，就當然點了最地道的茶餐。其實我覺得光榮最引以為榮的地方應該是辛辣麵及出前一丁都不用加錢，連凍飲都不用加錢。但唔明點解多士反而要加$1？！點了鮮牛辛辣麵，煎雙蛋配方包，凍檸茶走甜。令一份是沙嗲牛肉一丁，同樣煎雙蛋，多士。無論沙嗲牛畫仙遊，牛肉份量其多。辛辣麵及一定的調味料是分開上的，絕無取巧。煎蛋用的也是大蛋， 十分實在。整體來說，性價比高，貨真價實。

光榮冰室是著名黃店，無人不識，但其實除了黃店的身份外，其製作食品大件夾抵食，味道亦不俗。光榮冰室分店不在屋企或工作地點附近，如果要食早餐的話，會趁外出其他區域時幫襯。光榮的金牌早餐可以選擇最大路的仿鮑片火腿絲通粉、雪菜肉絲米或叉燒湯意，全部34元，另可加1元轉丹麥多士。仿鮑片火腿絲通粉份量真的很大，足足一大碗，可以當作早午餐。鮑片火腿絲與通粉的比例差不多是一比一，每啖入口都有鮑片及火腿絲。光榮的炒蛋很出色，顏色金黃蛋味足，入口滑溜，雖然炒蛋比煎蛋卡路里高一倍有多，但也不住叫上炒蛋。

【光榮冰室】充滿政治色彩，有人喜歡又有人唔喜歡 …… 冰室的格局就是一間很簡陋的食堂，但勝在價格街坊，疫情下隨便一餐吧。疫情下選擇下午茶時段午餐，人少D而且又平D！ 第五波下2人一枱 …… 每個人都是望住塊紙板食，真係好孤獨 ……作為冰室，食物選擇基本炒粉麵飯都有，筆者見網上介紹這裡供應煲仔沙嗲公仔麵，所以諗住試下 …… 點知唔見Menu 有。有些失望，但是冰室有24款下午茶餐又幾豐富。最後揀左【沙嗲牛肉包配薯條 $35】。沙嗲牛肉包即叫即製作，牛肉加入特製沙嗲醬及調味料，再放入烤過的長型麵包中。沙嗲牛肉份量超多，而且沙嗲醬汁滿滿，用手拿起食難度甚高 ……. 最後用刀叉食比較乾淨。這個方法好似食印度咖哩，另一番味道。沙嗲濃郁而且牛肉不嚡口又沒有渣，幾惹味，絕對可以比美高級快餐店的漢堡包。高級快餐店的漢堡包差不多百元，這個土炮沙嗲牛肉包只需要 $35，仲要有薯條奶茶，真係性價比高。如果加入洋蔥，相信口感更加豐富及美味。

平日路過好鍾意去光榮食下午茶，有時索性買定做early dinner，抵食夾大件。想食得飽嘅話，個人推介蔥油鴛鴦扒飯，蔥油撈飯好好味，雞扒同豬扒都煎得外脆內嫩，茶餐廳來說無得輸。（餐$44）另外食過茄汁雞/豬扒飯，味道不錯，若果有返一兩舊蕃茄而唔係得茄汁就更加好。炒貴刁都ok，但感覺就無飯咁抵食。唔想食飯麪，可以食佢嘅炸嘢，吉列豬扒同吉列魚柳都超正！可以配沙律/薯角/西多士。唔想太肥的話，推介配沙律，我最欣賞佢個沙律有唔同食材，例如青瓜、椰果、蘋果之類，有唔同口感，而唔係好似啲連鎖快餐店整一pat爛蓉蓉嘅沙律就算。（餐$35）值得一讚係凍飲仲唔駛加錢𠻹！（外賣就每個餐加$2）

某星期六去食早餐，食物ok價錢合理自此就多咗幫襯，但近排真係好唔掂，唔掂唔係講食物係講個出餐……weekday打工仔個個都想食個快早，但就好耐都出唔到餐唔知係咪換咗廚房人手….試過幾次都等成15分鐘或以上先有嘢到……今日真係等無可等…..直情取消走…..坐我前面比我早到嘅都係嚟咗份唔多有烘嘅多士，多士仲係要加錢….後面個男人鬼x咁話半個鐘都無嘢食…..睇到食評真係要好好正視吓囉！

講到 #港式美食 1. 當然要要去茶餐廳、冰室先夠「港式」2. 西多士🍞相信冇人質疑唔係「港式」而咁多地方都有西多士 但點先係好食嘅西多士呢？就係要有 🥜花生醬夾心‼️‼️雖然係好heavy 就你揀得西多士，都唔會諗著係healthy 啦🤣🤣#下午茶 有 #炸魚柳 #吉列豬扒 #生炸雞中翼 #生炸雞髀🍗 揀不過得 炸魚柳同吉列豬扒 可選配西多士 其餘就仲可以揀配 薯條式沙律熱愛西多嘅我唯有今次揀 #吉列豬扒西多士 🤷🏻‍♀️西多士有半份😋 賣相同味道完全夠「港式」💛有花生醬夾心😍而且係均勻都有，唔會得中間有，但去到邊位就淨包🙄證明廚房唔係Hea住做吉列豬扒 今次就炸得深色咗少少 但絕對唔係燶咗🙅🏻‍♀️欣賞佢個炸麵包糠 唔會好厚粉 真係麵包糠嘅脆皮👍🏻另外 眾所周知 #光榮 凍飲唔駛加$2今次叫咗杯 #凍齋啡少甜又係夠 #港式 嘅煲咖啡 唔會好酸不過呢。。。我叫少甜 佢都仲係好甜😅😅

