八喜小廚

營業中

休息中

唔係第一次黎食 今日叫左個八喜小炒王 黎到既時候轉左用西芹炒既小炒王問返啲侍應 得到既答案 好好笑話要韮菜要出聲講 O左咀 即刻問返佢 你生招牌成間舖貼左三四張相張相冇寫清楚 指定韮菜要出聲最搞笑既係我坐低冇耐已經見到有三碟用韮菜炒黎錯整錯唔係問題 係死雞撐飯蓋囉

the food in this restaurant is so expensive (around HKD$200)but the taste of the food doesn't worth the money and I still feeling hungry after spending 200HKD in this restaurantafter that  the waiter is rule to me and that delivery driver is kind of stupid since he drop all his takeout and hit the ground and get shout by his bossso I think this restaurant is own by a stupid guy who hire stupid chef , waiter and deliverythis is the worse restaurant I had ate in Hong Kong 

話說琴日打電話黎叫外賣三宗罪 第一：我叫豬頸肉公仔麵 佢比左豬扒公仔麵 第二：話說間野就係樓下 送上黎夠膽死要一個鐘 第三：超級難食 d豬扒好似非洲黎既咁 超級干以及好硬 一睇就知係隔夜翻炸 d麵炒到完全無色香味仲要凍凍地。Black list 以後唔會再幫襯

一個人帶小朋友有時唔想煮飯咪叫外賣lo，點知會遇到咁不愉快既經歷...第一盒手撕雞只食過幾啖，第二盒手撕雞落d菜係比第一盒多好多，睇起身好似我食左半盒咁，如果我真係咁唔知醜食半盒都夠膽去換唔驚俾人笑咩！仲要俾個阿姐鬧我食半盒都夠膽換，原本想俾貼士要走多轉，1聽到佢咁講，我叫佢試下！鹹到咁點食半盒呀！佢仲話你食過點試！之後發老皮走，我咪關門話咁都有離晒譜，跟住想打俾老闆問清楚！明明我打俾佢果陣已經講清楚，老闆仲好好態度話落得太多醬俾埋第一盒我，我話唔洗！唔係想要搵人笨只係想換過盒正常既，都知老闆好好人，有d睬你都傻啦！所以老闆係冇問題，仲好有心做生意既！可惜員工倒米，我唔該前唔該後仲要笑笑口對住個阿姐，佢第一次黎已經黑面我都唔理啦，第二次黎仲要咁黎鬧我！跟住返轉頭解釋都冇用啦！ps：揚州炒飯好食！

見幾多人幫襯，便試試呢間港式中菜。點了蜜椒雞中翼，滑蛋炒蝦仁及豉汁蒸黃立鯧。蜜椒雞中翼外脆內嫩，煮過的蜜糖加上黑椒，好食！蝦仁炒蛋就一般，蛋都算有味，雪藏蝦就始終冇鮮蝦咁鮮甜，蛋多蝦少，勝在夠鑊氣。蒸魚就正常的豉汁香，ok啦!想一提的是座位安排混亂，有待改善！

平常既中式家庭小菜，唔想煮晚飯，一家人可以出街去呢間餐廳食，雖然食物味道一般，但勝在價錢合理，又可以係有冷氣既店鋪食到大排檔既風味。豬肚雞煲，豬肚同雞都ok，加埋d雜菜，咬落唔會乾。濃湯炸雞脾米線，雞脾都算大隻，炸出黎唔油膩。蠔餅，好大片，好多蠔，好足料，好乾脆，咬落卜卜聲，正。炸多春魚，炸得好好，唔會散開 or 斷，可以成條好完整咁放入口，唔會太鹹。沙拉一字骨，都值得一試，初頭怕會太膩，但食落感覺唔錯。

叫左一個豉椒排骨炒河同一碗豬頸肉米粉同兩杯凍檸茶。個炒河送到黎，我以為又係是但整熟的河又淋的汁上去 但一食落 ，咦 ，河粉有鑊氣，驚喜！個豬頸肉米就個人覺得 （you win）🤦🏼‍♀️無味，粉同肉都一個字（鞋）..吾好怪我甘直🕴🏻黎呢的地方緊係叫小炒，又傻🐷左。有幾個地方抵讚既係 ❣️1.炒既有鑊氣 （其他餸吾知）2.的姐姐服務態度幾好（態度咋，工作能力另計）3.好緊要既就係湯粉入面既芽菜 ，無芽菜腳，乾淨！（呢點我真係好欣賞，吾好食都其次了，其他店炒埋一碟都係芽菜腳我寧願你吾好比，食開知有腳我通常走芽菜）覺得要改善就係：米線轉米粉我重複超過三次都仲係落單米線 ，丫姐可能累了 ，拎筷子一樣 ，哦哦哦 ，哦完十分鐘後先拎黎 我已經叫左第個拎，差的自己沖出去服侍自己🤔態度上補救番。☠️純文字餐牌☠️當你又餓又有選擇困難（即係我）兩頁紙四面，全純文字，左翻加翻，真係一片空白，有圖片會增加番點菜既意欲。凍檸茶方面個人個得（自動升級特濃甘）未飲過甘濃 甘深色既檸茶 ，一般 ，可以叫一杯試下先 ，一次叫兩杯後悔。環境就都係普通茶餐廳甘，兩人埋單$102 湯粉麵來說略貴 。以上純粹個人感覺及意見 ，供大家

