八方台式麵屋 (太古城中心)

營業中

休息中

今日行完誠品就去咗食台灣麵線，餐廳係自助形式 ，位於誠品裏面 。大腸貢丸麵線,鍋貼餐 🍜 $62會員有九折優惠大腸有咬口,貢丸彈牙 ,份量十足 .鍋貼有十隻,可選擇原味或韭菜，鍋貼香口惹味, 記住記住一定要點醋食😋. (醋需要自己去自助區攞) 跟一杯飲品，可選擇台灣抹香綠茶或紅茶 🍵 如果唔鍾意食內臟可以選擇肉羹麵線， 唔鍾意食鍋貼可以選擇水餃整體食物質素中上，價錢合理。會再去✌️

太古商業大廈好多人返工，都唔知食咩好．．．呢間八方麵屋位於誠品書店，環境尚算清涼舒適，感覺嗰度係一個小小嘅food court:有拉麵店、有呢間八方麵店、有西式意粉等等。平時見到好多商業人士都會間唔中試吓呢間餃子店，會見到一班返工嘅人喺度買午市套餐。例如今次買咗牛腩麵同埋餃子，牛腩味濃郁，麵條有韌勁，好開心佢原來每次午市套餐都會送一杯特色台式飲品，方便我哋拎走，都唔需要特別去其他舖頭買嘢飲。好多上班族都覺得驚喜，就係咁樣一個小小嘅台式套餐，方便快捷，係唔少上班人士嘅簡便之選！

上次黎買外賣，見到煮野食既姐姐將放係地下既桶，成個桶、連桶底浸落個煮野食裝滿水既煲，已經覺得貴餐廳既衛生情況欠佳😰今次再黎買外賣，又見到沖野飲既姐姐將個跌咗落地既紙杯，就咁執返起黎繼續用😨雖然話出街食飯預咗唔慌乾淨，但貴餐廳又整個半開放式廚房，我睇唔到都可以眼不見為乾淨，睇到真係唔開胃🤢希望貴餐廳負責人睇到，可以培訓下員工既衛生要求，唔係自己食返都唔好咁求其😑——————————————————

趕去上堂，想快食，於是到誠品選了這間店，點了肉羹麵線及10隻原味鍋貼，配凍綠茶$62。自己十分喜愛吃面線，這間不太咸，但餃子就微熱，作快餐也不可以要求太多，都還可以，上菜快趕時間的可一試。

呢間八方麵屋喺我屋企樓下，所以我成日都幫襯，但係而家加咗價！😏以前有誠品會員有折就40幾蚊好平，又有麵又有餃子，仲可以加另外一啲嘢食，有嘢飲添，而家就冇咁平！我今次叫咗蕃茄水餃麵，以前叫水餃麵有鍋貼送，而家冇，要另加$25 ，飲野都要加$9 ，仲有叫咗酸辣湯麵，加$8有鹽酥雞，鹽酥雞都幾好食，加埋誠品會員九折呢間舖頭成日甩單，如果我一不留神，唔check下，返到屋企就要落嚟再攞過！都試過幾次！所以記得check咗先好走，如果叫外賣既要留意！

🍜大豆鹵得滋味滿分，豬手軟糯入味，襯埋麵條拉絲得嚟口感勁正！肉燥脆爽嘅小棠菜，鮮嫩多汁，肉燥香濃，配搭得宜，一啖清新，一啖回甘。麻醬椒香乾拌麵辣度啱啱好🌶️，粗麵Q彈，夾雜椒香麻醬，好似在嘴裏跳叻士邦，嗆香夠晒韌勁。台式鹽酥雞，外皮香脆，咬落嘎嘣嘎嘣，熱辣辣肉汁四溢，口感同香味百分百崩滿！茉莉綠茶清甜不膩口，玫瑰鐵觀音有輕微玫瑰香氣，唔算太攻鼻，飲落都算爽口。八方呢間店環境休閒，唔錯過，想食正宗台味，一於黎八方台式麵屋試下啦！🥬🥢

八方雲集就食過好多次，但係第一次見到呢間餐廳，係有埋台式麵，同埋台式飯可以選擇。餐廳位於誠品書店入邊嘅美食廣場，位置唔多。但係非常之適合一啲去行誠品書店，然後肚餓嘅人，又或者去太古城行街想搵台式餐廳食嘢嘅人去一嚐呢間餐廳。佢嘅餃子選擇唔八方雲集咁多，但係份量取勝。佢嘅套餐份量都幾多，而且任君配搭，所以可以揀自己鍾意食嘅嘢，而且加少少錢就有小菜，就好似我加咗個鹽酥雞咁，最適合我呢啲鍾意食唔同款式嘅人！

平時我食麵習慣撈下先食, 以防入面有污糟野, 今日唔記得撈就出事啦, 食食下見到入面有條啡色長頭髮, 相當唔開胃! 本來仲打算撈起繼續食算, 但始終係湯麵, 成碗野都沾污哂, 有啲噁心, 最後決定拎番俾佢睇。我同阿姐講，佢話換過碗俾我，我話唔要，要求退款，我話你自己打開望下，佢話唔望啦，一句sorry都無，不過爽快退款。多謝哂。望到唔望下仲一句sorry都無，睇得出無心improve，大家小心啦。。。