之前幫襯過銅鑼灣分店不錯，但依間就麻麻。我同朋友兩個人去食，有個四眼哥仔落單。佢冇寫低我地要咩靠個腦記，我都心諗咁好記性？點知凍奶茶就落咗凍檸茶，西班牙奄列落咗炒蛋😑咁我都好聲好氣同個呀姐講話落錯單，個四眼哥仔黎話我冇講過要西班牙奄列，仲話:「你依家要轉咪轉俾你」。我即時著火，啤住佢話我係話要西班牙奄列😠其實冇理由自己錯仲賴個客，仲要我都冇怪你你就黎撩交嗌之後聽到好幾枱都有落錯單，好似叉燒炒米就嚟左牛肉炒米，好心冇咁好記性就寫低啦......

要快 要平 要夠飽 💛光榮幫到你💛正所謂有圖有真相 see~~~#鮮茄豬扒意 上到枱 😱😱o咗 目測有成兩大塊豬扒堆到成坐山咁🤣🤣叫咗碎上（即係砌件）不過合返埋 堅係有成兩大塊架！！真係食極都仲有😂😂下午茶時間 只係$42 完全係大件夾抵食😎😎仲要依家有邊間茶餐廳/冰室會做？！冷熱飲同價🤑味道方面 依家真係穩定好多 講真 係茶餐廳質素 夠做而且有咩想反映或者鼓勵 係呀 枱面有個QR code 可以填返份表達意見form

❌❌❌話說之前已經提及過本人對光榮有小小先見之名，因為之前兩次不快經歷，令我滿心期待嘅葱花旦治早餐報消（詳情可以留意番我上一個post) 終於忍到今時今日，我衰心軟又去試多次自己既底線，不過今次學精左打電話📲落order 先，免卻等餐死同埋去到先話冇。結果⋯⋯⋯⋯⋯我等左兩分鐘唔夠就有喇😌感恩同時我留意到外賣收我$2外賣盒🥡錢（已經比出面加$1貴左一倍）都算！點知我發現一個外賣🥡都冇俾我，三文治🥪以紙袋包裝（當然我其實唔希望佢用膠盒裝份三文治俾我）如果$2外賣盒錢係用嚟俾紙杯同紙袋？我本人覺得唔多合理。雖然$2唔係話好多另外係個收銀嘅態度，完全莫視左我，之前都見識過當住我面發其他姐姐脾氣（係因為我之後等左成半粒鐘都未見到我個外賣，我同佢講我唔等要取消，佢將不滿我嘅情緒發洩響其他人身上）今次咁啱旁邊有位姐姐幫我處理乍。佢似係負責人不過唔應該咁做生意喎。講番野食先，爆葱花旦治我想食好耐，雖然唔係咩貴價野，不過又冇乜地方有得食，見呢度有所以點都要堅持食一次。蔥花炒蛋ok ，有足夠嘅蔥，炒旦尚算嫩滑，可惜份烘底面包完全唔鬆軟，直頭有啲靭⋯⋯奶茶唔夠滑又唔夠奶香😕絕對絶對會係我最後一次幫襯🙏🏿

光榮冰室 #叉燒炒蛋飯突然好肚餓，諗起幾日前有foodie post過光榮冰室嘅叉燒炒蛋飯，好似好吸引，即刻走去試。未到食飯時間，所以人唔多，我估計1點去要排好耐，因為附近真係好多人返工。服務員態度好好呀，唔會嫌我慢，因為我好少食茶餐廳，見到咁多選擇又要諗一陣(明明去之前已經諗好要食叉燒炒蛋飯🤣)我要咗少飯，唔知係咪咁嘅原因，睇上去勁多蛋同叉燒，蛋真係好滑好好味，懷疑係咪用咗5隻蛋，份量多到呢。叉燒都好味呀，加上少少甜鼓油，好幸福吖。呢個飯絕對要推介俾大家，尤其係肚餓嘅時候，真係又好味又頂飽又平，一個餐48，包埋一杯熱飲。一個字，正🤣

光榮係良心餐廳就唔駛介紹啦👍🏻 今次就同朋友各點咗個蔥油雞扒飯同五香肉丁炒飯😋朋友點嘅蔥油雞扒飯雖然係肥仔餐，但唔算太油膩，雞扒好厚身之餘亦都啖啖肉汁🤤🤤 就算我依個唔食蔥嘅人都覺得蔥油好香，同飯配搭得好夾😋而五香肉丁炒飯就炒得好乾身，明顯好有鑊氣同火喉👍🏻 五香肉丁好香口，連埋粒粒飯香一齊食，真係最佳配搭！😎