影片
營業時間
今日營業
07:00 - 17:00
星期一至六
07:00 - 17:00
星期日
全日休息
以上資料只供參考, 請與餐廳確認詳情
平時特別鍾意去一啲地下嘅餐廳度食飯，貪佢私隱度夠高，識嘅人就會成日嚟，唔識嘅話都幾難搵到呢一個入口過嚟食飯咁今次就因為病緊，所以都叫咗一個比較清淡嘅海南雞飯，咁佢雞雞係十分之嫩滑，兩隻汁都係好出色另外佢個飯都唔會特別油，乾身得來又唔會太油，但係又唔會太乾，所以都真係啱啱好就咁呢碟普通嘅飯都好食喎，一啲以海南雞作為噱頭嘅餐廳
繼續閱讀
今日突然間好大雨諗住响公司附近食個lunch點知冇帶遮 超級狼狽附近都冇瓦遮頭嗱嗱臨就衝咗入呢間餐廳共食薈相信好多響附近返工嘅朋友都成日經過呢一間餐廳成日都經過呢一間餐廳Lunch time時間都開始多人 加上又落雨胃口唔係太大所以就叫咗個常餐B餐嚟食下台式肉燥米粉配香蔥炒蛋加牛油餐包份量都OK架 女仔食都唔錯點咗杯凍奶茶飲肉燥就少咗啲啲米粉都幾好 似銀絲米粉質感香蔥火腿炒蛋配牛油餐包包包都有heat過 夾埋牛油剛剛好溶溶地都幾香；）最後慢慢嘆我嘅肉操米粉你都幾好唔會太咸食完其實都幾飽盛惠53蚊：）
繼續閱讀
約附近做野嘅朋友食lunch時間，上次同朋友食完lunch經過呢間餐廳，見門口有個牌寫住5月中剛開張，所以今次就約實試下呢間。約莫12點半黎到，當時都唔算好多人，都仲有唔少吉位，拿拿臨霸左張卡位，睇定餐牌等朋友黎會合。本身以為係餐廳，原來都算係快餐店。因為同大家樂、大快活果d分別唔太大，都係排隊點餐，再搵位咁。2個人以上會好d，一人去點餐，另一個霸位，不過坐耐左就發現，滿場飛d姐姐好主動，除左送餐，仲會幫人搵埋位。不過有好有唔好，我地食到一半，就俾D姐姐叫坐埋一邊，因為飯市多人，而D4人卡位其實都逼逼地，我而家咁肥，有少少擠啦，加上張枱其實偏細，D野食會唔夠位放，所以後半段食得辛苦D。餐牌選擇好多……西式、台式、越式、港式常餐全部都有，真係估佢唔到。朋友快快手諗定食咩，就順便出去買埋。買完就囉個牌等d姐姐幫手送餐，唔駛再排隊去囉餐呢點好欣賞。皇牌焗豬扒飯 $59影相好似好大碟，其實同大家樂果d差唔多size，朋友話叫周圍好多人叫，就八卦試下。我都試左，食落好香蓄茄味，豬扒都幾鬆化，d汁好多，但又冇想像中咁好食喎，似係不過不失，普通左d，呢個價錢我就覺得貴左少少。沙嗲牛肉麵+蔥花火腿炒蛋+脆豬 $49 + 肉燥生菜 $10我就試左常餐，脆豬好好食，焗到剛剛好，同朋友share一半，大家都食唔停，奶油份量適中，唔會感覺成口都係醬，脆豬外脆內軟，唔會焗到似石頭咁硬。蔥花火腿炒蛋都係普通野，少少蔥花有d質感，蛋唔會太熟，火腿絲都尚算多。沙嗲牛肉麵就一般，因為我食牛肉時有少少凍，要浸浸d湯先好d，所以觀感就麻麻地，但整體都叫OK。肉燥生菜，好多肉燥&好少生菜，下次未必再叫。
繼續閱讀