八月小品 (已結業)

真心冇下次，係成間野都係冇服務，我由細到大未試食一間餐廳食到咁嬲，個個員工當客狗咁玩，唔知以為坐監食堂食，上2次去食都冇咩，今次食晏枱枱都冇花生，點解我個枱有，問佢就話午市就會有，所以都冇為意，不過後來我隔離有新客入黎都係冇，咁好唔公平！

前幾天（6/8/2022）下午二點八入到食店問有無下午茶，回覆“就快完”後，示意要自行搵位，只有六成客左右，搵了一張較入位置，開茶後，枱面無點心紙，問侍應，回覆“要自行掃CODE落單”，最後都無比張點心紙。諗住對住張點心紙較對住個電話選食物好看些才落單，其實好多食店就算自行落單都有餐牌，唔知點解這食店無。如果未開茶，一定走 ，草草點了1個煲仔飯+2點心孖寶及1個粥+2點心孖寶餐。點心還可以，上枱時全部都熱。約三點十，一位穿上西裝，疑似是經理的男士拿來一台結算機來，態度差問有無YUU儲分，跟住講$160.6，食完野比錢正常，但都要比張單睇下，跟住無回覆就去問一位侍應，點解未上單。上單後，我對單無誤，當然會比錢。之前都到過這食店多次，從未遇上這種無禮貌服務員，往後都唔會再嚟。

侍應服務態度奇差，亂編排座位領食客無所適從。及後，開錯茶更死口不認，還說是老人家自己說錯對老人家翻白眼。食物久久不到，服務態度如此惡劣，食物再好也補償不了。我理解不了為何食客要付加一服務費，但要接受如此對待？

自今年４月發現八月小品 (美心集團中菜副線)，共來過３次：4月29日、5月19日、6月22日，水準穩定，喜歡以下的：#小品三併燒賣：鮑魚燒賣、鵝肝燒賣、帶子燒賣各１件，３樣都好好味！#小品三併糕點：煎蘿蔔糕、煎芋頭糕、煎馬蹄糕各１件，適合貪心又吃不多的人，如我。#蝦餃：皮薄餡足，蝦肉爽口有鮮味，好喜歡！#台式鹵肉飯：42元/碗，份量足夠２人share吃，可惜６月來，發現已經下架了，吃不到，好失望！！#白灼唐生菜：八月小品的白灼菜，比美心一線中菜(翠園、美心皇宮)還要企理，定價28元/碟，沒有不愛的理由。#時菜鯪魚球：鯪魚肉有鮮味，yummy！#鮮竹卷：豬肉餡沒有肥肉，加分。#鹹魚肉片煲仔飯：因為台式鹵肉飯下架了，才點這個，味道也很不錯！還會再來吃午餐。

如果想食台灣小菜，香港有咩選擇？推介可以試吓八月小品。白切鵝肉扁-鵝肉鮮嫩肉質佳、香氣十足、彈牙。食過返尋味。左營夜市蚵仔砵蚵仔再加雞蛋焗出來嘅菜式。表面焗到金黃色，好靚好脆。裏面嘅雞蛋就軟綿綿，蚵仔鮮甜。幾好食😋沙茶爆中捲沙茶醬炒魷魚圈，最後滲上芝麻。呢個菜下酒一流蝦球銀絲煲呢個小菜嘅精髓係粉絲，索晒蝦嘅鮮甜味道。豉油王牛肉炒麵上碟嘅時候有驚喜。個炒麵成座山咁高。牛肉味濃、唔韌、有鑊氣。青檸愛玉食咗咁多油膩嘢之後，最後食返個青檸愛玉就好了。可以解番個油膩感。今餐非常滿足，很對胃。😋

黃大仙八月小品$118 一人餐二位起，餐牌幾抵食就決定喇！上檯都好快，不過碟頭都比較細，冷盤唔講主菜基本上係每位二件，連加一茶芥前菜每位@$150，有啲唔值。不過勝在人少座位同環境都舒服，服務員都好快捷。🥢講下個沙律醬蝦仁，炸得乾身有點實欠彈牙，沙律醬勁多，味道一般。🥢四季豆勁多油好膩，豆本身都有點老有根。🥢醉雞雪味濃好彩自調醉雞汁不錯，有酒味有話梅酸甜香。🥢四喜烤夫好入味軟熟，有冬筍同木耳足料。👍🥣最佳係個燉湯清鮮甜美，敗筆位係勁多味精好口渴。😂座位不錯菜芥有點貴，加多碟花生加一多左 @60

味道差，一開始來個蛋撻，得個五蚊銀咁大，算了當係精緻。然後到馬拉糕半生熟都敢比人食，鳳爪比較正常，可惜配料白蘿蔔係變壞既，感覺成份點心係冷藏包然後蒸返熱咁。 總之就吾會再去。吾信既朋友可以去挑戰下。

出黃大仙地鐵行幾步就到八月小品，非常方便。茶樓內部裝潢，古典雅緻，簡約明亮，整齊卡位或圓枱，令人坐得舒服。難得與家人歎茶，茶樓當然有早茶優惠，一個主食加兩個點心，只係$56，價錢合理。薑蔥牛柏葉爽口，醬汁少少辣，份外惹味醒胃。熱辣辣鳳爪排骨煲仔飯，未食已經香噴噴，排骨嫩滑，鳳爪鬆軟，配合豉椒嘅香味，一流。另一款揀咗三色腰豆糕，最上層眉豆，中間紅腰豆，底層係鷹嘴豆，顔色好吸引，晶瑩剔透，令人垂涎欲滴。咬落每層都有不同口感，總之通通都綿密幼滑，甜度適中，清爽可口。後加咗一款顏色及賣相令人食指大動嘅點心，一個蒸籠內裝住三個細蒸籠，分別有原粒帶子、鵝肝或原隻鮑魚放喺燒賣上，造型零舍吸引，餡料結實，用料精美，鮮味無窮。此外，點心紙仲見到有台灣美食，有機會必定再試。

