八幡平石燒牛扒專門店 (東匯坊)

營業中

休息中

呢排好想食牛，又見石燒好吸引，所以就試一試佢第一次食緊係食招牌牛柳$85一去到，店員會教你點樣自助落單，之後會俾個牌仔你，但可能換為人流唔多，店員會幫你拎埋一去到就去自助吧拎野有飯，牛肉湯，沙律菜同檸檬水白飯略嫌少少濕，但座位上有飯素任加好加分呢！另外沙律菜好新鮮，有芝麻醬同柚子醋揀，忍唔住食左2碗呢！唔好以為牛肉湯hea你，佢入面有牛肉，蘿蔔同洋蔥架，好清甜，蘿蔔都好好味架，所以都飲左幾碗🤣🤣🤣到主角牛啦個石燒都好夠熱,基本上燒一陣已經會好熟，所以我切到一片片燒一陣就放返落隻碗先，當食到個陣再落去燒幾下超級juicy 同埋超重牛味，如果唔係食肉獸既話，180g就完全夠食啦基本上落少少海鹽同黑淑已經好夠味醬汁方面都好多款，就會重口味多啲燒汁加蒜蓉撈飯真係無得輸仲有芥末醬都甜甜地，食落去都夾，但我就鐘意落黑淑同鹽多啲建議大家去試一試

很少幫襯地下商場裡的食肆，沒想到，鲗魚涌東匯坊地下的‘幡平’，讓我一週兩次來食牛扒！之前網上有人推薦，週日一家三口來試，先學習一下：我們3人叫了2份@85蚊180g的招牌牛扒和1份@150蚊200g的肉眼扒👇🏿👇🏿👇🏿招牌牛扒👍👍👍👇🏿👇🏿👇🏿肉眼牛扒👍👍👍可以免費添加的牛肉蘿蔔湯👇🏿👇🏿👇🏿👍👍👍仲有：蔬菜沙律和檸檬水也是免費任取，我自己冇食，所以冇影像，但呢啲都係+分項😆最後買單：3人330蚊，食牛扒喔，好抵👍

店舖開張已經三年，前後去過三次，每次都滿意。價錢方面，合理，收咁嘅錢，提供番咁嘅質素，value for money 。一句講晒，牛扒唔會令你失望。白飯有誠意，應該係珍珠米，米飯分明，唔係一嚿嚿，試吓去淘大某店比較，你就會明白什麼叫一嚿嚿嘅飯。八幡呢間店舖，由於是自助形式，沒有收加一，但千祈唔好以為呢啲自助服務，唔收加一係必然，因為淘大花園神石燒，都係提供類似嘅石燒，都係自助形式，但係會收一。對比之下，八幡真係抵幫襯，加上全日都係同一價錢，唔會話午餐平啲，晚餐貴啲，雖然都係食類似嘅嘢。牛扒上枱嘅時候，為免油脂肉汁溢出四濺，八幡用一張餐紙覆蓋，唔好睇小呢個動作，同類型嘅其他店舖，係用一張廚紙覆蓋！環境方面，八幡乾淨衛生，碗碗碟碟，餐枱餐椅絕對冇油淋淋嘅感覺，即管試吓比較銅鑼灣怡和街某店，你就會明晒餐具器皿地方衛生乾淨嘅重要性。呢間店舖，老闆管理得好，員工每當見到客人離開的時候，火速補位清潔一番。連裝蒜蓉嘅樽，黑椒樽，岩鹽嘅樽都會抹，用膳過多小時，我留意到服務員，總會有嘢抹緊。員工收碟快，不用三催四請。店舖提供嘅沙律菜新鮮，你望個樣就知道，就會夠膽食。湯，味道一般，而且頗油，不過可能係一個

行完山趕時間食lunch又好肚餓入咗呢間石燒牛扒，自助式點餐，揀返想要嘅牛扒部位、份量同飲品就可以直接喺vending machine俾錢。店內嘅單排座位同音樂都好有日本feel，細細間店乾淨企理。等牛扒上嘅時候可以去自助bar拎野食，沙律、湯同白飯任拎。個人好鍾意呢種撈芝麻醬嘅日式沙律，至於個湯就唔係typical嘅麵豉湯，望落好似中湯咁，好多洋蔥，仲有大大塊肉但一啲都唔鞋，又唔錯喎~熱辣辣嘅牛柳，由於有白飯(珍珠米係好食嘅)，200g嘅牛已經足夠，雖然佢個樣有啲乾，其實食落去好juicy，肉味係爭啲，但呢個價錢黎講真係算唔錯，加埋店內提供嘅海鹽、黑椒同醬汁會好味啲，推介柚子醬😋性價比高，又多一個office附近食lunch嘅選擇

