冰雪公主 (已結業)

在荃灣區嘆完雞煲，時間尚早，友人提議不如來這裡打打躉！這間Let It Go~ 《冰雪公主》不設時限，不設最低消費，還有board game供應，絕對適合想慢慢hea的朋友仔。一坐下來枱面已放著大大叠UNO，任由客人玩樂。這裡店舖面積很大，洗手間也有三格之多！綠茶年糕雪花(細) $42mochi年糕感覺Q彈，雪花冰極為幼細，咬下去沙沙聲响，有趣 !唯綠茶始終不及抹茶甘香，綠茶雪糕和綠茶粉都屬一般水平。紅豆蓉夾在雪花冰與綠茶雪糕之間，甜度適中。爆谷雪糕 $45充滿焦糖的「爆脆」爆谷完完全全地cover牛奶雪糕，焦糖味香濃，比一般在戲院小食店購買的爆谷優勝！牛奶雪糕香滑細緻，一口爆谷一口幼滑雪糕，對比特別又匹配！

佢D圖影得好靚，我都明白唔會做到一模一樣，但起碼要似樣吖。你地睇下圖，幾咁過份。黎到時，我問佢點解唔係芒果雪糕，佢話上面係芒果醬。都算，我問佢點解同張圖差咁遠，佢話係台灣既圖，佢都唔知。即係用人地張圖啦😑咁好心佢做得似D。至於味道，更不敢恭維，芒果精糖醬，奶水味雪花冰，同埋得十粒左右超細芒果。完！

同朋友食完晚飯 就去搵下有咩甜品食行到去見到冰雪公主環境好舒服好大 又多款式就入去啦同埋近荃灣廣場 地點方便環境好舒服 當時9點幾吾係太多人 啲員工好好禮貌 見到餐牌花多眼亂 樣樣都想試😂😂最後簡左士多啤梨冰同薄脆焦糖雪糕啲冰好綿同埋好夠味 不過好快就溶薄脆焦糖雪糕見到啲蛋糕大大件😂😂同埋見到有放遊戲比客人挽。坐又無限時同朋友坐係到食下甜品 傾計

可以任坐的Cafe, 環境不錯。 略嫌玫瑰花茶偏淡，菊花茶可加蜜糖更佳。薯條炸得恰到好處，厚身又有口感。收銀如增設八達通更好，用現金不太方便。遊戲算多，坐位舒服，員工態度好

今晚我們去咗荃灣享和街嘅「冰雪公主」食晚飯同甜品！我們叫咗蕃茄肉醬芝士蛋石鍋飯同泡菜鷄翼石鍋飯嘅飯好腍身，所以一啲飯焦都無，鷄翼煎得好乾身，芝士肉醬感覺比較膩！士多啤梨牛奶卷嘅糕質非常香滑鬆軟，中間嘅忌廉相當軟滑，士多啤梨同牛奶嘅味道超香甜！綠茶紅豆千層蛋糕係用超薄身嘅綠茶班㦸一層一層咁舖砌而成，中間夾著香甜嘅紅豆蓉同軟滑嘅忌廉，味道唔會過甜，真係好好味！士多啤梨多士嘅多士烘得好香脆，面層有一球雪糕，再舖滿香甜嘅士多啤梨醬，兩塊多士中間夾著煙煙韌韌嘅年糕，口感同層次感極之豐富！焦糖爆谷雪糕嘅爆谷相當新鮮香脆，焦糖嘅味道非常香甜惹味，配埋香甜軟滑嘅雪糕，爆谷亦唔會變諗，而且份量十足！店內嘅環境裝修好光亮同舒適！另外！他們仲相當貼心，提供多款遊戲畀人客等待嘅時候解悶！

話說有朋友是6月生日，她自從轉新工之後好忙碌，要約好耐才約到她出來聚會，7月初時決定幫她補祝生日，朋友想去甜品店 ，剛好這日她約咗她的男人在荃灣拍拖，可以趁同她男人約會前和我去下午茶，我揀去冰雪公主，之前去過覺得幾好,決定再來冰雪公主，冰雪公主並不太難搵，2個人只是叫了1杯香蕉汁/抹茶多士，今次不及上次來時候咁好味，朋友話見到店員加了不少糖漿在香蕉汁上面，當香蕉汁來到之後，香蕉汁飲下去時候香蕉味好淡，飲了一半唔係太好飲，朋友所叫抺茶多土較為好些小，味道只是一般,服務都還可以，我和朋友坐了好耐冇人趕，亦可以慢慢享受悠閒的生活，應該下次未必再來冰雪公主味道香蕉汁,呢杯真的麻麻,香蕉味好淡，朋友見到有加水兼加糖漿，未必是天然果汁，呢杯的確生果味好少,仲要好甜抹茶多士,多土好脆，抹茶味又是好淡，並冇回甘味道雪糕，又不是好甜服務，我覺得都OK環境，地方夠大,座位亦坐得舒適價錢，稍為貴咗些小。應該冇下次了

