入麵 (已結業)

今晚又同老公出去搵嘢食 ， 我哋行過呢間麵店好多次 ，始終冇入去食過 ，睇過佢嘅餐牌 ，總係覺得冇乜特別賣點， 今晚決定畀個機會佢， 入去試下。我哋叫咗兩個晚市套餐:鹽酥雞球~ 炸得都幾香口， 上枱時熱辣辣， 不過件數唔係好多囉口水雞~ 對我嚟講有啲過份辛辣， 我食咗兩件就食唔到餐廳稱湯麵嘅湯人底無味精，我地叫左豬骨湯，一般。另外叫咗一個撈麵， 呢個好食啲。配菜方面，青瓜 冇乜特別，清湯蘿蔔都幾甜，蚊得都幾林。餐飲叫左奶茶，太甜、唔係太香，冇飲晒。總括嚟講 ，呢間餐廳價錢都算抵食 ， 餐牌亦有唔少選擇 ，不過食物嘅味道 、質素同分量， 都冇令客人留下深刻印象，掛住想再去食。

早幾晚飯去路德圍搵食，見呢間未食過，入去睇吓會唔會有驚喜。我地叫左兩個晚餐，包前菜、主菜、飲品。前菜選左蘿蔔及青瓜，蘿蔔林同入味，ok啦。青瓜幾新鮮、幾爽。個拌麵嘅醬汁都幾好味，口水雞幾spicy，味道都唔錯，幾開胃。另一個主菜係鹽酥雞球，即叫即炸，非常熱，上枱後要隔5分鐘先食到。炸得好香、好鬆脆，味道都唔錯。飲品叫左珍珠奶茶走珠(我唔鍾意食珠)。其實我麻麻地台或奶茶，覺得唔香濃。不過餐飲冇乜選擇，加錢嘅non餐飲都冇乜吸引。

黎到荃灣路德圍，梗係離唔開個“食”字啦，行下行下見到有鋪鋪名叫“入麵”，個名又幾有創意得意，於是就入去試試先餐廳風格比較新穎，似足台式cafe，餐牌上都好多選擇，最後就揀左個鹽酥雞球湯麵等左約10分左右就送上枱，雞球同湯麵係分開上，令到啲雞球浸住係湯度，呢個第一要讚地方，啲雞件即叫即炸地熱辣辣，外金睇落金黃酥脆，入口充滿肉汁，麵身軟硬適中，最後個冇味精豬骨湯底的確要讚，食哂成碗都唔會覺得口乾整體上來講真係算係非常唔錯，如果有行開呢邊，又鐘意食台灣野既，真係值得試下

今日睇完食評專登去試吓感覺幾特別，因為未試過呢種台灣風味嘅菜式。我因為唔太肚餓，便揀咗一個迷你版嘅肉燥撈麵$18，配菜有生菜木耳粟米粒，有幾款醬汁選擇，幾新鮮幾好味。 另揀咗杯玫瑰奶茶，有玫瑰香味+茶味，幾特別的，但忘記咗加珍珠。另叫咗一個晚餐,揀咗麻香雞撈麵，幾香口，啱晒咁熱嘅天氣食，但雞嘅肉質煮得老咗少少。 另有一款小食拍青瓜都ok，選咗杯熱嘅茘枝玉露少甜，好香好味道。希望下次試吓佢地嘅招牌水餃整體都滿意，大家可以試下👍

麻香雞麵套餐，要了清湯蘿蔔，田園蕃茄湯底。蘿蔔有多渣，而且帶有苦澀味，這樣的味道還好意思放上檯。蕃茄湯如清湯般，淡而無味，不合格。麵質也一般。主角麻香雞，賣相及香氣還頗令人期待。但嚐第一口後，完全不能接受，簡直是浪費了隻雞。雞是用微波爐加熱的，但溫度不平均，部分位置還是涼的。另外最大的問題是，雞肉的質感鞋到像樹皮一樣，除了表面沾上了麻醬外，雞肉基本是無味的，零分。無心煮不如不要煮，為什麼要繼續浪費食物呢？