今日同親戚做節，他們選擇了黃大仙的八月小品，我仲以為同八月居有關係，應該唔會太差，點知原來是中伏的晚餐。今日是週末，繁忙時間入到去都仲有半個場係係未坐滿，都應該知道有啲危機：今天點菜：-蔭豉原隻虎蝦-翠玉彩椒炒帶子-翡翠黃魚羹-原隻鮑魚伴花-蒸海魚-菜膽上湯雞-蝦乾蘿蔔炆飯-鵝肉扁炒麵-鳳梨脆蝦球-干扁四季豆-紅豆沙湯圓老實講除咗個鳳梨翠蝦球好啲之外，全部都是普普通通，如果想食好味的中菜，應該有更加多比較好的選擇。

返學係南館所以係果頭搵食同學仔贊成食豪d所以決定飲茶見到佢有位唔洗等位掛住食冇每樣影相估唔到點心同蒸飯都唔錯👍🏻😋得六個人我地叫得太多野🙊但都食得晒😅

唔洗同人夾衣樣你叫唔食呀? 🥐一款野食得一件 。👍🏽正咁佢個點心三拼就早上🕖到中午🕒 。成張點心紙除咗蘿蔔糕果行冇食我其他都有食 。整體嚟講質素唔錯嘅 。但如果啲🍤煎🦑炸🥠嘢嘅嘢食個底有吸油紙會更好 。百花釀蟹鉗 + 香芋天鵝酥 + 牛油果蝦角咬開一半會發現佢係冇蝦🍤同蟹🦀響入面 , 係好彈牙表皮都脆既 。個🦢天鵝頭唔食得既 , 入面係芋頭蓉加芋頭粒 。成件事係外脆內軟嘅 。 釀茄子 + 釀豆腐 + 釀紅椒 其實冇咩特別😂🤣😹係我媽媽想食姐 。都幾大件既 , 但咬落去好似飲左啖油咁🤢🤢 。 鮑魚燒賣 + 帶子燒賣 + 鵝肝燒賣嘩 🤤 十蚊一粒都覺得抵喎 , 佢個燒賣有落麻油同埋D蝦唔梅既 。但個鵝肝有 D 似午餐肉但冇午餐肉咁鹹嘅🤔 。跟住個鮑魚都係煙煙un un 既同埋都好入味 。帶子鳳眼餃 + 竹生羊肚菌餃 + 鮮露筍大蝦餃個餃幾靚吖 。👺紅當當咁 。燒賣 + 牛肉賣 + 豬肚賣每粒都好大粒 。個牛肉都幾似山竹牛肉 。都幾淋同好有牛肉味椒鹽魷魚鬚🐙我爸爸話想食所以先叫叫既 , 對比起大排檔都唔係好咸 。但佢 D 菜改做吸油紙會更好😫三色九菜盒好後悔叫呀 😭😭 賣相又唔吸引又唔係特

首先用app拎位，但到你個職員無反應，又唔知行左去邊，等左一陣先安排到位比你！但係張枱係勁隱避既位置，舉手係唔知睇唔到，定當你無到，落單開茶都要等左好一陣。食物都可以既~春卷好脆，流沙包勁流心，但小心辣親個咀😁排骨飯好大煲，夠3個人食，雞粥每人食到2碗，點心都係甘，無咩要求😖但係無人收野，搞到整枱都係碗碟，又無人加水~

飲早茶兩個人去飲茶，唔想叫好多籠點心，但又想試好多唔同嘅款式，又唔好太貴，所以揀咗#八月小品 。我睇openrice，好似得黃大仙有，如果唔係住附近一定唔會黎食，不過早餐時候都真係坐滿。我哋叫咗5籠點心，影咗最特別嘅兩款。最鍾意唔同口味嘅燒賣，上面有一個係鮑魚，一個係鵝肝，一個係帶子，味道都同平時食嘅完全唔同，整得好靚味道都幾好，而且價錢一d都唔貴，都係計一個大點。天鵝蘇嗰一碟都唔錯，尤其係中間嗰個，好脆好好味，而且賣相都好得。總體黎講算滿意。

今日順路經過黃大仙八月小品飲茶，本應開心，好快有位，但當點完點心單預備比服務員，幾個樓面女服務員見到舉高點心單也不理會，反之見到可能常常客顅比點心單就好快手收了，結果要我自己攞出去帶位櫃檯服務員先可以落單，櫃檯服務員態度非常好！只是樓面服務員，不很！

呢間餐廳係見佢價錢唔貴 所以就同屋企人試下。點左既大部份點心味道都係一般般 而且佢地牛肉球同魚球既size比一般既食開既細粒好多！唯一叫係奶黃包唔錯 包身係幾軟棉棉同奶黃裡面加左咸蛋黃幾香。但整體談不上好好食，而且店員好似唔太得閑招牌客人咁。所以有得選擇的話都未必會再食呢間，因為我個人覺得點心都好難整得唔好食🤫不過佢地算係價錢真係唔貴所以如果想平平地飲餐茶坊食小小點心又叫做有位坐下咁都係一個可以考慮嘅地方！