影片
營業時間
今日營業
11:30 - 16:00
17:00 - 21:00
星期一至日
11:30 - 16:00
17:00 - 21:00
*截單時間為2045
以上資料只供參考, 請與餐廳確認詳情
相關文章
今日出去上環揀左好耐去食咩好 由於好多老店都係收3:30搵左間冒菜食 OR見食評都高 不過網上啲評價伏左咁多次都唔敢抱太大期望鍾意食辣嘅我 最好就係一個人獨自快樂好多湯底都好吸引🤩有生椰蕃茄同白胡椒湯全部都想試 不過呢啲湯寫明唔辣 我都係想食四川辣🌶️辣湯都有分重慶麻辣、青二荊條、升級秘製香辣、地獄蕃茄、貴州臭豆豉、酸辣湯真係選擇困難啊最後揀左秘製香辣湯配4餸$58：潮汕手搥牛肉丸、蒜香墨魚丸、貢菜、萵筍，中辣走芫茜多芝麻跟麵+$5 不過我就走澱粉，驚太大碗所以叫4餸+自家製桂花蜜烏梅冰粉 $18店員細心解釋再幫我落單 因為掃code係電子支付先付款後食 好快就食得 忍唔住第一啖就吸左啖湯先！今次真係「一口入魂」🤣個湯真係香辣！好正😋好似係久違了嘅麻辣燙咁！係四川版車仔麵❣️湯底有蒜有豆豉，但真係好香，頓時覺得應該叫6餸吸湯/加個薯粉食應該滿足啲雖然望落好油 但我今次食完冇肚痾啊！牛丸同墨丸比較細粒，肉質爽彈，墨丸食唔到蒜味，只可以話個湯太好味！牛丸就睇圖啦，冇失望。貢菜勁爽脆，想encore,萵筍就煮透索哂湯汁！食哂成碗有啲意猶未盡，但唔想加粉麵，我直頭想外賣碗湯走🤣所以加左碗冰粉食，桂花蜜就冇乜，成碗烏梅味蓋過哂，啲冰粉好滑好Q好似蒟蒻 另外幾粒花唔係咁好食，汁又少。下次我會直接叫6餸$66鍾意食辣嘅真係唔好錯過😋
繼續閱讀
朋友介紹話有正冒菜價錢都幾公道有幾款套餐揀四款餸唔係好夠喉，我哋決定緊吉祥套餐有六款餸配料都都選擇 唔會係一街都係嗰啲選擇湯底多款之餘仲有啲特色湯底侍應哥哥圈住嗰幾款就係佢哋餐廳推介貴州臭豆豉辣湯 椰子蕃茄湯望落都幾特別同吸引今次我同朋友就揀咗呢兩個湯底呢個就係椰子蕃茄湯加佢哋出名嘅手搥牛肉丸仲有蟹籽蟹粉丸、芝士腸、滑牛肉、五花腩片、木耳肉嘅份量都俾得大方牛丸爽口彈牙多汁有啲油份幾好食成個椰子蕃茄湯椰子味唔會搶晒蕃茄味入口先係椰子鮮甜、蕃茄甜味喺後邊嚟真係好正兩件事平衡得好好另外一個揀咗貴州臭豆豉辣湯墨魚丸、鵪鶉蛋、貴州丁家脆唷、冰豆腐、魔芋片、貢菜貢菜好脆好好咬豆豉辣湯唔臭 有少少香份量真係超級多 個麵食極都仲有😅懷疑起碼有兩個麵餅貴州丁家脆哨係另上（佢係豬油渣黎）炸得好好好脆口keep住食竟然都唔會覺得有油膩嘅感覺沾醬好香蒜味用嚟撈麵點配菜都好好食打邊爐鍾意點醬料嘅人真係要試吓飲品就揀咗呢兩款佢哋自家製嘅飲品開胃解膩酸酸甜甜好味最後仲揀咗桂花蜜烏梅冰粉作為結尾作為酸梅湯嘅愛好者 呢個味perfect原來脆脆都有得另外買鍾意食個脆脆可以留意下喇呢個價錢可以揀六款餸真係好抵食湯底又特別有時想食吓打邊爐嘢，又唔想搞咁大輪冒菜係一個好選擇另外都想讚吓佢哋啲staff真係好好禮貌其中一個係男士佢係負責運貨嘅喺我哋上去嘅途中同lift仲有其他人去唔同嘅佢都會撳實部𨋢讓人出另外就係有位姐姐佢哋準備落場就好有禮貌咁樣過嚟同我哋講聲同埋教我哋點樣出返去非常抵讚
