八囍牛雜粉麵

營業中

休息中

路經頌安商場，聽聞呢度有檔牛腩好出名，牛就中正我喜好。行近店舖牛腩汁的香味撲鼻而來堂坐約有12個坐位，睇牆上餐牌價錢實惠 街坊價有👑的是店長推介「崩沙牛腩河」🥬🌽🫑🌶️🍆🍅🥕🥦🌽🥬睇餐牌 1130前 早餐送飲品就算其他時段都係加$5有飲品，注意：超抵嘅係油菜$13蚊咋我叫了「崩沙腩米線」$43 ，只因要輕食所以少粉多蔥。竟然有條菜🥬講真今時今日食粉麵都唔會有菜俾架啦！嘩崩沙腩好正唔算肥，最好味就係牛腩筋膜邊個部份佢嘅腩汁味道都好啱我，食崩沙腩啖啖都係享受

已經係多年熟客，今日照樣買左金錢肚紫菜河、牛雜牛腩米線同一個青菜外賣，點知食出一粒老鼠屎，即刻想作嘔，report 左去食環處跟進，如此衛生條件令人失望，唔會再幫襯。

頌安街市內，算是村內唯一的粉麵檔，環境一般，大約有十幾個位，位置唔好坐，亦都唔會預期會喺度坐得太耐，而且係需要搭枱的。粉麵價錢算是貼地，雲吞麵$33 ，牛腩麵$35，而且加菜也只需要$13。雲吞麵份量正常，女仔會食得飽，一碗裏面有五粒雲吞，但雲吞唔算大粒，所以當過吓口引。雲吞麵味道正常，湯底味道唔算濃烈，唔似出邊一啲店舖會用大地魚嚟煲湯，所以最好加添辣油。牛腩河性價比唔錯，牛腩份量都算多，一碗內有唔要7-8舊，所以通常會叫牛腩河。

在頌安街市內粉麵檔，地方較細，坐位不多，也講不上舒適，到此食客都應該不會介意這一般的環境，要求是方便就腳快餐式，食物好味，價格相宜。服務員非常親切，在忙碌之中也同食客聊天，見我眼望望就即刻問我有乜需要，十分主動。此店辣椒油也不錯。牛筋河 - 牛筋好腍，夠香，河粉就一般，湯底味濃好正，份量也大，在寒冬食完碗粉，十分滿足。早餐時段送熱飲$33。此店外賣碗改用了兩層的，下層是湯，上層是粉麵，外賣街坊也讚好。

雖然「馬鞍山」公共屋邨「頌安邨」跟屋邨附屬商場「頌安商場」的實際位置，並不是在港鐵「屯馬綫」的「恆安站」旁邊，從「恆安站」前往「頌安商場」反而比較需要更多時間。但是我在「西貢巴士總站」乘坐巴士，反而可以在「曾𤩹山中學」巴士站直接下車，然後橫過「西沙路」、「恆安街」斑馬線，直接到達「頌安商場」。所以對我來說，前往光顧位於「頌安商場」裡面的潮州粉麵店「八囍牛雜粉麵」，路程比我原本預期來得更加短，步行所需要時間過程，亦比原本預期來得更加方便和快捷。「八囍牛雜粉麵」裡面的粉麵食品單品售價頗為便宜，例如一碗很簡單的「雲吞麵」，就只需要港幣三十一元而已。而且「八囍牛雜粉麵」「雲吞麵」實際製成品裡面，足足有五大粒體積不小，裡面有不少「蝦肉」的「鮮蝦雲吞」。所以「八囍牛雜粉麵」「雲吞麵」每粒「鮮蝦雲吞」的實際口感，也因為餡料裡面的彈牙「鮮蝦」十分足料，令「雲吞麵」整體「鮮蝦」口感變得很新鮮，很有彈牙感覺。至於「八囍牛雜粉麵」「雲吞麵」裡面的麵條，我選擇享用「幼麵」。「八囍牛雜粉麵」「幼麵」麵條口感尚算有彈性，不過最重要的還是每條「幼麵」麵條裡面都沒有食到「鹼水」味。所以「八囍牛雜粉麵」製造的「雲吞麵」

最近好多嘢做，有點頹😶，睇吓屋企附近有咩食，行過聞到牛腩味幾香，就決定食呢間！佢喺街市入邊嘅熟食檔，雖然店面唔大，大約只係得10個位，但係都好受街坊嘅歡迎，會見到人流不斷。-當然要叫佢哋嘅招牌牛腩河啦，不過由於也米😍唔食葱，所以走葱。坐咗幾分鐘，好快就整好一碗牛腩河。牛腩份量絕對唔少🤩，而且肥瘦適中，見到應該都煮咗幾耐，幾淋，而且好入味😋。湯底應該係清湯加腩汁，所以都會有啲牛香味。呢間鋪嘅重點一定係佢嘅辣椒油🌶，真係好好食，超香！加咗辣椒油喺碗牛腩河，完全升咗一個層次😆！

