影片
港鐵尖沙咀/尖東站 L6 出口
繼續閱讀
電話號碼
22687818
開飯介紹
提供早、午、晚的自助餐，環境寬敞，設計以現代風格為主，餐廳設有落地玻璃，十分開揚，更能邊享受美食，邊欣賞維港景色。
繼續閱讀
營業時間
今日營業
07:00 - 14:30
18:15 - 21:30
星期一至日
07:00 - 14:30
18:15 - 21:30
公眾假期
07:00 - 14:30
18:15 - 21:30
公眾假期前夕
07:00 - 14:30
18:15 - 21:30
以上資料只供參考, 請與餐廳確認詳情
有關獎賞計劃
近來北上搵食成風，加上又到暑假，見到好多酒店嘅自助餐都推出好多優惠吸客。今晚嚟到尖沙咀「港青」嘅「再臨閣」餐廳食自助晚餐，又可以大擦一場。因為之前都嚟過，佢哋嘅剎食位喺環境，餐廳嘅座位絕大部份都喺挨窗，而落地大玻璃窗外嘅景正正喺對住文化中心或1881，景觀極之開揚，今次早嚟到，仲睇到少少黃昏景緻。整個場地嘅佈局都算幾歸一，一入門口右邊就喺食物區，順路直入，左右兩邊擺放晒各款食物，唔會東一忽，西一忽。而呢期自助餐嘅主題喺「仲夏情迷法越夜」，顧名思義，主打喺啲法國同越南菜式，相信好多人都鍾意。價錢方面，平日成人嘅原價要$668，不過，實際喺有6折，折實咗收$468。沙律、生果、冷盤小食自助沙律吧有兩款沙律菜、10多款配料、5款醬汁，唔算好大陣容，亦喺常見嘅款式。反而，亮點晌幾款預製好嘅沙律：越式燒豬頸肉沙律、越式扎肉涼伴檬粉、越式豬肉碎沙律伴七彩蝦片。此外，仲有好多款的的骰骰嘅冷盤小食，賣相吸引；而近門口嘅甜品區放有4款新鮮生果，正好為小弟嘅頭盤DIY加多幾分健康。先登場喺砌咗一大碟「頭盤」，將上述嘅沙律、生果、冷盤小食樣樣執啲。啲沙律菜、生果確喺新鮮，預製好嘅沙律都亦有特色，試咗3款冷盤小食，當中嘅法式牛脷凍同越式大蝦薯仔沙律有意外驚喜。食罷大有開開胃之效，等陣就可以食多啲嘢。凍海鮮盤、凍肉盤雖然無生蠔供應（熱盤有焗蠔），但所提供嘅凍海鮮有松葉蟹腳、龍蝦鉗、麵包蟹、波士頓龍蝦、大蜆、龍蝦仔、熟蝦及青口，再佐以幾款汁醬，如辣椒豉油、咯嗲汁、泰式沙律汁及檸檬角。凍肉盤嗰邊，就有莎樂美腸、煙三文魚同無骨黑椒豬柳。帶住回本心態，食凍海鮮喺走唔甩嘅選項，又喺砌咗一大碟凍海鮮加冷切肉返嚟，質素算唔錯，波士頓龍蝦啲蝦肉好爽彈，仲要有咁多膏添，啲龍蝦鉗最討人心，因為拆咗半殼，一拉出嚟就有得食，熟蝦亦非常之鮮甜。另外，搭單夾咗件南京鹽水鴨，嫩滑鹹鮮喎，好食。餐湯、麵包籃、芝士拼盤跟住落嚟介紹下餐湯，一般自助餐都會供應一款中湯，一款西湯，呢度就有木瓜排骨湯同甘筍忌廉湯，而麵包籃內有多款軟包、硬包。此外，仲有法式蒜茸多士同法式肝醬配法包。芝士方面，都提供有成4款，包括藍芝士、高達芝士、金文畢芝士及車打芝士，呢幾款芝士我都好鍾意食。食完兩輪都喺凍嘢，喺時候飲少少熱湯暖番個胃，小弟今次無飲西湯，改試啲中湯，再配金文畢芝士拉蒜蓉多士、法式肝醬拼法包。個中湯幾夠老火，味道清甜，啲蒜蓉多士本身就脆口好食，加埋啲芝士，就更加正啦。刺身、壽司、越南米紙卷食自助餐好就好在多嘢揀，但始終都試唔得晒所有嘢，總要有取捨。