女友人去完韓國回港，仍然回味著韓國的味道，於是吃過晚飯後，就帶她去吃韓式的雪花冰。店內的選擇尚算豐富，最後點了一個朱古力曲奇雪花 ($42)。一大碗的雪花冰上面插上一塊曲奇餅，造型特別。雪花冰是原味的，上面鋪滿朱古力粉及朱古力醬，朱古力味道濃郁，雪花冰非常鬆軟，冰凍，入口即溶。一大碗的雪花冰，份量十分足夠，兩人享用作為飯後甜品剛好適合。

夏天真係想每日想食冰凍既野消暑, 心情都好d今日經過呢到就即刻入黎涼冷氣先成日都想食韓式刨冰,叫左一個芒果雪花冰.$4x份量十足, 芒果雪榚, 雪白牛奶冰上淋上濃稠芒果汁, 仲有粒粒芒果肉, 賣相好吸引食落口雪花冰好綿, 奶味唔夠濃, 但係加上芒果汁,芒果雪榚同果肉, 反而突出芒果既鮮甜店內仲好似cafe咁, 有遊戲玩, 都幾岩朋友吹水,一齊玩, 下次同埋班為食鬼黎先

甜品係第2個胃去裝ge～冇錯，我十分認同。同埋心情唔好的時間食甜品都係一件令自己開心dd的事。今日去左食呢家甜品鋪。幾得意有cafe的感覺會有d card game／小game比你地一班朋友玩，不過我就覺得通常冇乜人先好意思玩，因為夜晚見住好多人等位，我地就唔係幾好意思坐係度玩喇。。hahaaaa講返野食～士多啤梨雪花好好味，個雪糕既呍喱嗱味好香，襯D好多料既士多啤梨醬好正丫，少少甜啦，最重要係個下面既牛奶冰，好綿，無食到有一粒粒既感覺，好香牛奶味，入口即溶，姐係無聊D講句，食冰唔覺自己食緊冰🤓😂 不過對於個彩虹千層蛋糕少少失望，樣真係幾靚既，不過，太甜，同埋椰味過多了，個千層皮味道感覺少少膠膠的。。

位於荃灣廣場附近,地點都算方便好彩早左小小去,等左5分鐘就有位喇,佢同平時既糖水鋪唔同,出去叫野食,同埋有玩具遊戲玩,好似CAFE咁,唔會趕你走,同朋友傾幾耐計都得,又坐得舒服,有廁所又乾淨,完全係一個好HEA處環境真係一流,佢有熟食同糖水,今次黎我係食糖水彩虹千層蛋糕$58其實我係比佢賣相吸引到,同埋見隔離台食緊,所以打算試一試,好重椰子味,同埋甜味,同想像中有點出入-3-'可能自己本身唔鐘意食椰子味老公話士多啤梨雪花$70牛奶冰 士多啤梨醬 雲呢拿雪糕 士多啤梨咁多樣野加埋好夾唔會過甜,又易入口,牛奶冰唔會過份冰,建議如果2個人share一個就岩岩好,份量都幾大我地4個人黎食,叫左2樣甜品,份量剛好共$130有最低消息,每人$30冇限時

一直都想帶小朋友到來食甜品, 但每次經過都有人排隊, 所以一直都沒有去了有一天約晚上8時左右半經過, 看到沒有人在門前(可能仲係DINNER時間未到食甜品,所以無人排隊)就即入去試一試先, 面環境舒適寬敞, 有自助玩遊戲玩,  又有歌聽, 帶小朋友又或者三五知己黎一流呀今次我一次過嘗試左幾款甜品,都覺得OK,又幾好味, 下次都會再來(如果無人排隊的話)牛奶雪糕夠大杯,牛奶味好濃香,好滑, good tastes呢兩款千層蛋糕都好好味, 不太甜 個果撻都好味既, 不過無咩特別最後都叫左杯飲品, 飽晒!!好滿足不錯既甜品體驗, 價錢都OK. 值得推薦!!!

