凪豚骨拉麵 (已搬遷) 新店位置

今晚同個frd做完Gym食飯，佢就有啲咳，唔食辣同炸嘢，我就唔想食西式嘢，如是者喺街度行，原本話去銅鑼灣睇下有咩食，最後我話不如食點心，所以揀咗去天后，去到佢又話不如食拉麵，都OK嘅，反正我有個幾兩個月無食，佢帶我去咗BB Ramen，佢幾年前食過話OK~服務員態度好好，會問我哋駛唔駛推介下，佢介紹咗限定拉麵，之前又介紹埋其餘4款拉麵，食完又會問下客人意見，有無嘢要改善。我揀咗赤骨同加溏心蛋，杯麵幾香辣味，不過唔知係咪加咗炎之醬，好辣，但又好惹味，叉燒俾平時食果啲大塊同長身，唔會太韌唔會太冧，而且肉味濃，溏心蛋同我平時食果啲唔同，佢唔係半熟，而係全流心，總括來講味道唔錯，會再幫襯。 不過間嘢都幾早關門，我見佢哋9點已經唔接新客，所以要食就早啲去。

尋日叫左個豚骨拉麵，d叉燒成條煙肉咁長，個賣相好肉酸，完全咬唔開，收唔起呢個價，估唔到咁差，湯底得個油字，食完好嬲，不知所謂到，完全貨不對板，咁既食物都出得街，真係收得皮相反，拉麵來好食好多👍🏻👍🏻👍🏻

一直想試呢間拉麵店好耐，聽聞唔錯，今次終於到訪啦！店舖比較細，枱不多，所以食飯時間到訪點都要排隊等位，不過同友人傾下計好快就有得入座～老闆注重食客意見，關心每一枱食客既拉麵好唔好食呀，啱唔啱口味呀等等，又會同客人介紹湯底既味道同分別，同佢傾咗陣計了解一下，店舖而家個名已經唔係叫BB Ramen，日本都有店，佢跟個日本師傅學咗好多年，好有heart!一向大愛黑蒜味道之食物，見到黑骨既選擇，已經下左決定拉麵軟硬度自訂，麵質彈牙，質感煮至我喜歡既，多蒜泥，豬骨湯底濃郁，黑蒜油好香口，夾雜墨魚汁令湯底夠黑，忍唔住不停咁飲個湯，而且湯唔油膩，飲完唔會太有罪惡感配菜有兩大塊薄瘦叉燒肉，質地軟稔，另可揀蔥花或椰菜絲，木耳絲同竹荀，足料。而友人點咗綠骨，香濃既pesto味，香草味好出，加咗芝士係面，幾特別，感覺會比較膩快飽，不過個人一向比較鍾情於蒜香多啲。另外，除咗regular 選擇，佢地仲會有期間限定味道，定期轉新口味新湯底，多啲新意比食客！下次再黎食呀！

行完維園年宵 行多兩步去左大坑覓食晚上7點半前面有5/6個等緊位好在都好快有位坐店鋪座位唔算多我同友人2人被安排坐其中一邊既四人卡位拉麵係自己選擇濃度、硬度同配菜豚骨拉麵典型好味既日本拉麵我自己就食綠骨拉麵一黎到見到有芝士粉係面已經覺得好驚喜食落去係好清新既清菜感覺推薦！不過唔知點解食到最尾覺得咸左少少下次黎唔填要濃味 比師傅幫我決定點配搭最好味先$18加左一隻溏心蛋食 好滑食完個口都真係唔算乾難得無咩味精會再來吃～～～～

其實係到食過幾次以上，係香港好少有拉麵真.好好食(老娘比較咀刁😜)，而且最特別既係有期間限定，每次去都唔同，最記得試過蝦湯底同魚湯底，真係好好食! btw啲員工禮貌幾好😙雖然係平日，但都多人食架，所以只要早少少黎，就唔洗點排啦😌my favorite black ramen in HK😍一般黑蒜拉麵味都唔太出，但依個連個湯底都黑過墨汁，正呀😍😍😍啲叉燒都算大塊，個麵底好彈牙，感覺上唔似用機啤，如果你有食開x蘭，你就明架啦😆