刺身、壽司、越南米紙卷今次雖然無試，但睇落啲質素唔錯，友人試咗就話幾好食，尤其啲米紙卷，捲住生菜、青瓜、甘筍,、粉絲、雞絲同扎肉，非常清爽有口感。越式牛湯麵檔既然主題有越南元素，粉麵檔當然主打變成供應越式牛河啦。我就黐人哋碗河粉嚟試試，確喺唔錯喎，個牛骨湯濃而不濁，除牛肉、牛腩、豬肉丸，仲有好多配料。河粉唔啱嘅話，亦可以揀檬粉或金邊粉。慢煮鮑魚、燒美國肋骨牛肉、扒大虎蝦、熱盤喺時候都介紹吓啲熱嘢啦，佔嘅區域亦都較大，鮑魚、燒牛肉、扒虎蝦自然喺亮點，而其他嘅熱盤都有好多款式，憑相記錄包括有炸越南豬肉春卷、香茅羊T骨、黑松露牛油焗蠔、越式燒雞、蒜茸魚露炒菜、芝士忌廉焗薯仔、巴黎牛油焗田螺、蜜糖法國芥茉焗豬排骨、法式鴨腿燴白豆、越式咸檸蒸魚、越式蕃茄燴牛面頰、椰香斑蘭飯……等等，睇名都知有唔少喺主題菜式。小弟就一口氣砌咗一碟熱食，胃納有限，都喺揀啲心水嘢。鮑魚果然好入味，口感柔韌有咬口；肋骨牛肉肉味濃，T骨羊亦比預期 好，燒得焦香，肉質軟腍；扒虎蝦亦都好正，蝦肉極之彈牙，充滿蝦鮮味！仲有，焗田螺同焗蠔都好食。食完都有八乘幾人飽，想再食多一轉熱盤嘢都有啲難，因為，留肚嘆甜品。甜品區所有甜品都擺晒喺近門口一處，款式多，又色彩繽紛，更有唔少喺主題甜品，細細一數，有歌劇院蛋糕、法式國皇餅、法式檸檬撻、法式杏仁甜餅、西米香芒、越式焦糖布丁、咖啡奶凍、香辣馬卡龍、柚子果凍、法式焦糖燉蛋……等等，賣相確喺吸引。都仲未完，另一邊仲有好幾款，包括法式蘋果批、越式水果撈、心太軟、香蕉煎餅。小弟就睇啱蘋果批同心太軟喇，一定要試試。最後衝刺，連埋心太軟就一口氣掃咗11款甜點，算喺試咗絕大部份款式。綜合而言，質素比預期好，歌劇院蛋糕同法式檸檬撻做得好有水準，辣味嘅馬卡龍幾有驚喜，而柚子果凍食起嚟好清爽，焦糖燉蛋就醇甜嫩滑富蛋香。心太軟亦都好唔錯，雖未至好流心，但內心軟滑濃郁。Häagen-Dazs雪糕結尾，個胃仲有虛位，加上見有啲口味未食過，就試番兩杯：柚子馬卡龍同抹茶口味。雪糕嘅質感軟滑富奶香，前者柚子味十足，又有啲馬卡龍碎碎混在其中，而後者嘅抹茶味非常突出。飲品自助區 雖然無乜點影到自己飲乜，其實，成晚用餐就不停飲果汁，到最後就咖啡配甜品，食完晒嘢，沖杯檸茶嚟舒緩吓！此外，仲有好多唔同口味嘅茶包，用上川寧，算有誠意啦。今晚算喺試咗唔少嘢，整體嚟講感覺唔錯，尤其一啲主題菜式，加上環境又幾舒服。
繼續閱讀
泰國真的熱到靜止不動也爆汗，幸好我之前趕在高溫警告前已回港，不過實在未夠喉，好想再食更多泰國美食，剛好港青酒店再臨閣捉住這炎炎夏季，即日起至7 月 21 日期間推出全新「泰滋味」自助晚餐，讓我留港消費也可享用多道正宗泰國佳餚。 據知今次是港青酒店行政總廚聯同來自榮獲蘇梅島《米芝蓮指南 2023》中第一家米芝蓮推薦餐廳 Kapi Sator 的泰國總廚合力炮製，食客們有福了。 熱食方面已經好吸引，火山排骨、泰式海南雞飯、慢煮豬腩肉、泰式咸蛋黃炒鮮魷、泰式蒸魚、黃咖喱海鮮、黃咖喱雞、泰式豬手、泰式焗蠔、香茅羊T骨、巴東牛肉、泰式炒菜、泰式炒金邊粉、黃金窩巴 當然少不了蘇梅島馳名冬蔭功湯，順道來碗冬蔭功麵也不錯；另有意式雜菜海鮮湯及中湯供選擇。 冷盤的泰式沙律都有幾款，泰式魚乾西瓜沙律、泰式無骨鳳爪沙律、泰式燒豬頸肉沙律、泰式金柚蝦沙律、青木瓜粉絲沙律等、泰式免治豬肉沙律，酸甜的辣的，吃得清涼。