位於街市入邊，地方少少但係食物水準高，而且超級平！早餐一碗麵配一杯嘢飲只係$30 ，仲要大碗麵，即使係老公食完都會覺得好飽。老公最鍾意食嘅牛肺，好多時喺出邊麵檔都唔俾你單要牛肺，會逼你點牛雜。但係八囍係可以單要一種牛嘅內臟，好似老公鍾意食牛肺，佢就可以淨係叫牛肺面；而我鍾意食牛膀，就可以淨係叫我牛膀麵，呢樣好抵讚！鍾意佢嘅面唔會太淋，食咗好多次，每一次食都好彈牙，所以佢嘅右面都係我經常會點嘅。配上自家製嘅辣椒油，同埋少少蔥花吊味，真係會食上癮㗎 ！凍檸茶水準不過不失，起碼有茶香，而且我哋叫少甜又真係做得到，以佢地方咁細嚟講，都可以沖出一杯唔錯嘅凍檸茶，合格有餘！

味道喺唔錯，但服務係一“流”, 我可以食食下碗麵，仲要差唔多食完，叫我搬位去另一邊食。因為當時我隔離位剛走，佢叫我搬就可以讓給對情侣坐。大佬呀，如果我剛坐落，我唔介意搬。問題係我就食完，離哂谱。我仲囉住一袋二袋嘢搬去另一邊，真係多謝哂。

依家要搵到又平又抵食既粉麵真係唔容易.....小弟呢日就經過恒安街市，見到有間鋪頭細細但係風味十足既粉麵檔，一於入去試吓！估唔到依家食碗粉都早餐價$30仲要包杯熱飲，抵！選擇仲要好多，牛都有分牛雜牛腩牛筋牛肚牛丸😂小弟決定試下牛腩河先～～雖然價錢平但係份量都唔少，牛腩仲比左好多舊tim！而且腩汁湯底唔會好淡，又唔會太咸！牛腩仲好淋！呢個價錢好過去食快餐啦杯奶茶都唔弱，一睇個色就知好飲！仲有好香，正呀👍🏻👍🏻

位於街市入面細細檔麵檔，座位不多大約得16個位，長期都好多人，有時仲要等位。因為佢真係好抵食，11點前有早餐優惠，$30一碗麵送熱飲，凍飲就加$2。碗麵好足料，我叫咗牛雜麵，同其他粉麵價錢一樣，$30勁大碗！每款雜都有1-2嚿，點解可以咁抵？！如果過咗早餐時間都係$30，飲品就加熱飲$3、凍飲加$5都係勁勁勁抵。牛雜係正宗港式牛雜，濃濃的腩汁味充斥整碗麵。最欣賞佢個牛腸，肥得嚟唔會韌，好重油香味。其他雜都好好味，但我唔識分門別類😂油菜配腩汁都唔錯，芥蘭新鮮唔會煮得太淋。奶茶茶底夠濃，奶嘅份量剛剛好。

頌安邨街市自從幾年前裝修過之後呢，就有幾間熟食餐廳進駐左。比較常幫襯嘅，就係跟八囍牛雜粉麵。今日有Ｄ肚餓，所以過嚟食碗粉先返屋企。依度雖然地方細細，但牛腩牛雜同一般的潮式丸類餃類粉麵飯都有，而且價錢實恵。今日叫咗牛雜墨丸米，佢哋嘅粉麵上面的青比較有誠意，除咗莞茜蔥，仲有炸蒜頭，味好香，配埋混合腩汁嘅湯底，就好有鮮香味，好唔錯。米粉就淥得比較硬，挺身左少少。牛雜份量唔少，炆得好入味，牛肚炆得稔但仍然有咬口，牛膀好粉嫩唔會好腥，牛肺都係好嫩滑。牛腸就最正，俾得好多，稔滑彈牙又入味，帶少少油香但唔會太肥，唔錯唔錯。墨魚丸都ＯＫ，食得出有墨魚粒入面唔會成舊粉咁。當然呢，其實佢哋啲牛腩都唔錯，一開頭好好，不過後來水準有少少飄忽，有時太稔或者太柴，太肥太瘦咁，有D要睇彩數啦。粉麵加嘢飲凍熱都係加$5，算係比較抵。今日就叫左杯凍檸水，幾大杯。而於環境呢，呢度雖然係街市入面，但其實都OK，幾企理冇異味嘅，就算係你坐喺度食都唔係話污糟。不過有時呢都幾多人，要排隊，咁就會坐得比較迫，但大家都係食完就好快走唔會太介意。