八月小品 (已結業)

又到週未,平時食開快餐早餐,今次決定飲茶,輕輕鬆鬆過上午,就來這間八月小品,早上人流並不算太多,一入去已經有位,因為一個人飲茶的關係,所以都沒有叫太多東西,都是叫了二籠就夠了。鮮蝦九菜餃上菜時都仲係熱的,內有蝦仁在餃當中,皮就厚身少少,不過不失。牛肉腸粉餡料並不算太多,而且也算細份,不過食下去味道都還不錯。整體服務都算不錯,上菜也算快,叫待應過來幫手,也很快有回應,不過價錢比其他茶樓就貴少少。但勝在服務不錯。

服務太差了，本身去飲茶系開心，但最後還是不開心地離去，令人感到非常失望食物味道本身沒有什麼特別好吃，都是普普通通啦，不過有某些就超中伏，價錢又唔合理，唉....不會再去不小心劃錯左想改返，又唔比人改，又話出左張單，嘢都未開始吃，就出左單，上次佢地有員工打錯單，比媽咪發現左，之後先咪死死地去改單囉！收多我哋10幾蚊今次因為第一次劃果個套餐 唔小心畫錯左，已經話唔好意思睇錯左 又唔比人改，又夾硬要修多人9蚊，唉，說話態度又差！佢哋落錯單張單出左都可以改，我Take錯左又唔比改，衰。

正常到不得了，特色點心唔算太多，款色選擇都唔多，所以環境門口俾人太高期望，以為係fusion 高級點心屋。鳳爪細細只都幾濃味，一籠都有4-5只，所以係細的。有柚皮係底，幾得意！鮮竹卷入面唔係齋，係有啲肉，不過個湯好有香濃魚味，都算過得去。蝦餃好好味，蝦好大只，皮唔厚，推介要食！

睇咗之前嘅食評，加上美心中菜食品質素每況愈下(日前光顧信德美心，食物同服務差到前所未見)，絶不抱有任何希望，朋友聚會最緊要地點方便，去到叫了一個6人套餐$1020全包宴，連甜品共十道菜，價錢超抵，味道唔錯噃! 海参翠玉瓜很惹味，係甜品紫米露就唔得; 服務態度超好，上至黑衫下至傳菜都好態度，有效率…可能我哋好彩卦!

唸著一家人個個有時間難得聚會，近近地就利左呢間食，但既可惜又失望.....一開始，我家哥哥Walk in 攞左枱，我媽媽第二個到唸著入去，點知個侍應要佢企向出面，但我地已經book左四位，要等到我家姐同我到左先入到，都算啦。叫餐嘅時候，咩餸都冇，叫咩冇咩，連豆腐都冇，仲要有餸未食完就拎走左，一個字 --- 嬲。啲餸唔多就唸著叫甜品啦，點知個蛋散就有一陣噏味，咬左一小口已經唔再食。很失望，唔會想再幫襯。

今晚一家人食飯，諗住未食過就試下，點知…味道麻麻。食左5樣野加兩個甜品醉雞麻麻地，酒味唔出。麻辣鴨舌幾好食個麻辣汁整得幾好，唔太辣但麻。拔絲咕嚕肉都味道Ok，都脆口，係做唔到拔絲囉…。bb鴿普通冇咩特別。米湯魚腐翡翠苗，啲魚腐冇味，又勁林…八點食，豆腐又冇，呵仔砵又冇，魚腩煲又冇 ，搞到都唔知想叫咩好……甜品我食左薑汁雙皮奶同蛋散。雙皮奶Ok，蛋散有一陣油味服務態度Ok嘅，環境都Ok嘅埋單前要睇清楚張單，因為差啲計多左個餸錢，同個職員講返，佢就即刻走黎睇下，仲要好快手咁收晒枱啲野(個咕嚕肉有兩舊都收埋)不過算啦，因為上左甜品。整體唔好，唔會再試。