夜晚9點幾10點係路德圍仍然有好多野食，入麵係我地成日會揀嘅其中之一，係一間台式麵食小店，但又未之於係好正宗嘅台式麵食，因為老闆加左唔少自己嘅風格，招牌就有兩種，牛魔王同豬八戒，個整法幾特別，係手打肉咁嘅形式。夜晚就會有幾個晚餐可以選擇，會有埋小食飲品，咁今次就叫左一個牛魔王同晚餐嘅汁燒牛肉，佢麵就可揀湯或撈，我自己就覺得最好係蕃茄同豬骨。牛魔王個肉係唔錯嘅，手打好彈牙。不過今次汁燒牛肉就麻麻，平時係用肥牛，今次就係牛肉片，有小小鞋，不過照老闆講就因為有啲客人覺得肥牛有時太多膏好韌，咁老闆都仲研究緊究竟邊種牛會比較適合。大家下次黎就留意返啦。

今日去了荃灣經過一間吃台灣拉麵嘅食店，餐廳menu總算是給引。但遇到一位好無禮貌，而且態度極之差嘅女店員對待！！！，後來得到店舖老闆贈送一款甜品作為補嘗，心情才平服。

從來無寫食評，"入麵" 真心好好味！所以來這裡推薦一下！之前同朋友成日去荃灣揾食，但食黎食去都係果啲，有一日，想食湯面，無意中在openrice 發現"入麵", 個名幾得意，而且是台式食物，好耐無食，所以就揀了它*V*有很多食物都好合自己口味(口水魚蛋，蘿蔔，椒鹽雞球）首推椒鹽雞球湯面，因為雞球即整，好香口～而朋友點了麻醬雞，味道ok。不過，個人比較喜歡煎炸食物，椒鹽雞球，無得輸蘿蔔，如果入味點會好一點（哈哈～我重口味XD)口水魚蛋，夠辣度，越食越過癮***另，老闆服務態度好好，熱心介紹食物，是一間用心的小店絕對值得一讚

返到香港, 途經路德圍嘅時候, 身體裏面嘅為食蟲不停咁叫, 鹽酥雞球~ 鹽酥雞球, 自然而然又行咗去~入麵,麵店主打無味精同彈牙手打麵, 呢兩點佢哋做得好好, 起碼係呢度食咗咁多次麵, 都唔會有食完就口渴嘅感覺, 最直得一讚嘅係店主同店員都非常親切友善, 呢個亦都係除咗食物好味之外, 另一個吸引我再返嚟食嘢嘅原因。拍青瓜~ 青瓜嘅清甜爽脆同黑醋嘅完美結合, 我個小朋友每次嚟都一定要order。豬骨湯手打拉麵~香濃嘅豬骨湯底, 飲落去你會發現有一絲絲嘅肉絲， 配上又滑又彈牙嘅手打拉麵 perfect match.鹽酥雞球~ 即叫即炸, 食嗰陣時要小心啲, 唔係好容易辣親.外面炸得金黃酥脆, 咬開入邊仲保留到肉汁.滿足嘅一餐. (青瓜上咗枱一陣就比我食晒)

是晚同朋友過黎荃灣食飯，求其係比較多食店地方揀了間食台灣麵由於有幾個人，可以每人一個餐再叫小食我叫了個鹽酥雞配豬骨湯麵，個湯底好好味，無味精可以飲多幾啖，至於個雞略嫌炸得燶左，不過個調味做得唔錯！朋友試個番茄湯麵，個醬香骨好淋，好入味，個湯底朋友直頭飲晒，證明佢真係好好飲另外再叫左個番薯條，非常好味，剛剛炸起熱辣辣，只係調味粉唔夠均勻...但無味粉都已經夠味了飲品要了珍珠奶茶，好香茶味，感覺唔似用茶粉開..唔通真係自己煲茶？下次經過真係可以外賣一杯走呀

