六公館

營業中

休息中

黎之前記得book位，呢間view靚唔洗講所有點心都食過晒一定要嗌和牛黑椒酥，嗌夠兩碟胡椒灌湯餃，金網鵝肝蝦卷，黑蒜蝦餃或者燒賣，最後嗌碟黃金炸鮮奶，成個lunch 完美。

前一個星期book左今日3pm飲茶，侍應首先無提及過2:45last order，唔緊要後尾更正返！嘢食好認真真係唔值呢個價錢！只可以話好普通，但環境算不錯，一早同侍應order左嘅birthday dessert未嚟佢已經吹我埋單，我都示意話未齊可唔可以check check我打嚟order左，侍應死望住張單話到齊要我俾錢，我已經再三話未齊，結果我準備嘅驚喜無哂之後等左好耐無人有行過嚟回覆，無茶啲侍應掛住傾計唔斟，結果最後我係要自己行出去問返reception個birthday dessert點解無人處理！成1100蚊餐飯，無得用優惠卷嘢食好一般仲要服務差

呢日選擇Lunch嚟試下六公館，因為感覺上價錢唔平，所以即管試下點心係咩質素先。日頭嚟可以享受好天氣，海景開揚☀️先試我飲茶最鍾意食嘅叉燒餐包，賣相唔錯！呢個蝦多士都幾出色！跟住就試咗呢個睇落貴氣十足嘅黑金蝦餃，事實上只係視覺享受，食落味道同正常蝦餃無分別嘅～食完以上嘅嘢見唔係好飽，就點咗主Menu上面嘅金蠔。整體上環境舒適，如果唔係太餓，同朋友想Chill下就最啱食下點心。不過整體點心都唔夠熱，令食物鮮味度打咗少少折扣咁啦！提提我當時打去Book嘅Lunch time係1130-1400,大家自己留意返時間嚕！🕰

呢幾年開左好多間特別的點心點，不過好多都係得個外表，味道同屋企樓下的餐樓無太大分別，聞名已久的六公館就例外👅有外表又有內涵🤗每樣點心都好好食，非常足料，大蝦爽口又彈牙🍤 最後的松茸羊肚菌海膽燴飯真係#highlightoftheday 😍 食左一啖已經十分驚喜，海膽好甜好新鮮，羊肚菌好重味，每一啖都好似食緊黑松露咁，mix埋一齊真係好好食！每食一啖都要讚一次！OMG🤪💯.

Hexa is located in the Ocean Terminal Deck inside Harbour City. It offers a spectacular victoria harbour view, for which the outdoor dining area can become a good spot to enjoy your happy hour. Dim sum was made with the finest ingredients, from fresh shrimps, salmon roe to sea urchin. It’s definitely a place I would love to revisit because of the combination of its glamorous environment and the high quality of food it offers. — 🍴Steamed salmon roe dumplings $68🍴Spring rolls with shrimp and urchi

適逢生日就嚟到呢一間想試嘅餐廳度食，六點左右咁啱去到仲有Outdoor位置，因為想睇埋日落嘅關係所以即刻揀咗坐出面，首先服務方面正正常常，環境同埋View都一流😍❤️ 食物當中叉燒同埋個甜品拼盤我最欣賞(生日甜品拼盤好似另外要加$300）！！ 由日落去到夜晚感覺好舒服仲有啲風吹下，兩個人買單無記錯大約$1600左右，如果係特別日子或者係慶祝活動嘅話都幾推介呀！ 整體來講係浪漫嘅同埋都好味嘅🥰 下次會試下午餐點心

坐喺窗邊 咁啱係陰天 唔會曬到阿媽都唔認得🌚 可以望住個維港景😸 service都好好 不停幫我哋斟茶 收碟都快 係有一個年輕啲嘅店員比較生疏 可以接受啦😌唔知叫咩好 所以叫午市套餐食😙應該係貴過單點點心啲啲 但就係一個人一個套餐 唔會有分唔匀嘅尷尬情況 食完飽到上心口🤡*三文魚籽燒賣原粒大蝦加少少豬肉餡 一咬就知佢好juicy🤤 唔會好油 亦唔會有豬腥臭味 三文魚籽好多餘 單純係裝飾點綴💁🏻‍♀️*六公館黑豚叉燒成舊都係豬肉 得少少肥肉 以為係瘦叉會好韌 點知係我井底之蛙🐸 肉汁爆晒出嚟 冧得嚟又有豬肉嘅韌度 有少少甜蜜汁味🌞 食完仲想食多幾塊 係我食過最好食嘅叉燒🤤海膽蝦春卷外皮脆卜卜 唔會炸到油淰淰😸 入面有原條大蝦 有蝦味又彈牙 高質~ 但完全食唔出有海膽成份💩羊肚菌露筍帶子帶子新鮮彈牙 外面上色 入面又唔會煎到太乾🤟🏻　羊肚菌好有菌味 露筍0渣 嫩滑👻 冇過多嘅調味 食得出食材原來嘅鮮味🤡 好正~法國邊豆欖菜金柱炒飯炒飯一碟 所以冇影相📸️ 鹹味來自欖菜 粒粒分明 唔油膩 唔會太乾 一切都配合到啱啱好👍🏻*忘了甚麼浸豆苗超級嫩滑嘅豆苗 打咗少少上湯芡汁 普通 冇咩特別但係好食嘅🤟