對於美心集團的飲茶地方一向都有信心。朝著應該不太差的心態來到八月小品。星期日既下午3時來到不用等就可以入座了。以後今日會有下午茶優惠但卻原來優惠只在星期一至五才有。見索價也不太貴就隨意點了3個點心蝦餃:買相飽滿的可惜仔細一看 所有皮都是破的。至於味道是淡淡的,一點鮮甜味也沒有。XO醬炒羅白糕:配料十分足料的又韮菜花芽菜等可惜沒有鑊氣及只有大量油。相信是鑊都未熱就下鑊及隨意炒了一下做上碟。又係無咩味。什菇蒸魚肚: 只可以說都係無味。都幾失望既一餐。2個茶錢加3個點心共130元。如果好食就係好值既。可惜3樣食物都同時失分。所以一定無下次。

黃大仙開左好多新餐廳，今曰就去試左八月小品的晚餐。魚腐咸肉莧菜煲 - 魚腐個樣雖然好似魚蛋，但肉質都係似返魚腐咁淋淋地。雖然味道一般，好彩莧菜分量都唔少，值回票價。煎焗魚腩煲 - 魚腩煲有驚喜，魚腩煎得外焦內嫩，而且炸蒜頭都好味。樟菜鴨 (半隻) - 樟菜鴨等左好耐先上菜，而且好細隻下，D個價錢真係唔值。最後三個人叫多兩個白飯Share，已經好夠飽。整體而言，餐廳環境尚算舒適，食物質素不過不失，但款式唔算多，而且加埋茶位加一都唔算平，性價比唔高。

今日中午落去食午餐，叫左綿花雞，雞札，鹹水角，芋頭糕，燒賣，珍珠雞。全都都吾鹹，淡味，芋頭糕無芋頭，粉太多、珍珠雞上面有瑤柱，味淡，甜味為主，吾好食、燒賣上的蝦好假，一點味都沒有，太差，鹹水角係最好，夠脆，熱，綿花雞ok,魚肚足料，而雞札入面的魚肚比較硬，吾入味，總括麻麻地，食新裝修食環境，服務ok,no encore

星期六下午一行七人有大有細，因不想曬太多時間排隊等位食飯，於是提早大約五時三十分，到達八月小品食晚飯，當時成個場只見有一圍大圓檯正在用餐，職員問我有否訂枱？我說沒有。之後佢就帶我哋去坐一張長檯（是用四張四方檯搭成的），當時我曾經要求職員，可否給我一張圓臺，反正我都人齊，食完我會立即離開，不會阻你時間。但職員說所有檯已經比人訂滿，冇辦法！由於已經坐下，心祇想叫菜食飽走人，當餸菜送到檯時，我們只好像八爪魚般將手伸到最長夾餸，到最後不用一小時用餐完畢離開，當時眼望入座率連一半客人都冇，心有不忿，點解咁死板？唔識得靈活調配，讓客人坐得舒適用餐，未見過咁差的服務態度！

就禁睇菜牌，啲菜式真係好似大排檔，裝修就茶樓！地方光鮮寬落，環境係舒適乾淨既！食過未裝修改名前個間，好食再黎，點知叫左八月小品，聽個部長講係轉左營！茶要左香片，係清香既！前菜有碟花生，收10蚊！個味幾好，好冧好入味，不過唔係好勻混，有啲好重香料味，有啲好重橙皮味正常滷水味個啲就正！菠蘿生炒骨食好啦，唔好聞啊！個醋味超共鼻不過係好食既！雖然醋味勁，但入口唔會太酸，開胃！是日廚師推介～上湯魚腐翡翠苗清清地，唔錯！最緊要係好多菜正整體黎講用料係ok既，生炒骨唔會話肥，魚腐都係自家做既！不過兩餸兩個飯，加埋茶介同一之後，過兩舊，覺得小貴，因為餸既size好細！如果當晚想少食既話，係ok既,大食我諗兩人都要5舊落樓，茶樓禁既鋪，呢個價位好似又未至於喎！