同事極力推介呢度嘅石燒牛扒、話新鮮沙律菜、珍珠米白飯同大根牛肉湯可以無限refill 好抵食 😹終於的起心肝同其他同事黎試吓、我哋12點左右到咗仲有位、俾錢方式啟用八達通自助！價錢以牛肉等級去計！為免中伏我揀咗招牌牛扒試試水溫😜👻落單後店員就安排座位、然後就可以自助去拎嘢食！沙律菜望上去非常新鮮、裏面仲有車厘茄同粟米粒！醬汁有胡麻醬、仲有好開胃嘅柚子醋汁！搞到我忍唔住食咗兩碗 😹本身以為個湯係冇湯渣 😹 點知落去有唔少大根、一大嚿好似牛腩嘅牛肉 😬 湯飲落去好清甜好有牛肉味、牛肉咬落去一啲都唔韌好林！如果唔鍾意飲湯嘅話仲有自助檸檬水 珍珠米白飯、仲可以自己添加紫菜飯素 🤪主角終於出場啦！招牌牛扒份量都好大件！大食嘅男同事都話夠食！職員細心有教點樣控制牛扒生熟程度！牛肉味好香、好重！容易切開唔會咬到牙骹軟！如果嫌唔夠鹹味嘅話仲可以自己加岩鹽、即磨黑椒！仲有日式芥末！同事們話下次要叫牛柳試吓 😜

終於可以返嚟食招牌牛柳喇，已經有一段時間冇嚟食，上星期去開太古城探妹妹.我哋好懷念佢哋嘅招牌牛柳今次一定耍叫300g先夠飽😄估唔到仍然係咁好食👍今次我哋帶埋仔仔👦🏻嚟需然佢甩咗兩隻門隻門牙😝但都食得津津有味而且牛柳入口鬆軟又juicy !大隻哥哥服務仲非常週到，見到我有小朋友仲好細心安排一個座位俾我哋唔會咁易撞親，今次食鉋我仲買埋牛柳外賣回家，估唔到佢哋好細心仲跟埋啲醬汁同蒜蓉等…咁我哋返到屋企得閒都可以喺冰格攞出嚟自己煎🤩真係大満足💯😋

一家三口去，沒有BB椅，初時怕兩歲幾小朋友坐不定，但牛肉在熱石上吱吱聲太吸引，女兒竟然可以和我們一起食足全程，還不停叫着要吃牛肉，吃得比平時還要多我和女兒吃「牛柳300g」肉質很嫩份量足，可以叫店方在廚房燒熟一點，自己切薄片後再把中間放熱石上燒全熟，就不怕小朋友吃到生肉先生點了「鐵三角」吃到有肉味的牛扒肉眼，又可以吃到和牛，先生說三款都很不錯，感到滿足沙律湯白飯任裝，推介桌上的鰹魚飯素，簡直是白飯小偷

$240食呢啲牛 睇個樣都知唔掂食落去果然係難食特別係中間嗰款 又厚又鞋又無味連A4都唔好食 好似食緊舊冇味嘅肥膏總之一個字 伏 請都冇下次！唯一讚下 服務唔錯 但食物真係 明眼人都睇得出咩事

肉嫩，汤牛肉分量足，饭可以添加紫菜，调料多选择。完胜铜锣湾的牛极。疫情期间下班过去人也不多，地理位置有点不好找。除了这个没缺点。同样价位的类似的牛排排第一☝️。

可以按自己鐘意嘅熟度黎燒牛扒 ，唔使驚太生或者過熟🤩 招牌牛扒比肉眼更有牛味 先講塊牛，明白大家好鐘意打卡，建議一開始用把刀托一托起，如果米熟唒🤢 肉質好靚 ，粉紅粉紅好吸引，最好就一路煎一路食一路切，如果太熟就浪費曬塊扒D牛肉蘿蔔湯好正 如果早黎會見到湯渣有好多牛肉 ，d牛肉雖然係用嚟煲湯，但一啲都唔鞋，好足料，飲完仲會想添多一碗🤣吾夠飽仲有沙律同飯，高質又多量又抵食！記住湯、飯、沙律都係任食架～我覺得一塊好嘅牛扒唔使再加咁多調味料，所以我淨係加咗胡椒同鹽就已經好足夠，頂龍再加少少蒜蓉，好食！另外服務員態度良好，十分友善，驚我細佬食唔晒所以建議我哋叫細份d 🤣絕對唔係想賺多啲之後唔理個客人食唔食得唒，超級nice🥰

