凪豚骨拉麵 (已搬遷) 新店位置

本人第一次寫食評，因為真係大讚，所以值得推薦。因為朋友力推這間拉麵店，身為拉麵愛好者點會唔去一試。我點左個黑骨湯拉麵。湯濃而不咸，又夠香，真心好正。我另外朋友點綠骨同豚骨。綠骨係用pesto 的湯底同有cheese 上面，我都偷咗一口湯試🤣 冇諗過pesto 同豚骨湯都幾夾，pesto 味不會好重又夠香，剛剛好，都幾特別。店主，店員服務一流，會願意同顧客溝通，超開心🤣閑談時當然唔會係人地炒場既時間la🤣真係為我今日生日之旅有完美句號。哈哈值得再去第一次寫食評係咁上下，大家體諒一下🤣

難得放假，梗係要去大坑食下野啦。周圍行下果時，見到有間拉麵店。平時我都幾鐘意食拉麵架，於是見冇咩人排隊，就入左去試下佢地個拉麵。我就叫左個豚骨拉麵，加隻糖心蛋。個豚骨拉麵都幾好食架，我本人就鍾意d濃味嘅湯底。d麵都幾彈牙，係我鍾意食嘅麵，麵唔會太淋。肉方面，肉汁都有，肉味有，少少肥，非常好食。糖心蛋，都有流心，都有蛋香味，算一隻好食嘅糖心蛋。環境方面，鋪頭幾有日本感覺，彷彿自己身處日本一樣。各位鍾意食拉麵的話，可以去下大坑試一下。

I had wanted to go here for a while because there are lots of newspaper articles and reviews on the outside which call it the best ramen in HK. It’s great ramen, but it’s not the best! The broth is very oily and the noodles are a bit thin for my taste. The flavour is good but nothing amazing. It’s an average price, maybe a little more than you’d expect to pay. The decor is great and the staff seem friendly, it looks authentic to traditional Japanese ramen places.

年尾到維園行年宵，之後朋友提議到大坑晚餐~他介紹了這間拉麵舖，這裏舖面雖少卻五臟俱全。舖外有幾張椅子，讓走到累的我們可以坐下等位，真是細心的安排。🙌一間好的店舖，其實不需要花巧的食物選擇。幾個拉麵湯底，配簡簡單單的食材，只要真材實料、用技術並用心整作每一碗麵，食客是可以感受得到的。❤我今天叫的是辣湯底的拉麵。😋😋選擇了三級的辣度，加上叉燒、辣肉碎加椰菜，我叫的麵質是偏硬的，食落的質感沒有偏差，服務生還細心的提醒我要快點吃，不要讓麵被泡軟。朋友叫的是特別推介--胡椒豬骨湯拉麵。我嘗了一口湯，是濃濃的胡椒香，十分惹味~😍結帳後出外，已經見到一條長長人龍。在大坑眾多食店也能招聚這麼多顧客，是對拉麵的肯定、用心經營的成果吧! 😘🎀

我自己本身係個拉麵愛好者，有拉麵既地方就一定有我。但係講真係香港好食既拉麵真係唔多，而且通常係香港食一碗拉麵價錢都唔平。最近就比朋友帶左去呢間位於大坑既 「凪ラーメン」。雖然成日經果頭，但係唔講都唔覺果度有間拉麵舖。呢間拉麵舖既本店係日本新宿，而香港呢間係少數分店其中一間。舖頭入面唔算大，做麵師傅好似都係日本人。舖頭入面有幾款長駐拉麵同埋周不時都會有限定味道既拉麵，而我今次就簡左試佢款黑骨拉麵。  呢款黑骨拉麵唔算大碗，入面算係幾足料。首先當然要講下個麵啦！今次我簡左佢既普通麵，麵既口感一般，但食落唔會太濟。另外叉燒食落去口感唔錯，肉質鬆軟。黑骨個湯幾特別，帶有濃烈既芝麻味，拉麵中間亦都有啲好特別既蒜粒同類似芝麻咁既蓉，撈埋蔥粒同湯一齊飲用絕配來形容絕對不過分！不過個湯算係幾濃，未必啱個個人口味。但係個湯既最特別之處就係佢每淡飲落肚都好暖胃，飲完之後個胃幾舒服。  總括而言，呢間舖頭既拉麵同香港其他地方既拉麵極之不同。除左佢本身帶有正宗日本拉麵特色之外，佢既配料都係較優勝。佢既麵唔會食完之後有好濟既感覺，另外湯雖油膩但不會有油到粉的感覺。不過價錢不便宜，約100蚊一碗，但價格與食物質量

