八月茶室 (新港中心)

營業中

休息中

如果去尖沙咀逛街逛到攰，我喜歡到八月茶室 食川菜及小炒晚飯。而家百物騰貴，喺尖沙咀食飯，又可以坐得舒服，地點又方便，難得價錢又經濟實惠。以前成日行新港中心，因為裏邊有一系列日本時裝代理，八月茶室 裝修簡約光鮮，大大個月球高高掛。冇記錯就係我以前買板仔衫嘅舖位。招牌酸菜魚 $198必叫酸菜魚，二人份量也不少。招牌菜名不虛傳，酸菜魚冇骨，啱晒我啲懶人食。魚片肉質鮮嫩，爽滑配酸菜、芽菜、萵筍、菇等食材。我鍾意多酸微辣，湯底好香，金黃濃郁的湯底，非常好飲，魚片跟薯粉酸菜，吸滿了湯底的精華，好好食，層次豐富。酸菜的酸爽的滋味與魚肉鮮嫩無比，絕對開胃。香煎西檸雞 唔好問點解咁鍾意食西檸雞，因為真係好好食，新鮮檸檬勁酸。香煎西檸雞外層酥脆，內裡肉質軟嫩，沾上西檸酸甜醬汁，開胃可口的菜式。沙嗲金菇肥牛煲 天氣凍冰冰，食個煲仔菜，上台熱辣辣香噴噴，開心仔。沙嗲醬汁濃郁，金菇爽口，粉絲吸收牛肉精華，肥牛嫩滑，每一啖醬香十足，鎖實肉汁，十分滿足。蜜椒薯仔牛柳粒 牛柳粒 厚切，外脆內軟，肉滑多汁，蜜椒、薯仔掛滿牛香與油香，牛味無窮，下飯神器。凍鴛鴦 招牌紅豆冰

My families and I went to a restaurant called "Moon " (八月茶室) located in Shop G18, G/F, Silvercord, 30 Canton Road, Tsim Sha Tsui尖沙咀廣東道30號新港中心地下G18號舖..Sichuan perserved veggie fish酸菜魚HKD$198.the fish is so flaky and tender .moist and soft.he flavour is dynmaine.."stir fried shrimp with cashew and broccoli "西蘭花腰果蝦仁HKD$90.the cashew is crispy and crucnhy adding nutty flavour to the dish.the shrimp is jambo sized.the broccoli is green and fresh..Stir beef with spaghetti 乾炒牛肉意粉HKD$61.the seasoning is

天氣一凍就好想打邊爐或者食川菜辣野，今次就咁啱喺新港中心做完嘢就揀咗嚟八月菜室食川菜。兩個人點咗4個餸，包括：招牌酸菜魚川辣辣子雞丁芝麻黑糖醋骨沙嗲牛肉炒菜心招牌酸菜魚魚嘅份量超多，魚肉好滑無腥味，薯份好煙韌。川辣辣子雞丁呢個人暫時係我人生中食過最多肉汁嘅辣子雞，外層酥脆香口，咬開後係見到肉汁流哂出嚟，食到停唔到口！芝麻黑糖醋骨半骨肉比例，黑糖又唔會太甜，酸酸哋食到好開胃。沙嗲牛肉炒菜心牛肉嫩滑，菜心新鮮，最重要嘅精髓沙嗲醬好香口。食咗四個餸都咁出色，可以再食第二次👍🏻

這間位於尖沙咀的【八月茶室】，主打川菜外，還有多款小炒及茶餐廳美食，價錢合理。晚市可以單點外，還有晚市套餐。招牌酸菜魚酸菜魚點了份小的，份量十足，足2-3人分享，超多魚片，全部已去骨，煮至剛熟，魚肉新鮮嫩滑，還有些芽菜、酸菜、萵筍、水晶粉等，酸酸辣辣十分惹味。尖椒爆炒豬頸肉尖椒已走油，十分爽脆，而且不算辣，豬頸肉醃至入味又爽口。翠玉瓜雲耳炒鮮魷魷魚新鮮彈牙，加上爽脆的翠玉瓜及雲耳爆炒，甚有鑊氣。滑蛋蝦仁炒河炒河粉炒至微焦，表面再淋上滑蛋及蝦仁，蝦仁大隻爽彈，河粉爽口不易夾斷。

同朋友行街，由旺角行到尖沙咀超累，隨便找了一家餐廳坐時間剛好是兩點三十分又係下午茶時間所以點了兩個茶餐我們都喜歡吃麵粉所以點了星洲炒米及梅菜肉絲伊麵味道一般 有點鹹 但過得去

