八八八拉麵 (已結業)

今晚到了友人提議的拉麵店。他說這裡的湯底夠濃﹐又有大碗/細碗選擇﹐所以就進去了。才七點半﹐還好有一張檯﹐坐下﹐看餐牌。價錢比跟味千差不多(雖然我已很久沒去了!)﹐點了一個小豬骨湯拉麵+ 串燒雞軟骨。先來了雞軟骨-- 我望了這碟東西很久﹐不斷問自己-- 究竟這碟東西是煮了還是未煮的? 不是要"串燒"嗎? 為什麼好像沒有燒過的呢? 跟餐牌的完全不一樣!!! 最後只試了一串﹐浪費了我的胃﹑我的味蕾。豬骨湯拉麵(小) -- 湯其實頗清﹐麵底還可以﹐我吃麵最重要是湯要熱﹐它做到了。叉燒一般。女生不想吃太多﹑或想試小吃的話﹐叫這個份量剛好。但出門口之後就立刻口乾了(味精味精味精!!!!!)﹐唉沒辦法﹐敏感。埋單$55 (免加一)﹐服務OK﹐但大概不是我杯茶。

繼前晚食左一個好唔滿意的拉麵後~就聽拍拿講去CWB 呢間試試~ 八點半去到都仲要等一陣位~坐到入去眼見隔離D麵都大大碗~ 賣相都好好多~所以就可以安心地點了一個豬骨湯牛油粟米拉麵~~~ 真的十分唔錯~ 好大碗~ 還有舊牛油慢慢等佢溶~味道已經加好多分(唔怕肥既人先好試XDD)粟米由食到食完D麵~ 係度"撈"上黎食~都仲有好多~~ GOOD! 湯都飲左一半以上..月巴...其次點了一個炸魷魚鬚~ 幾香幾大碟~同場加映了一支札幌啤酒~ 淡淡的..不太好..拍拿就點了一個麵豉醬湯牛油粟米拉麵~食頭幾啖個湯真係唔錯~ 不過去到尾段就會覺得好咸所以要快D食~ 埋單194

星期五，同事一行七人到此吃lunch。唔係太多人，環境都OK啦！我吃的麵豉湯叉燒拉麵就一般，略咸，0的麵都ok，無乜特別好食！不過同事話0的朱骨湯底好食。午餐$4X，有汽水(罐裝)，價錢貴0的0的，不過都幾大碗。

行過門口幾次.覺得似有好正宗日本拉麵食,我同我bf就咁入左去試下....叫左個一個牛油拉麵,一個面豉拉麵粟米好甜,牛油好香,d麵ok啦..面豉拉麵好咸呀">.<"食完好飽好滿足.. 呵呵不過有d奇事...當日食完之後同第二日d小便係有唔正常, 有d黃綠色....我同事之前佢已經同我講過嫁啦..汗.................. 食第2,3 次都係咁..真係一個"謎"

經過見到就試下依間, 個伙記推介麵豉湯底叉燒拉麵, 就叫左個黎食. 雖然知道北海道拉麵係味道濃d, 但真係好鹹, 食完係咁要飲水, 而且d麵硬硬地. 個人覺得函館元祖北海道拉麵好食好多.如果講份量就唔錯, 有好多叉燒同麵, 包你食飽.

同朋友食dinner, 大家都鍾意日本拉麵, 諗起0黎呢度未試過就0黎試0下. 入到去, 店員好似未訓醒咁, 悔悔氣氣咁召我0地坐低, 印象已經大打折扣.叫0左麵豉湯底叉燒牛油粟米拉麵... 賣相唔錯, 不過食落真係失望- 麵豉湯底係死鹹的, 完全無濃味, 好在加了牛油香了好多, 唔係就慘喇! 叉燒ok 不過好似太厚切喇; 麵質唔得, 鹼水, 又腍bad bad. 仲要提0下佢d 芽菜, 使唔使多得咁緊要? 仲多過d 麵! 完全同意之前comment 所講, 最好食係牛油粟米!朋友的醬油湯底叉燒拉麵(圖前)... 個人覺得比我0個個好得多, 麵質都係腍bad bad 但起碼鹼水味無咁重(唔知點解???). 不過朋友食0左兩啖已經話, "不怎麼樣咋喎" -_-"好在share 的串燒雞肉唔錯, 明顯係雪雞不過肉質尚算滑, d 汁甜甜0地都ok.環境一般, 兩人檯坐得好迫夾; service... 黑面啦, 悔氣啦, 唉.一定唔會再幫襯... 下次搭多幾個站地鐵去函館好了!(OK 因為未係最差, overall 好食過味千拉麵; 味道3 分係for 串燒雞肉, 否則我會俾1 分

我好鍾意食呢度的拉麵同埋炸芝士！而且坐得舒服。呢度所有的拉麵其實都係個幾隻料最鐘意佢個牛油粟米拉麵，個舊足足2cm x 2cm x 5cm的大塊牛油就係好味之源﹝亦係肥嘟嘟之源，算啦唔埋得咁多！﹞

