八兆屋 (已結業)

【🤣🥳誤打誤撞既隱世美食？！】八兆屋 - 一間被位置而忽略咗既美食，係超市入面既餐廳？！🔍餐廳環境：🧐係一田入面，只有一張長bar才枱，得5-6個位！網燒豚肉溫泉蛋丼飯 $76 （套餐）🤩套餐會跟埋煎茶，麵豉湯同埋前菜～果日個前菜係涼拌海帶，仲落咗少少芝麻，幾好既開胃菜！之後個麵豉湯係白麵豉，所以味道比較淡啲，不過有啲豆卜幾有誠意！👍🏻而個煎茶好搞笑，係會俾杯熱水同茶包你自己落！🤣🤣🤣講到啲肉真係即刻係你面前燒，食落好香但落咗好多燒肉既醬汁，同埋啲肉有啲啱啱好，有啲就韌韌地😢，而食到落底啲飯會太咸！😮‍💨至於個溫泉蛋本身其實好靚的，蛋白冇同蛋黃分離，只係一fing就變咗依加咁既樣！😂總括🥄正！其實沙田真係美食沙漠？？😂好多連鎖餐廳，不過呢間真係誤打誤撞地幾好食喎！仲要好似平時啲高級日式餐廳，係正枱前面煮俾你🤣呢個價錢泥講咁既質素整體算好唔錯！👍🏻可以一試啊大家🫶🏻———————————————————————————📍 沙田沙田正街18號新城市廣場第3期1樓一田超市價錢：🎖🎖🎖食物：🎖🎖🎖🎖*5🎖為最高⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰🔍#是但求其沙田

位於日式超市內的八兆屋面積不多，座位有限，我還是選擇買回家吃吧。這店主要是售串燒、天婦羅和丼飯。最後我選了兩個單點丼飯回家享用。～滑蛋吉列豬排丼飯 （$69）外帶關係，吉列豬排的外皮已不脆口了，幸好味道不錯呀，而豬排也不會太乾和韌。滑蛋再配上了惹味洋蔥、冬菇絲和蔥粒，頓時丼飯豐富起來。整體來說，鰹魚汁的味道較為突出。～三色丼 （$78）外帶的三色丼，燒物是用上錫紙包裹著。一打開錫紙，熱氣漂出。最愛是丼飯的日本米，入口軟糯，再加上了幼條的蛋絲，賣相更為吸引。三色丼的燒物是新鮮燒起，熱氣四溢，計有兩隻燒得微焦的雞翼、三槐雞腿肉和四粒自家制免冶雞肉。各款燒物各有特色，味道適中。兩個外帶的丼飯還附上了兩個茶包。飯後來一杯熱煎茶，感覺非常滿足。

去完新城市行街～平安夜周街係人～到到都要排隊～肚餓嘅話都係求其揀一間懶得排網燒豚肉溫泉蛋飯套餐～有：一碗網燒豚肉溫泉蛋飯、一小碟涼拌海帶粒、一小碗麵豉湯碗飯好少～上面有溫泉蛋～勁生已經唔係留心咁簡單係成隻都生～仲有4片網燒燒汁豚肉～雖然細塊都幾入味幾香口涼拌海帶粒好細碟幾啖冇晒～早知唔加套餐唔抵食細細碗麵豉湯上面有少許豆腐卜條～睇顏色都知好淡～飲落淡而無味～同飲水差唔多份量少食唔飽～晚餐價錢下午茶份量

喺一田行街行到攰攰地，隨便搵間餐廳坐低食個下午茶，咁啱搵到呢間居酒屋式日本小餐廳，即刻坐低試下。餐廳有好多串燒既選擇，不過因為幾肚餓，都要食啲澱粉質先夠飽，所以叫左個串燒雞翼雞肉肉丸飯配小烏冬加串燒雞肋骨。串燒夠熱，照燒汁好香，完全係居酒屋既味道，但價錢相當相宜。雞蛋蛋味好香，相信係日本蛋，珍珠米飯索哂啲照燒汁，淨係撈汁都食飯都好好味鰹魚湯烏冬一般味道，不過用木質日本碗裝住就分外有味道（好似去左日本咁），葱味好香，如果大碗啲就好喇