茶餐廳飲食都幾多元化,位於尖沙咀廣東道新港中心嘅八月茶室, 川味小菜和中西美食有很多選擇, 食館闊落清潔。招牌酸菜魚 這道菜份量十足, 魚肉幼滑鮮嫩, 入口即融, 酸菜爽脆可口, 清新開胃, 加上菇菌, 大豆芽等蔬菜, 還有晶瑩彈牙嘅薯粉, 掛滿酸酸鹹鹹的湯底, 帶來清新的口感。四川回鍋肉五花肉外皮酥脆, 內部保持滑嫩, 口感豐富, 不會有肥膩感。醬汁鮮鹹味濃, 相當醒胃, 加上椰菜、青椒和蔥粒等配菜, 增加這道菜嘅層次感。瑤柱菜胆雞 雞件擺盤整齊, 賣相吸引, 雞肉鮮嫩幼滑, 加上淡淡瑤柱的鲜味, 鮮甜爽脆菜胆, 令整道菜的口感更加豐富, 色香味俱全。梅菜蒸鯇魚 鯇魚肉質鮮嫩幼滑, 火候熟度恰當, 配以咸香的甜梅菜和鮮蔥, 提升魚肉鮮味, 魚肉和梅菜釋放出汁液, 形成美味湯汁, 佐飯好合適。

入黎新港中心搵食咁岩下午茶時間，去左呢間餐廳食個 tea set, 未食午餐太肚餓既關係，叫左焗芝士肉醬磨菇意粉。意粉上枱熱辣辣，肉醬味道幾香濃，但係意粉掛唔到 d醬汁，可能意粉水煮關係，本身無咩味道，所以同醬汁拌勻食仍然有點分離感覺。至於份量就勝在夠飽肚，跟餐有杯熱飲，飲左熱利賓納，味道偏甜。焗芝士肉醬磨菇意粉 $55

行完商場, 周圍都要等位, 又唔係食 food court 喎好在, 見到呢間比較企理嘅茶餐廳, 唔使等位, 望入去又坐得唔迫喎, 一於 試吓佢!仲有 一個飯 同 一杯凍檸茶 無入鏡~魚香茄子肉鬆煲嗯, 夠熱 全熟 無碎骨, 唔好計獲氣, 可以的!沙嗲牛肉炒芥蘭ok 嘅 肉片林滑 芡汁唔 gel口, 菜爽脆 乾淨新鮮~對於唔想等位, 唔想用腦 唔想再行再揾, 呢間完全 fit 曬要求呀!!!企企理理, 乾乾淨淨, 全熟安心, 坐得唔逼夾 就好, 無咩其他特別要求, 佢絕對ok 架~

📍 八月茶室-尖沙咀又到糧尾啦🙄🙄晚餐求求其其食個茶記吧🤭估唔到求其入一間茶記都可以咁高質🥰✨ 福建炒飯炒飯同樣非常足料，每一啖都有齊蝦球、帶子同雞肉，而且仲有一絲絲瑤柱絲，最重要嘅係炒飯底，炒飯粒粒分明，蛋香十足，淋上醬汁拌埋一齊食超正🤗✨茄子豬頸肉煲一上枱己經熱辣辣沙沙聲，比一般豬頸肉切得厚身，肥瘦適中，唔會一口油。食落肉味好濃，邊位有燒到焦香，茄子淋身入味😳✨招牌酸菜魚剛送上桌的花椒油香氣撲鼻而來，再加上酸菜和香菜的香氣，另外店家魚的口感蠻細嫩，魚皮帶點膠質感，份量超多，兩個人會有種吃不完的感覺，酸菜酸而不鹹，湯頭會越喝越麻，不過很涮嘴，底下還有寬版的冬粉和肉片，超級有飽足感。✨乾煸四季豆每次吃川菜必點，四季豆油炸過後很香口，配上肉碎，真的超適合下飯。其實當晚全部菜都很適合下飯，所以我們最後還是忍不住點了白飯吃。

新港中心除左去food court食野，都可以黎呢間港式茶餐廳。招牌酸菜魚 (小) $188鱸魚片肉質鮮嫩爽滑，搭配酸菜、芽菜、香菇等食材，在微辣的湯底中交織出層次豐富的滋味。酸菜的酸爽提味，與鮮嫩的魚肉形成絕配，相當開胃。芝麻黑糖醋骨 $80外層酥脆，內裡肉質軟嫩，沾上酸甜可口的黑糖醋醬汁，係另一道開胃菜式。沙嗲金菇肥牛煲 $79肥嫩的牛肉與嫩滑的金菇完美融合，肥牛同金菇都相當掛汁，每一啖都令口腔充斥着濃郁的沙嗲醬汁。蜜椒薯仔牛柳粒 $84呢度大排檔必點菜式非常出色，牛柳軟嫩多汁，重點係薯仔炒得酥脆香甜，外脆內軟，配以微辣的蜜椒醬，口感層次豐富。凍檸茶 $24最後點左杯冰涼清新的凍檸茶，完美地中和了主菜的濃郁口感。