同家人book 位慶生，到接待處話我哋張枱比左人？咁book位有咩意思？足足等左15min先有位入到去，櫈都未坐暖就係咁吹我地叫野，唔知仲以為去左茶餐廳。好，我忍！我哋餐牌都未開始睇，侍應話叫支水飲下先。跟住幫我哋倒完，唔經我哋同意就直接幫我哋開第二支水？大佬啊我哋其實想叫酒飲啊😰😅😅到食物，叫左六道菜，第一道炸豆腐直接倒落枱😅不得了！其他菜炒米粉，黑蒜羊鞍，脆皮手撕雞尚算可以。但食物質素與價錢不相符，完全唔值呢個價整體感覺係服務態度拉低成間餐廳嘅質素，失望至極😰👎👎👎名過於實，唔好以為有個海景嘅大哂

We came on the 1st day of Chinese New Year 🧧 (大年初一) for family yum cha. It was semi-full. We managed to secure a window table with the spectacular Victoria Harbor view The biggest selling point here! With floor to ceiling big windows, the restaurant also had a vast outdoor area with seating tables.Besides the scenery, their food was disappointing. Food here was quite ordinary and gave no surprises at all. Couldn't really find the fusion twist in the taste. It just looked pretty. We ordered some

超大落地窗，望住個天食飯特別舒服前菜，法國龍眼蜜煎金蠔。金蠔微微既甜而不膩，軟硬度岩岩好👍🏻加埋上面d脆卜卜，增添口感。有驚喜既薑糖芥蘭，淡淡既薑味。芥蘭3個字形容，爽、脆、嫩😎 好似筍咁，值得一試👍🏻👍🏻龍井燻太爺雞，愈食愈香。茶既香氣同煙燻既味道，同時雞亦都好滑嫩👍🏻茉莉花茶味意式奶凍👇🏻食第一啖時已經愛上，超香茉莉花茶味😍 配2粒類似朱古力餅既物體🍫 絕對要再食🤭好立克mousse配杏仁餅，呢個原先有2塊杏仁餅，上枱後職員即場拎出黎用器具碾碎再倒返落碟到，畫面幾靚👍🏻 但味道就…食唔出好立克味，只系覺得超級超級甜……

突然好想坐海邊食lunch，但海港城Lcx 果邊間間full 晒，見六公館有位就是但啦。飲中茶但飲㗎啡成件事係有d 錯但因為係新派fusion 點心成個畫面好靚。最衰就係果陣係3月左右，未有咁熱，杯野轉過頭就比海風吹到凍晒。咁大個人飲過最好味嘅一餐茶，個個點心都有驚喜，碟碟都好好味。除左好味之外我都無咩好講🤣

六公館最出名莫過於之前阿嬌在這裏進行註冊儀式其二就係佢的無敵海景。今日行開海港城，突然想飲茶，就試試佢啦！去到都要等一陣位，入面裝修確是比較西化新式，有別於一般飲茶的印象。我被安排坐近窗邊，確是有海景欣賞，但因為出面係個flat roof位置，如果出面有人坐，其實都係睇「人」而唔係睇「景」。點心款式唔算好多，但都非常創新。Lunch佢有set，但因為有d嘢想試，我就散叫了。🌟黑金蝦餃（$80）一共四隻，每隻$20係咪真係金所以特別好味呢？答案係NO金係冇味，d黑色皮都係冇味⋯更加因為佢唔係蒸籠上，所以凍左，d皮有d硬⋯🌟和牛黑椒酥（$88）一共3粒，口感似平時食的蘿蔔絲酥卷，但有蘿蔔變成和牛。因為炸，我覺得再加牛的油感，變得更加油膩⋯🌟雪山叉燒包（$62）試過天龍軒及香宮的雪山叉燒包，想叫埋黎比較下。個人覺得冇咩分別😂咁六公相對便宜了。🌟金網鵝肝蝦卷（$72）這道好味！而且未試過這種配搭，通常都係分開食這兩樣食材！值得試！🌟黑豚叉燒松露撈生麵（$268）好味！雲吞麵舖的菜式但加上名貴食材，即刻升價十倍！😂😂個人覺得有d overpriced茶位每位$26🌸🌸🌸🌸🌸🌸🌸🌸🌸🌸🌸🌸🌸🌸點心