在大坑工作三年了才第一次吃這間拉麵🍜店！原因是因為這間店毫不起眼哈哈🤣裝飾也不是特別吸引....👉🏻👈🏻經同事介紹下才去試食！我自己選了豚骨🐷拉麵，湯底選了清淡，麵條的硬度選了普通，需要椰菜和叉燒！另外加了一隻糖心蛋🐣這些選項與一些特色拉麵店頗相似。賣相不錯👍🏻特別係綠色的椰菜，點綴了一整碗拉麵🍜。先試試湯底，清淡的湯底頗適合我，不太油，又不失豚骨的味道😋叉燒煮得很「林」又入味，幾好食！有木耳絲同椰菜絲做配菜，幾合拍👍🏻咬了一口糖心蛋，半熟的蛋黃是膏狀的！很美味🤤最喜歡食糖心蛋👍🏻同事點的赤骨，是辣拉麵🍜我試了一啖湯，都頗辣，不過同事話好好味👍🏻真係好食啊！下次要再黎食！🤤

今次黎大坑試下呢間好出名既拉麵店!!一行4人夜晚黎幫襯 難免要等位 店員超級熱心地係門外介紹各款拉麵 比我地先填定紙仔安格斯牛肉拌麵 $128期間限定! 幾大片粉嫩既牛肉 嫩滑唔太韌 牛味都幾重 不過最最最正係個自家制醬汁! 充滿牛既油脂香 微酸微辣帶黑椒香 撈埋蛋黃同蔥食 味道好豐富 中身彈牙既麵條特別掛汁勁惹味😍 大家最尾更加要encore多一碗開心share!!!綠骨拉麵 $88加入意大利青醬既豚骨拉麵 聽落非常特別 唔知伏唔伏呢?🙈 上枱果刻已經好大陣羅勒香 撈埋上面pat芝士粉 第一啖擺落口 omg果刻感覺真係😍😍😍 正過我曾經幾中意既X莉亞青醬意粉十萬倍 豚骨湯杰身好濃厚 加埋青醬既味道簡直係天作之合~ 我唔覺得膩 仲飲到d湯一滴不剩😌 拉麵係直身幼麵 掛湯能力高 兩大片叉燒幾軟熟 唔算太肥黑骨拉麵 $88面頭有個黑蒜墨魚汁同黑芝麻整成既黑色波波球 成個豚骨湯特別在多左份墨汁既鮮甜 唔會剩係得平時食開既黑蒜味咁單調😊btw店員服務超好 加一服務費絕對值得比👍🏻期間限定拉麵款式可以留意佢地facebook專頁

N年前曾經係大坑食過一間拉麵，好好味，舖名忘記了，只記得餐牌，今日特登過黎搵返呢間舖，味道與以前有啲唔同。今次選擇"黑骨"，職員態度很好，因為我著白色衫，佢提示我，黑骨係用墨汁做，彈到衫會洗唔甩，需唔需要圍住，我話好！原來比左一張圍巾我，好似日本食拉麵咁，就唔會彈到衫污穢，很細心！選擇～湯：濃麵：硬辣：1可選椰菜/蔥叉燒可選要/唔要總括：湯底幾好，唔會好咸，中間果舊野，職員話係蒜混合一啲肉碎，少少咸香味👍🏻如果麵底有得選擇粗就好，我比較喜歡粗麵叉燒比較瘦，無咩肥肉，薄薄的，入口可以辣度選1，完全無咩辣味，辣味非常少以前無加一，依家有價錢少少貴

一個人兩點半經過大坑，唔知食乜好。OPENRICE到呢間數一數二既高質拉麵哈。綠骨＋溏心蛋湯底係羅勒、橄欖油同芝士，味道類似青醬，有種獨特香味。湯頭濃稠，呷一口湯略嫌味道偏咸。但麵質不外如是，幼麵很好掛湯，亦因為咁覺得愈食愈咸。叉燒不過不失，可惜冇乜脂香。溏心蛋應該是最好的一環，蛋心軟亦入味。整體表現實屬普通。湯底算特別，始終每家拉麵店都有自家創作。值得一讚既係店員態度親切～關注餐廳食物質素，會詢問下每位客人意見

