八居酒屋 (旺角新城)

營業中

休息中

旺角這地點方便以往來這必食厚燒仙台牛舌/生蠔及幾款刺身/三文魚卷 而家仲多埋宵夜定食餐 好抵食 三五知己 放工聚埋一齊享受仲可以試多d款式清酒 及酒類/ 飲品多樣化 總有一款合口味依家居酒屋開到零晨3點 -~正因為收工先搵食地方一般都12點前唔須要趕住離座

想深夜可以靜靜地食d野 傾下計飲杯酒 呢到係一個不錯既選擇～ 甘岩果晚凌晨12點先收工 過到去12點半叫野食同野飲都好快 單點正價食品有75折優惠 佢果到有平時出面買吾到既梅酒 好不錯👍🏻 仲有半價生蠔！值得推介

今日同朋友再嚟試其他嘢、朋友唔飲酒所以冇嗌串燒叫咗安康魚肝漬物、金菇牛肉卷、燒油甘魚鮫丶兩隻大大隻嘅牡丹蝦刺身、帆立貝刺身加多個茶碗蒸蛋 .同朋友一路食一路傾計傾下傾下坐咗成兩個幾鐘、感覺舒服又有家庭式嘅風味啲嘢好好食份量又唔少 原先諗住嗌多個招牌蟹黃炒飯 食咗之前叫嘅嘢已經好飽所以只有下次再嚟試其他食品！店員推介每日會有優惠食品半價仙台厚燒牛舌、蟹黃炒飯同壽喜燒另外仲有飲兩小時$158有兩款清酒、啤酒、果酒、氣酒同日本麥茶。

嚟過幾次呢間居酒屋 除咗坐得舒服 👍營業時間去到三點 🎉💯 啱曬我哋呢啲夜遊人 食物種類繁多😋無論壽司 串燒 壽喜燒 也頗為出色 而且酒類種類繁多🥂🍸啱曬我哋呢班走鬼😚 吹水宵夜最佳選擇 地方

食物質素好一般，冇service壽司盛價錢與質素不乎，乾爭爭清酒煮蜆，無味道淡茂茂三文魚唔新鮮，色水差，口感亦好一般鵝肝又係乾要有條件先俾discount，叫飲品，fine一齊就計飲品價值，擺明老屈坐到差唔多走，先知要俾茶你仲要收我加一俾清酒啲杯又係無排場，居酒屋食氣氛。夜晚得3枱客，又冇服務，想好生意？埋單$1000，我去壽司朗好過啦⋯⋯仲要送包茶葉，成個體驗係….搵啲客黎上數。倒不如你直接俾實折仲好。9唔搭7

家人聚餐 唔想食中菜 朋友推介食八居酒屋 （旺角）。其實之前自己都去過 食物質素不變 而且食物款式比之前更多選擇 仍是新鮮 美味 越食越想食講真依家食店光顧環境 仍然做到出品不變 都所餘無幾。決定再次上載希望大家多d留港消費 消費在這類仍然堅持食店

今日食左好多款食物，真係見到個女個肚腩仔都出埋黎。爽…………職員服務態度好好呀掛住食有啲都無影相添，必點：仙台牛舌、鱈魚棒、蟹子沙律、油甘魚鮫⋯⋯今日仲試左幾款酒黎飲，有金箔嘅清酒。掛住飲都無影相😂😂今日試左兩款生蠔🦪真係唔駛點其他野落少少檸檬汁就已足夠。最後黎一杯麥茶，好香，好鐘意麥茶嘅香味。都食左好多款壽司，太搶手，掛住食唔記得影相。。。。。。一班人食下，飲下，傾下真係好開心😀小朋友一齊玩，大朋友一齊吹水。真係正

今日約咗朋友收工喺旺角等，一齊食餐飯，因為收工時間都晏，最終搵到依間收凌晨三點嘅居酒屋，就決定食呢間試吓叫咗份金菇肥牛卷本身以為金菇肥牛卷係一串串結果上嚟係一碟有八舊勁好食五花肉串免治雞肉棒仲嗌咗我鍾意食嘅羊架同埋一個壽喜燒壽喜燒入面份量好多，有牛肉有豆腐又有菇，超正飲品我叫咗伏特加high ball白桃本身以為會好重酒味，但完全唔會所有食物都好食，以我哋兩個女仔食完全夠晒食到好飽，好滿足，人又唔算話好多，好適合我哋傾吓計

收工十一點鐘出到嚟旺角都唔知食乜好睇到呢間居酒屋收凌晨三點上嚟試下有宵夜套餐都唔貴嗌咗個壽司定食$138同埋招牌菜仙台牛舌$168日本生蠔做緊半價$34蜜瓜乳酸梳打$35好飽、好食、價錢唔貴

#深夜飯堂 #下次再來 #旺角美食 #居酒屋 #日本菜 同女朋友放假睇完戲行街見到，咁岩肚餓，有少少難搵，原來就係創興對面，搭扶手電梯上。但得1臺客，嚇親，但已經好夜，都好正常正題-有半價生蠔，半價仙台牛舌，當然要oder，另外叫咗個壽喜燒鍋同少許刺身，串燒，店員推薦自家製清酒。咁就試下啦不得了，個仙台牛舌配距支清酒，好掂🤩仲有d刺身好新鮮，好味到唔記得影相，而且靜靜地超適合同女朋友傾計，個店員很nice，最後仲有雪糕送，飯後甜點，正 下次一定再來

