八王子拉麵館 (已搬遷) 新店位置

今日見客時，客人非常客氣的表示：「你們是新公司，和你們合作風險很大。」他說的是老實話，看了創意不但有朋友鼓勵，客人的“激勵”也是少不免。一以美食增加能量，約朋友出來食、食、食餐勁！慶幸有三位朋友今晚可以相伴，朋友M建議王子拉麵館。原來朋友M經常來這家拉麵館，說是食極都唔厭。我就半信半疑，這次就全權交給M點餐。首先來的是不知什麼東東，一個小湯碗，裡面放了一舊類似片糖物體；之後店員囉一壺滾水沖下去，看見我一面疑惑，用專家的口吻說：「這是麵豉湯，利用高科技冷凍乾燥法，把美味麵豉湯汁封存，只要加熱水10秒鐘，就系一碗原汁原味麵豉湯。」再來是天婦羅。最後主角拉麵上場了。M幫我點了胡椒風味拉麵。先嚐一口他們的湯底，鮮香再加上胡椒味，終於明白為甚麼M會愛上這家拉麵店。他們的麵是曲麵，大啖啜麵時帶有湯汁，風味一流。最吸我的是那個溏心滷蛋，蛋味、色澤都恰到好處。

今天下午三人叫了一碗八王子招牌拉麪，老實說這是我一生人中最難吃的拉麪，湯淡如水冇味，麵也難吃得不懂形容，最最最頂不順的是果位服務員姐姐極品港女，各位不信可一試!

這次約了朋友去買衫，然後在附近找吃，來了這間麵館，第1次食，味道也不差，好味。****************************進入內環境有點日式，地方不算很大，但環境都很舒服。要了牛骨白湯拉麵 HKD75/碗，另外配了2杯花茶，HKD20/杯。牛骨白湯是以更濃的牛骨湯底，味道也很濃的，配上糖心蛋和义燒肉，很傳統的一個拉麵。要了一杯薰衣草，另一杯雛葉茶，2茶都茶香不錯，最重要配上蜜糖，更加好味。

放工後已很累，所以想吃簡單一點，於是去左八王子吃拉麵，叫左個牛骨湯拉麵，點知湯很淡，而麵質很難吃吃,不單唔彈牙,車仔檔的油麵比佢還好吃。叉燒都大塊, 由於湯底太差, 所以整體都會唔吸引, 好難吃！

忙碌完的星期五, 最好是出外吃飯。剛好見到八王子拉麵館, 被狹小的門縫吸引著, 室內色調格局讓我想探究其中...以平日時間來說, 星期五的客人偏少。不用排隊就可以入座了, 或者人數較少, 所以很快入去坐下嚕~食物總共點3款: 芝麻豆腐, 素食火鍋 & 泡菜豚肉拉麵首先, 小吃前菜有最喜歡吃的豆腐... 配上店中放的芝麻醬, 比較平平無奇。可能me比較鐘愛豆腐, 感覺其實口感不錯, 而且份量都有手掌般大哦~~~進入這店的原因主要是為了--->素食火鍋可能關鍵是素, 菜份量可謂佔据整鍋。湯料就不錯的vv唯一缺憾只有麵  或者me不太喜歡喇另一款是泡菜豚肉拉麵喜歡吃微辣的人, 拌混湯底 & 配料, 真是... 辣辣啊>口<!!!這個鐵鍋拉麵內的拉麵, 比剛剛上圖的火鍋拉麵好很多還有, 員工見me第一次吃, 熱心地講解食法。而且脾氣算平和, 印象高分希望下次去的時侯會更好啦~

行經油麻地, 見到區內聞名既八王子,就打算試試,想不到會如此地差...湯底有好濃既...味精味,唔明點解要用牛油囉,溶左係湯底之後變得好油,叉燒好瘦又好韌,拉麵的確頗彈牙, 但其實係部分稔部分韌,口感奇怪另一碗亦一樣有如公仔麵,紫菜一PAT咁放係湯上, 好核真生蔥令佢味道更下一層樓,更難食不過蕃茄夠凍, 算係唔錯,芝麻汁太稀了,可以改善...毫無咬口既年糕,表皮太稔身, 唔太似新鮮炸的感覺但芝士味還好