鬧市中的「隱世」石燒牛扒專門店～鰂魚涌🚋近海山樓有個小商場東匯坊, 地牢商場仔近年番新過，開咗D餐廳🍽～
Lunch time去咗其中一間隱世小店試吓😋發現真係非常隱閉😂
落到商場要行到最入面先搵到呢間石燒牛扒～

午餐時間🕧等咗大概10分鐘先有枱～如果太趕時間就要留意喇❣️座位流轉都算快～佢嘅setting係比較似快餐😆餐廳細細間～只有幾張二人枱，其他都係單邊嘅座位～4個人去就只能夠並排坐喇🥺😮‍💨
入座之前先揀咗要食邊款牛同埋🥩重量⚖️～俾埋錢💸就可以等食🤟🏻

Eatcation Girlss揀咗最經濟嘅$80 200g八幡平招牌牛扒🥩🥩
滋滋聲嘅石燒牛扒上枱🤤～牛肉味已經香氣四溢🤤食指大動同時都要同時間競賽⏱，因為唔想牛肉過熟，所以就先切開未食嘅牛扒放一邊，然後邊食邊慢慢燒🥰
雖然係餐牌上最便宜嘅選擇，但牛肉味道同肉汁都有保證👍🏻👍🏻
枱面有生蒜蓉🧄提供，可以考慮放埋上石燒一燒再同牛肉一齊食，更香更惹味🤩
就咁配鹽同黑椒都已經好好食🤤👍🏻
店家仲有提供燒汁同蜜糖芥末任君選擇～

石板嘅熱度剛剛好夠食完200克牛扒😚但係如果食更大份量又想慢慢燒可能去到中途會發現唔夠熱～記得可以請職員

八幡平招牌牛排(200g)$80白飯,蘿蔔牛肉湯,沙律都係任食牛排冇肥膏,店家會先幫你牛排4面煎一煎就會即刻連熱辣辣的石板上菜。我首先切開3舊，再開始試食時，發覺牛肉已經全熟，證明塊板真係好熱，建議唔鐘意太熟的朋友仔，邊食邊切，想幾嫩，幾熟，幾生完全由你話事。我見唔對路，即刻改返要食一啖先再切一舊。牛肉都係唔5成熟最好食。餐廳有幾款醬汁畀，例如鹽、飯素、蒜蓉、胡椒同蜜糖芥末汁，自行調味。但我就覺得胡椒同鹽已經好夠，因為牛肉好香肉味，適量的鹽已經可以帶到佢個鮮味出黎! 到我食完牛排，塊石板仲暖，大家如果覺得唔覺，可以叫店員幫你加熱塊石板。間中玩下DIY 都係唔錯，食呢D都預左走時會有少少味道了~

八幡平 $220鐵三角 和牛60克 肉眼100克 招牌牛肉100克和牛好肥美，超級新鮮，散發出好強嘅香氣。肉眼 肉質比較林，有質感，沒有根，肉汁豐富。招牌牛肉 水準比一般嘅手切牛高 。用高溫石板燒， 首先用一嚿 和牛嘅脂肪開石， 肉眼同招牌牛肉冇咁容易黐住嚿石。烹調到六至七成熟就要食。除咗燒牛之外，有沙律、牛肉湯、珍珠米、檸檬水 任食。

There are a lot of Japanese style hot plate steak restaurants that have opened in Hong Kong in recent years. The concept is simple. You order what type of beef, how many grams at a vending machine. Sit down and wait for them to bring a hot stone plate with raw slab of steak on top to grill away. Soup, rice and salad is unlimited. The food is usually ok. Not great but at least cost effective. But not really ever enough for a return visit.That as until we came across this place. We decided to expl

知道八幡平有石板燒牛、任食沙律、白飯、蘿蔔牛腩湯……今日5時去到，知道原來在門口自助點餐。今次點了200g八幡牛一嘗只需$8O。牛以石板上: 1一2成熟;之後就靠自己燒。我加左mustard, garlic and gravy...嘩！D 牛肉味好鮮呀！真係正！我只燒熱大约四成……真的又好玩、又好食！物起所值。值得再試！