八一蕃巴蜀烤魚店 (鱟地坊)

營業中

休息中

和朋友周末来吃的烤鱼。点的麻辣味道。很喜欢这家的调味，麻辣香的味道都有，麻的味道很足，吃鱼皮吃到麻椒的时候口里麻麻的，特别够劲。鱼是常规的草鱼，不功不过吧，感觉肉比较紧实，但不是很嫩。我们还点了莴笋，猪红和豆腐。莴笋很嫩，煮一会就可以吃，非常好味。猪红和豆腐不是很容易入味，要提前放入锅中煮，但入味后很好吃，豆腐口感很嫩，又有麻辣的味道，很特别。店内环境还不错，空间也还算宽敞，整体感觉还是挺好的。以后可以再去

呢間大胃D已經食左3次 剁椒烤魚 紅噹噹既顏色 睇到都要呑啖口水🤤依間係每次想食烤魚就會諗起既舖頭🤘🏻==============================叫左半邊烤魚 $188 兩個人食岩岩好 剁椒岩食得辣同咸既人 都係重口味之選💁🏻烤魚既配料有豆芽 洋蔥 芹菜 蕃茜 菇 依d配料滾到中後段食 索哂d湯 越食越辣 但又越食越想食😆魚肉鮮嫩 加上剁椒較咸 其實送飯真係一流👏🏻-涼拌魚皮 爽脆 與青瓜絲拌食 口感一流放心 一d都唔腥 只係都幾重味精😂-口水雞 份量多 皮滑 但肉質較實 但個汁做得唔錯既 可以一試😊-食咁濃味既嘢其實配啤酒真係無得輸🤤🤤之但係要渣車唔飲得或者唔飲得既人呢我就推介佢個自家涼茶 個晚叫左烏梅酸梅無防腐劑 天天制造 就保證新鮮 飮落甜度適中 帶微酸 幾解渴👍🏻👍🏻============================緊貼三個90後吃貨的美食推介，就不會錯過任何一個食好野既機會😂三個90後吃貨不斷開心share美食💓💡Facebook:三個90後吃貨 3bad_foodies🚩Instagram: 3bad_foodies📍OpenRice: 3bad_fo

本身想食茶記但經過見到記得好耐之前食過烤魚幾好😉所以今次想食雞煲就試下佢個時全場得我呢枱客咁無咩人環境就幾空曠但D枱都幾迫下多人起上黎應該會好迫同焗🙈基本雞煲有兩隻款我叫左店員1話濃味D既奇味雞煲($178)重點係我唔食芫荽❌所以落單時講得好清楚走芫荽❌唔要芫荽❌但一上枱就見到滿滿的芫荽咁我同個店員2講 我叫左走芫荽店員2開完爐當聽唔到完全無理會我😒好！咁我咪自己夾走佢😤我都夾得算快但我夾左一半 我feel到個底有啲痴我想搞一搞個底，但隻鐵鍋好熱🔥咁我梗係叫店員2處理(我出去食大部分都會有人過黎處理)點知店員2竟然同我講"你自己搞同我搞都一樣啦！你自己搞啦！"我真係下左聲我同佢講"你個煲咁熱，又無紙巾比我包住，我搞到唔洗叫你啦😒"我講完佢先西哂面咁幫我搞🙄不過有個伯伯幾好人的佢見咁就話幫我加D湯同細D火伯無咁痴底🙂(不過佢一搞個下已經見到個底燶左🙈)服務差都算😤食物先係重點我鐘意食一品雞煲但佢完全同一品無得比🙄連我係網上搵D食譜整既雞煲都仲好食過佢😓D雞又斬得碎又唔滑真係令人好失望☹️點解魚做得好但雞可以做得咁差😤😑😩賣烤魚的地方千萬不要吃雞煲😓後悔到不得了😣比錢買難受☹️早知都係去食茶仔

我記得很多年前鱟地坊酒吧林立，現在都已經變成餐館， 而八一番烤魚我記得已經䇄立多年，而且越做越旺。和居住在荃灣的朋友一起到這家餐館， 看看是不是和多年前的味道一樣晚上七時正，這裏已經坐滿人， 於是餐廳安排樓上各位給我坐我記得以前這裏沒有閣樓，後來應該是生意很好，座位供不應求所以開放閣樓店員很細心而且好有耐性為我們介紹每個湯底，值得一提的是，每條魚都有分全魚、大、細邊。全魚顧名思義一整條魚，大邊是一條魚半邊切開第新的那邊包括魚尾和魚骨，細邊隻是大邊的另外一邊。兩位女生來吃，細邊已經夠了煮滾湯底後我耐不住馬上要品嚐， 魚肉非常嫩滑沾上香辣味道的湯底更有另一番風味魚卜很新鮮，沒有腥味，我們一整碟全部吃完這份魚滑很大份非常化算，大份好味，一定要把薑一起和魚滑一起煮，食起來爽爽的生菜很新鮮加湯不是加水店員很好 知道我有點不舒服 替我拿不冰的

