冚棒唥 (昌華商業大廈) (已結業)

.店裏面大概有四張枱同埋幾個高枱位，加上餐廳人數而家受限制⋯ 所以我地都等左成一個半鐘先至有得食😐 late lunch 變左 late late lunch 😅Waited for 1.5hrs... 😐 but the food and coffee really made my day 🤩因為太肚餓，所以入去之前都已經揀好左食咩飲咩（注意餐廳只收現金！）叫左杯dirty同埋啱啱好全日早餐早餐好大份，而且幾有特色，唔係一式一樣既全日早餐大啡菇超有驚喜，中間填滿左忌廉芝士又有面頭燒得脆脆既焦糖香蕉仲有酥脆既蒜蓉牛油多士.Have a nice dirty and arm arm ho all day big breakfast!.The portobello mushroom surprised me and I loved it! There are not only melted cheese on top but also cream cheese stuffed in the middle!.The portion of this breakfast is super big

💛 想食佐敦呢間cafe好耐喇，但為店面比較細，唔可以一大班朋友一齊食。終於今次同咗個fd食喇～🥐 啱啱好全日早餐 （$138）有煙肉、薯餅、炒滑蛋、焗大啡菇、香蕉、香腸、沙律等等，超豐富🥰 薯餅外面勁脆，裏面粒粒薯仔肉超讚；炒滑蛋又香又滑都真心超正；焗大啡菇有兩層芝士，好香好邪惡！🍔 黯然銷魂飯堡 （$108）想食rice burger 唔洗去金拱門喇，呢個好食好多！啲飯煎香咗，入面嘅材料又多又豐富😋 啲薯條都好脆好好味！

今日一早出咗佐敦，又未等到朋友，於是就想搵一間小店hea 下時間😜唔想去麥當勞、Starbucks 之類（知佢咩料啦！），咁啱經過呢間店，就決定入嚟啦！就係佢啦😇😇😇😇估唔到店仔細細，有幾有格調喎！我幾中意佢綠白色襯得自然又好睇！店入面嘅座位唔多，基本上係要走一台客，先可以放一台客入去🤔如果撞正午餐時段，相信都要喺門外排隊先得喇😆因為係朝頭早嘅關係，我好好彩，唔使排隊就可以直接入去坐低🤣不過另一個唔好彩嘅地方，就係店員話佢哋部咖啡機壞咗，基本上所有咖啡類飲品都冇得飲，就連我最想飲嘅熱朱古力都冇😣😣😣結果我只可以嗌左一杯熱嘅伯爵茶🍵坐喺度慢慢打發時間。見到佢餐牌上面嘅食物種類都幾多😆偷睇到隔離枱嘅食物好似都唔錯🤔希望下次可以再嚟，順便試一試佢啲咖啡啦🤗

5點9時經過呢間cafe見佢個名咁cute，所以想入去飲翻杯野🤣🤣🤣係外面望入去都幾多人，裝潢都幾靚，可以可以👌🏻👌🏻入到去原來6點last order,開到7點架ja🙏🏻🙏🏻都ok呀 即刻同我地講唔使我地坐坐下先知 呢樣野好好👍🏻👍🏻叫左一杯caramel coffee一杯花生咖啡，兩杯都幾好飲，杯花生咖啡花生味好重 好似食花生糊加左d咖啡咁，幾得意呀☺️焦糖個杯都夠甜 奶泡都打得幾好 幾好飲👍🏻👍🏻只是店員兩次放低杯野時都好用力，震到杯野里面那條棍都跌埋落杯里，但佢都沒說不好意思，再來一杯焦糖時，又是碰一聲放落黎？咩事？？飲到6點半店里都沒人 就走了 因為佢地將我地隔離的鄧都反晒上台，有種叫你快點走的感覺，雖然口沒說 但行為是俾客人咁的感覺🙄