本身經網上預訂食晚餐，入店前有改預約時間去拎個openrice優惠（單品82折），睇下有冇機會用到，但感覺店員全程極不友善且態度差劣。本身店鋪要求要每人單點一杯正價野飲先有優惠，呢樣野係店鋪規則冇問題既。但當問店員拎茶時，店員很不客氣咁講「你地要叫正價野飲先有折扣架喎」。入店溝通時店員已經講左唔至一次呢樣野，都已同店員講過幾次係知道既，唔係好明點解要再三提示。而最後我地係冇選擇去拎呢個優惠既，因為食物質素欠佳，唔會想再點多d野。叫左個壽司盛（8貫178），出黎壽司係暖既，三文魚唔新鮮，呢個價錢去任何一間大型連鎖壽司店都唔止呢個份量同質素。到埋單時店員收錢，由同佢講簽卡到簽完卡為止，係冇一聲多謝，咩都冇講就走左去。從來冇見到有日式居酒屋咁冇禮貌，差過樓下茶記。絕對冇下次，極度不推薦。

酒屋嘅佈局充滿日本嘅氣息，環境舒適，好適合傾計，服務態度又好三文魚牛油果沙律$78好大份沙律，種類又多，三文魚肥美，蟹籽好彈牙，牛油果蕃茄沙律菜都好新鮮，沙律汁酸酸酸酸甜甜夠晒開胃牛肉壽喜燒鍋$128薄薄地幾塊極上牛，略有脂肪香味，配上濃郁嘅壽喜燒湯底，甜得黎又帶有鹹味，連埋雞蛋豆腐大蔥金菇冬菇娃娃菜粉絲都索晒啲味，認真惹味金龍卷$75彈牙嘅蟹籽同新鮮既牛油果鋪面，中間夾雜着爽口既炸蝦，炸粉薄得來又酥脆，好滿足海膽炒飯$148蟹籽份量幾多，帶有炒蛋既炒飯粒粒分明又軟熟，配埋甜甜地嘅海膽撈埋一齊入口，幸福感提升柚子酒$48香印提子酒$48兩杯飲品都有農曆濃烈嘅酒味，又帶有清新嘅水果香味總括，食物好食，又難得旺角鬧市入邊有一個咁寧靜嘅環境，仲要價錢相宜，性價比高，會encore

開放時間方便，營業至午夜，今次最正既係2小時Free Flow Sake，店員無阻止我地飲，仲介紹3款唔同嘅Sake 比我地按次序試，3種不同辛度，個人最有金箔的那一支，基本上同朋友一個最少5支細sake。食物方面都好食，自己大愛三文魚牛油果芝士卷，同明太子玉子燒，用來送酒的確不錯，至於壽喜燒就比較普通，味道是可以的，但牛肉不夠軟滑。至終餐廳環境方面，可能是平日比較晏，用餐客人人數不多，很好的環境可以跟朋友聊天暢飲。以上為自費真實食評

喺旺角行完街要揾好野食😀😀行到旺角新城樓下見到有姐姐派傳單，過去八卦一下就留意到呢間位於旺角新城5樓既八居酒屋，仲有午市套餐優惠😆 非常抵食！我地搭𨋢上到去，好彩平日黎到，唔洗等位😀😀服務員好有禮貌，上菜速度好快！ 我同朋友揀咗窗口🪟坐，靜靜地食個午餐🍱我地叫咗兩客午市套餐，分別係海膽三色丼和和風汁燒牛肉便當。海膽三色丼- 刺身新鮮！ 和風汁燒牛肉便當呢度性價比高，服務質素又好，可以多多幫襯🥳🥳八居酒屋 (旺角新城) (旺角)旺角彌敦道594-596號旺角新城5樓

牛肉壽喜燒鍋用上咗極上嘅牛肉，每片牛肉都切得薄薄地，色澤鮮紅，煮完之後入口即溶。湯底用上咗傳統嘅日式醬油、清酒同砂糖，味道甜中帶鹹，非常濃郁。加上啲蔬菜同豆腐一齊煮，味道更加豐富。🍲🍲仙台厚燒牛舌呢度嘅牛舌真係特別厚切，果然係餐廳主打嘅招牌菜式，煎得外脆內嫩，咬落去口感非常彈牙，同時仲保留住啲肉汁。牛舌嘅味道好濃郁，絕對唔可以錯過。👅👅金目鯛刺身呢度嘅金目鯛刺身非常新鮮，每片魚肉都晶瑩剔透，油脂分佈均勻。入口即溶嘅感覺真係一流，魚肉嘅甜味同油脂嘅香味完美結合，真係食得出廚師嘅功夫同心思。🐟🐟三文魚刺身呢度嘅三文魚刺身同樣非常新鮮，每片都切得厚薄適中，油脂豐富，配埋少少醬油同芥末，更加突出三文魚嘅鮮味。🍣🍣