六十年華

營業中

休息中

香港人最鐘意食茶記今日特登早起身同屋企人食番個早餐A早餐選擇夠哂多除左最普遍既沙牛麵、雪菜米仲有扒類、三文治、菠蘿油等等咁耐冇食 當然整番個沙牛米啦come with 個牛油多士烘得剛剛好 炒滑蛋亦好正係杯茶走唔夠熱同唔夠煉奶overall都可以😌

今晚朋友約了我出將軍澳影下商場聖誕景，未影前，我們吃一吃晚餐先，選了今晚這間，因近影相的位置，之前經過見餐廳名特別，都想入去吃下，環境裝飾不錯，坐下，看了一陣餐牌叫了精選套餐 （2人餐）招牌鮮鳳梨咕嚕肉咕嚕肉大件，入口軟霖，肉身好鮮鳳梨鮮甜香味，酸度同甜度剛好適中魚香茄子斑腩煲上枱已聞到陣陣魚香味，茄子同斑腩好嫩滑，斑腩濃鮮魚味配2個湯湯清淡鮮甜味2個飯椒鹽新鮮鮮魷粗身大條，咬入口特別鮮魷魚味同濃椒鹽香，好脆口同彈牙蒜茸炒時菜炒得好爽脆，好有蒜茸香味雪糕紅豆冰紅豆都多，雪糕同紅豆都甜雜果冰飲一啖清香雜果甜味，水果粒好鮮甜燒味之作 2款叉燒肥瘦適中，爽滑厚身腩仔皮脆口，唰唰聲，肉香有厚度

放假同男友係寶琳行商場～見到有間招牌好光猛又新淨嘅茶記，同埋食物款式多，價錢幾平下👍🏻 就入咗去食lunch啦😃 座位都幾多下，QR code落單好方便～秘製燒鵝飯配脆皮燒腩仔 $98燒鵝髀皮脆肉嫩又多汁，燒腩仔香口入味，只係好快變凍～ 飯揀咗少量但依然好多😂 男友都只係食咗一半～ 豐盛扒餐-香煎豬扒 $52薄切豬扒幾淋身，唔會鞋口，配粟米菠蘿沙律，香滑牛乳炒蛋，牛油雜菌奶油厚多士，幾豐富👍🏻流心芝士西多士 $38建議上枱即刻食～如果唔係就唔流心啦～ 西多士中夾住芝士個口感真係好邪惡😆

「六十年華」見到呢個名不由得停低睇下，原來係茶餐廳類型，幾多嘢食。到餐廳當天，店員不斷收到電話訂座及外賣，我心諗，生意幾好喎，食物質素應該唔錯，於是就同屋企人一齊去試下。雖然係茶餐廳，但餐廳環境十分整潔乾淨，基本上都係卡位，坐得好舒服😌。玫瑰豉油雞飯瀨粉由細到大都好鍾意食豉油雞，配上瀨粉就更加正！而且雞肉夠滑亦夠晒入味，小朋友都十分愛食☺️。秘製蜜椒雞中翼雞翼炸得好香，表皮有點香脆，加上表面淋上有點糖膠，甜甜地，幾惹味😋。自家製酸菜魚片鍋網上見好多人推介佢地嘅酸菜魚，我都嗌咗一份試吓，酸菜魚湯底嗌咗微辣，但小朋友都食到🤣，辣度啱啱好，魚片冇骨，亦夠新鮮，加上酸菜配料，食得好滋味🥳巨人西多士（➕雪糕🍦）今晚嘅甜品係巨人西多士，估唔到夜晚都有得食🤣🤣🎉❤️，好驚喜！西多士煎得香脆，特登加咗雪糕，食落香甜，好邪惡呀！🤤🤤雜果冰雪糕紅豆冰

