八福 (已結業)

其實邊爐都有，又真係好難去到唔好食既地步，但係咁次真係中左伏！我同朋友每人叫左一個唔同味既湯底，我叫豬骨味，除左咸左啲都叫正常。我朋友既牛肉濃湯就完全冇牛味，鍋入面得2條菜，2舊泰式魚餅（你冇聽錯，的確係泰式）3粒細既白蘿蔔，1舊粟米，全部都係迷你版！我個餐跟3粒蠔仔加半碗烏東，我朋友既就5片牛肉加半碗烏東！2個餐加埋150蚊！我覺得大x樂同x野家抵食同好食好多！

一家三口去了位於得寶商場的八福吃午飯。我們點了一份2人前另加一份紫菜烏冬。 2人前可以選3個小吃然後選冷烏冬、熱湯烏冬或磨菇咖哩飯，如果胃口好的話可加錢加大烏冬的份量。我們選了2份熱湯烏冬、日式煎餃、炸帶子和炸豬扒。飲品方面我們點了柑桔青檸、茉香綠茶和荔枝水漾。等了約10分鐘便上菜。 熱湯烏冬是清湯湯底，烏冬比較幼而且非常有口感。日式煎餃和炸豬扒也非常好吃，外皮鬆脆肉質juicy！大推！

得寶只有幾間鋪未試過 呢次就試下呢間烏冬晚餐時段 但人唔太多 見到有款2人餐 就點左呢個佢可以選3個小食 然後選冷烏冬/熱湯烏冬/磨菇咖哩飯小食我地叫左 1.炸蝦天婦羅(2件) 2.厚燒玉子(3片) 3.炸餃子(4隻)然後2個人都係食熱湯烏冬上野食速度非常快 炸物非常好食個熱湯烏冬係清湯 烏冬比較幼身 非常有口感因為小食炸物都比較重味 食落烏冬更覺得好清好好食野飲我點左一杯荔枝水漾 比較偏甜 不過都還ok呢個2人餐既野飲都係平野出面d特飲 感覺上比較划算食完結帳後 店員比左張優惠卷我地 下次可以再黎試過~

喺淘大無咩想食，行左過黎得寶睇下，發現開左呢間八福，食烏冬都唔錯，晚餐就食呢間啦。餐牌，有烏冬有飯仲有小食，都幾五十幾蚊起。叫了C餐，照燒汁雞扒吉列魚柳丼，迷你烏冬，中華沙律。雞扒皮脆肉嫩，魚柳炸得比較硬，但兩者都熱辣辣，唔錯。烏冬清湯帶微甜，但唔鐘意啲天婦羅粒，搞到湯底好油，烏冬本身幾彈牙。中華沙律一般貨式。餐飲要了荔枝水漾，凍飲加二，荔枝味，清清甜甜，ok啦。人唔多，食完坐一陣都無趕客。