另有恆常的前菜如黑松露伴蜜糖芝士等。 切肉區有燒美國肋骨牛肉，鐵板煎區有即煎虎蝦及東星斑柳，旁邊有好受歡迎的即煮鮑魚。 多款環球海鮮定能滿足海鮮控，波士頓龍蝦、雪場蟹腳、麵包蟹、琵琶蝦 (星期五、六、日、公眾假期及其前夕供應) 、龍蝦仔、青口、龍蝦鉗、熟蝦、熟蜆。 多款精緻泰式甜品，款款惹人垂涎，如芒果黑白糯米飯、蒸泰式千層糕、榴槤波波、香蕉煎餅、椰香南瓜、椰香爽口馬蹄肉。 另邊廂，有泰辣馬卡龍、香辣戚風蛋糕、班蘭蛋糕、椰青糕、椰汁西米糕、芒果布甸、蝶豆花奶凍、糯米糍、班蘭椰汁糕、荔枝啫喱，實在有甜眼闊肚窄，幸好朋友跟我分享食。 最後，來點切粒水果、即做流心朱古力及多款口味Haagen-Dazs雪糕，還有多款果汁、排毒水、咖啡及茶，泰美味啦﹗
繼續閱讀
對上一次到訪再臨閣都是好幾個月前的事，當時的主題是泰國菜，而近日就改成越南菜色，未知幾時會有新加坡菜呢？既然主打越南菜，當然在菜色上滲入不少越南菜元素，但基本菜色不變。海鮮海鮮一直是再臨閣的強項。除了多膏肉爽的波士頓龍蝦任食之外。咖啡蟹同樣好邪惡，夠肥美。當然仲有啖啖肉既龍蝦鉗。加埋鱈場蟹腳、小龍蝦仔、沙白、熟蝦以及青口，海鮮種類比起好多酒店強。今次主題是越南菜，越式牛湯麵自然是其中的一員，老實說，湯底真的不錯，湯清而好香，除了雞絲及扎肉，加上芽菜、洋蔥及青檸，充滿了風味。之前一次食過慢煮鮑魚，好入味及有嚼口，幸好家陣都有保留，當然要食。Carving Station值得要試的還有扒老虎蝦，好香口又爽彈。而燒美國肋骨牛肉，最鍾意厚切，肉味濃，下點肉汁或者蘸點海鹽更鮮。熱葷先食即製越南米紙卷，用透明的米紙卷，包裹了 雞絲、扎肉、粉絲、甘筍、青瓜及生菜絲，蘸點了魚露食，一流。用生菜包好炸越南豬肉春卷，再加魚露，脆卜卜又酸酸甜甜，好開胃。越式蕃茄燴牛面頰就炆得好稔，配上椰香斑蘭飯啱啱好。越式咸檸蒸魚用上勁厚肉比目魚，毫無碎骨。其他熱葷是中西式都有，包括法式鴨腿會白豆、蜜糖法國芥末焗豬扒骨、巴黎牛油焗田螺、芝士忌廉焗薯仔、蒜蓉魚露炒菜、越式燒雞、黑松露牛油焗蠔以及香茅羊T骨。Cold Cut及前菜有莎樂美腸、無骨黑椒豬柳、越式扎肉涼拌檬粉、南京鹽水鴨 、越式燒豬頸肉沙律、越式豬肉碎沙律伴七彩蝦片、煙三文魚、DIY沙律、櫻花蝦豆腐、法式芥末籽薯仔沙律、黑松露蜜糖伴芝士、法式牛脷凍及日式溫泉蛋。個人推介好香口的豬頸肉沙律、甜香滑溜的櫻花蝦豆腐以及牛脷凍。芝士有藍芝士、金文畢芝士、車打芝士以及高達硬芝士。甜品當然係以越式甜品為主。先來一杯自家調製的珍多冰，又或者來一碗口味獨特的越式水果撈。即煎的香蕉煎餅又點可以錯過？熱辣辣的九層糕，口感Q彈，有點甜度，但可接受。又有即焗心太軟，睇住熱燙的流心，真係好吸引。另外，一定要提哈根大師雪糕，因為有兩款聯乘Pierre Herme 的雪糕，坊間好少見。其他雪糕口味有Strawberry & Cream、Blueberries & Cream、Caramel Biscuit & Cream以及Match & Green Tea。蛋糕有歌劇院蛋糕 、國王餅、檸檬撻、法式杏仁甜餅、西米香芒、咖啡panna cotta、越式焦糖布丁、香辣馬卡龍、咸柑桔果凍、法式蘋果批和焦糖燉蛋。刺身只有三文魚、希靈魚、八爪魚及鱲魚。湯西湯是幼滑的甘筍湯，而中湯是火喉十足的木瓜排骨湯。水果餐後當然是來一份有齊西瓜、蜜瓜、哈密瓜及火龍果的水果拼盤。