有個新商場-天一商城聽聞"有好多野食" 所以就特登行去閒下晚上7點半左右去到 原來都唔係好多餐廳選擇...見依間茶餐廳選擇多 有各式粉麪 好多小菜相信坐低一定會揀到想食既野既兩個人 食左$160叫左一個星洲炒米，普通肉絲炒麵，好味 鍾意佢d洋蔥 不過就得幾條肉絲 如果想食肉絲炒麵，我絕對會特登再行過黎榣柱扒雙蔬，有西蘭花同白菜仔，d菇有少少"Up", 加杯凍啡有個侍應呀姐好nice8點都無爆場坐滿 可能閒日 人氣少d啦下次再黎 會再試其他餐廳

天水圍自古以來都是劣食天堂，以為開左新商場天一商城，多了餐廳進駐開業，還以為情況可稍作改善。自上次食過有毛牛筋後，估唔到今次繼續延續毛毛的故事，或者天水圍同毛毛有緣？價值＄198 的羊腩煲，內有羊腩枝竹冬菇，另附上生菜，不包白飯及飲品。份量是足夠兩人享用，味道不錯，羊腩有羊味，肉質鬆軟。 唯一敗北之處係羊皮有幾條黑毛，實在有點嘔心。唯有見到每一舊羊腩都自行去皮，但也避免不到這些黑毛可能早已混在煲内其他食物中，此刻唯有催眠自己，眼不見為乾淨。早點食完，早點撤退。另外還點了揚州炒飯，以火腿取代了义燒，因此味道較淡，似雜綿炒飯。以45蚊的價錢，實在不能奢求太多。餐廳剛開張，難免為吸引一眾好奇的食客幫襯，但如果質素未能夠改善，好難再吸引食客回頭光顧。

在天水圍上班，天一商場開了後，便不用山長水遠走到嘉湖食lunch，可以在這逐間試。八喜應該以吃小菜為主，午餐也可以選一些碟頭飯。叫了三絲炒河粉，上枱熱騰騰，也不算多油，味道可以。熱奶茶就普通奶茶，沒甚麼特別。想試試它的小菜。

下午茶最平$22蚊有交易，都幾抵食，仲有好多款選擇，味道都唔錯，之前食過好多次，今次試吓啲新野，椒鹽豆腐同瑤柱花膠泡飯，豆腐皮脆內嫩，泡飯都好有水準，白飯多些會更好，埋單都係$44,值得推介！

今晚我們去咗天水圍天一商城嘅「八喜小廚」食晚飯！我們叫咗涼瓜肉片飯嘅肉片都幾爽滑，涼瓜好甘甜爽脆，芡汁嘅豆豉味道都幾香濃，但唔會過鹹！星洲炒米炒得好乾身同幾夠鑊氣，材料都幾豐富！原本落單嗰陣我們同店員話我們唔係太鍾意鹹檸檬，因怕會比較鹹，所以我們要求要清蒸烏頭，但嚟到之後竟然係鹹檸檬蒸烏頭，我們問點解會係鹹檸檬？店員都有禮貌咁話唔好意思，話會換過畀我們，但為免浪費咗條魚同他們應該係屬於小店經營，所以我們無退換到照樣食，蒸嘅時間火候控制得啱啱好，肉質新鮮嫩滑，而味道就畀鹹檸檬味掩蓋晒！

第一次去天秀商城，行唒成個場决定試下厘間，周末晚上入座等位都合理既，我地就在門口看下貼在玻璃上的菜牌，茶餐廳黎講都算幾多選擇，等左超過半小時門外見到人地食涼瓜炆魚，流哂口水，入到去就岩岩賣哂通菜炒鮮魷，d鮮魷麻麻地欖角一字骨，表面有d蜜糖味lor京葱海鮑片雞煲, 都算唔錯石窩欖菜芥蘭豬頸肉，厘個真係有d驚喜。花膠瑤柱蛋白炒飯，花膠瑤柱少d可以理解，但飯就真係細碟左d。整體黎講都算好味，買相亦唔錯，座位都算舒適，有下次！

今日又再去八喜食晏，好在2點去到，唔係又要等位。今次就食肉絲炒麵，豉油皇炒麵，炸雞脾加沙律同鐵板京蔥花膠海螺，真係估佢唔到，商場入面食嘅野咁有鑊氣，唔講頭果幾樣，淨係講果個鐵板，邊會諗人地會比花膠同海螺片你食吖，點知出黎見到花膠大大舊，海螺片都唔少，所以呢間係天水圍數一數二嘅飯堂

估唔到天水圍有間好味嘅小廚，店舖細細但味道一流，聽講主廚係做過多間酒樓同上電視添，我覺得小炒王，拔絲魚柳同橋底辣蟹必食之選，而唯一差少少嘅紅豆冰紅豆唔夠淋，有待改善。