今日星期日飲茶日，就試試屋企附近新開的茶樓，由於裝修走新潮現代路線，再加上落地玻璃夠光猛，所以俾人特別企理的感覺，侍應亦都唔係著舊式茶樓制服，令人感覺較為年輕同有活力。而且侍應反應夠快，由接待處姐姐到入面既經理，都非常好禮貌，接待處姐姐直頭係等位既未催，已經同同事講出面多人等位，叫同事快快手執枱，呢樣值得讚。

見到屋企附近領X商場翻新後有間新派酒樓就帶阿爸阿媽走去試下，拿飛等咗十五分鐘左右就有位好似幾好彩，入到去點咗叉燒腸、棉花雞、燒賣、叉燒包、山竹牛肉、潮州粉果、豉油皇吊片炒麵⋯⋯點知一籠叉燒包得兩個，仲要細細個，粉果細粒過乒乓波，腸粉又唔淋，未計加一$68既炒麵分唔到四個茶樓碗，啲吊片就無喇，只有幾條吊絲，未食完就收野，無晒水又唔理，完全無禮貌！差差差！！啲茶杯同碗黏住啲食物碎，唔自己洗都唔知點用，又無倒洗碗水個個大碗，又唔幫客人倒個啲洗碗水，全部要自己搞。加一服務費就收，但無服務提供囉！派飛個個又俾啲過左十幾個先返黎嘅入先，無制度可言。勁差差差！呢啲質素，唔怪得知拿飛之後咁快有位。以美X大集團黎講算係超級低水準，雖然開咗先一個星期左右，但應該唔會再有下次。食野都系想舒舒服服啫，都咁難！

由於此店因租領展嘅關係，美心不得不走向扮高級路線了，食物平凡中顯出不平凡，雖然份量剛好，但價錢略貴，而且枱真係太細，要快手食，唔好掛住吹水。呢晚食咗個二人餐，有老火湯、半隻沙薑雞、黃金基圍蝦、海味湯扣銀蘿，但係呢個餐($238) 係唔包"靚仔"嘅，所以要另叫($10一碗) ，再加多個滑蛋蝦仁($68) ，飲埋豆漿($8) ，連埋茶每位$9再加碟烚花生($10)，加埋一埋單三百幾，抵唔抵見仁見智，我就話一餐半餐喺呢啲咁嘅地方算係咁啦。

新店上週日才開張，趁今天週末假期兩口子來試菜「一盅兩件」。因為來到還早，還未到早上九時，所以不用等位直入，還有卡座。己在坐的食客比想像的多，都己坐了九成滿，十分熱鬧。店內陳設佈局也十分配合店名『小品』的特點，2人坐十分充足，枱比一般酒樓的細，多幾樣點心的話都不夠位放，第二輪送點心的職員只顧把點心放上枱面，甚至把她的托盤放在我吃東西的位置上，汗顏。。。到第三輪，我們已把吃完的碟子叠好放在枱邊，但那個傳菜的也是只顧把點心放在差不多沒有位的枱上，像是看不到那兩隻空碟，要我出聲請也收回，她才有所動作，有點不能接受。。。希望食店可以改良一下蒸籠和碟子的尺寸，以及員工的對應，以免其他食客也有同樣的情況或感受。說回食物，整體有中上的水準，也保持到美心集團走中檔路線食肆的一貫水平。沙律明蝦角：熱哄哄，香脆可口！蛋撻不過不失，但不是酥皮，是普通曲奇皮，如對這方面有執著的食客可能接受不了。山竹牛肉球，豉汁蒸鳯爪：正常水準，味道不太重，適合口味偏淡的人仕。百花釀魚肚：足料，蝦肉夠彈牙。咖哩牛柏葉：入味得來適合清淡口味人仕。週六算假期價錢，就算多早來到也沒有優惠價，6個點心連茶錢也差不多二百元。還是平日自己放