繼續閱讀
近期吃的一次自助餐，是在這間酒店餐廳吃的以泰國菜為主題的「泰滋味」自助晚餐。其實在這次之前，我已在這餐廳吃過一次自助晚餐，印象甚佳，事隔數月，再次與朋友前來，換上了泰國主題，食物質素仍然甚好，餐廳的佈置十分漂亮，正對著尖沙咀香港文化中心一帶的景色同樣美麗。這次自助餐的主題是「泰滋味」，當然少不了大量的泰國菜式，主廚是來自泰國的名廚，菜式水準有保証自不待言，在用餐期間，更有穿上泰國傳統服裝的泰籍舞蹈員載歌載舞，更添歡樂氣氛。這自助餐的泰國熱盤可多著呢！「火山骨」、「泰式海南雞」、「泰式鹹蛋黃炒鮮魷」、「慢煮豬腩肉」、「冬蔭功湯」等，全都正宗地道，各有各的美味，全部都值得一試，而我特別喜歡的則是「泰式鹹蛋黃炒鮮魷」、「慢煮豬腩肉」。除了泰國菜外，這自助餐的其他菜式也很不錯，凍海鮮陣容強大、十分吸引，特別的「泰式魚乾西瓜沙律」我是第一次吃，味道挺好，讓我留下深刻的印象。甜品選擇甚多，不但賣相精美漂亮，有些更是別出心裁地帶來新奇的口味，好像帶有一點微辣，帶著一點泰國風情的「香辣戚風蛋糕」便教人完全意想不到。他如「泰式香橙慕絲餅」，也是我喜歡的味道。至於那味道濃烈的「炸榴槤波波」，從不吃榴槤的我可就無福消受了。不過小巧精緻的「芒果糯米飯」和即叫即焗的「心太軟」我就一定來者不拒。不得不試的還有每人每次限取一隻，但其實可以拿完又拿，取完再取的「慢煮鮑魚」，味道濃郁，口感煙韌，絕對不容錯過。另一樣不容錯過的美味，則是每次只可取一隻的「扒老虎蝦」，大隻鮮甜，好吃。這自助餐星期一至四價錢為成人$668、小童$448，星期五至日及公眾假期價錢成人為$768，小童$528，價錢合理，如果想食自助餐，又想吃泰國菜的話，最好不過。
繼續閱讀
最近天氣熱真係比較中意食d比較開胃d嘅越南野, 上星期就同幾個朋友仔一齊去左尖沙咀YMCA嘅再臨閣食自助晚餐, 今次E個全新「仲夏情迷法越夜」自助餐主打法式越南菜! 餐廳環境闊落, 落地大窗, 面對1881, 更可以望到整個尖沙咀夜景, 五光十色!除左有無限量供應嘅冰鎮海鮮好似波士頓龍蝦、麵包蟹、雪場蟹腳、琵琶蝦、青口等等, 仲有多款精選越式冷盤：法式牛脷凍、法式肝醬、越式燒豬頸肉沙律、越式豬肉碎沙律伴七彩蝦片等等, 車車就最喜歡佢個越式燒豬頸肉沙律口感清爽醒胃, 燒豬頸肉香口惹味熱葷方面有越式咸檸蒸魚、法式鴨腿燴白豆、越式蕃茄燴牛面頰、即煮越式牛湯麵檔、蜜糖法國芥茉焗豬排骨、越式燒雞、巴黎牛油焗田螺、炸越南豬肉春卷等等, 咸檸蒸魚、越式燒雞、燒原條有骨西冷、即煎虎蝦、即煮鮑魚同焗田螺都係encore之選, 食完咁多野, 最後就一定要食埋個即煮越式牛湯麵, 湯汁濃郁入味, 加入魚露、青檸、辣椒粒等更惹味!甜品一定係另一個胃, 一入門口就已經見到多款精緻法越甜品, 例如劇院蛋糕、法式國皇餅、法式杏仁甜餅、瑪德蓮、咸檸檬撻、香蕉煎餅、越式焦糖布丁、越式水果撈、自製珍多冰等, 當然唔少得仲有哈根大師雪糕, 車車就最中意個劇院蛋糕同朱古力心太軟, 朱古力特濃而且又唔太甜, 朱古力愛好者必食!
繼續閱讀
您可能會有興趣的...