六十年華

營業中

休息中

區內嘅餐廳食到好悶，咁啱今日到寶琳新都城中心買嘢，發現又有新嘅茶餐廳進駐😍 一於去試吓。店舖位於新都城二期地下，地點較為隱蔽唔容易察覺。門口吊掛着嘅燒味，似乎都係店家招牌貨色😋二人精選套餐較為抵食，指定餐牌中自選兩款小菜，白飯、例湯及飲品。精選二人套餐$158🥢燒鵝、腩仔雙併俾咗脾嘅部位，燒鵝皮夠脆，有鵝肉香亦唔會太鹹。而燒腩仔更加出色，皮好似薯片咁脆，配合肥瘦相間嘅腩肉超美味！🥢田園野菌豆腐扒西蘭花有鑊氣，擺盤十足十飲宴菜式🤗味道唔錯，獻汁香濃美味，淋在豆腐、雜菌和西蘭花上，美味佳餚👍🏻😋🥤凍檸樂，凍檸茶應該要order 少冰😃，實在太過多冰。🥢另外點了脆皮乳鴿$68，估唔到茶餐廳嘅格局可以做出如此美味嘅炸乳鴿。正宗皮脆肉嫩多汁，不會太細隻所以啖啖肉😍惠顧滿指定金額$168，送蒜蓉炒時蔬一碟。菜心爽嫩，以蒜蓉炒勁有鑊氣，最快K.O.嘅一碟餸。🥢豉汁蒸䱽魚火喉蒸得啱啱好，條魚應該好新鮮，少有䱽魚的肉質勁嫩滑，豉汁惹味送飯一流！小菜整體美味，拍得住酒樓水準，下次嚟新都城又多一個晚飯熱點😋🥢

同老公入咗去將軍澳探阿妹，講返小時候父親帶我哋去食乳鴿同燒雞的情景，佢話新都城二期開咗間叫六十年華的茶餐廳，食物多元化，西餐、中菜、燒味都有，阿妹話今晚請我哋過去食飯！餐廳燈光明亮，室內裝修擺設經過精心設計，座位坐得舒服。鹽香燒雞半隻：即叫即燒，雞燒得啱啱好，色澤金黃，皮脆、肉嫩又入味，味道鹹香嫩滑。脆皮乳鴿：乳鴿皮脆肉嫩、色澤紅亮、鮮香味美。福建炒飯：足料多汁，蝦仁夠大隻又爽口，還有蟹柳、雞肉、菇粒和菜粒等，飯底用蛋炒過，特別香口，撈埋醬汁食好惹味！龍脷葉蘋果雪耳豬骨湯，老火湯夠火候，味道清甜。功能潤肺止咳清熱化痰行氣益胃增強免疫力。焗芝士海蝦伊麵，芝士份量十足，還可以拉絲。海蝦大隻爽口，伊麵吸收左芝士汁，每一啖都滋味無窮。雪糕紅豆冰，紅豆冰加入雪糕特別香甜滑溜。

一個很特別的名子「六十年華」的新餐館，吸引我細看餐牌原來是集餐廳、冰室、燒味菜館於一體的食肆，完全的港式味道，選擇也多元化。先嘗小食：香脆炸薯條，接着甜酸西檸雞奉上，我們棄茄汁蘸甜酸西檸汁吃，十分美味又開胃呢！甜酸西檸雞~已經切件的酥脆雞扒排列整齊，淋上甜酸西檸汁好下飯。燒腩仔蜜汁叉燒雙拼~燒腩仔皮脆、肉質嫩滑，沒有肥肉，是理想的燒腩仔，蜜汁叉燒賣相很亮麗，叉燒入口被焦香、蜜味和肉汁纏繞舌尖，回味無窮。椒鹽鮮魷~很受我們歡迎的椒鹽鮮魷，脆漿鬆脆可而且沒有油膩感，鮮魷肉鮮爽，還配襯原味腰果上碟，很讚！椒絲腐乳通菜炒牛肉~很冶味的家常炒菜，還可以楝少油、少鹽，很貼心。套餐的白飯、消暑老火湯。西瓜涼透心、紅豆仙草凍、白牛，好飲之餘，打卡還蠻好。新餐館雖然開設在商場地下，却街坊價錢，食物與服務質素良好，可以再幫趁。