話說有朋友要離開香港直接移民去英國所以趁住呢個機會我哋一行人四位決定食餐好嘅一諗就諗起六公館啦地理位置方便菜式有特色重點係個景又靚可惜book枱嘅時候太汶水先book仲坐唔到窗邊位不過服務或者位置都尚可所以都唔緊要啦.講返嗰日我哋食咗啲乜嘢1. 叉燒2. 煙燻太爺雞3. 松茸海膽飯4. 上湯雞湯浸菜苗5. 叉燒撈麵.甜品方面1. 桂圓雪耳桃膠2. 奶黃球拼雪糕3. 唔記得係乜嘢名係類似一個啫喱咁嘅再加兩粒朱古力面波波.值得一讚嘅係煙燻太爺雞非常滑一啲都唔會老.叉燒方面雖然冇天龍軒咁好食加上半肥瘦唔係我取向但好入味都不錯嘅.個海膽飯超級好食海膽味道仲入成個飯裏面再加上飯粒粒粒分明調味亦非常出色真係超級好食呀推介!!!.個叉燒撈麵相對比海膽飯失色但亦尚算可以味道都唔錯.上湯浸菜苗分量可以不過不失.而三款甜品裏面我最鍾意唔記得叫咩名嗰個首先佢個啫喱狀物體係有茶味味道好好而且滑溜入口即溶嘅感覺做得非常之優秀加上佢仲有兩粒朱古力波波完全可以互補唔會太甜嘅感覺.奶黃球拼雪糕奶黃球都非常之香口而且個顏色都做得相當出色咬入去亦都有半溶嘅質地我個人係幾享受嘅.最後就係桂圓雪耳燉桃膠因為係share食嘅所

今日同高太星期日嘆世界，絕對要偷得浮生半日閒去嘆下個維港靚景係海港城最入面果幾間食肆都係俾你食埋個維港既餐廳香港可以俾你坐outdoor,又可以望住個海，又可以食點心既餐廳其實唔係太多六公館係其中一間唔知由幾時開始，依家好多中菜廳都会好致力甘研究叉燒去做招牌菜我明明記得我細個食叉燒係平民燒味嚟依家度度都搞到二三百蚊得幾舊叉燒不過依度啲叉燒都幾好食既三文魚籽配燒賣個味夾得黎，成個賣相又矜貴左帶子幾大粒，幾滑成個lunch set食物質素都幾好，但又無咩驚喜之作不過晏晝黎食又真係抵好多最後都係要嗌反杯飲下黎襯下個海景

位於尖沙咀海港城的六公館，主打新舊融合的新派中國菜，景觀開揚，飽覽無敵海景，未開餐也很治癒。之前跟朋友食過晚飯，印象不錯，午市飲茶也是第一次。小編一向較喜歡新派中菜多於傳統中菜，新派中菜菜式有創意，賣相精緻。師傅會運用世界其他地方的食材、調味料和烹飪方法來重新演繹新菜式，同時保留傳統中國菜的精髓。 🥢黑魚籽蝦多士$62 👍🏻👍🏻👍🏻👍🏻/5🥢千絲蘿蔔酥$58 👍🏻👍🏻👍🏻👍🏻/5🥢黑沙流沙球$72 👍🏻👍🏻👍🏻/5🥢和牛黑椒酥$98 👍🏻👍🏻/5🥢金網鵝肝蝦卷$72 👍🏻👍🏻/5🥢海膽蝦春卷$78 👍🏻👍🏻/5🥢黑豚叉燒腸粉$68 👍🏻👍🏻/5整體來說，黑魚籽蝦多士跟千絲蘿蔔酥比較出色，其他的和牛酥沒有牛味，鵝肝蝦卷唔係好食到鵝肝，海膽蝦春卷的海膽味唔出，黑豚叉燒更有點韌到吞唔到🤪，有點令小編失望，可能今天師傅有點失手吧，拍拍照打打卡還是可以的。