經開見佢個名#六十年華 幾吸引，見到門口掛住的燒味樣子唔錯，就一於約埋家人黎食番個便飯囉☺️。這間餐室集中、西、燒味同小菜於一身，選擇多元化。天氣涼凉地，最啱食過羊腩煲暖暖身，醬汁香濃不會好鹹，調味得恰到好處，羊腩肥瘦適中，一煲嘅份量足夠2人食用，配料有枝竹、馬蹄同冬菇。羊皮下嘅脂肪好煙韌又有咬口，馬蹄爽口，冬菇同支竹淋身又入味。雙拼叉燒、燒鵝髀瀨粉，轉鵝髀只需要$20，大大隻好正，皮香脆有鵝油香，肉質柔軟啖啖肉，點埋附上的酸梅醬汁更惹味，叉燒帶點點肥蜜味香，好食推介😋。宮廷貴妃雞瀨粉，加$10轉髀，賣相靚，皮香肉質嫩滑，沒有多余肥肉，瀨粉嘅湯都是好飲的😋。燒味餐包飲品，家人要了香滑熱奶茶☕️，我則要了至愛凍檸茶。抵過上酒樓食，起碼沒有加一服務費☺️。

遇見老友，揀日不如今日，趁機來個飯聚，邊吃邊傾互相交換近況，樂也融融! 心情好，點多些，開懷吃! 秘製羊腩煲+菜籃(配+湯)熱辣辣又大大件兼炆得腍的羊腩煲，支竹吸收腩汁， 好味到不得了，羊腩好滋補， 食完暖笠笠， 呢個天氣食至啱。 食完羊腩再放菜籃裡的南瓜， 金菇菜，生菜…… 滾呀滾又食得啦! 魚香茄子煲(配+湯)有鹹魚香味，做法保持傳統味道，配白飯食一流西蘭花炒魷魚西蘭花口感清新爽脆， 吸收濃濃的魷魚鮮味， 真是絕配。 點菜滿$168送蒜蓉菜心一碟，有鑊氣小菜，做法絕不馬虎。 喜歡食店的裝修， 色調及燈光非常柔和 ，加上天花上的風扇開動著，有助空氣更加流通， 是一個很好的設計。

秋風起，唔好理，今晚同媽咪一人一鍋爽咗先！秘製羊腩煲火鍋每個火鍋都會跟白飯和有營菜籃，唔怕食唔夠菜啦！羊腩鮮嫩多汁，入口味美濃郁，沒有任何膻味，入面加入枝竹、馬蹄等，腩汁完全令人胃口大增，食多碗飯都冇問題！胡椒豬肚雞煲雞肉和豬肚份量相約，雞肉夠鮮夠嫩，豬肚有咬口兼爽口，而鹹酸菜完全主宰整個雞煲嘅靈魂，有鹹香得來唔會過鹹，同樣令人非常醒胃。整體而言，兩個火鍋都極之美味。雪糕紅豆冰紅豆冰上加入朱古力味雪糕，紅豆大粒又咬口，好creamy，好好飲！蒜蓉炒時蔬晚市過咗六點後而惠顧滿一定嘅金額，仲可以送一啲免費時菜。而重點係，呢碟免費蔬菜唔係求求其其，反之係非常高質及有鑊氣蒜蓉炒菜，真心欣賞！估唔到喺寶琳有一間又美味又經濟實惠嘅餐廳，下次絕對可以再嚟！

今天來了新都城中心的六十年華吃晚餐，專程來試吓在師奶界好有口碑的羊腩煲。我們叫了一個羊腩煲，跟餐有有營菜籃，及白飯一碗，也叫了脆皮乳鴿、滑蛋蝦仁，加$10 配白飯和例湯。而叫餸滿$168，還額外加送一碟蒜蓉炒白菜。飲品方面，叫了話梅金桔蜜，和樽仔奶茶。羊腩煲套餐：羊腩煲超高水準，炆得入味，羊味十足，羊腩汁送飯一流👍🏻有營菜籃不單有生菜，亦有南瓜，及多款菇類，有營健康。乳鴿：皮脆肉嫩，醃得入味。滑蛋蝦仁：滑蛋口感細滑，炒得很靚。蒜蓉炒白菜：這是贈送的，份量亦十足，非常惹味。話梅金桔蜜：跟餐加$9，大大杯的，非常潤喉足料。樽仔奶茶：入口細滑，茶味香濃。整體來說，食物很有驚喜，特別是羊腩煲超高水準，印象很好，招呼親切，怪不得在師奶界中口碑載道！