今日行過一田 突然之間好肚餓又未到食晚飯時候 行過呢間串燒小店見未食過一於試吓先！佢主要係串燒為主 不過我怕等得太耐今日叫住個天婦羅蝦 追加烏冬 同一杯OrionChill住先 食物大概等咗5分鐘就有啦烏冬係正常嘢 溫度微暖 但麵條唔覺得有烏冬嘅彈牙 其實感覺好似浸咗好耐咁 不過唔緊要充飢ok 的我最喜歡的天婦羅炸蝦 粉漿不算太厚不過只有醬油沒有蘿蔔蓉的食食吓其實都覺得幾油有杯啤酒 🍻成件事就好好多了店內似係得一位員工 由落單到上菜時目無表情 說話也冇尾音 比錢嗰時嚇一嚇不過明白嘅 現今都係惜字如金比較好

係一田超市𥚃面的串燒店，行一田行到攰嘅時候，過嚟飲番杯生啤，食番幾串串燒都不錯，當然不能夠同日式串燒專門店比較啦，佢只係不過不失，$7x 兩個小食、一碗枝豆加一杯生啤，價錢都ok 啦，如果想食飯，它們都有一些丼選擇，想食拉麵，對面還有拉麵店，可以買完一齊吃，

星期日中午嚟到，一枝公叫咗一個大嘅串燒拼盤，有七串燒物，包括牛舌、牛肉、雞肉、雞翼、雞軟骨同菇，味道還可以，不過就⋯燒燶咗少少。埋單$128 + $8罐汽水，感覺上唔太值得。

今日和媽媽去一田百貨超市行街，見到超市內有兩間日式食店，一間拉麵店，一間食丼飯和串燒，見好耐冇出街又冇食日本野，噤啱又有d肚餓就停低睇吓邊間吸引d，就坐低食邊間，最後選左食串燒嗰間，覺得惹味d坐低後揀左個串燒丼飯餐、一個串燒大盛和追加一隻溫泉蛋。網燒豚肉月見丼飯：有碗細烏冬、一碗丼飯和一杯綠茶烏冬幾彈牙，個湯都幾好味，綠茶就唔夠綠茶味因為係俾個茶包你自己浸，丼飯d豚肉幾好味，尤其是佢加左d薑蓉和肉碎撈埋一齊，同d飯撈埋一齊食幾惹味串燒大盛：有自家製免自雞肉、牛舌、雞軟骨、雞肶菇、牛柳粒、雞中翼和雞腿肉，中規中矩，味道冇問題唯一係師父唔夠技術，經常燒燶食物，要用剪刀剪走燶左嘅部份，而且食物好快凍溫泉蛋：好滑蛋味濃好creamy最後食完覺得一個人叫一個餐份量都足夠好飽肚，食物味道冇問題，唯一係d食物好快凍係得個烏冬熱，還有可能係得一個人做嘢，落單收錢煮嘢食一個人，所以d嘢食好快凍和燒燶食物，改善左呢方面應該更好食

在一田買完家居用品，找個地方歇一歇腳，順道在此覓食。滑蛋咖哩汁吉列豬扒飯的豬扒都幾厚切，肉質嫩滑；可是蛋則有些過火，老了點。日式咖哩汁偏甜，不太夠多，飯則屬中規中矩。天婦羅炸蝦丼用上了大大隻海虎蝦，堆砌得高舉入雲。天婦羅炸漿很脆，不會很油膩，蝦肉彈牙，大滿足。餐內包括一碗小小的烏冬，日式清湯裡有些冬菇、青蔥、油豆腐之類，味道是清的；但吃畢一碗飯後再吃烏冬，似乎太多的澱粉質，小人認為若然換上一碗簡單的味噌湯會更為合適。完食後甚是飽足，補充體力尤佳。

咁啱行到一田諗住求求其其買啲野返屋企填下肚就算，點知見到呢間好似好日式嘅食店發現有串燒、丼飯、仲有生啤，去唔到日本就買黎頂下癮囉見佢店面細細，估唔到選擇都唔少，見佢一路燒串燒冇停過手好似幾唔錯，啲人堂食見到食物嘅樣都幾好，不過位置就真係又窄又細，所以我都係外賣就算外賣單點會附送熱茶，原先我以為佢冇俾我都冇話特別留意到點知後尾發現佢直接將茶包放喺袋嘅底😂又幾好喎咁樣，起碼我唔會返屋企途中倒瀉野串燒雞丼飯網燒豚肉月見丼飯兩個飯拎到返屋企係微溫一開初拎上手都唔係特別熱，之下過外賣嘛，正常都係得微溫嘅，自己翻熱一下應該就好好食啦！豚肉較普通肉片厚身，略嚴煮過頭肉質麻麻車厘茄好新鮮，重點係隻蛋真係好好食！略帶酒香，係我喺香港食過嘅蛋中最好食！米亦食得出係用日本米，圓圓短短帶點甜味。雞丼入面嘅雞翼好食，有烤過嘅香味絕對唔係煎俾我😂外賣黎講算幾好食，不過略為細盒，男仔或者正常食量嘅人應該係唔太夠飽，建議叫返餐要埋個細烏冬