今日Lunch 一如既往到餐廳用餐，安排入座沒有問題，但落完order後員工派餐時，不小心將本人杯水倒瀉並且整到本人衫褲濕晒，雖然有口頭道歉，但之後只係安排本人坐到隔籬枱，完全無關心查問本人狀況，連俾張紙巾俾個客嘅動作都冇，真心餐廳服務質素去到咁，難怪依家咁多客人對香港餐廳心淡。老實講，本人情緒已經算淡定，但係遇到呢啲情況都覺得好無奈。所以今次係第二次對餐廳進行評價。好多時客戶係唔會主動去爭取任何補償，但會希望餐廳主動少少去care客戶感受。希望餐廳意識到今次問題去改善，如果唔係只會慢慢流失客人對餐廳既印象分。

八月茶室．滋味酸菜魚去新港中心與合作方交收文件之後約定朋友一起食個飯當然選最就近的八月茶室幾中意這個月月的設計有圓滿美好的意思餐廳格局開揚又四正同店員都好好傾食得都幾開心凍檸茶必飲港式茶餐廳風味，去食茶記一定會叫，好飲就是茶膽調出香氣不錯例湯(送)老火湯，玉米蘿蔔好甜好潤四川回鍋肉醬香十足，川味無窮在辣與鮮甜之間遊走肉吸收了川式調味，惹味非常菜菜子更以自身甜味引人非常香口八月小炒皇味力逼人多重的滋味：蝦乾、韭菜、蝦仁、醃蘿蔔條、腰果香脆爽辣，韭菜多汁，蝦仁彈牙濃郁下飯招牌酸菜魚招牌果然不同好香好滑的魚肉片片都令人感受到吸引力酸菜開胃又好吃令湯底非常好飲一口湯，一口魚，一口薯粉酸菜索到滿口生香好好食啫啫豬潤雞煲啫啫聲上台熱辣辣香噴噴雞肉鎖實肉汁與醬汁醬香十足豬潤掛滿蔥香與油香十分厚切，十分滿足又是下飯神器鐵板牛柳蒜蓉汁，薯菜不能錯過的香軟牛柳滋滋咋咋上台，五成熟，粉嫩香滑軟身好吃，點些少蒜蓉汁，更添香氣薯菜即點即炸非常可口此店好坐，好食店員都好好傾得閑再來食餐好的！八月茶室 尖沙咀廣東道30號新港中心地下G18號舖

今晚同老公去尖沙咀，佢提議食小菜，於是近近地入咗新港中心呢度，貪佢夠光猛又乾淨，嘢食種類多，小菜，川菜，鐵板餐，乜都有。招牌酸菜魚（小）$198必點之選，我地2個人要個細份量已經好夠，麻辣同酸菜比例恰當，魚片又大片又薄，好嫩滑，配上鮮味濃郁湯底真係食上癮。芝麻黑糖醋骨$80外觀吸引，d肉唔痴骨，好易食，黑糖醋味道微酸又帶甜香，加上芝麻，仲有菠蘿，呢小菜佐白飯最啱。紅燒豆腐斑腩煲$76上枱一揭開個蓋，香氣湧出來，未食已經覺得好正，豆腐同班腩都入哂味，豆腐夠夠嫩滑，班腩又大件，薑蔥好香，食認真好味。黃金脆皮蝦球$96好香口，鹹蛋黃起沙，味道香濃甘香，蝦肉夠爽口。雖然係茶餐廳，不過呢度做既小菜，味道都有番咁上下，仲幾有鑊氣，性價比高。

下午茶餐餐廳係自助落單，坐低之後手機掃Qr自己落。燒肉汁豚肉炒烏冬 $55+飲品熱柚子蜜炒烏冬好失望，炒野唔得，冇鑊氣，冇乜味，唔好食，豚肉好硬，咬唔到，好大塊，唯有要用刀切開細細粒食。熱柚子蜜就正常冇特別。

My friend and I went to a restaurant called "Moon " (八月茶室) located in Shop G18, G/F, Silvercord, 30 Canton Road, Tsim Sha Tsui尖沙咀廣東道30號新港中心地下G18號舖..Sichuan perserved veggie fish酸菜魚HKD$188.the fish is so flaky and tender .moist and soft.the flavour is dynmaine..Bitter gourd pomfret 涼瓜倉魚HKD$94.the pomfret is large in size.the seasoning is good.the gourd soaked up all the flavours of the dish..Beef short rib veggie rice時菜牛肋條飯.the beef is succulent,soft and tender. not to salty seasoning,just right.