難得返香港一次諗住食個沙嗲牛麵做早餐真係無諗過食個沙嗲牛肉麵早餐可以差到咁一放上枱，碗麵啲湯已經唔夠熱，啲麵漿埋一舊；然後我同佢哋姐姐講呢個問題，佢哋拎走左碗麵過一陣拎返返黎，話佢加咗啲熱水入去我碗麵都冇飲過啲湯，你點樣加啲熱水令成碗麵熱返？⋯最後我都係放棄左，自問對食都冇咩要求，但呢碗咁嘅暖麵我真係食唔落⋯其實我屋企人都有叫碗雪菜米，都有出哂煙係熱嘅，但我果碗就咁樣算我唔好彩，但佢哋咁樣「修正」返我真係O咗咀🤣另，奶茶都唔好飲係一間要永久blacklist嘅茶記

今晚去新都城中心2期睇戲，打算在商場附近找間茶記食個晚餐先，途經看見這間“六十年華”門面吸引著，有些復古味道，內部裝潢都幾舒服。餐牌有很多選擇，晚餐有中式小菜套餐， 揀咗幾個撚手小菜，加十蚊就有湯有飯， 熱辣辣例湯味道都不錯。這個小炒王夠鑊氣又足料，蝦乾、 魚仔、腰果都炒得好香口又惹味。用上新鮮菠蘿的咕嚕肉，酸甜味剛好，好少茶餐廳用新鮮菠蘿，這間茶餐廳用嘅食材都高質。燒味三拼燒腩仔好得，脆皮肉質鮮嫩， 叉燒燻蹄都ok，不過個人就較喜歡燒腩仔做到脆皮肉嫩唔錯。原來晚餐食滿$168就送碟蒜蓉炒菜，今日係蒜蓉炒芥蘭，送嘅份量都不少， 值得一讚。加$3熱飲，$6凍飲，熱檸茶有足夠檸檬片，凍奶茶調配得不錯，茶香奶滑，正体這間茶餐廳性價比高。

今天剛好在寶琳附近收工，正在想晚餐吃什麼的時候，剛好看到這一間六十年華，看到這一間有自家製酸菜魚片鍋，便走入去試一試。這一間餐廳的裝橫新淨，整體企理，坐的也很舒服！我們二人點了自家製酸菜魚片鍋，蒸倉魚，燒味雙拼豉油雞和燒腩仔，胡麻沙律以及餐廳贈送的蒜蓉炒時蔬。飲品點了雪糕紅豆冰和紅豆仙草凍。自家製酸菜魚片鍋，上菜的時候很香，看到餐廳給魚片的份量也很多，而且味道也算正宗，酸味辣味很平均，很適合香港人口味。魚片新鮮嫩滑，烹調的熟度剛剛好，非常美味值得推介！蒸倉魚，豉汁香蔥蒸倉魚，豆豉的香味很足，倉魚蒸的時間剛剛好，還能夠保持魚肉的嫩滑，配上適量的豆豉和香蔥一起進食，各方面的味道很配搭非常的好食！燒味雙拼我們點了燒腩仔和豉油雞，燒腩仔肥瘦均勻，而且豬皮燒得很香脆。豉油雞煮得很入味，豉油味很香濃，而且雞肉煮的熟度剛好，雞肉美味嫩滑多汁。胡麻沙律，沙律菜餐廳給的份量很足夠而且還有美味的胡麻醬作為配搭，還有小蕃茄等。這個菜色很清新很開胃！最後是在餐廳點滿指定價錢贈送的蒜蓉炒時蔬，這一道是蒜蓉炒菜心，菜心很新鮮，炒出來菜心莖部剛剛好熟透，而且菜葉還能保持翠綠。蒜蓉的味道也很足夠非常好食。兩杯特飲也是