已經嚟過呢間拉麵店好多次了。第一次是同事帶我嚟，食完之後，係會有條拉麵癮！隔一兩星期癮起又想去食😂😂 於是就成為我地幾個的飯局落腳點。同其他拉麵店一樣，有紙俾你揀要邊個味道，麵質，配料等等。極力推介糖心蛋！原隻上架，唔同其他會切一半！你地食下就知點解喇我呢次叫咗豚骨加2辣。 因為我唔食蔥，所以改做椰菜絲。湯底好濃，但食完唔會口乾😁 你仲會好有衝動飲哂成碗湯架！椰菜絲同木耳絲都唔會溝淡個湯底。食得出木耳絲有用麻油撈過，唔會冇味，又跣水我第2次加辣。上次加1，覺得唔夠，今次加2，覺得剛剛好。呢種辣唔會chok喉，是惹味的辣，好好食梳打都是每次必點的！經常轉味道架！今次就係信州蘋果😋😋😋好正。 之前仲有白葡萄，蜜瓜，想知係咩味就問下店員啦！

下次會再來，今次試了原味豬骨拉麵。豬肉好滑及肥美，叫左個蛋，初時覺得平平無奇，咬了一啖，超好入味，仲係流心架，撈埋D麵食好正✨。整體食完唔會覺得囗渴。入面D樹櫈好得意，木頭造。

BB Ramen綠骨 $88蕉蕉又忍唔住要食BB Ramen!!!!!!今次食綠骨，勁有驚喜😍綠色既湯底有護眼功效😂護眼湯底係豚骨加pesto、橄欖油同芝士❤️蕉蕉飲左一啖之後完全停唔到，繼續狂飲狂飲😳真係好香好濃，湯面泛著亮澤油花，豚骨味濃而不膩，同上次一樣，沒有太重味精感，條脷唔會鞋，個頭唔會暈!最最最想講係個pesto+橄欖油，蕉蕉平時食pasta都勁鐘意食pesto sauce，呢碗護眼湯底真係好L香，香草味爆哂出黎，唉依家講講下又勁想食.....------------------------------BB Ramen (大坑)大坑京街3號

自小都不太喜愛拉麵，因為會覺得食完會好飽, 。但係呢一間實在令我有驚喜！店舖唔太大，一定要齊人先比入，覺得有時不要太執着，見外面落雨應該比客人入去坐先啦因為人手不足，等食時間比較長。我叫咗特飲，白提子汽水，好清甜。我個仔堅持要飲水，叫話呢道的冰水好甜好好飲😝老公因為食辣叫咗赤骨拉麵，紅色湯低一睇就知叫辣啦！佢以選擇1份辣但都係辣咗啲。湯低夠濃郁香氣撲鼻，叉燒都算大塊，仲切得幾厚，肉味十足，好過其他拉麵店好多。我就叫咗豚骨拉麵，可以選擇椰菜。本人因為消化系統不太好，拉麵我選擇了軟，細心嘅師父真係有留意到我嘅需要，啲麵真係好淋。湯低有鮮甜肉味又唔太過油，剛好不太咸今次我哋加咗麵，追加叉燒及椰菜

上星期同老公心血來潮想去天后大坑食飯，見到呢間拉麵店門口嘅餐牌，有黑麻油湯底，因未試過有好鍾意試新野就入左去坐低左喇我地order左兩款拉麵，老公點左豬骨湯底，我就點左黑麻油湯底，第一啖湯入到口，好濃嘅黑麻油味，洋溢整個口腔，好有滿足感:he忘嘅野，真係好正一定會再去:yummy:

大爺生日話要食拉麵, 唔鍾意食拉麵既隊長真係諗到頭都爆, 無理由生日去去食自閉一蘭架麻, 大坑好似話開左好幾間拉麵店, 甘見呢間都幾多好評, 於是去試下啦...........隊長唔鍾意食拉麵, 係因為怕油同太咸, 各人口味唔同啦, 同埋太油既野, 我通常食完即屙........拉麵店一向都係得幾款揀, 選擇障礙既人就無有怕, 呢到都好, 湯既濃度有"清淡"揀, 我地就叫左一黑一白, 先食啖麵.........甘大陣皂水味既!? 嘩! 接受唔到喎, 我黎食日本拉麵, 但點解好似食既雲吞麵甘架? 至於湯底, 我叫左清淡, 都OK既, 真係無甘咸, 叉燒都OK, 夠"林", 唔係"燈影叉燒", 不過個皂水麵已經影響晒~但要讚店員(老闆!?)都好care每檯客, 見你選擇障礙, 都會解釋每個湯底, 同埋問下你既口味, 從而幫你揀出心水, 而見你有食剩都問下點解, 有heart既, 不過個麵真係要搞搞佢~

