八月花 (又一城)

營業中

休息中

好耐冇去過食八月花，點知極度失望，價錢貴預咗，但完全冇諗過食物質素和服務水準可以差成咁👎👎👎首先侍應服務差，最初俾張枱又窄又焗，隔離枱食緊加熱食物已令溫度上升，加上說話大聲，樓底矮令人覺得焗促，同侍應講竟然答我張枱已經係最涼最有冷氣，叫我行去門口同帶位講要求換枱😳之後侍應不問客人是否食完已收碟餐具污糟有餸漬，仲要隻隻碗碟都有😪食物水準差BB 豬半隻$428得八片，有雪氣味好鹹煙燻鴨半隻又係好鹹鐵板海蔘好油無味－句講晒差👎👎👎

香港飲茶的地方實在頗多，有贵的有便宜的，且看你在那地区和位置了。在九龍塘當然選擇不多，但又一城內三家中式酒樓提供的點心和食品還是有點分別，你可以精緻地品嘗，輕奓的試著，亦可以簡單地吃。八月花算是頗為被認可，但不算最昂貴的一家。點心都味道不錯且新鮮出爐，我只覺得燒賣份量小了点，品味一般，不吃不可惜，而蘿蔔糕、棉花雞、牛肉都不錯，腐皮卷更是充滿了爽口的蝦肉，牛肉腸粉也是新鮮所做。炒粉的口感真巧一般，可能是炒功夫欠缺些。

今日出左去又一城行街shopping，然後就嚟左八月花食晚餐，佢推出左一個$298蚊既1人套餐，有鮑魚有海參又有蝦，咁就補補佢啦。咁一坐埋位，當然都係有個小食，$16個都算係咁，都幾開胃既。到正式開始，先嚟左頭盤《冷鮑魚海蜇海螺》，海蜇比較淡無乜味，海螺片就有種似超級市場急凍御x皇既貨色味道一樣，就連鮑魚都好似罐頭開出嚟咁，實說真係有啲失望。然後，嚟左個《土雞蜜瓜日月魚》，燉湯都算足料既，既有蜜瓜清甜既味道，日月魚既鮮味亦同樣出色。《上湯焗大花蝦》，每位有2隻，賣相相當唔錯，花蝦亦都算大隻，不過咬口就唔係太彈牙，但都唔會話霉既，鮮味亦都有，算合格咁啦。《珍珠海參鹿茸》，海參爽口彈牙，吸收左湯汁既味道，入味之餘亦唔會太唸，算係比較好的一道菜。套餐上只係得返《珍珠雞》同《蜜餞脆麻花》，同飽都仲有少少距離，所以我地額外加左個《蟹籽蟹肉燴伊麵》，上枱既時候熱辣辣，賣相同味道都相當不俗，不過伊麵就唸左少少，如果煮短時間少少就更好喇。《珍珠雞》同《蜜餞脆麻花》應該算係同以上菜色最唔match既餸。珍珠雞本身又唔係特別出色，而脆麻花甚至可以講係難食，既不鬆脆，蜜糖又有一陣怪味，真係扣哂分。

4個大人叫左六人餐「龍蝦龍躉宴」，個名就好好聽。第一：服務差，等左成30分鐘先黎第一樣餸，每樣餸都要隔15分鐘先上咁滯（所以話食90分鐘都係假嘅，你想食90分鐘內要埋單都唔得）問佢佢又話要排次序出。我叫咗碗白飯俾小朋友食，都要等勁耐🥲第二：食物份量勁少，除咗個菜同個雪燕羹正常份量之外,其他似係2-3人餐份量第三：食物質素欠佳1.乳豬份量少 ，凍的2.龍蝦超細隻（肉都1，2舊）3.蟹肉燴金銀絲超差差差，全碟係粉絲，上面鋪幾粒超細既蟹肉同菇甜品當然係三色雪糕加涼粉，冇驚喜埋單要$1282 加一，最失望係食物質素份量同價錢唔成正比，好失望😣之前去過其他分店都OK 失望x10000000000第一次寫評（可能我要求太高？🥺）

食物方面：叫左豉油腸腸，沒有味道只有顏色。蛋散很實不鬆脆。雞絲春卷皮脆但個個餡沒有味道。珍珠雞味道一般。沒有一樣東西好食，服務態度非常差。服務態度非常差。服務態度非常差。服務態度非常差。服務態度非常差。服務態度非常差。服務方面：要自己斟水落茶壺，有職員經過問點解個鐵壺係枱面，話個客個壺唔可以係枱。有男職員經過好多次都無斟水。服務態度好差。食過這麼多美心集團，這間是最差一間。坐位編排太密，坐得不舒服。

