共度一燒

營業中

休息中

食串燒一定要黎呢間，全部食物都好Juicy😍！平時好難食到d串燒係咁，一係就勁乾😥但係呢間出奇地好食，問左老闆點解可以咁好食，原來秘密就係火喉要控制得好好。題外話，老闆禮貌超好~又好人第一推薦：白鱔($40) 無骨 皮帶一點點脆口 一咬 勁多汁😍😍😍無諗過咁好食！另外，個娃娃菜都好好味，辣得黎又好似炒菜咁juicy! 第二推薦，生蠔($40)一咬落去好多汁😭又大大粒第三推薦，安格斯牛柳粒，中間唔係100%熟，但係咁先代表個火侯控制得好， 如果太熟個肉質就會好乾，呢個串燒一d都唔乾，好食！茄子，一如既往地好食，從來不會失敗之作。燒黃花魚(如果我無記錯的話)都 好好食同埋個魚皮唔淡，有少少鹹香味，食得出有調過味，喜歡食魚之人必點喔！

琴日同朋友走左黎呢間共度一燒度食。本身見佢好似其貌不揚，都唔抱d咩期望，諗住求求其其食一餐算，點知食落真係令我對燒烤大有改觀。🤣首先，係整體環境方面，雖然佢無室內檯凳，但係d檯係乾淨ge，唔會有食物殘渣或者水珠係上面。除左見到門面好大個menu係上面之餘，每張檯都會有d落餐紙，可以係上面揀食咩（或者揀辣定唔辣）。而係食物方面，呢間鋪頭ge選擇算係都幾多下。除左本身有ge烤物(豬、牛、羊、魚)之外，佢仲有超級抵食ge酸辣粉。本身係網上見到佢d酸辣粉淨係得大辣、中辣、小辣同BB辣都有d小失望。因為我係完全唔食得辣🌶😂但係唔食粉又好似唔係好飽肚，點知琴日去到，發現佢多左唔辣，真係超級開心。我就叫左個五花肉(唔辣)酸辣薯粉，薯粉食落超有咬口，而d肉又唔會太韌，適中，食碗薯粉再加d串燒就已經係超正ge一餐。但係，琴日我同我個fd實在太低估佢d野食ge份量，我地兩個人叫到成檯都係野食，雖然真係好好食，但係真係超級飽。我地除左個粉之外，我地仲叫做左好多串燒。比如牛方面，我地叫左安格斯牛、牛舌，佢d牛係真係好好食🐂，唔會太老，仲好juicy，一咬落去d肉汁就出曬黎，真心特推。豬方面🐖，就叫左五花腩串同

一間食上癮既酸辣粉 秘製湯跟肉碎都好好味 薯粉加埋湯絕配 好好味 酸辣粉的秘製湯底好好味  食上癮    自選配料新鮮又多選擇  而且好抵食好多料❤️豬大腸都好好味 食材好乾淨好好味  就算飽都會想食2碗串燒火喉剛好 款式又多 又好味 食極都仲想食食過咁多串燒舖 這間真是又抵食又多款 台灣腸串燒、雞皮串燒、雞泡魚乾、燒牛舌、燒茄子、原條燒黃花魚、燒紫薯粒還是超好味，而且估唔到咁好食！一到晚上9時後就超多人 如果想等候時間短d 可以考慮7-8點去食！

成日經過大埔中心都見到呢間串燒店果日終於坐低試試佢🌝選擇唔算好多不過見到佢有賣酸辣粉覺得幾新奇我就叫左串燒算喇可以揀辣同唔辣，如果可以揀有幾辣就好喇分叫左燒粟米，司華力腸，煙肉竹筍串，多春魚，同埋豬肉年糕最推介係個豬肉年糕🤤好好味個年糕燒到好淋，加埋d豬肉辣辣地好入味多春魚都好出色👍🏻唔會燒到個肚爆左同埋都好大條粟米，佢係幾日式串燒既味道唔係四川串燒果種總括黎講質素都好好👍🏻希望keep住事關開親呢個鋪位都好快唔做🤔