經濟抵食 坐得舒服 裝修都幾清新日係用淺木色黃色燈光做主調食物種類都有好多唔同嘅有普通嘅 茶餐 鐵板餐 西餐 燒味等等 好似依家入咗秋天有羊腩煲 同埋胡椒豬肚雞 價錢都只係$158同埋$128 抵食門口好多人喺度叫外賣 所以我都決定叫返個♥︎燒味之作 油雞同燒腩仔 兩款$83一食落口充滿油香 超級滑 燒腩仔個皮脆卜卜 ♥︎卡邦尼海鮮意粉 $56意粉大大碟 creamy的 個羅宋湯好濃郁 包肚又超值 仲要係set , 包埋嘢飲 晚市呢個價錢邊度有😳 出面起碼貴一倍♥︎秘製羊腩煲 $158 羊腩煲份量都唔少 兩個人食夠食有多 仲有一籃蔬菜籃🥬有南瓜 什菇 生菜 等等 個味道正宗 入味又夠腍 回味無窮 仲要係驚喜價 $158咋♥︎檸檬茶 $9好飲好香嘅茶味 比起一般嘅茶餐廳更加優質依家晚市滿$168送菜一碟每日返貨都唔同 所以睇返每日供應個菜好重蒜蓉香味亦都好有鑊氣 仲要大大啲真材實料 成日出街冇乜菜食 呢一碟絕對滿足到你最後我仲叫咗2支冰鎮奶茶慢慢飲 超滿足嘅一餐 食咁多嘢埋單都只係$300

燒味之作(三款)燒腩仔油雞熏蹄~一次過食咗三款燒味燒腩仔、油雞及熏蹄，各有特色，燒腩仔皮夠脆，肥瘦啱啱好，一件食住一件；油雞味道啱啱好，肉質嫩滑；好耐冇食燻蹄，入口爽滑啖啖肉，記得沾啲白醋汁。食食下見到燒味送餐機械人，衛生可靠，送到枱旁店員會為你上菜，這樣，店員就唔需要周圍行嚟行去傳菜，有更多時間照顧身邊食客嘅需要。西蘭花炒鮮魷配白飯例湯~西蘭花炒得香脆，鮮魷熟嘅程度恰到好處。自家製酸菜魚片鍋~特別餐牌特別推介，天氣涼咗好想食， 件件魚柳啖啖肉，無骨最正。羅漢齋伊麵~伤量好足，材料豐富，一碗接著一碗。晚飯滿$160送蒜蓉炒時蔬~雖然係送嘅，但份量都唔少，蒜蓉炒好香口。樽仔奶茶~晚餐唔怕飲茶嘅，都可以試下，茶味夠，奶夠香，香港經典飲品，正！檸水~食咁多，幫手消化，解解肉氣。

今天約朋友在將軍澳吃晚飯，選擇了在新都城二期商場的「六十年華」。餐廳位於商場地面，面向大街，穿過商場便可達寶琳站，無懼風雨，十分方便。餐廳裝修簇新，光猛開揚，整潔亮麗。餐廳用時下流行的QR CODE 點菜，菜式選擇非常多，我們點了幾款傳統懷舊小菜。不一會，餸菜便由機械人送到，效率非常高。“精選2人套餐”：“明火潮式鹹菜豬肚雞煲”，原煲滾住食，熱焫焫，真滋味。雞肉特別滑，而且入味。豬肚煲得腍，但仍然爽口。湯底也非常惹味。“蒜香蜜味金沙骨”，蒜香味濃郁，肉質半肥瘦，口感不錯。一口咬下，蜜汁溢出。還附送老火例湯 + 絲苗白飯“燒味之作”：腩仔+ 切雞，燒腩仔層次分明，皮脆肉嫩，特別可口；切雞一大隻肥美雞髀，雞肉也新鮮嫩滑。“蒸蒸日上”：豉汁蒸䱽魚，原條䱽魚，蒸得剛好，肉質仍能保持嫩滑，再加上濃香豆豉，一流！翠綠油菜，最後還附送一碟炒菜心。這一餐有魚，有肉，有菜，真是賞心樂事呢！