很久沒有過來八月花，今日啲出品尚算滿意。有我最鍾意嘅鹹水角，外脆內軟，沒有塌下來，餡料係我鍾意的，帶有少少甜味。蝦餃都OK嘅，蝦爽口彈牙，因為太肚餓啦，又係已經急不及待，先食咗個蝦餃。跟住個素菜包，夾鹹菜同埋花生，青豆加咗少少辣椒非常好食，包皮鬆軟，熱辣辣。另一樣我專程以來的就係甜薄撐，雖然口感係紮實皮係略嫌硬了少少，但係感覺都算可以接受，煎得就夠乾身不油膩，雙皮奶唔甜，都算滑，非常好食。 @八月花

食物一般，唯獨服務超級差，限時90分鐘，差不多75分鐘就叫我埋左單，然後最後一份食物埋完單先到，接待員一直用好無禮貌既眼神黎望望住我地食，到差不多90分鐘我起身去洗手間，接待員立刻去我張枱對住老人家講話要還枱，老人家話因為等最後一份食物所以耐左啲，店員態度惡劣地說：呢碟野駛唔駛等兩個鐘？第一，由入場到離場都冇兩個鐘。第二，對住老人家點解態度可以咁差？堂堂高級食肆，就算催客人還枱其實係咪可以禮貌啲？老人家有時手腳會慢少少，但係駛唔駛搭正90分鐘就過黎比氣客人受？仲要係趁年輕既行開左至過黎，攪到老人家明明慶祝生日都好掃興。

食物好一般，個粗齊好難食。個鴨超咸。咕嚕肉都可整到難食…難食過一般茶餐廳。其他野都仲入得口嘅。但價錢同味道唔成正比呀。服務態度…唔掂。 加左個餸唔夠一分鐘，我話想cut，因為驚叫得太多，佢哋話入左單無得cut，其實佢張單都未出到比我 😔今時今日咁嘅服務態度..我唔知係咪我out左。是旦，費事食得唔開心，佢哋話打包就打包啦。其他都唔掂，賣個單條友又eeoo,搞左成十分鐘。但成餐飯，我唔知食左啲咩，得個飽字。 😔😔又一城8月花，不了～～

一班姊妹好耐冇見諗起兩年前喺度食過一次覺得唔錯決定再encore 八個人叫咗八個餸，份量略嫌過多，但係有多啲種類選擇冇咁悶其中覺得蒸魚同埋芥辣蝦球最值得推介我個人就鍾意惹味，個芥辣蝦球甜甜地又辣辣地好特別，食完好開胃醒神條魚火候啱啱好，蒸出嚟熱辣辣嫩又滑，好快就已經俾我哋熄晒鬼馬牛肉就即係油炸鬼炒牛肉，脆卜卜幾得意個乳豬仔就略嫌唔夠熱，但係都OK咕嚕肉同炒咗兩碟菜就正正常常仲有個斑腩就略嫌太少，得四件魚甜品就正正常常

26 號晚在又一城八月花點了個四人新春餐，五餸一湯加每人一碗兩粒未煮熟的湯圓，承為$1080 ！先來個玫瑰雞，上碟時擺得七凌八落，見到已經冇乜胃口，食落肉質鞋兼凍，每人試咗一舊已經放棄！之後的仿翅也是凍的，預咗套餐會預先煮好但加熱有多難！鵝掌鮑魚，四隻鵝掌大而無當，硬到咬唔開，膠製品一樣！什麼翡翠帶子𧎚球，伴菜大多未煮熟，只能當是裝飾點綴品，𧎚球被過份的梳打粉醃過！唯一是條龍躉還算是即蒸上碟，可以入口。