連續落左幾日雨，一直都冇乜心情，週一晚收工同幾個朋友黎左荃灣食飯，選定烤魚。本身我就唔係特別鐘意食魚嘅人，不過就好鐘意食辣，加上見話就話食烤魚，都有他配料可以食下，所以並唔抗拒。荃灣呢邊都仲有間烤魚之前都想食，但新開張冇耐，超多人幫襯，所以都冇諗住再番去嗰間。而今次選嘅八一蕃喺網上評語都不俗，比較放心平日晚上客人不少，到埗見到都差唔多滿座咁滯，落雨濕濕都怕要等位，原來佢地有樓上，樓上都坐到半滿，仲以為落咁大雨冇乜人出街食飯 (笑)裝潢冇乜特別，唔係新淨嗰種，木枱木櫈，唔算逼狹但都唔會覺得特別闊落。不過樓上通風較一般，所以食完係有一陣味餐牌選擇豐富，主打巴蜀烤魚，有麻辣、香辣、剁椒、泡椒、酸菜、鮮茄、豆豉7款口味，配全魚 ($326)、大邊 ($218)、細邊 ($178)，可選大、中、小辣。唔食魚嘅有雞煲、咸豬手煲，定價合理。火鍋配料唔貴，通常食烤魚配嘅蔬菜類、麵食等都係廿零三十蚊。此外，供應涼拌、小食、串燒、小炒，價錢唔平，不過都理解，畢竟呢啲先係賺錢項目。香辣味烤魚 $218/大邊烤魚本身已經熟，放入鍋中烤熱即可，三人分份量剛好，魚肉鮮味十足，魚皮脆身，魚背肉多，朋友們都留俾我食，

香港人對國內食品嘅接受程度愈黎愈高，好似重慶烤魚自從幾年前傳入之後，廣受歡迎，同類型店舖仲越開越多。可惜女朋友唔係太喜好魚，所以平時我都好少有機會食到，今晚約埋朋友喺荃灣食飯。幾個嗜辣之人，一拍即合去烤個魚先。呢間八一蕃好評不少，店鋪有兩層，夾埋都有20張枱左右，主打烤魚，有唔同口味有麻辣、刴椒、香辣、泡椒、酸菜、豆鼓同鮮茄，當然唔食魚仲有雞煲豬手煲可選擇。烤魚份量分全條，大半邊同埋半邊，我地三個人點左大邊，至於辣度，因為見前面評語嘅人都話幾辣下，所以點左小辣試吓佢先。食完我個人認為可以試下中辣。魚本身已經預先烤熟，平放喺湯底上面煮返熱就可以食得，魚肉鮮味，細骨唔算多，皮烤過更香口，魚背肉較多啱唔識食魚嘅女朋友，自己梗係食魚腩位同鮫位，雖然較多骨，但肉質更嫩滑，三個人食大半邊分量剛剛好。除烤魚另可再自選火鍋配料。跟魚可以優惠價$30 (原價$38) 點首份配菜 (大荳芽，金菇，秀珍菇，唐芹)。配料方面我地點左肥牛、雞件、雲吞、響鈴卷同埋蔬菜，同埋最重要嘅一丁。肥牛、雞件同雲呑就普普通通，新鮮但係唔係話特別出色。反而響鈴卷同油麥菜都索到啲湯汁又香又辣，好食但最最最正嘅都係一丁，將所有湯汁

今日同老公去食魚 位於荃灣鱟地坊的「八一蕃巴蜀烤魚店」品嘗一些特色烤魚佳餚，十分惹味可口。其中餸款如下：1. 麻辣味烤嫩魚有辣招葱菜洋蔥等配料和麻辣汁混埋一起，如同吃熱騰騰麻辣雞煲般惹味爽口，再加上嫩滑少骨的烤魚，真係吃過都番尋味。2. 牛柳串燒烤汁 -肉質爽滑配烤汁可口鮮味，回味無窮。3. 烤白鱔 -去骨烤魚質香滑好味道。4. 生津李乾蘋果茶 -蘋果茶連蘋果碎香甜少酸鮮味潤喉解渴。總之，麻辣烤魚風味進在八一蕃😋👍🏻！