在九州多年回港後，就沒有吃過好吃的拉麵。一風堂，拉麵萊，都是「港式」了的拉麵，甚至那家日本人開的有名氣拉麵，也是非常普通...本來再不抱期望，可是在這裡居然找到在福岡吃的拉麵味道，實在嚇一跳！ 這裡麵條幼身，不會煮太硬（日本九州的人大都愛偏硬身的麵，煮久一點點都會很扣分）湯喝得出來是自己煮，而不是外面調好的味道，很鮮很有層次。蛋很好吃、蛋黃很香。叉燒也很不錯，蔥夠多。唯一的不足，可能是紫菜有點漏氣了... 店裡的店長人很好，問了味道，還介紹了一下餐廳背景。總結一句：物有所值！

我自己有一個香港心目中拉麵既排行，呢間我可以講係我心目中係頭三位黎，所以每隔一排就會特登入去大坑探呢碗拉麵先旨聲明，入得黎食，重口味既我表示乜都要超濃：無論係蒜，湯同埋個濃厚度。提提大家，超濃係會勁杰的，濃到好似成Pat野咁，視覺效果直頭係零分。所以第一次黎食的話唔好直接挑戰Boss，個質感唔係人人接受得到。仲有如果想追加替玉的話唔好飲湯飲得咁快，會變撈麵的。先講番我呢碗，麵質揀超硬原因一黎我鐘意食硬質麵條多過軟身，二黎就要預番半分鐘影相時間導致到既麵質變化，要知道幾十秒對住麵質黎講係可以有一個好明顯既變化。麵質用上幼身太麵，簡單ｄ講，同豚王（唔理佢地背後啦，呢度唔研究背景）用上同一種麵條。因為都係出自同一系拉麵。鹼水感覺唔重，依然有小小，但屬於可以接受範圍。叉燒唔評論太多，我覺得對比出面有幾間叉燒做得特別既完全比唔上，但呢系湯底我最鐘意既就係有豚肉碎粒增加左成碗麵既口感，個層次＆口感當堂出左黎。而隻蛋絕對係中上之作，浸味醂完全入味，可惜呢期食得太多完美蛋，導致到當日既我覺得稍為比下去。重點就係湯底，我唔討論味精呢個問題，涉及問題太多，所以你自己覺得唔口乾，無對味精起感覺就係個答案，呢

豚骨唔夠鮮甜  比較淡口我會揀其他味道赤骨黑骨都唔錯 有好多唔同選擇湯麵既軟硬度湯麵的湯既濃厚度半熟蛋非常好美連蛋白都有流心嘅狀態叉燒肥瘦度適中赤骨湯麵辣到咳但係好好味黑骨湯面有墨魚汁夠濃厚一定會再返去唔會再去其他拉麵店除非係新野啦

自從朋友於日本之旅期間，吃過一碗超級滋味的拉麵，回港後已成為一個真正的日本拉麵魂。已不知道這是第幾個周末夜，同樣於大坑的 bb Ramen 開餐，這裡店面雖小，但氣氛就是瀰漫著一股日本小店氣息。 於點單紙上，選了豚骨拉麵，醇厚豬骨湯底的濃淡度，以及自家製麵條的軟硬度，亦可自由選擇，梅肉义燒口感鬆軟，配著爽脆的椰菜絲，但感覺湯底份量總是欠了一丁點，吃至一半時，口感亦變得較為厚身。 朋友選擇了赤骨拉麵，湯底亦是以豚骨為主，加上大蒜、辣油、唐辛子及香料秘製而成，店員送上拉麵，建議先呷一口熱湯，品嚐一下湯底的真味，色澤火紅，辣味溫和不嗆喉，然後再將辣椒粉及辣醬拌勻，將辣味提升至更深層的滋味，而鬆軟的梅肉义燒，吸飽了辣湯的精華，非常惹味。另外，追加了特選配菜，包含紫菜及溏心蛋，點單後，侍應即時端上，面積比碗口還要大的紫菜，沒有帶來驚喜，反而於食用時感覺不便，而且，這片又大又軟韌的紫菜，明顯地於上桌前已受潮，雖然，食用時還是要將紫菜泡於湯內，但是，一家來自日本的拉麵店，連一片紫菜亦不能妥存，實在有點說不過去。再講，這個是拉麵的配菜，不是前菜或小吃，為何不是配著拉麵一併上桌 ? 還好的是