同朋友一直心思思想找一間茶餐廳希望可以食到以前舊式的茶餐廳風味風味。竟然經過寶琳見到這一間新開的餐廳，首先他的名字已經給我們印象非常之特別叫做”六十年華”。就不期然想起梁朝偉跟張曼玉那套”花樣年華”戲一樣。其實已經被它門口擺設的的燒味吸引住！已經非常滋味十足。一踏入門口，店員親切的笑容歡迎你來臨⋯⋯已經有賓至如歸的感覺。而裝修方面不是那種懷舊的裝修，而是富有現代感又配合牆上一些字句都非常之有心思。我們坐下時，是用QR code落單。餐牌上真的跟我們期望的有差不多。選擇甚少多！當然不少得有懷舊茶餐廳的菠蘿油，三文治，又有咖喱種類及本土情懷。真的非常多選擇。 但因為我們是吃晚餐、見到餐牌上有兩人餐，都非常吸引！但是朋友想試一試自己喜歡可以選擇的單點。見到食評提及他們的燒味非常出名。所以今次就叫了燒鵝河粉。我們加了少少錢要燒鵝髀！食好啲⋯⋯另外也叫了雙屏燒腩肉。賣相非常吸引～所以我們急不及待先試了燒肉，除非是皮非常脆脆。就是那種你一直好想吃的肉質。雖然是比較瘦，但仍然有一層略為少少肥的肉夾在裏面。所以識落油脂味非常重。另外燒鵝是啖啖肉。燒鵝髀的皮是香香脆脆。所以這個絕對必食！另外我們叫了一個

成日聽人講呢間嘢好差， 但琴晚同屋企人去食過之後都覺得唔錯椒鹽豆腐都炸得幾脆， 但啲椒鹽唔夠多味道偏淡呢個牛仔骨酸酸咪咪好開胃， 肉質一啲都唔韌得幾好食呢款酸菜魚係比較清淡， 連個湯都可以飲埋， 啲魚 好滑仲有芽菜同酸菜做配料金菇肥牛粉絲煲食落覺得偏酸呢碟咕嚕肉啖啖都係肉味道酸酸咪咪好開胃，但份量偏少

六十年華突然好想食燒鵝，門口見到燒味幾靚就入咗去食個晚飯。哩度冷氣較大，怕凍嘅人可以唔好坐咁入。裝修還可以。-------------------------燒鵝油雞燒味雙拼鵝肉好juicy嫩滑，鵝皮仲脆嘅，中間夾雜住少少油脂，好香燒鵝味，點埋甜酸醬一流👍而油雞肉質都好滑，色水靚，豉油帶甘甜，好食椒鹽風沙海中蝦賣相好靚，椒鹽配料味道好足夠，可惜蝦未夠新鮮，食落有啲似食緊蝦乾。金銀蛋浸時蔬不過不失，可以再多啲金銀蛋。但都可接受。例湯就偏鹹。食茶記點可以少得凍檸茶，但可以再多啲茶味。-------------------------六十年華地址將軍澳貿業路8號新都城中心2期地下G26-G28號舖

平日放工食嘢都冇乜要求，諗住醫飽個肚就算，是但喺附近搵間餐廳食，不過店員既友善態度，令我地都覺得開心左🤣 真係好nice, 食得更開心😊雖然唔係第一次食呢間餐廳，但呢個餐係第一次叫，蕃茄味極重啱晒我🤤 而且餐肉都好多，好滿足🤩

邊個門口見到啲燒味好靚，買咗叉燒、炸乳鴿我叫左半肥瘦，打開覺得瘦啲，但好彩唔韌，過得去啦$138一斤炸乳鴿$51一隻，我買咗兩隻啱啱係優惠星期四，因為正價係$61一隻味道可以，整體不過不失