🔘啱啱好全日早餐 $138評分: 🌕🌕🌕🌕🌗評語: 全日早餐包括左煙肉、香腸、炒滑蛋、薯餅、芝士大啡菇、焦糖香蕉、雜菜沙律同厚切蒜蓉烤多士，而當中芝士大啡菇、焦糖香蕉同蒜蓉烤多士係大力推介！芝士大啡菇面層係厚厚嘅芝士，而中間加左忌廉芝士，口感豐富好好食。焦糖香蕉外脆內軟，好似食緊焦糖布丁咁，而且比較少餐廳會將呢樣加入全日早餐。而本身一見到塊厚切蒜蓉多士係以為佢燶左！但其實冇燶之餘仲好脆口，有好香濃嘅蒜蓉牛油香！十分推介呀！雖然我覺得佢呢個價錢都係偏貴🥺。。🔘泰式風味牛油果配蕃茄沙律配厚切蒜蓉烤多士 $88評分: 🌕🌕🌕🌕🌑評語: 沙律以牛油果作為主角，基本上每一啖都會食到牛油果，配上蕃茄、烤腰果同生菜，加入埋佢哋嘅秘製泰式甜酸醬，酸酸甜甜好開胃好好食👍🏼另外厚切蒜蓉烤多士就唔洗多講😛。。🔘椰奶泰式紅茶冰 $68評分: 🌕🌕🌕🌗🌑評語: 餐廳將泰式紅茶製作成冰波波，一來影相好靚，二來可以保持紅茶嘅濃度同溫度。客人可以將加熱左嘅椰奶倒落紅茶冰球，完成一杯非常靚嘅泰式奶茶😍一開頭淨係飲到奶味，如果想飲到泰式奶茶味，可能就要等耐少少等啲冰溶左先。唯一挑剔係價錢上，可能係製作程序比較繁複而令定價

大熱天時收工又攰又肚餓，諗起未試既呢間餐廳。上次嚟撞正休息，今次兩點幾都仲排緊隊，排左一陣發現頂唔順，再等可能會中暑，啲食客食完傾極唔走，開panda叫take away，冇加一仲有折，拎返附近食。正！新鮮好味，份量夠，尤其芝士大啡菇，多士，燒香蕉都好好味！腸同埋薯餅都唔錯，大滿足。好開心絕對冇因為外賣變hea，會encore😋!祝貴店早日擴張業務，唔駛食客排得咁辛苦，繼續做良心店，好多人會支持。

weekday 約左朋友出街，第一件事就係醫肚，其中一個朋友極力推介呢間黃店cafe。因為係推介所以期望會高少少入到去裝修都幾有特色，好多懷舊擺設，雖然座位唔多大概可以坐十多人，但因為樓底高，所以空間感都ok。蝶豆花椰香咖啡顏色好靚椰奶和咖啡配合得天衣無縫黑朱古力香濃，完全冇甜味啱啱好全日早餐$138有薯餅加埋厚多士炒滑蛋，大啡菇加酸忌廉芝士，沙律菜，煙肉，肉腸，最特別有焦糖香蕉成份早餐都好好食爆炸芝士黑松露後設西多士$48有啲鹹，芝士味濃蛋蓋過了黑松露的味道泰式冬陰功意大利粉$128好重冬陰公味，辣辣地好開胃

我本來對香港的Cafe印象相當麻麻因為覺得大部分食物都係得個樣，裝修稍為特別少少就會成為熱店，所以如果有得揀我都唔會想食Cafe，但呢間cafe真係完全顛覆我嘅想像，係我近年食過最好味最有心煮嘅cafe泰正冬陰公意大利粉，從醬汁到意粉毫不馬虎，冬陰公味好濃，但同時又會食得出蝦嘅鮮味，酸酸辣辣好開胃！意粉軟硬適中，相當彈牙有咬口，唔會太淋材料方面，海鮮俾得好大方，食極都仲有，唔會得幾隻hea下你作為唔飲咖啡的人，當日叫左椰奶泰式紅茶冰，即係”特別版泰式奶茶”一啲都唔誇張，呢杯係我係香港飲過最好飲嘅泰式奶茶濃郁、順滑、奶香同茶香互相襯托，甜度都啱啱好，完全冇諗到一間主打coffee嘅cafe，連奶茶都可以咁出色