今日經過見到裡面超多人食烤魚，等我又去湊下熱鬧先！餐牌好多選擇，對於有選擇困難症嘅我嚟講真係好難決定呀！蕃茄味烤魚 ($218 大邊)我今次就選左大邊嘅蕃茄味烤魚，啱哂唔食得辣嘅人(包括我)，查實條魚真係好大條，兩個人食大邊已經好飽，而且條魚有大量嘅葱同莞西。啲魚肉好滑溜仲啖啖肉，唔算太多骨，最好連埋啲魚皮一齊食先夠爽好有Feel，再配合埋鮮甜嘅蕃茄，非常開胃！所以呢條蕃茄味烤魚真係唔好睇小佢，以為佢係普通料無嗌到，咁就食少左樣佳品！鮮雞件 ($58)呢碟鷄就普通通無咩特别，不過放落去同烤魚一齊煲就好唔同，吸收左蕃茄味食落肚無咁齋，不過佢個盆比較淺，所以要兩邊反下熟哂先好食。沙嗲汁豬頸肉串 ($18)除左烤魚同打邉爐嘅配菜之外，仲有好好味嘅串燒，佢有分燒烤味同沙嗲味揀，我就叫左沙嗲味。送到黎熱辣辣啱啱整好，而且個沙嗲汁唔辣，重有小小甜，豬頸肉食落去好爽口，原全無燒濃左硬梆梆嘅感覺。山楂楊梅特飲 ($36)飲落肚味道有小小似益力多，有山楂嘅酸甜，楊梅就唔係好覺，不過飲落就好開胃。

上次去了他們的太子分店，水準很高也吃得很愉快。因為今天約了寶寶到荃灣，便試試荃灣總店。我們七時到達，剛好有位子。然後越來越多人，最後門外還有人等位呢，真好生意，食客們和老闆娘還有説有笑呢。因寶寶愛蕃茄，所以點了不辣的大邊鮮茄味烤魚 ($218)。很大條很香噢，看著它慢慢翻滾真的流口水了。魚肉厚身，鮮甜美味，魚骨很大條但容易拆開。還有些大葱和莞茜做配料，超正！蕃茄很豐富，蕃茄魚湯也很清甜，拌飯吃一流，最後寶寶吃了四碗飯！加 $30 有配菜，包括大豆芽，金針菇，唐芹和秀珍菇。份量也真誇張噢！我們點了個雞軟骨串 ($22) 小食，很有咬口，惹味十足。魚太好吃了，所以另外還吃了鮮魚腩 ($32)。魚腩啖啖肉，肉質嫩滑無比，我們也吃得很滋味，而且份量也不少呢！打邊爐我喜歡吃冬瓜 ($20)，冬瓜把蕃茄湯汁同食物精華完全吸受，超好吃！我不吃飯所以叫了薯粉 ($20)，平時我很小吃薯粉，多數外岀也會點烏冬或米線。這裡的薯粉很有彈性，煙煙韌韌，十分爽滑彈牙。配上魚湯更美味。

這夜，去左食我想食好耐既烤魚，一入到去店員好nice好招呼，如果你唔食烤魚，果度都有好多煲俾你揀，我就叫左個香辣烤魚，個價錢都唔算貴。，因為我2個人食，所以無叫全條，只係叫左半邊，賣相幾惹味，條魚d肉質都好滑，可能我地叫左小辣，所以覺得唔係太辣，不過岩晒d唔太食得辣而又想有d惹味既朋友們，如果食得辣建議叫中辣或者大辣另外叫左一揸酸梅湯，又夠凍，兩個人飲如果唔係食到好辣的話剛剛好，唔會唔夠亦唔會浪費。食完條魚之後叫其他款食物，手切肥牛，牛肉厚薄度切得好好，唔會太薄食完好似無食過野咁，亦唔會太厚令到好難咬什菇，份量都唔少，不過對於我呢個食菇獸黎講就岩岩好食辣煲真係唔少得萵筍，又吸味又爽口，係我永遠食辣煲都會叫既一樣送。正到飛起下次會再黎試麻辣烤魚

