入素

營業中

休息中

自從入素係KCC開左分店之後，每次想chill住嘆素就會來呢到，呢到無論係海南雞飯定肉醬意粉都超級高質，好味程度簡直係全香港數一數二👍🏻但全個午市套餐最想highlight嘅佢碗素湯😳點解可以咁濃，好香菇菌味，真心好飲過肉湯n倍🤩未來肉醬意粉$88🍝（套餐包湯及飲品）全素無五辛，肉醬份量夠多，而且同真肉醬意粉好似，重點係鹹香度適中😋(我發覺好多素食餐廳嘅嘢一係就太淡一係就太鹹）沙嗲牛肉串(+$22)🍡雖然無乜肉感，但佢配埋沙嗲醬係幾唔錯嘅😙

💛手工海南雞飯• 黃薑飯• 香菇素湯 💛廚師好有心機，將腐皮一層層摺疊，成為雞肉形狀及質感。外面再用薑黃造的澄麵皮作為「雞皮」，通透感同軟滑的口感，真係有90%似。食薑黃飯比起傳統雞油飯更健康少油，但不失香味。💚All Day Bruch💚特別想介紹佢地既「蛋」，真係心機之作。一般素蛋通常用係scramble tofu，但入素既蛋，係用玉米蘿蔔特別調配而成，煙韌中有少少甜味，非常特別。另外，炸蠔 🦪炸蝦🍤都非常出色。特別係炸蠔，炸漿香脆，味道做到非常相似真係難得，爹D更大讚好味👍🏻🧡入素小食拼盤🧡十幾年無食牛既我，推介牛肉串燒，有驚喜，係有爽滑口感嘅牛肉，有少少似牛舌😍。拼盤入面仲有春卷，炸雞，薯條，沙嗲雞肉串，非常豐富。二人份share剛剛好。💙雪花椰汁糕💙純素甜品，全椰奶製作，啖啖椰香。仲有芒果及抹茶口味。欣賞佢地用既醬汁同辣油都係自家製，全純素。

🥗依家出邊有好多唔同食素嘅餐廳🍴呢一間餐廳值得大家一試👍..😊今次我係第一次食🥣原因就係我俾佢個「素版海南雞飯」吸引咗🐔佢不單止個樣好似💯打卡一流👍而且味道都唔錯👍份量亦都唔少💯佢個餐仲跟一個菌類嘅湯😍超好飲呀👍仲有佢個白桃綠茶☕️好香好好味呀😋..🐔手工海南雞飯 $78..好味道😋份量又夠大💯若果你怕唔夠飽，可以加大個飯㗎👍個餐已經包埋一個湯同埋一杯嘢飲🧃抵呀。..🥣小食$22/1份 (我哋四個人所以叫咗4個小食)..❇️沙嗲羊肉串❇️沙嗲牛肉串❇️桂花叉燒 x 2..💰$410/4人 ..📍葵興KCC@Life 8/F..服務：⭐️⭐️⭐️⭐️⭐️食物：⭐️⭐️⭐️⭐️⭐️環境：⭐️⭐️⭐️⭐️⭐️(五星為滿分)

昨天中午我跟朋友去幫襯，在門口等了接近半小時，店員不斷出來說唔好意思。我話慢慢我哋唔急的，之後約半小時後入去坐，男店員非常有禮非常Nice問我哋食D乜，之後一個四眼女店員又過來擺餐具說多謝我哋久等多謝諒解，朋友點了海南雞加叉燒的套餐，我點了咖哩吉列豬扒加小食樂樂雞，另外點了2杯果汁。問心食物就好一般唔多選擇。另外小食樂樂雞不新鮮有怪味我隨即叫店員收走。也清楚聽到男店員跟廚房反映問題。三十分鐘我們就走了，盛惠220元。地方太細勝在服務非常之好。不過標榜新式潮流素食我們就不太合吃了。全部是仿肉，漢堡包，雞肉，豬扒之類。菜也沒有得點。下次我們不會去了

環境清淨 喺kcc食lunch嘅首選 新開張嘅素食餐廳味道唔錯 坐bar枱望出去街景 雖然係樓景但係都好寫意 叫咗個咖喱豬扒飯 賣相好有心思 味道亦唔錯 可以自助落單scan qr code揀多飯 十分推薦杯白桃綠茶 好飲！仲送一碗素清湯 好有味 素餐廳嚟講 個人覺得真係數一數二 如果想試下素食 或者帶朋友試食 健康啲嘅可以嚟呢間試下 係一個唔錯嘅選擇！環境唔嘈雜 清清哋 非常適合都市人嚟放鬆下 唯獨菜式唔夠多樣性 不過素餐廳嚟講 呢間都有4-5星級 會再幫襯！