公司位於油尖旺核心地帶，美食之多真的365天都吃不完😋剛好有天想外出找美食，但想去的又大排長龍，最後來到這個小店去啱啱好全日早餐 $138當選擇困難症出現的時候，吃個All Day Breakfast就最適合不過！😌店家提供的ADB與其他店家提供的相類似：煙肉🥓、香腸、炒滑蛋、薯餅、芝士🧀大啡菇、雜菜沙律🥗 跟厚切蒜蓉烤多士味道都是大同小異，不過最特別的是焦糖香蕉🍌！焦糖滿佈而且用火槍燒至焦香🤤 不錯份量不算大，但因為用上比較細小的碟，看起來就好像變得份量非常充足椰奶泰式紅茶冰（只限凍飲）$68這天不想喝咖啡☕️ 就選了這款特飲很少咖啡店會提供泰式奶茶，但店家將濃縮的泰國🇹🇭手標牌紅茶做成冰球粒🧊又加熱的特製椰奶🥥，讓客人自己將椰奶倒到放入奶茶冰球的杯子內遇熱變溶的奶茶冰粒會隨著溶解程度而變成不同的味道😋 有趣！唯一挑剔是價錢比較貴💸店家位置不算明顯，環境也不算大擺設頗有特色，樓底高，空間感不俗，但座位🪑其實坐得不太舒服而且食物種類不多、定價比較進取🤏🏻故此應該來一次已經好足夠😔

今日專登去支持呢間佐敦地鐵站附近嘅良心小cafe.店小小，座位唔多，只可以坐十零人，重係比較逼夾嗰種。不過裝修簡潔明快，樓底好高，光綫充足。由於我哋食嘅時間較早（11.30 am), 所以人比較少，可以用埋旁邊嘅枱同椅，都幾舒服。服務亦可以。兩個人，叫咗兩個小食，一個主食，一杯iced Americano.雙層芝味大香菇- 整體味道唔錯，不過可能放耐左啲食，所以打個折扣。爆炸芝士黑松露多士- 芝士同黑松露味道都好。如果多士再厚啲更加好。推薦！主食- 泰正冬陰功意大利粉： 有兩隻青口，兩隻蝦，同一啲小小嘅帶子粒，都算新鮮爽口。個冬陰功味嘅意粉酸酸辣辣，雖然對我唔係好食得辣嘅人嚟講係畧為辣咗啲，不過好醒胃，特別。大力推蔫。因為只加三蚊有杯ice americano，所以要咗americano. 下次應該會叫其他特飲（例如dirty, 約$50）- 跟main course 照價減$15。整體來講，好滿意。會再次來- 不過因為餐牌入面選擇唔算多。希望下次來有更多未食過嘅菜式試。👍🙏✊✊✊✊

餐廳名同裝修都好有特色嘅餐廳 入面掛左好多掛畫 幾有藝術氣息鋪頭細細 週末去可能要等耐d 平日去的話就唔駛等1.啱啱好全日早餐 （$138）煙肉煎得銖乾身好脆 蒜蓉多士都好香好脆豬肉腸同炒蛋都正常 滑蛋嫩滑焦糖香蕉係我唔食嘅 但蝦子餅話好特別 有焦糖燉蛋感覺😂大啡菇中間係酸忌廉 好啱食完一堆飽飽野後$138黎講係有d貴 但都可以一試Latte ($40) 正正常常 佢其他特色飲品都好靚 大家可以試下味道：環境：服務：性價比：回頭率：

今日同樹熊仔去佐敦，搵下有咩餐廳試下。經過依間小店個名咁特別，之前見過好多人等緊，難得見到晚市無咩人就一於入去試下啦!餐廳入面裝修好特別，好多舊式擺設。樓底好高，好有空間感。😇😇話說近來好想explore好想嘅All Day Breakfast, 入到去已經即刻唔洗唸，直接叫呢個 “啱啱好全日早餐”。☀️好豐富，令我最驚喜係個多士! 唔好以為佢燶左，其實佢應該係特別炮製過，好香，好脆，好似好好味嘅蒜蓉包咁，夾埋滑蛋食就最正。😋 半條香蕉都有驚喜架! 上面有燒過嘅焦糖，脆脆的! 美中不足係無我鍾意食嘅茄汁豆，overall相當唔錯!樹熊仔點左個 “素素全日早餐”，分別在於無左我啲煙肉和腸，取而代之有露荀。樹熊仔好快就食哂🤣🤣 男仔食可能覺得有點細，不過之後我地都慢慢飽肚，之後都食唔落其他野喇✌整體而言，呢間cafe好舒服 (可能今日晚市真係幾少人)，食物好味滿足，店員有禮貌，可以再來😆😆