有居酒屋feel，亦有城市既方便。雖然只有bar枱，但可以隔住玻璃睇到廚師為你即場串燒。 晚市有好幾個定食，今晚叫左哩個滑蛋吉列樓食丼飯 $75，套餐跟多一碗小烏冬，烏冬配上昆布湯清清地，丼飯裏既牛舌略為過熟，肉質太硬，幸好滑蛋跟洋蔥基本上唔會點出錯。 另外有個期間限定沖繩啤酒買一送一套餐$68，跟2串燒，串燒揀左冬菇、鹽炸雞腿肉，冬菇配上燒汁可以話平靚正，雞腿肉炸粉過厚，又多脂肪。

之前其實已經食過炸物丼， 覺得佢炸得唔錯，價錢大衆化，又唔使加一，親民！今日突然想食天婦羅蝦烏冬，當然又要幫襯啦單叫$68連一杯綠茶，二隻天婦羅蝦，一個天婦羅冬菇，幾塊天婦羅茄子……加一大碗烏冬，對細食嘅我夠啦！

今日去沙田一田超市買嘢，經過見到有幾間日本 麵檔，咖喱同燒烤店，就揀左一間食串燒嘅坐低 ，叫八兆屋。睇過時間未過六點仲可以享有午市優惠，拿拿林叫咗一個串燒雞丼飯，追加溫泉蛋，同埋壽喜燒牛肉烏冬，追加鹽炸雞腿。 串燒雞丼飯有3串串燒，有雞中翼，蔥段雞腿肉同埋照燒雞肉，完全好味，笑得適中，金黃色又吾燶，而且個雞肉真係好嫩。 壽喜燒牛肉烏冬份量都好多，估唔到午市都有大份量。而追加嘅鹽燒雞同埋溫泉蛋都值得一試，特別係鹽燒雞但只得兩舊 。其實鍾意食日本串燒嘅朋友如果有機會黎一田，經過開就可以嚟試，我覺得佢啲串燒真係一流，我自己下次嚟一定會再嚟呢度食！

在沙田新城市廣場一帶食晚餐，想要平平地，又不想去連鎖式快餐店，逛下逛下來到這間，價格和食品都不錯，雖然座位很擠迫，也想要試一下。我點了薑汁燒豚肉丼飯，加配熱湯烏冬和一杯茶，飯的份量適中，餸亦足夠，薑汁燒豚肉味道濃沃、肉汁豐富，稍嫌略鹹，不過適合餸飯。同行者點了上天丼飯，加配熱湯烏冬和一杯茶，天婦羅有蝦、魚柳、半熟蛋、野菜餅、冬菇、茄子、青椒，共七款，份量足、味道好，讚。其實只是主菜的飯已經足夠我們吃，再加一碗小湯烏冬有點過多，如果這個湯烏冬能夠改配前菜小食，應該會更適合我們。

今次呢間餐廳係一田超市入面，餐廳唔大，只係得幾個位。我叫既係照燒炸雞半熟蛋天丼。個飯汁略嫌太多，而飯係日本米，食落特別有咬口同煙韌。 個蛋好特別係一隻溏心蛋加少量炸粉去炸，不過就冇咩味道，蛋味都冇乜。 炸雞淋左汁都有少少脆口，個照燒汁同個雞都幾夾，有汁又唔會乾 ，個雞肉好嫩滑。跟餐會有埋個細烏冬同一杯熱綠茶。個烏冬同杯綠茶都係正正常常。+$12 可以有一款小食，個胡椒雞翼有驚喜。佢1隻開2 ，有2隻。佢係炸雞翼黎，即炸。食落仲熱同好脆，加左好多胡椒同鹽做調味，好香好好味。