等左半個鐘頭的外賣酸辣粉，完全唔夠辣，粉冇咬口，勁軟，份量細餸又少，$36門面哥哥好辛苦，得佢一個侍應，但係廚房有三條友，於是我好好彩，被佢地跟甩我張單，我等左半個鐘。我買果陣唔係高峰期，只係坐左一半人客。講番個酸辣木薯粉，軟爛得濟，非常岩我個冇牙呀爺食。中辣湯底一點都唔辣，得個顏色，三粒丸兩粒菇，唔入味之餘，啲餸本身又冇乜味，啲木薯粉又少，食完唔飽，吉野家早餐個飯都飽過佢，盛惠$36。如果唔係等左半個鐘有多，先拎到外賣(被侍應跟甩單)，我未必會上黎openrice鬧能7...唔係，係評論啲野食。 我觀察到其他叫左外賣既客人，等野食時間都耐過堂食好多，普遍耐10-15分鐘。啲粉好軟，個中辣湯底唔辣，其實唔需要問客人要幾辣，因為事實上都係唔辣。好似本地未來領袖咁，唔需要扮比市民揀，因為唔會輪到你揀。有六粒花生三粒丸$7，兩舊迷你冬菇$5，唔入味【剪成兩半】如果你嗌外賣，唔係肚餓，想攝牙罅，又唔想食營多，又可以忍好幾個字先食野，對食物冇咩要求，你可以揀哩間 Good luck!

我就是喜歡這東門串燒味道。我不太喜歡彩虹串燒那有汁的串燒，有辣粉的串燒才是皇道。這家店比上一手串皇有心機得多。一串雞中翼會幫客剪開，真窩心。另外酸辣粉同太子魚蛋皇一樣味，酸辣平均。

食物味道同質素一般，但等待時間太長見平時都有人食下，試一次，點知賴嘢！叫咗串燒都屬於快熟類別，點知都要等成30分鐘，原因係""整俾熟人先""咁唔怪得知司華力腸、墨丸、牛肉嗰d都要等半粒鐘啦明明係我落單同俾錢先，之後老闆幾個朋友到，佢地打完招呼傾幾句就落單，點知佢地堂食就食先，大家都order咗雞翼，佢班friend食完，我仲等緊，我催單，佢就話整緊，我反映明明係我order先，之後佢話唔好意思，太過分了！絶對唔會再幫襯！！！

之前嘅炸雞鋪頭執咗笠，又再一次開返一間串燒。終於今日有機會試吓。鋪頭仔細細大家都要坐出路邊， 今日又好鬼多人，自己住咁近就叫外賣好過啦。 叫咗雞中翼，牛舌，京蔥，韭菜同埋雞髀菇雞中翼好細心，剪埋骨，方便亦容易食調味就似重慶燒，個人認為如果燒得再燶邊啲就更加好食。牛舌真係不得之了！係厚切嘅，牛香味濃，外脆內爽！好正！一定要翻食韭菜份量都幾夠，冇話落得太多油。京蔥就燒過左少少，太淋。雞髀菇普普通通習慣咗食辣，呢個就算加左辣都唔係好夠辣。下次再食我要叫佢落重口味啲先

星期日路過 見到好多人所以唔等啦之後平日既晚上7點去 無咁多人 等4個字左右芝士炸蝦丸 有埋燒汁 有4粒 芝士味既 可能我落左燒汁所以唔係好食到由於我又想食辣，但又怕太辣 職員話俾個小辣我煙肉蘆筍卷 小辣 幾好味 一串有3卷 煙肉食落脆 雞軟骨 似係炸既 又唔會太咸和牛粒 食落唔un 有4粒 唔會太細粒原條茄子 我叫左唔辣既，好香蒜蓉 又唔會太多調味粉，眼見都幾多人叫仲有人叫酸辣粉食 不過我無乜興趣所以無叫到黎食之前食過其他串燒調味粉較多，哩一間既串燒食落會淡小小 但食完唔會覺得好口渴不過等緊既時候有啲熱所以選擇外賣咁多樣加埋108蚊，但會有下次

譚仔執咗笠，突然之間又想食辣野，行過見到呢間燒嘢食都有酸辣粉，咁一於叫一碗外賣試吓。我叫左大辣，加冬菇金菇同埋墨魚丸。睇落配料都幾夠，榨菜花生肉碎都有。薯粉食落都幾滑溜，不過呢，大辣都係唔夠辣嘅…好似係譚仔嘅小辣咁。酸味有啲太明顯，陳醋似乎落得太多。墨魚丸係普通貨色，味道有啲假，亦唔彈牙。下次都係食返串燒好啲。

收工或者去完街 返到大埔都口痕想食點宵夜今日發現巴士站旁有間串燒店有個小小的透明玻璃 可以清楚見到師傅正在落力密密燒位置屬於摺枱位 都坐滿哂大家圍埋吹水食下小食 宵夜有feel串燒選擇不少 有香辣有走辣選擇 照顧到唔同人口味(左至右)燒牛舌牛舌頗厚不太淋 牛味不算非常濃郁燒五花腩串五花腩較瘦的部分 燒得比較乾身鞋口但肥的位置就充滿油脂 較香口燒煙肉蘆荀串煙肉的油脂部分燒到迫哂岀來 所以好香脆蘆荀鮮嫩清甜 無根無渣 平衡返煙肉既油膩感燒雞全翼未食雞翼已經滴了好多汁表面雞皮燒得香脆 完美金黃色 配上調味品帶咸香好惹味入面的雞肉保持嫩滑 但略嫌不夠入味燒原條茄子茄子上鋪上滿滿的蒜蓉 食到停唔到口如果茄子肉厚少少就非常好

