兩姊妹涼皮有限公司 (黑布街)

營業中

休息中

一直都好想試吓呢一間餐廳好似仲越來越多分店😯入到去先發現原來都攞咗幾多米芝蓮😧旺角分店比較偏僻 係黑布街入面唔係好多位 先落單跟住就坐招牌兩姊妹涼皮 ($34)可以另外加餸 今次就冇特別加涼皮可以揀辣度 唔食得辣可以走辣份量適中 有青瓜絲芫荽爆脆豌豆全部都可以增加口感 口感更豐富至於涼皮都比想像中好食 好滑嘅口感唔係好似平時食嘅黐埋晒一舊所以食落唔係好Heavy 另外個酸辣汁都好夾 食落好開胃整體好食 性價比都高👍🏻👍🏻👍🏻

凉皮很美味，藕丁和云吞也很好吃，是喜欢的味道。温馨提示：对于能吃辣的我，对麻辣味还是害怕的，建议大家别点太太太辣的，真的好辣好辣，又麻又辣，眼泪汪汪的。店里的财会小姐姐很漂亮、耐心。

突然經過黑布街見到兩姊妹涼皮之前已經喺唔同嘅YouTube Channel見過去到先知，原來係米芝蓮即管試一試門口已經見到有23-25年米芝蓮嘅牌多咗一份期待大笨象媽咪入到去見到門口有好多唔同嘅介紹叫咗一份招牌嘅涼皮加雪花雞絲 小辣個口感涼皮真係幾唔錯食落去辣唔係即刻好搶喉雞絲建議可以多番少少，有啲變咗雞絲碎咁整體比想像中好食另一個係牛肚涼皮，叫咗中辣但係感覺上中立好似冇俾小辣辣好多，但係就酸啲牛肚好好食成個涼皮，我以為好似小食咁，但係原來都幾飽係一個正餐嘅份量做緊promotion可以加一蚊換呢一個冰粉有啲太甜，味道都OK如果可以事前問大家甜度，味道可能會再好食啲香港唔多見嘅甜品

估唔到已經開左咁多分店ꪔ̤̥ꪔ̤̮ꪔ̤̫👯‍♀️招牌兩姊妹涼皮 $34涼皮好滑，一啜就滑入口XD同埋可能係雪過所以食落涼浸浸夏天食好舒服！加埋特製醬汁好惹味令人一啖接一啖芫荽味道唔會好出👍🏻（by不愛芫荽人士）🐣青瓜木耳椒麻雞 $33手撕雞咁～🐽蒜泥白肉 $32有辣有蒜ദ്ദി ˃ ᵕ ˂ )以上三種都揀左BB辣🌿薄荷汁 $20係薄荷青瓜汁，非常fresh飲完涼浸浸

兩姊妹我由長沙灣店已經食開💓平時我就食開佢啲粉皮 粉皮整到好滑身 同埋佢啲醬汁好開胃 次次食到最後都心諗食完拿！想再番兜今次試吓個麵先 同埋叫咗隻溫泉蛋 啱啱食完呢個第二餐🤗Btw佢啲雞絲唔好expect咁多未去到好滑身嘅雞 不過朔晒啲汁係幾正嘅中意佢既花生永遠脆身

-見呢間兩姊妹涼皮攞咗米芝蓮，又喺旺角設有堂食店，所以再去試吓，以前喺太子外賣店已經食過揀咗中辣，因為去到大辣陸就要另外再加錢，食得辣先好叫中辣啊！有bb辣微辣小辣揀的！涼麵同埋涼皮嘅配料一樣，我覺得涼麵比起涼皮更加入味，不過另外加嘅配料豬耳同個麵格格不入，可能因為店員冇同啲醬汁一齊撈，可以唔洗加口水雞冇咩骨，撈到好入味，見優惠價加購一人份量，可以試吓嘅～-▶︎重慶涼麵 中辣| $33配有芫荽、蔥、青瓜絲、花生碎、豌豆、芝麻豬耳 | 另加配料$13▶︎招牌兩姊妹涼皮 中辣 | $33配有芫荽、蔥、青瓜絲、花生碎、豌豆、芝麻▶︎脆瓜口水雞 中辣 | 優惠價加購$28-📌#sorriso_旺角 #sorriso_油尖旺區#sorriso_元朗 #sorriso_元朗區#sorriso_啟德 #sorriso_九龍城區#sorriso_中環 #sorriso_中西區-🏠【兩姊妹涼皮有限公司】📍旺角黑布街99號地舖📍元朗教育路68號兆豐樓地下21號舖📍中環康樂廣場1號怡和大廈LG樓BaseHall Kiosk 9📍九龍城啟德承啟道38-39號啟德體育園啟德零售館1 2樓M1-206號舖🕑星期一至日