因為住喺太古城，所以樓下嘅八方麵屋就成為咗我嘅飯堂，又係一星期總有食一次呢度嘅餃子！呢度嘅套餐$5x幾蚊到到7x多元就有一個set，因為我喺誠品會員仲有九折！所以都係40幾蚊就有一餐，真係又抵又好味！我通常都係外賣返屋企通常叫蕃茄水餃麵加水餃 ，再配送一杯抹香綠茶！所有套餐都可以送紅茶或者綠茶！另外如果屋企人都食嘢，就會叫多個鍋貼套餐配雜錦酸辣湯有時又會食下花枝丸，另外我常食嘅係有台式紅油雲吞，同埋加$8嘅鹽酥雞，呢度嘅貢丸米線同肉羹米線都係好好味嘅！不過佢哋成日都漏單，如果你去外賣，記得要數下d盒,數下有冇齊灑先好走，如果唔係又要落去再叫佢俾個你，不過佢哋好好人嘅，次次都會俾多少少野我，例如話我加兩粒肉比你，或者你飲吾飲野，好驚我鬧佢哋！因為我氣冲冲話佢地漏單！🤣🤣🤣🙈🤣🤣🤣🤣🙈都算係禁！

開心大發現之太古城性價比之選🤭 嗰大腸貢丸米線🍜加10隻鍋貼，再加杯飲品，只係$56🤓 我覺得好抵之餘，味道都好唔錯👍🏻 鍋貼佢有分原味或者韭菜，兩種^_^都唔錯，不過如果想濃味啲嘅要揀韭菜🤔 貢丸米線都算足料🤓 加埋杯茉香綠茶🍵不過要走冰走甜🤭 不過呢度可能因為性價比高所以真係好多人，如果12點後你想堂食都有啲難道🤭 叫定外賣後拎安全啲🤔我有同事話試過12點半嗌，等咗足足45分鐘，不過今日12點嗌，等咗5-10分鐘就有🤓

非常不愉快嘅經歷，叫了外賣水餃湯麵，拎回去後一打開，見麵上面有片蛋殼，諗住拎走算，怎知愈找愈多完全食不到其實好危險⚠️超大片唔會再去，很失望，令我連鍋貼都無胃口食

在太古城看完電影想找晚飯吃，就找到這一間喔！八方台式麵屋 在誠品生活內，有點像 Food Court。需要自己找座位、買餐、取餐和吃完要拿回餐具到收集處。這間真的很像之前常吃的八方雲集，都是麵線配鍋貼或水餃耶🍜大腸貢丸麵線 + 原味鍋貼 ($56)好大碗麵線！芡汁很濃稠﹐吃落很滑順。大腸不太肥，還有貢丸，很豐富。另外不想吃內臟可以選肉羹。鍋貼會有10隻，外皮頗脆且肉餡多汁，整個套餐的份量吃完很飽肚。套餐亦包括了飲品，我點的是 珍珠奶茶 (+$10)選微糖近乎喝不到甜味，所以喝起來的味道覺得有點怪怪的。順帶一說，若是選茉香綠茶是不需要加錢。🥬 什錦酸辣湯麵 + 肉燥青菜 ($60)這個湯麵的份量一樣很大碗耶！酸辣會是偏酸那樣子。青菜很香，不過會覺得稍微油膩了點。

見佢裝修都幾靚，諗住lunch去試下，坐底左先發現佢係八方雲集，所以都無乜期望，試左個花枝丸蕃茄米線再加$7配咗個鹽酥雞。先講個花枝蕃茄米線先，個湯底好濃好有蕃茄味，仲有大大舊蕃茄係度，賣相都見得下人！花枝丸有5粒，唔算好大粒，但都有夠食，味道就普通花枝丸，無乜特別。麵線有少少淋，不過呢個好個人口味，可能係我自己唔太鍾意。至於個鹽酥雞，我覺得不值一試，好淋好油！炸粉又厚，真係唔太ok!好彩只係加$7！因為星期一至五嘅lunch，所以佢送左杯野飲，有阿薩姆紅茶同台灣茉香綠茶比你揀，我揀左綠茶，不過朋友話有啲甜，唔想要甜記得叫佢走甜吖！成餐飯$62，唔叫平，但係太古城都叫抵。

Bafung Dumplings has several branches throughout Hong Kong. From Taiwan, they are known for dumplings. But now they've expanded or rebranded? To become Bafung Noodles and More. Located inside CityPlaza's Eslite bookstore, we decided to just eat here for dinner.Menu is English and Chinese. There is no 10% service charge.  It's a bit like a food court so you must order at the cashier and pick it up when it's ready. They offer noodles and rice dishes that can be combined with a side along with an a

八方雲集食得多，八方台式麵屋都係第一次食，睇落去似係八方雲集嘅升級版，有滷肉飯、拌麵，但係都係想食餃子，所以都係叫左水餃湯麵配鍋貼($55) 想加飲品嘅，可以要隔離百芳飲品，消費過$50飲品可以減$8✨水餃湯麵要左韮菜餃，其實本身想要原味餃+韮菜鍋貼，但佢小食鍋貼只可以揀原味，咁就唯有調轉，不過連收銀姐姐話都好多人想好似我咁揀，餐廳聽唔聽到我地呼喚比啲彈性📣水餃都的確同八方雲集無分別(廢話！) 但要讚下佢個麵唔係好稔嗰啲🤤鍋貼就真係一出嚟就已經好香，應該係即叫即煎🔥