睇 openrice 見呢間野食幾得意就黎荃灣試下😁 哇~ 晚上九點幾都仲係超級多人~ 但 d 座位就好迫~ 同隔離黏到實一實原來係要自己出去買食物再有職員送餐~ 食物即叫即做的~ 泡菜豬肉餃子少少辣好好味👍🏻 韓式炒粉絲料都幾足~ 不過就咸左 d ~ 但杯凍檸茶真係唔得~ 淡而無味似杯凍水👎🏻甜品黑芝麻雪花冰好大碗~ 二個人食都食唔晒~ 麻糬好好味~ 牛奶雪糕又係超大杯~ 好濃牛奶香~店內提供唔同既遊戲俾食客玩~ 岩晒大班朋友一齊玩一齊 hea~ 但唔會阻住做生意咩!? 雖然爆場好忙碌~ 但店內服務員都好親切有禮👍🏻👍🏻

< 原味牛奶雪糕 $36 >今日香港又熱又濕，真係唔多想去咁遠既地方食野，近近地去食個杯大雪糕透心涼算了，呢間野係主食韓國類甜品韓國雪花冰等等，咁我之前我已經黎過兩次了，一次食爆谷雪糕，一次食熱食，佢地個爆谷雪糕認真唔掂，有食過既朋友都應該知，啲爆谷硬過石頭，我未食過咁硬既爆谷，事後我建議返佢地跟進下個爆谷，咁第二次去食就試下佢地既熱食牛肉石鍋飯同泡菜豚肉意粉，佢地既熱食係好食過甜食，因為甜食既質素真係比較差，食完熱食我即刻試下佢地新推出既爆谷芝士撻，點知爆谷仲硬過上次，芝士亦係好一般，又係好失望咁走！咁今次第三次就淨試佢地既牛奶雪糕，點知連奶味都冇乜，好普通既雪糕，我寧願食麥記 6 個紫薯雪糕筒！事不過三，我唔會再比機會了！

一打開餐牌出現最多既字係"年糕".  心中浮現一條條圓形韓式年糕個樣, 想像唔到蛋糕, 雪糕, 甜品點樣加入韓式年糕而又好食呢.  冰雪公主既餐牌內有咸點, 麵食, 炸物及甜品.  因我地已吃飽飽, 所以就只叫甜品.  不過我地見隔離枱既炸物都幾吸引. 佢地既甜品份量足, 賣相吸引.  仲好大方擺左好多board games任玩.  此舉香港好多地鋪都做唔到, 怕你唔走佢就翻唔到枱.  我地今次無玩.....下次啦!!!我對個年糕咁好奇, 明明好飽都點來試下.  我點左黑芝麻年糕雪花, 原來係好似日本果D mochi既東西, 係四方形椰果咁大粒, 外面啡色可能係黃豆粉, 不過就無mochi咁軟熟.  咁細粒一來就唔驚會好飽, 2來又唔係用韓式年糕咁夾硬.  成件事好夾, 對我來講好有新鮮感而且好和諧.  下面既雪花好soft, 真係軟林林, 唔係台灣果種刨冰. 朋友食左一座, 係一座爆谷雪糕 .  個雪糕有成呎長外面"痴"滿爆谷.  睇見都飽飽地.  朋友話個雪糕少少空心既但最後都只食到一半.  所以我建議你最好同人share, 唔好o徙野.  杯底有caramel, 所以淨

好耐之前就走咗去呢間試新野，只不過一路都冇打食評上嚟。入正題，先講年糕千層蛋糕。岩岩上菜時，一睇個樣，咁似 Lady M 個蛋糕嘅！由於非常肚餓既關係，就唔理三七廿一，食左先算。個蛋糕每一層都係由韓國年糕組成， 當然唔會有 Lady M 嗰種咁軟、好味嘅感覺啦！啲cream係類似 Lady Mb蛋糕嗰種，當然冇 Lady M 既清甜。呢款蛋糕一試無妨。個煲我都唔記得左叫咩名，只記得有雞但個煲又整得幾惹味幾香，小小辣辣地，令人想一食再食。但味精過多，食完我要狂飲水個爆谷雪糕，如你愛食爆谷又愛食雪糕，我會推介。雪糕好滑好重牛奶味，爆谷又好脆口，但始終爆谷有少少熱，所以啲雪糕會融得好快。如果我冇記錯，碟野好似係卡邦尼意粉。我自己都會成日整呢味黎食，咁當然出面啲師傅整得比教滑。但意炒略嫌冇咩彈性，咬落去仲有少少硬，試完就算。