參與家人請嘅兩枱生日晚飯，本身唔知食乜亦冇乜要求。當食完緊乳豬就已經上埋蝦、湯，我哋問吓待應生可以上慢少少嗎，我哋食唔切。有一位男待應生同我哋講“我要同你哋打定針，廚房已經出緊餸，如果要慢啲先上餸之後要等耐啲..”。我哋聽完之後雖然唔太開心但都同佢講”咁跟你啦”。之後，我哋發現另一枱嘅家人已經食緊另外三四度菜，而我哋食完蝦、湯之後差不多成10-15分鐘都一直未上過一樣菜。好自然會問吓嗰位男待應生，佢竟然話係我哋叫起慢啲，我哋當然否應而佢亦冇理會我哋行開去。因為今晚係有家人請食飯兼生日飯，我哋冇再進問落去，唯有等佢哋上乜就食乜。跟住陸續上菜，所有嘅菜除咗蟹鉗之外全都只係暖嘅唔熱、而喺蝦、湯上嘅竟然係糯米飯同埋麵，之後再上鷄、魚等。我哋相信佢哋上菜係有乜上乜而唔係跟隔離枱或者一般嘅次序。喺過年呢幾日食過幾次差唔多嘅過年餸，一般人都會懂得乜嘢菜係好同唔好。我同全枱嘅親人都絕對同意以上嘅評價。我相信「八月花」作為大集團嘅食肆理應提供較優質嘅服務、較好嘅食物質素，而個地方都幾舒適。今晚嘅經驗真係令我哋非常失望；尤其係呢餐飯係慶祝我哋一位老人家嘅生日。

好耐冇食過八月花，突然想食中餐，加上時間倉促，點了懶人套餐，包羅萬有，不用思考。$298一人套餐，六道菜另包一杯果汁先生橙汁，當中有點名貴食材，好似原隻花膠伴時蔬，半隻蒜蓉蒸龍蝦，雪蓮子豬輾鮑魚湯，味道不錯，美中不足係龍蝦瘦削，不過個套餐都幾抵食。其餘有BB豬伴沙律菜，珍珠雞和蛋散，惟乳豬不太脆。另外加咗甜品蛋白杏仁茶同咖啡糕，後者咖啡味濃。其實淨食個套餐已經好夠飽。總括嚟講，抵食，食物質素中規中矩。

晚上六時已經坐滿四成嘅枱， 今時今日一點也不出奇， 因為香港市民在疫情之下已經慣咗提早食晚餐。最先到的是脆脆BB豬沙律， 一隻碟上， 普通沙律菜加沙律汁墊底， 四件乳豬放面， 微暖， 不是熱的， 比起以前四格點分開上 熱辣辣的脆乳豬比較遜色了。 再嚟蟲草花涼拌鮑螺片小食， 普普通通不過夠曬凍。主菜到先嘅就係 鴛鴦豆腐燴加拿大龍蝦， 雖然豆腐又平， 龍蝦用碎粒， 加埋罐頭龍蝦湯， 不過整得好食， 可能個組合令到啲味好夾。 酥香鴨半隻 都還可以。 蘆筍山藥炒藕片 十分清淡， 算係素食推介。 菠蘿咕嚕肉 大汁咗啲， 但係個汁唔夠味。最後有啲驚喜嘅就係鐵板蔥香脆皮海參， 鐵板蔥油都幾重鹽味， 海參發好曬但係冇入味， 中間讓薯蓉之後再落漿炸脆， 有啲新意！ 如果釀蟹粉仲矜貴， 又可以收貴啲！壽包就普普通通， 但係最好就係唔使等20分鐘！ 十分鐘就有！

近來愛上星期日睇早場，今次到 Festival Grand Cinema看正義迴廊，137分鐘佈局緊密，冇冷場，精彩！睇完戲，約了媽媽吃午餐，八月花搬到LG2層(之前是翰騰閣)後，第１次來，環境挺好的，光線充足，感覺舒服！我們坐C52號枱，風囗位，店員說只可以調高溫度，不可以調低出風量(連我在內，我聽了３次，其他客人也７覺得風太大)，因為要keep住換氣量。是日午餐，點了以下的：#普洱茶：太濃，要對開水喝。#叉燒拼油雞飯：很喜歡美心的豉油雞，今天的叉燒也好吃！#百花釀魚肚：我媽媽最喜歡的點心，她表示滿意！#龍蝦湯鮮竹卷：足料，龍蝦湯有鮮味，好吃！#一口鮑魚撻：賣相吸引，可惜不夠熱，味道打了折扣。

平日晚上六點，已經坐咗八成客人，人手不足，只派機械人帶位😂因為唔係好肚餓，所以叫咗三樣嘢。茶味偏淡，肉質淋，但近鴨翼部位好鹹，就算用蝴蝶餅夾埋生菜一齊食都係好鹹，扣咗分。石鍋裏的湯飯熱辣辣，一鍋可分6-7碗。龍蝦湯味濃，每啖飯都有蝦肉好滿足。如果加啲脆米會更有口感！我哋好鍾意飲湯，食完龍蝦湯飯，再叫多個清淡嘅羹瑤柱上湯加蟹肉、豆腐蔬菜，有鮮味又唔太杰，唔會好似飲漿粉水。清清哋，健康啲。但係飲到一肚水😂