天氣開始炎熱🌞，想食點開胃菜，涼皮正係好選擇～貴為入選2023年同2024年的米芝蓮餐廳，少不免要排隊！🧍‍♀️🧍‍♂️等了大約15分鐘便入座，入座前要先在收銀處落單，所以建議在排隊時考慮好食咩，咁就唔駛卡關～💁🏼‍♀️點了招牌兩姊妹涼皮配雞絲、青瓜木耳椒麻雞、新鮮青瓜薄荷汁～ 🥢涼皮入口滑溜，口感很好，厚度剛好，有口感得來易於咀嚼！配上青瓜絲，辣辣地滿開胃，整碗份量都幾足，作午餐都夠飽！ 🥗青瓜木耳椒麻雞也很不錯！難怪不少顧客單點涼皮再直接點這小食～ 🥒新鮮青瓜薄荷汁，味道真係見仁見智，鍾意的人會覺得好清新，飲完好提神！唔鍾意的人會覺得草青味好重，好難接受！而對我來說食完辣嘢，飲下清👅油膩感⋯降降火是不錯的～ 🪑至於座位方面不算闊落，屬於速食店，不太適合同一班朋友來吹水食飯，比較適合一人行或兩小口來開餐！✅以每人大約港幣一百元嚐到米芝蓮美食，不妨一試～

旺角太子搬咗之後，終於俾我搵到新址，希望繼續做落去，等我有得食🙏🏻米之之店，保持固有水準，輕食者1流，大家可以去支持下，近旺角東火車站多啲，叫外賣又得堂食又得😉🫶

知道兩姊妹涼皮攞咗米芝蓮必備登推介，個日專誠嚟試試佢，去咗旺角分店，裝修乾淨企理，等咗大概5分鐘就入得。首先要喺出面收銀枱買咗嘢食先，所以大家等位嘅時候就要決定好食咩🤣兩姊妹涼皮 $33 (加溫泉蛋 $7)涼皮涼浸浸爽滑，而且好粗，一啖就填滿哂個口😋湯汁叫咗個BB辣試一試個水溫，唔太刺激但又可以過下口癮，正！🌶️入面有青瓜絲，花生粒，同埋炸豆，我加配咗嘅溫泉蛋煮得啱啱好，外面滑嘟嘟，蛋黃唔會太生，成個拍落口，真係好滿足🤩成碗涼皮有唔同層次，口感好豐富。佢一碗份量都幾多，食極都仲有，好似變魔術咁🤣青瓜木耳椒麻雞 (套餐加配 $30)首先要讚下佢啲拍青瓜，唔知係咩品種，但係我食過最脆嘅青瓜，真係好有驚喜🤩椒麻雞嫩滑入味，加餸必叫！.雖然食完之後會有啲口臭🤣唔敢擘大口同人講嘢，但都依然會想再嚟食😍

「兩姊妹涼皮有限公司」自從食過中環BaseHall外賣後對佢念念不忘，今日經過黑布街，又心思思想食🤭招牌兩姊妹涼皮點左招牌兩姊妹涼皮+雪花雞絲，涼皮爽口彈牙又滑身，雞絲原來真係可以撕到雪花咁幼細架，食涼皮醬汁絕對係成碗野既靈魂，以自家調配既辣椒油 & 9款醬汁撈埋既涼拌汁，味道偏酸帶微甜，好岩我口味，BB辣都食到微微既椒香，下次可以叫少辣應該仲好食😋旺角店唔算好大，入去先點餐付款，價錢比中環BaseHall平，食完成碗雖然唔算好飽，但滿足到我既味蕾已經值回票價🫰🏼