廿四孝既胃之妹經常出沒荃灣, 全因有個住荃灣既男朋友,今次同男朋友試下想試好耐的八一蕃烤魚,一入到去就聞到好香既烤魚味, 淨係個聞香味已經係一個享受坐底之後待應姐姐就好好地同我地介紹邊D係招牌菜同點食法首先黎左個口水雞做個前菜醒醒胃先個辣度岩岩好, 而且有D花生碎係上面, 增加左香味, 直頭係畫龍點晴既感覺, 但今次就比雞胸肉有D鞋口, 相信如果係雞腿的話成件事會完美左香辣味烤魚我地兩個人叫左細邊, 但千奇唔好比個"細"字呃左, "細"邊點解都可以咁大條! 食落去魚肉好滑, 個魚皮好香口, 而且今次叫小辣對我地黎講岩岩好, 魚皮索左D辣汁真係正到想不停食薯粉條烤魚咁好食當然要揾D野去索下個汁黎食, 今次我地揀左薯粉, 個著粉索左D烤魚汁後, 好味到呢, 但男朋友不停要同我搶住食囉, 黑人憎!本來想叫多碟, 但最後太飽放棄左手打墨魚滑講墨魚滑就一定要睇佢係真手打定假手打, 真係手打一定會食落彈牙的, 八一蕃D個墨魚滑我敢寫包單係一定真手打, 非常彈牙, 而且勁有墨魚味雲吞本來叫雲吞都預左佢黎四粒我都收貨, 但最後黎左八粒, 真係抵, 食落個蝦幾彈牙, 但個雲吞皮略為厚左D, 唔夠皮薄餡靚

今天六點未夠同老婆兩人入店内，店內只有一枱客，侍應只准我同那撘枱，其他不比坐，再問一次也一樣，唔撘枱就叫我們走，咁樣做生意真是非常差勁，可能因為平常招呼我們的老闆娘不在，嬲

好耐無食烤魚，先前朋友send左張佢食嘅相過黎，覺得好想食，放左工同朋友去左近車站的八一蕃，全店滿坐好受歡迎，見門口位個男人一個人食一條魚再配個白飯加啤酒好滋味，真係睇到流哂口水呀。店內有七款口味的烤魚，想食辣但又怕太辣，揀了剁椒味烤魚細邊鯇魚小辣（$178），再加其他配料很豐富了。條魚一上枱已聞到陣陣辣椒香，好惹味，加了一份配菜（$30），有大荳芽，芹菜，金菇，芫荽同青蔥等，樣樣都係又香又鮮味的。細邊魚份量都不少，除了沒有魚尾外，基本上成條魚齊哂，滿滿的辣椒蓋住魚身，除了辣，還有薑，蒜，胡椒等調味，不會一味死辣。魚肉極鮮嫩，小辣口味並不算太辣，對於吃開十小辣的我而言剛剛好，好好味，你一口我一口很快便張整碟魚ko了。蓮藕片（$28）蓮藕片很脆口，吸飽了辣油勁正。豆卜（$25）豆卜亦是吸湯好物，辣辣地好惹味。薯粉（$20）想飽肚一點可叫麵，烏冬，白飯等，是晚揀了薯粉，薯粉跟辣湯很配，滑溜又煙韌，浸耐了亦不會爛。食到尾聲係時候拆魚頭了。太好味根本食不停，到了食完才叫了烏龍茶（$15）來喝，清清口腔啦。食飽飽大滿足，真是好好味的烤魚呀！

之前聽聞過八一蕃巴蜀烤魚美味嫩滑，別有一番風味，聞名不如見面，初嚐荃灣風味烤魚。見到餐牌有全新推出巴蜀烤魽魚（$228），餐廳姐姐話魽魚多肉少刺食起來啖啖肉份外鮮美，於是決定黎份香辣味烤魽魚，我地揀左微辣。魽魚在具巴蜀風味的配料及湯底襯托下，仍保持鮮味及嫩滑，烤魚肉連埋香辣湯底一齊食夠曬滋味，愈食愈想食，根本食到停唔到口，哈哈！仲有好多火鍋配料，涼拌小菜，特色小炒，串燒烤物，任君選擇，食完烤魚可以加湯再點其他配料涼拌魚皮（$36）魚皮切得夠薄，夠爽口彈牙，配上薑絲蔥絲，青瓜絲仲有脆口花生粒，十分開胃另外點了大漠羊肉串（$18）加上孜然粉的羊肉串夠肥美香口，十分惹味烤汁雞肉串 ($18) 烤得剛好，內裏保存雞肉的嫩滑，連埋烤汁一齊食夠曬juicy !想食烤魚，一定要試試八一蕃巴蜀烤魚！果然夠曬風味！

之前去過太子分店，對八一蕃的烤魚印象唔錯，今日去荃灣行街，見到荃灣都有分店，帶埋細佬試一試。先叫咗一份雞絲粉皮做前菜，足料，食落好開胃。2個人食唔到好多嘢，所以只係叫咗份量最少的細邊烤魚，但已經好大條，味道揀咗鮮茄味，魚好鮮甜，食得出係新鮮貨色，魚和蕃茄的配搭都唔錯，不太食辣又想吃烤魚的人一定要試食完烤魚之後叫咗一個烏冬和豆卜打邊爐，配蕃茄湯底好入味，正呢到的烤魚真係好好味，價錢又唔係貴，值得再試