🍽啱啱好全日早餐（3.5/5）💰138份量足夠一個女仔食飽飽！有薯餅，丹麥厚多士，炒滑蛋，大啡菇加酸忌廉芝士，肉腸，煙肉，沙律菜同焦糖香蕉擺盤其實幾吸引，因為碟子唔算大，顯得好似好多野食咁薯餅好脆，入面薯仔粒好足夠，厚多士有牛油香炒蛋幾滑但調味可以豐富啲，啡菇太太太多水，酸忌廉芝士味唔出成件事麻麻肉腸好香豬味，外皮脆脆，煙肉太乾太硬焦糖香蕉係好食，但所有野都咸點無啦啦加個甜既，而且隻碟太細，啲煙肉hi咗落焦糖到變咗甜甜地有啲怪🍽泰正冬蔭公意大利粉（4/5）💰128呢個好食，值得推薦！聞落去好香，食落去好重冬蔭公味，都辣辣地條條意粉都好重冬蔭公味，好掛汁仲有唔少海鮮，大蝦，小帶子，青口等等，再加啲沙律菜令你健康啲🍽玫瑰荔枝蝶豆花梳打（2.8/5）💰52飲落好淡，好淡既荔枝梳打，帶少少玫瑰香🍽桂圓紅棗黑糖薑母茶（3/5）💰42黑糖可以再濃啲，冇咩特別當日周末下午去，大概等咗15分鐘就入得，服務態度還好，但比錢餐具呢啲要自己攞座位好逼，張枱好細，成程都食得好辛苦兩份主食放上枱然後就幾乎冇位放飲品同餐具價格唔算太貴，但佐敦區應該會有啲更好選擇

Hαρρყ ϝɾιԃαყ ✨《冚棒唥》大概只有香港人識讀呢個店名🇭🇰除了店名之外，菜式名都好有玩味👽有驚喜的一間餐廳，店內位置不多，可能要等一回兒～🍳 啱啱好全日早餐（$138）呢個all day breakfast 既份量絕對唔止啱啱好😆 有煙肉、香腸、炒蛋、薯餅、芝士大啡菇、雜菜沙律、厚切蒜蓉西多士🤤 仲仲仲有最特別既焦糖香蕉！雖然價錢偏貴，但我覺得完全係值！首先香腸絕對唔係細條普通香腸！似係貴價粗腸😍 薯餅更加唔駛講，拍得住m記！！芝士大啡菇用叉吉落去係有芝士溶流出嚟堅正！第2度食唔到！焦糖香蕉就真係好睇又好食！燒過的焦糖薄薄咁鋪喺香蕉面，咬落去又脆又軟，口感一流！估唔到放喺度都咁夾！相當有驚喜的早餐！🍵椰奶泰式紅茶冰（$68）又係充滿驚喜的飲品！佢係一舊紅茶冰同一杯椰奶組合而成～ 可以選擇慢慢一啲啲咁倒椰奶落去，紅茶冰溶化過程中你會品嚐到唔同口感，我認為好似紅豆冰！去到後尾就紅茶味重一點～ 充滿玩味！🍞爆炸芝士黑松露厚切西多士（$48）呢款相對地就有少少失色，多士比想像中薄，芝士同黑松露味有啲撞左，變到成件多士好咸，下次都係集中點主菜比較好～

已經幫襯過好幾次，我真係好鍾意呢到，環境細細但係好舒服，而且食物仲好好食，係黎咁多次都keep到。#DARK#黑朱古力話就話黑朱古力，不過唔苦嘅，menu寫係用比利時100%純可可粉，好飲不過無乜特別。#啱啱好全日早餐 因為我走左煙肉，所以佢比大份d炒蛋我，所有野都好好食，隻焦糖蕉雖然唔係d咩難整嘅野，但講真都要肯整先得架，出面好多ADB都係現成求其放埋一碟就算，唔講太多，去食過就知。#椰奶泰式紅茶冰 強推！！！我覺得真係好好飲，佢將泰茶雪做冰波，再倒入熱椰奶，等佢慢慢溶，其實就會唔同時候飲到唔到濃度同層次嘅味道，真係好好飲😋