地方細細但內裡裝修好別緻，內有獨特畫作很有香港風情。主打無味精豬骨湯底配手製彈牙面是店內有心之作。麵底有口感而且掛湯能力幾好，每條都有濃郁豬骨湯味。而且湯底無味精，飲晒都唔口渴！點餐到上枱因為即叫即製，所以大概要等10分鐘左右。上枱食物熱辣辣、香噴噴，超讚！個人最鍾意店內椒鹽雞球麵配冬瓜茶又者是探戈豬扒麵配藍天寒峰雞球鬆脆多汁 冬瓜茶清甜解渴食完炸物又可以解膩 即時清新口腔探戈豬扒口感特別 脆口但不油條藍天寒峰裡面的蜂蜜爆珠是我最愛顏色好看又好渴 打卡必拍！還有必試小食--炸蕃薯條👍👍👍👍👍有蕃薯味又不乾經過真的要入鋪試試順帶一提 老闆和職員們為人勁好每位都會用心招待

今日同同事去到荃灣路德圍食飯，又唔知食咩好，誤打誤撞入左去一間食台式麵的餐廳，餐廳以台灣麵食作招來，午餐都附有一d台式飯選擇，例如有肉燥飯等，仲有一d台式飲品選擇。 講返今次試既麵，經特應推介下，我哋都不約而同點了同一款招牌麵，就係豬八戒麵，跟據待應的描述，大概係新鮮豬肉打成既豬肉滑嚟，另外仲有一款差唔多既麵食叫牛魔王麵，就係用鮮牛肉打成既牛肉滑！ 不過今次就只點左個豬八戒麵食！我點左豬骨湯麵，味道清淡，適合唔食開重口味野既朋友食，豬肉滑幾彈牙，幾好味，美中不足係個麵既份量一般，女士應該無問題，男士就可能要去後面食多碗$5 豆花先夠飽了!

呢間一直都係我收藏之列，最鍾意呢到嘅麻醬雞，麻醬甜甜地又夠香，而個麵又淋身又大碗，不過個豬骨湯底重左少少胡椒味，都係好食嘅。另外男朋友叫嘅排骨麵都唔錯，排骨係滷汁好入味，但係“鞋”咗少少，都接受到。呢個set 仲有菜同野飲，自己偏愛冬瓜茶，但之前覺得太甜，今次落單個時問咗原來可以少甜，雖然落單侍應話會偏淡，但我反而覺得少甜好飲好多，仲有茶味。呢到細細間鋪但waiters 好熱情，而且野食都接受到，又唔係貴，推介推介～

行過見食物名字改得幾特別， 便入去一試。分別要了一碗牛魔王蕃茄湯麵 及豬八戎撈麵。叫左先知材料係用牛滑同豬滑做的， 聽落好似會無咩口感， 不過即管一試， 可能會有驚喜呢?點知…真係無驚喜， 蕃茄湯底頗清淡， 雖然餐廳標榜不加味精， 但食得出有用茄膏無加鮮茄而且唔足料。 牛滑無咩牛味亦無口感， 麵質只算不過不失。豬滑亦如是， 加了粉做成的豬滑注定肉味及口感都不足， 撈麵汁都香不過淡左少少， 我已經係淡口人， 平時煮野唔落油鹽糖， 不過出街食野唔會期望咁淡既口味。係路得圍呢個質素其實未必做得住， 假期晚飯時段都唔滿坐， 老闆真係要諗諗計啦！

星期六又行到路德圍附近知道路德圍既食店都轉得幾快打算搵啲新野試下行過見到入麵見午市套餐50蚊左右有個麵仲有珍珠奶茶價錢其實同其他餐廳差唔多但想食台灣野就諗住入去試下叫左個椒鹽雞球撈麵+珍珠奶茶$48上菜都幾快椒鹽雞球同個麵分開上雞球都炸得幾香份量都ok多個撈麵就一般般食完都唔太夠飽好彩仲有杯珍珠奶茶頂下肚珍珠奶茶甜度適中水準同出面其他店差唔多朋友叫左個湯麵味道麻麻地建議大家去食都係食撈麵好啲食完覺得50蚊一set都算貴貴地