12 May 2007 (Sat) - 午飯第一次黎，之前有朋友話幾好，同佢兩個朋友一齊黎，發現原來食晏都唔錯咁，有五個set任揀，每個$48加一，全部都係一個細拉麵再加一個細飯，睇你食乜，然後再一罐汽水！我要咗個咖喱飯+豬骨湯底拉麵+coke，佢既叉燒拉麵係可以揀豬骨或豉油湯底！確實唔係好大碟，但係我覺得好味喎，咖喱飯好香，豬骨湯底係油啲，但都好香！加上呢度勁多日本人黎食，我估佢啲拉麵做法都算似日式，唔係點吸引到佢哋黎，我哋左手同右手兩枱都係講日文既日本人＠_＠！要再黎，我見佢如果就咁叫拉麵係會有一大pat牛油比架！朋友話個廚係日本人，不過有時唔係佢煮，就會冇咁好味，佢因為成日黎，所以知道！不過唔明點解會請賓妹／泰妹／印妹就waitress，怪怪地咁！

柄埋多時, 是晚出來透透氣, 順便do some shopping. 因為不想吃麵時麵條會把臉上的一個小傷口弄濕, 我罕有地叫了個照燒雞飯. 朋友叫了個豬骨湯牛油拉麵. 我對飯沒有任何期望, 雞肉有少許肥, 整體味道ok. 朋友則對其拉麵失望, 牛油不香, 麵條texture麻麻. 小食嘛, 燒雞翼很一般, 炸魷魚則不錯. 環境與尖沙咀店比較, 少了日本地道風味. 服務可以. 吃拉麵, 同區該有不少更佳選擇.

Come with a friend after work around 9pm, wait for about 10 min. Friday... ok la.I ordered 一個魚湯粟米牛油拉麵and Tofu. Friend ordered 一個豬骨湯底粟米牛油叉燒拉麵! Size is big! Really big lor! The 粟米is the best (and I like 粟米very much)! ramen....ok la! Service is very nice, but not enough waiter / waitress. Since I am sitting at the very end, i need to wait and yell for awhile before getting their attention. However again, they are nice. They don't give us the bill until 12:00 lor!

朋友食過話正, 有北海道風味, 尋日去行SOGO, 所以特登走去一試去到個時約七點, 唔係甘多人, 所以兩個人都可以坐四人叫左一個魚湯粟米牛油拉麵$60一個麵豉湯拉麵$48一隻烤墨魚$30一份雞軟骨$20 先來烤墨魚及雞軟骨, 兩樣都好味, 而且價錢合理魚湯牛油拉麵, 魚湯味一般, 唔突出, 但因為加左牛油的關係, 所以整體味道亦變得豐富左, 不過最差就係D麵, 唔多似日本拉麵, 反而似粗身既香港生麵, 我老婆食到最後, 發覺碗底未食完既麵仲係痴埋一舊, 未散開的.我食的是麵豉湯拉麵, 湯底唔夠濃郁, 有三片厚身叉燒, 味道及咬口亦不錯, 但我食第一塊叉燒個時, 發覺肉中間係凍的由於我係對住廚房坐的, 所以可以睇到整個製作過程終於我見到, D叉燒放係麵上面個時, 仲係一塊塊又硬又凍的肉, 難怪我食到係有少少凍啦, 呢度真係要扣分囉總體結論係, 一試無妨, 但無乜大驚喜

OrderedDeep Fried ChickenEel on riceSaladCha Xiu Ramen with Soy Source Soup Base.Ramen came with 2 sizes, big or small. We ordered the big one. Overall, about the size of all dishes, they were big in portion, ramen, rice, even for the salad is big. Except for the deep fried chiken, which was medium in size.Taste, I liked the soup base, it's soy source soup base, but I could still find the taste of meet, which is good. Cha Xiu is ok, and overall the taste was authentic. Only the ramen itself was

跟朋友來這試試拉麵我選了炸豬扒拉麵, 豬扒很韌很硬,外皮不脆. 麵質很散,像廉價拉麵...不好吃. 湯很油,可能因為炸豬扒的關係油麻地的橫剛拉麵好吃多了..又比這兒便宜炸雞一般, 炸魷魚絲跟街上的小吃檔差不多坐在非吸煙區但有時仍有聞到一陣陣煙味總括來說,水準一般,未至於很難吃,但不會再來.

同朋友第一次黎，當然食拉麵啦。我們叫左麵豉牛油粟米拉麵和魚湯牛油粟米拉麵，總結是無論什麼湯底，都係無相應既味，最好食都係啲粟米。哈！

同個朋友來食飯,因為未試過想試下呢間,看個菜牌,無乜choice,唔想食飯,所以要左拉面,小食都好少; 我同朋友都係要左個叉燒拉面,一個魚湯一個肉湯@55,再加個海帶(+$10),我個魚湯的,我又飲唔出係咩魚湯..不過好似無乜味精,d面好似生面咁食落,唔係唔好味,但無乜特別,叉燒有四塊,大大塊的,都ok; 海帶好清,唔錯~~ 不過我覺得貴左少少啦,但點都好過食味千,個湯又油喎,好難食~~不過呢度幾好坐,可能因為無乜人啦,無煙味同埋侍應都好醒目不停加水~~