買左團購差不多都夠期，所以星期日去食先，去到唔洗等位，選左招牌牛骨湯同加左牛舌粒，等左陣拉麵黎即刻試下湯㡳先，湯比較淡，但洋蔥同牛骨湯又幾夾，叉燒唔肥我最喜歡，但個牛舌粒就比較羶，食到一半就聽到上一位食評所講既事，需然唔關我事但我覺做食客都要有品既，事關剛剛遇著剛我就坐左隔離檯看到整個事程，打呢篇食評都想為下人平反，人地店員都係你走既時候大聲講下次啦，其實我就聽唔到人地話你無心食囉，你之後返入店同店員對質既時侯店員都話同伙伴講無貨賺少$，而且人地也有同其他客人傾計，反而你無食到呢度既食物又可以寫食評，真好笑，

只是因為突然很想念他們的帶子拉面,所以特登由銅鑼灣搭車出黎食,唔駛等位所以我同朋友馬上入去,基本上餐牌都唔駛睇就係叫我至愛,結果侍應話"帶子岩岩賣哂"...好失望,望左餐牌一陣,諗唔到所以決定去第二度食結果我地一企起身,同人地講句唔好意思,話哂人地都斟左杯水俾我地(雖然我地未飲),一擰轉背,就聽到侍應講左一句"都無心黎食既".如果無心黎,我就唔會咁遠水路黎食你碗拉面啦,我同朋友都即刻好委屈,因為明明我地無錯,甚至仲唔該前唔好意思後,但係都有說話聽....我對八王子呢間舖頭好失望,唔係因為黎到但係食唔到,係因為你地果位黑衫短髮女員工果個嘴臉,真係令我覺得無論幾好食我都唔會幫襯...再見啦我既帶子拉面.

三個人的晚餐行過佐敦，剛好經過又想食拉麵，又不用等位。小小的店舖有大約八張臺，晚餐時段亦不是太多食客。廚房入邊好像有位日本籍廚師，不過就唔係好肯定。三個人叫了兩款拉麵叉燒拉麵叉燒玉子拉麵兩款湯麵配料都差不多，分別在於有沒有玉子；薄薄的叉燒有幾片，玉子沒有期待嘅甜味﹣但合格，湯底係豬骨湯淡淡的唔太濃，但亦都唔會有意慾去飲個湯底。兩款湯麵都有基本嘅配菜海帶、芽菜、筍等等。最最最需要改進嘅係佢嘅麵質，太淋又食到佢既韌;總結食完沒有特別好的印象。

星期二, 老公特地請假一天陪我到伊利沙伯醫院做BB超聲波檢查。正午做完檢查，下午又要見醫生產檢，所以先到醫院附近醫肚。經過八王子, 被侍應在門口親切的招待吸引。甫進入舖，差不多九成坐滿客。幸好，近門口有兩個座位，座位尚算寬敞。午餐套餐選擇頗多，有八款拉麵可供選擇，我們選了八王子拉麵及自家豚組拉麵。至於套餐的小食，也有九款可供選擇，我們皆選了築地章魚燒。先來的是我叫的玫瑰蜂蜜花茶, 店員很細心的叮囑要等五分鐘，果然五分鐘後, 店員便自動把有玫瑰花瓣的那部分收起。店員拿起的那一剎那，一陣陣怡人的玫瑰花香從杯裏飄出來。我忍不住要立刻品嘗一口，玫瑰味跟蜂蜜的味道配合得剛好！不會太甜，入口甘香。在等小食及拉麵的時候，環顧四周一看，發覺佈置頗有心思，牆上掛畫的主角皆展露燦爛的笑容，加上店舖員工親切誠懇的態度，給人很舒服窩心的感覺！亦使我覺得自己在那一瞬間猶如置身日本！很快章魚燒已到達，味道不錯，章魚跟麵粉的比例配合得剛好。至於兩碗拉麵湯底味道適宜，不會太濃，麵身亦彈牙，义燒跟豚肉粒肉質還可以，不會太「老」。以這大衆化的價錢，有這樣的食物質素及服務，算是超水準了！