繼續閱讀
估唔到中上環有咁抵食嘅餐廳，$58起就食到冒菜啦，啱曬喺附近返工嘅OL👍🏻餐廳有自選套餐同set好咗嘅套餐，自選嘅價錢就因應自選食材嘅數量而定八寶套餐（8款食材） $72吉祥套餐（6款食材） $66銅錢套餐（4款食材） $58我地當日order咗1個八寶套餐同1個吉祥套餐，望落超級豐富😂其中最特別嘅係貴州丁家脆哨，第一次見呢樣嘢食，食落好似豬油渣咁，幾特別。另外貢菜都係平時少見嘅食材，口感超級爽脆，值得一試。呢度嘅牛肉丸牛肉味超級濃郁，好juicy，牛丸愛好者一定要食！而其他食材亦都好唔錯，就唔逐一介紹啦🙈湯底方面我地1個揀咗重慶麻辣湯，小辣唔算好辣，食得辣嘅可以揀返中辣起。平時食麻辣湯可能都會比較油，但呢度又唔會👍🏻而另一個湯揀咗養生白胡椒湯，係唔辣嘅選項，唔食得辣嘅都唔怕🙈主食方面需要額外+$5，選擇都好多，最重要嘅係有土豆粉！口感Q彈得嚟又唔使嚼就好耐😋涼拌酸辣土豆絲 $28土豆絲比較粗身，口感軟腍得來又唔粉👍🏻酸辣味平衡得好好，唔會搶咗彼此嘅味道桂花蜜烏梅冰粉 $18呢度嘅冰粉好特別，淨係睇埋相都同平時食嘅唔同，食落意外地高質，因為係烏梅冰粉，所以食落酸酸甜甜咁，好開胃，適合解膩，而且價錢都好抵酸梅青檸烏龍茶 $15 似係喺檸檬茶嘅基礎上加咗酸梅湯咁，酸酸甜甜又飲到烏龍茶嘅味道，味道好清新，適合夏天洛神花山楂蘋果 $15感覺好養生，山楂令成杯飲品多咗一浸酸甜嘅味道，同樣好開胃，食完飯refresh下啱晒
繼續閱讀
今日約咗朋友嚟到上環食呢間辣嘢叫做冒喜！佢都幾抵食，最平50幾蚊已經有一大碗！我自己唔食辣，所以揀咗生椰蕃茄湯底，入面要咗凍豆腐鴨血魔芋等等，冇揀到主食因為已經好大碗！呢個湯底有少少甜甜地好適合鍾意食蕃茄嘅人🥰其實佢嘅價錢仲平過返大陸食😆朋友揀咗胡椒豬肚湯，佢話都幾好食，因為少少麻麻哋咁。毛肚都幾新鮮！牛丸彈牙有咬口🥰小食揀咗魚皮，雖然佢好辣但係惹味爽口❤另外都叫咗一支嘢飲就係山楂汁！酸酸甜甜唔錯🥰甜品叫做烏梅粉，佢都幾解難，亦都唔會太甜。有特色的!仲有好多分店!! 📍紅磡總店║紅磡蕪湖街83號Y83地下G04及G05A號舖📍上環分店║上環文咸東街22-26號柏廷坊25樓 📍灣仔分店║灣仔謝斐道250-274號杜智臺地下6號舖📍北角分店║北角和富道和富薈B50號美食廣場A1號舖
繼續閱讀
12點頭到鋪頭，已經坐滿要等位等左15分鐘終於有位坐低點完餐又要再等多15分鐘左右 😕因為餐廳有好多外賣order要做…終於有野食 - 銅錢套餐（四餸）配秘製香辣湯（小辣）+ 蕃薯粉貢菜 - 口感爽口，咬落卜卜脆，但食落無咩味冰豆腐 - 唔算好硬身，食到豆香，係吸湯好選擇潮汕手搥牛丸 - 牛味幾濃，好食毛肚 - 同出面既黑柏葉有少許唔同，佢比較薄身，但都幾好掛湯蕃薯粉 - 煮得幾有咬口湯底幾香，入落唔算好辣好麻，但一樣好抵讚既係碗粉送到枱面時好夠熱，個熱度一直維持到我食完為止，食到我出汗，感覺幾過癮 🙃埋單$68無加一，整體成碗份量都幾夠，值得俾呢個價錢係略嫌餐廳冷氣唔係太夠
繼續閱讀