限定柚子凍拉麵！在他們facebook見到推出了限定拉麵🍜因為本人為柚子愛好者，見到柚子麵立即衝去食！入到店想也不想便點了限定拉麵！我是第一次在香港見到有凍拉麵！而不是中華冷麵那種冷麵！很特別啊。叉燒是雞肉造的！很嫩滑~~~ 麵很彈牙！不是一般幼身的拉麵也不會有鹼水味！好好食！湯也有濃濃的柚子味，酸酸香香的！超級fresh！一啖湯一啖麵，夏天吃這個真係絕配而且冰也不會把湯溝得太淡，味道剛好！可惜限定的期間太短，要不然會帶其他朋友去試試！

事緣係無啦啦想食拉麵，又想試下唔同既鋪頭。上網搵搵下就見到呢間餐廳本身以為大坑好遠好遠，點知原來天后行過去都只不過係十分鐘左右6點45分左右去到，好彩仲未多人唔洗排隊，一去到就直入坐底鋪頭細細幾有風味，staff都好好人 好主動介紹唔同拉麵既分別比我地知。今次就揀左黑骨拉麵黑骨食落無想像中咁濃(可能係因為無揀到最濃既關係啦)，佢中間有一個球，食之前要搞散佢，入面係類似炸蒜既物體，食落今整體既口感豐富左

2018.5.24 弟弟生日。佢係第一次來食。真係好耐無入大坑食拉麵啦。以前住得近經常來食。仲介紹左身邊好多朋友來食。幾乎個個食完都話係香港最好食拉麵!!!!!隔左半年左右無食。今晚依然咁好食✌✌✌✌🍜原味豚肉拉麵$82❤。🍳蛋一粒$15。入味加流心❤🍀湯底依然咁香濃。陣陣豬骨湯蒜香味。雖然湯面有層油。但因為太香。所以係會不自覺飲左好多。🍀麵係好幼身。軟硬度自己揀。好食。🍀但今晚既梅頭叉燒，無以前咁腍身。雖然比起出面已經係出色了。(2018.5.27 小妹嘗試了尖沙咀米芝蓮拉麵店Tsuta。唔。。整碗質素沒有大坑這間咁好食(即湯底同湯質)，但塊叉燒就好食過大坑這間。)大坑依然係咁好食2016年已經寫過食評讚而家係要加一

這間拉麵鋪，我去個很多次了。可能因為心中當這間餐廳是我的食堂，所以沒有第一時間寫食評。不過都唔重要，重要的是黑骨超好吃。黑骨即黑蒜豬骨湯拉麵。黑蒜味非常香，而且豬骨湯濃。叉燒鬆化。麵質也不錯。和其他拉麵鋪一樣，除拉麵款式以外，還可以湯濃度、拉麵軟硬度、要葱或椰菜否等。最估不到的是，連㕚燒也可以選要不要。應該近符沒有人會不要吧。至於紅骨則是辣味拉麵。辣味非常突出，湯也一樣濃。但是正正因為辣味太過突出，完全蓋過其他味道。個人不痴愛辣，所以只覺紅骨表現平平。註：此店收加一服務費

我係日本新宿食過凪既拉麵，當時係日本食D間都好特別，同平時豬骨湯唔同，之後發現香港開左間凪豚骨拉麵，之後去試下先...入到去間舖既拉麵只有五款，分別係豚骨、黑骨、赤骨、綠骨同埋限定拉麵。這間拉麵原來是前豚王拉麵師傅開的，唔怪之得跟豚王有幾分相似。但係同新宿"凪"既拉麵係唔同的。【黑骨】拉麵 算係第一次食黑蒜豚骨，湯裡多左一粒黑王球。黑王球係由墨魚汁，黑芝麻同鋪頭秘製既黑醬構成既。叉燒少許肥肉而很腍，肉味濃，非常美味，再吃流心蛋，一咬開都非常之流心。

以前成日去天后，去食凪豚骨拉麵簡直話咁易(都係鍾意叫返佢做bb拉麵多d)今日經開大坑，梗係要搵機會會一會bb啦！我既至愛，豚骨拉麵今個月既special，少少辣好香濃既咖哩拉麵叉燒比以前瘦左d，但係依然咁淋啊！每次一定要追加既蛋！次次食都係溏心架！咁耐無食，除左佢又默默地加左價，兩碗拉麵追加2個蛋同埋1份叉燒，埋單$270嚇左嚇之外，無論拉麵，定係職員既服務，水準依舊咁令人滿意！！下次經過大坑再食過！！