六十年華

營業中

休息中

11月會在將軍澳逗留十二日，今天是第一天。今天光顧這間餐廳叫「六十年華」，仍是試業中。我所以來，因為以前來過寶琳，知道這個位置有茶餐廳，原來已改頭換面。食物方面，我點了义雞飯午餐（走汁，但給了我薑蓉）。水準不錯，切雞有雞味，义燒也好食，而且包飲品也送湯，53塊，價錢相宜。環境方面，新裝修，整潔企理，侍應也有做事快，亦有提醒我要嘟「安心出行」。餐廳近新都城巴士站，地點有優勢，如不想在商場兜圈，值得一去。

前幾日行過見到將軍澳新都城開咗一間餐廳試業中！今晚終於可以試吓🥰一入到去睇餐牌的時候，樣樣野都想食！最終同老公揀咗一個四寶飯加鐵板雜扒餐😋😋一到全部有驚喜🤗四寶飯🍛賣相好靚有紅腸,燒肉,切雞,鹹蛋加菜🍚味道非常好👍🏻鐵板雜扒餐🫓豬扒,雞扒,煙肉,火腿,腸仔,意粉🍝配汁揀了黑椒汁🤗我本人不太喜好豬扒但我試第一口事完全想食哂去🤪塊豬扒完全唔硬！味道勁香😍所以極力推介👍🏻最後仲有一個菜加蕃茄沙律🤩我自己食唔晒仲打包埋添😅真的唔想浪費😂👭員工態度好🍴店內環境光猛，乾淨🍹最後特別強調杯凍檸檬茶非常之好飲🍹

經過見到新開左間茶餐廳，第一時間試下D早餐先，舖頭名叫六十年華，以為會好有懷舊feel ，但入到黎既環境又唔覺得有六十年華既感覺😅，平平無奇，無咩特別，枱與枱之間都有D距離，唔算好逼夾，都算坐得舒服既😁。order左個辣肉碎米粉 配餐蛋多士 $37正常價錢，辣肉碎都幾惹味😝，米粉係新竹米粉，比較有咬口，多士有烘底，不過略嫌唔夠脆同熱。沙爹牛肉公仔麵 配腿蛋多士 $37沙爹牛肉似有用心處理過，濃濃既沙爹汁同牛肉好夾，味道唔錯😉。不過杯茶就無味茶味，比較起上黎，失色左D😶。整體新開張黎計算係咁，出品正正常常無錯漏，不過唔知係咪又係集團式經營，感覺有D似曾相識😅。

見新開業就試下。。點知食到一肚氣小朋友啱啱放學午餐時段去食中午點餐後我忘記說要學生餐跟住我搵黑色衫樓面幫手睇吓可唔可以改返張單之後佢搵咗個四眼瘦瘦地嘅經理過嚟佢話落咗單冇得更改,又話學生餐冇湯,仲話學生餐份量會少啲…嗰時說話嘅態度已經係好差我話咁搞笑點會冇得改單（如果你真係想改我幫你拎返個飯入去學生餐)…我驚佢加料所以冇改到！但我覺得點解學生餐價錢係要優惠,份量要正常囉。如果下下都要計住計住就唔好整學生餐啦。