今晚同男友經過試食。試左雜菜拉麵、牛骨湯拉麵、雜錦天婦羅配薰衣草蜜。一開始店員服務幾細心，會在旁推介。食物賣相與菜單一致，不過味道就唔係咁吸引。蔬菜拉麵上面舊素麵豉原來係湯底，即麵豉湯底，唔太咸但味道超唔夾，食得好辛苦都食唔到一半。牛骨湯拉麵，一試湯底就知味精湯，而且好油。薰衣草蜜幾好飲，溏心蛋都幾好，湯底就有待改善。

同朋友行佐敦 朋友介紹我去食八王子 最後一齊入左去食 一入到去就見到牆上有好多畫作 環境吾錯 衞生ok因為係下午茶時段 $27就有麵同野飲 我點左個八王子拉麵同綠茶 過左大概五分鐘就上餐個麵好有口感 配料好足 湯底味道好 用湯匙同筷子湯加麵咁食真係好正 拉麵份量剛剛好 但個綠茶有啲澀 吾知係咪太濃 侍應好nice 食得好開心好想去多次食 超級抵食！！

今日黎左依到,朋友話有DISCOUNT,所以帶埋我黎食,我就叫左依個八王子拉麵,其實唔知咩黎嫁,不過見佢用鋪名,應該唔會太差既,,試試佢個湯,係一個牛骨湯底,不過味道唔算太濃,但睇落都幾油下嫁,配料就有洋蔥粒、大蔥圈、海帶、鳴門卷仲有半隻溏心蛋、芽菜,都算足料,餸就係豬頸肉咁,燒左之後食落幾好,林林地唔錯嫁,相反個拉麵做得好好,夠哂好彈牙,好爽口,之後就一個自家豚組麵係豬骨湯底,味道比牛骨湯底濃D,不過無咁油油,餸係一粒粒既叉燒, 叉燒外面有D黑椒碎,變左有少少辣,個肉又夠爽口,幾開胃嫁,雖然睇落好瘦, 但唔會太un,仲要有好多粒,幾正嫁都。之後就有食多個奶凍,食落唔算太重同太濃既牛奶味, 反而有一陣牛奶既香味,食落都幾算滑,唔錯,唔會太膩,幾好。 

喺附近聽完講座都夜晚九點半，搵野食醫肚啦，只見到哩間拉麵店有開門，心諗$70一個拉麵應該唔會太差掛，就入去一試。碗拉麵啲質素實在太差，拉麵似係公仔麵，啲湯底係公仔麵湯底，真係食到火都唻埋。最後埋單，個服務員態度尤其差。哎，以後都唔洗再幫襯。

撞啱去永安行街，順道試下聞名已久嘅佐敦拉面店。睇菜單拉面湯底主打牛骨豬骨，兩樣各點一份，另外叫咗一個炸雞。炸雞先到，不過表面沾上好多油（麥當勞炸雞比它強），可能油溫唔夠或者翻炸。雞肉尚可，但奇怪入邊好多黃色膏體，唔知炸漿定肥膏👎十五分鐘后一直期待的拉面終於到，賣相4片燒豚肉很吸引，但咬落冇預期中爽脆及肉香。再試一囗面同豬骨湯底，感覺如同食緊味千拉面（50蚊碗），試一口對面牛骨湯，卻食唔出香濃牛味（可能我味覺差😂）。順便一提員工服務質素全程冇招呼（水都唔加一次）員工表情像喪屍（黑面冇表情），食完速速埋單走人，經驗分享，太多人贊好㗎食評未必係好（包括飲食周刊及網絡好評），一定要自己或朋友親身去試才知啱唔啱食，總結如拉麵價調整至50蚊碗，我還有機會再幫襯😁