很有傳統味道的一間餐廳，早餐我比較常吃，早餐主配分明，我比較常吃沙爹牛肉米，一大碗米粉配上濃而不咸的牛肉，睇相10分，麵湯底味道夠濃，煎蛋和麵包有溫度，分量十足的，我個人覺得比附近所有連鎖店有超水津，杯即磨咖啡我也是十分滿意的。以環境來說，是新裝修，位置以細台為多，坐椅也非常舒服，四腳椅，有軟墊又有靠背，就算坐小台也不覺左右阻住，很少餐廳有這類貼心安排！而且落餐都用上QR code,感覺相對比較衛生。整體早餐我一般用餐半小時以上，室內溫度也是很適合，不會像某些餐廳太冷，坐不耐。整體來説我回頭率是超多的。

今日在Tko 新都城食午餐； 叫左個金牌四宝飯, 一放低見D燒鴨可以肥到咁！ 即時問番姐姐你自己睇睇接唔接受到！ 佢即時同我換左做叉燒！ 但師父係要留兩件肥油比我！食落口紅腸唔好味, 雞水準普通,叉燒又唔得, 兩件鴨D皮又硬又柴,點解可以差成咁架

間中會來這個位置的茶餐廳食飯，今天老公帶我來到，才發現昔日那家茶餐廳已換成現時的「六十年華」。六十年華的裝潢較為光鮮整潔一點，座位多為卡位。我們獲安排坐於二人卡位，桌面大概容納到兩份餐點。餐牌選項充足，較為吸引我的是「本土情懷」一頁，見到有脆脆黃金麵可選！現在很少可以食到脆脆麵啊～～～！！老公就選鐵板餐西冷牛扒10oz。金菇肉絲黃金麵，賣相不錯，但實際吃起來是有點遴迍！黃金麵炸得夠脆夠乾爽，不油膩，但即使加了金菇肉絲汁，也很難舀出來吃，很容易一舀就飛出來。金菇肉絲的味道相對清淡，芽菜較多，肉絲只有幾條，撈黃金麵一起吃，味道恰好，但整體有點單調。鐵板餐西冷牛扒10oz，配胡麻沙律，可選配飯／意粉／薯菜。老公就揀了黑椒汁牛扒，配意粉。胡麻沙律比想像中大碟，沙律菜火箭菜夠爽脆，配胡麻醬，夠開胃！！鐵板餐最緊要是鐵板夠熱，而這點卻做不到，澆了醬汁也沒有滋滋作響。不過，牛扒確實份量充足，夠厚度，啖啖肉，肉質夠稔易咬，港式牛扒的質感！黑椒汁都幾香～～燴意粉另上，意粉彈牙，不會乾身～～凍檸茶的冰量太誇張！！！是我見過最多冰的一次叫凍飲似乎一定要強調少冰才可！！整體來說，食物是不過不失的水準。人均消費

10:15 分落單。。比單number 10:30 問店員得未。。佢答包緊包緊。。包左30 分鐘。。問佢點解。。佢先話。。頭先包第二個人。。你果份。。外賣加jam 張出唔到飛。。一直未入整。。店員sorry 都冇句。。救命冇下次

見佢新開張，今日想冬至買少少燒鵝試下，我買下莊（$128）， 諗住多肉少少， 結果係點大家自己望下.......又多脂肪，味道又唔得，係我食過最差嘅燒鵝. 其他食物我唔知, 但係都有聽人講過， 都係好一般， 我諗住未試過唔相信， 要自己試過先知點知今日一試，真係果然係唔得。。。。。。。。。。。。。。。。。。。。。。。。。。。。。。

今次試下六十年華既下午茶佢下午茶時段到六點餐廳轉左用QR code落單，另外等位可以用The GULU app拎位今次叫左金牌下午茶D餐鹹牛肉炒蛋潛艇$35味道一般，不過不失

今晚晚餐去左六十年華要等位，不過都好快，大約15分鐘就入座叫左個全日常餐$55叉燒米粉，炒蛋我轉左煎蛋，丹麥多士走牛油叉燒唔太靚，薄切同好小米粉個湯底太鹹煎蛋煙肉同丹麥多士就正常