🥢 【 兩姊妹涼皮有限公司 】 🥢⋄ —————⧫♟⧫————— ⋄如果俾我評分，佢唔會攞到米芝蓮🥴我都係鍾意傳統四川風味🌶️而唔係佢呢個因為還原唔到上一手四川姐姐嘅醬汁，而自行改良嘅所謂「香港口味版本」🙈口味太淡，又甜🙅‍♀️反而蓮藕好出色，勁清爽👍🏻⋄ ┄ ┄ ┄ ┄ ❖ ┄ ┄ ┄ ┄ ⋄1.兩姊妹涼皮（$33）2.青瓜木耳椒麻雞（$30）3.嗆辣蓮藕丁（$34）4.五彩冰粉（$26）⋄ ┄ ┄ ┄ ┄ ❖ ┄ ┄ ┄ ┄ ⋄⋄📍地址：兩姊妹涼皮有限公司 (旺角)旺角黑布街99號地舖⋄

係太子分店嘅時候已經開始幫襯。酸甜可口嘅酸辣汁，配上爽口嘅涼皮及配菜，清爽之餘亦有豐富嘅口感。有時候放學一個人，又唔想食太Heavy嘅野，都會過黎呢度。推薦涼皮（試過另外一個生酮涼皮，相較之下呢個普通涼皮贏曬）加雞蛋乾（切到好薄，沾上酸辣汁，好惹味。）椒麻雞（建議由小辣開始嘗試～，加上青瓜及木耳，十分可口，有加配價）。店員服務態度良好，小店裝修OK，坐落亦舒服！

兩姊妹的涼皮非常有名，我一直想嘗試，連牛角黃老闆也推薦，實在是要快點去品嚐😋。這次前往旺角，特意這比較偏位於黑布街靠近亞皆老街的店舖，購買了外賣帶回家享用。畢竟是米芝蓮 的推薦，雖然該店位置較為靜，但仍然不斷有客人光顧👍我原本擔心外賣帶回家後味道會有所下降，但意外地得到丈夫的高度評價😎，他甚至還想要Encore呢😂。我們試了招牌的涼皮，價格為$33，並加了雪花雞絲$10及溫泉蛋$7。本人一向喜愛粉皮，但不容易找到好吃的，兩姊妹的出品果然水準高👍涼皮薄而滑，沾上醬料味道十足😍雪花雞絲相當特別，為整個菜品增加風味👍🏻。溫泉蛋🥚的火候恰到好處，不會生，且有流心，與雞絲和粉皮混合在一起非常美味😋至於辣度方面，我選擇了BB辣🌶️算是入門級的辣度，不會過於辛辣或重口味此外，我們還品嚐了極品擔擔麵🍜價格為$38。麵條口感極佳，不是細麵，更加有嚼勁👍🏻我選了微辣，醬汁相對較為濃烈，味道偏鹹，在家中可以再煮一些配菜一同食用，正合適😆小食方面，我們點了青瓜木耳口水雞$30，手撕雞肉🐣非常嫩滑，撕成條狀，辣汁充足，與青菜或麵條搭配都十分美味😋雞皮的部分若不小心食用，可能會稍顯邪惡😈😝最後，五彩冰粉$26在辣味

過期油溢炸豌豆得嗰油味.成碗嘢超级垃圾嗌咗兩碗嘢，一碗涼皮一碗涼麵涼麵就還好，不功不過個涼皮質感超怪，似啫喱陣味都係得個甜冇其他味涼皮可能係我加咗酸豆角，仲有陣酸最過分係加酸豆角要加7蚊但係得嗰幾粒自問30幾食一餐都唔算貴但係都唔係平涼皮好多20幾蚊就買到既然你賣得33蚊一碗你應該要對得住個價錢份量少就算陣味仲要難食網上大把你哋嘅好評真正食到之後就覺得你哋德不配位可能有人鍾意你哋咁樣嘅質感同口味但係我真係接受唔到

呢間米芝蓮小食一早已經喺我嘅to eat list好耐😂今日終於嚟試一試叫左..1. 凍嘅擔擔拌麵 （BB辣） $422. 招牌兩姊妹涼皮 （BB辣） $33 +火炙鹹香豬五花（+$18）首先佢既BB辣可以話完全唔辣我呢啲食辣程度係垃圾嘅級別其實可以叫小辣😎佢涼皮嘅份量好明顯比擔擔麵係少嘅涼皮夠凍口感好滑不過始終份量係比較少同埋佢啲醬汁亦係比較水稀豬五花冇乜味，一條普通嘅豬腩肉擔擔面嘅味，其實我覺得同涼皮差唔多真心其實佢比葵廣嘅價錢貴，但係我又覺得冇乜驚喜