HAPPY FRIDAY, 最想就緊係同朋友吹下水,飲下酒放鬆下, 又唔想去D高檔餐廳,openrice一下就發現咗呢間串燒店, 少有喎, 咁咪試下。可能七點幾時間尚早冇咩人, 都唔駛點排隊, 不過去到先知原來坐出面 *o*! 一多客黎就會開摺枱摺凳 有一種去咗台灣/韓國嘅感覺!雖然d伙記都好後生(佢地自嘲係廢青 lol) 但佢地都幾細心架, 一黎就遞個紙巾桶黎 (成日覺得呢D小店先有)。一心黎到食串燒緊係樣樣都想試下…喺控制之下叫咗: 魷魚筒、五花腩、雞軟骨、墨魚嘴、雞腎、珍寶腸、生蠔, 怕冇澱粉質落隔唔夠飽仲一人一碗酸辣粉添! 重要的是, 有啤酒。 特別推介嘅係魷魚筒、五花腩、雞軟骨同珍寶腸!魷魚筒: 超大舊, 好香, 熱辣辣食好正五花腩: 厚薄適中, 嗰份肥而不膩溶落口嘅感覺冇得輸!雞軟骨: 本人至愛, 點燒都唔會厭 (係偏心)珍寶腸: 又係好大舊 外脆內軟 好滿足!酸辣粉就點咗薯粉, 正正常常, 因為本身唔想食咁辣, BB辣就已經好OK了。唔知係咪食咗咁多小食又飲啤酒…好飽…碗粉好似食極都唔完咁…lol”總括黎講, 希望呢間嘢長有長做 同埋KEEP住呢個水準, 一定會同朋友多D

食咗呢間串燒已經三次，覺得味道都算唔錯，但價錢偏貴，有部份食品真係覺得超唔值，比佢外表呃咗，所以少食為妙…雖然食品種類太少，食品份量少，價錢應該調低少少相對會比較多食客會食，辣度唔算話好辣，如果辣d會更加惹味，反而汽水就平民化，串燒應該都要啦，丸份量少又貴，仲以為有四粒，點知係一粒開半，就有四粒，菜類又係開半，粟米又少，咩都少食唔飽的，最好份量應該多d，唔好太少咁就好啦，之前個間就因為太貴而捱唔住，仲有等待時間太長了

冬菇酸辣粉，中辣走酸份量好少碗，男士一定要加底再多幾串串燒先夠飽中辣已經好香好辣，好濃味，加＄5冬菇可以索辣湯，好正下次要試試串燒不過整體服務麻麻，一碗粉都等得耐而且做廚房d人禮貌一般，指示在門口落單時悔氣

不可一，不可平之前見飲食雜誌介紹過大埔消夜，話呢一間新開嘅串燒鋪味道唔錯，今日特登試一試，平時已經好少寫食評，諗住好又一餐唔好又一餐，估唔到今次食到一半就已經忍唔住要抒發我心中的感受😭。味道2/10今次外賣自取，所以先講味道。叫咗五樣嘢，分別係豬肉年糕，韭菜，安格斯牛（ 自稱），雞翼，墨魚咀。整體來講五樣嘢都冇乜味，安格斯牛冇牛肉味，墨魚咀同埋雞翼食落口感覺好乾，豬肉年糕外面嗰層豬肉燒到好似豬肉乾咁，韭菜就還可以。味道有3分嘅原因，係因為佢全部野都係新鮮燒熟，而唔係已經整熟咗再翻熱(1分)，再加上佢係真係冇乜味精（1分)，但係啲嘢其實可以調味過先再燒。環境5/10呢間鋪頭前身都係串燒鋪，佢比之前裝修光先左。專做外賣嘅鋪頭來講算係合格嘅。衛生7/10我見佢每一串串燒都係喺煮之前先喺雪櫃拎出嚟，同埋生嘅食物會同蔬菜類分開燒。服務3/10可能因為尚算係試業嘅關係，負責落單收錢嘅妹妹非常新手，同埋等候時間過長，前後五串串燒，總共等左25分鐘。份量及收費2/10份量偏小， 20幾蚊四粒牛肉， 10幾蚊10條韭菜，好似6蚊一隻雞奕。總結：之前行過門口見到好多人排隊，以為真係好似雜誌咁講好味到飛天，