影片
港鐵尖沙咀/尖東站 N2 出口, 步行約1分鐘
繼續閱讀
電話號碼
37217788
開飯介紹
凱悅軒融合現代藝術與20年代傳統茶館的精髓，是品嚐地道中式佳餚的理想地點。
凱悅軒呈獻一系列令饗客難以忘懷的經典招牌菜，另同時炮製多款時令佳餚以供品嚐。無論是清新怡人的夏日菜式，還是豐盛暖胃的冬日美饌，均能將多元化的粵菜精髓發揮得淋漓盡致。
凱悅軒環境優雅舒適，落地玻璃令主廳更見開揚。餐廳另設兩間分別可容納8和12位的貴賓廳，前者更附設迷你酒吧。
繼續閱讀
特色
同客食飯
適合大夥人
附加資料
午餐: 第一輪: 10:00 – 12:00第二輪: 12:30 – 14:30 晚餐: 18:00 – 22:00
營業時間
今日營業
10:00 - 14:30
18:00 - 22:00
星期一至日
10:00 - 14:30
18:00 - 22:00
公眾假期
10:00 - 14:30
18:00 - 22:00
公眾假期前夕
10:00 - 14:30
18:00 - 22:00
以上資料只供參考, 請與餐廳確認詳情
有關獎賞計劃
優惠
相關文章
食評 (247)
好耐冇約成班朋友一齊聚餐💖今日中午約齊人一齊去尖沙咀凱悅酒店📍凱悅軒✨食lunch🍴傾足成個晏晝，又可以食到可持續來源海鮮🦞大滿足🥳🥳凱悅軒主廚黃皓勤師傅🧑🏻🍳最近全新創作六款精緻海鮮佳餚😋特別採用由水產養殖管理委員會 (ASC) 及海洋管理委員會 (MSC) 國際認證或來自水產養殖改善項目 (API) 嘅可持續來源海鮮入饌😻😻大家可以享用美味海產同時為保育海洋貢獻一分力量💡🔹涼拌油雞㙡菌皇帝蟹肉法邊豆選用由海洋管理委員會認證嘅阿拉斯加皇帝蟹腳肉🦀鮮嫩肉厚啖啖肉，搭配爽脆法邊豆、爽滑雞脾菇，再淋上特製油雞㙡菌醬汁，味道豐富帶點微辣，清新又開胃🤤🔹米通脆炸魚肉丸子以水產養殖管理委員會認證之越南蝦打成膠，再與同樣由由水產養殖管理委員會認證之龍脷柳魚肉製成魚肉丸子🍡 沾上脆漿、脆米後落鑊香炸，外型就如艷麗荔枝，夠哂精緻！再沾上莓紅色糖醋醬，酸甜爽滑好滋味💕🔹崧子波士頓龍蝦炒鮮奶以大良炒鮮奶為基底，加入海洋管理委員會認證全隻新鮮波士頓龍蝦🦞鮮奶清香嫩滑，波士頓龍蝦彈牙爽口，配以香酥炸麵餅及香炸龍蝦頭，充滿海洋鮮味🌊🔹素翅菜膽蟹肉雲吞雞金黃色雞湯香濃鮮甜，雲吞內餡有來自水產養殖改善項目之蟹肉🦀水產養殖管理委員會認可之鮮蝦🦐及豬肉🐷搭配全隻嫩滑雞件🐔🐔另再加入爽滑素翅及翠綠小唐菜🥬用料上乘豐富！🔹欖菜乾煸蓮藕帶子肉鬆以海洋管理委員會認證之加拿大帶子粒、冬筍粒、馬蹄粒、蓮藕粒、紅椒、腰果碎製成💁🏻♀️大廚加入欖菜醬汁，乾煸翻炒至入味，啖啖香口惹味，口感極之豐富！放入脆筒同食，多重口感更滋味😋特別一讚盛載之炸米紙鳥巢🪹 精巧可愛，上枱賣相吸晴🌟🔹雪菜濃湯海皇煨麵材料豐富，選用水產養殖管理委員會認證之彈牙蝦球及帶子，配搭新鮮小棠菜粒、鮮菇及嫩滑上海麵🍜最後更可即場倒入以功夫茶壺盛載之濃雞湯雪菜粒，提升味道層次🥳🥳🔹例牌叉燒好友大力推薦呢度嘅叉燒，我哋就叫咗一份例牌一齊試吓💖厚切叉燒份量十足，口感鬆軟、醃得入味，尤其喜愛叉燒頭，帶點焦香，蜜味十足！🔹酥皮流沙盞飯後甜品揀咗呢款酥皮流沙盞一齊開心share～面頭菠蘿酥皮酥脆得嚟充滿奶油香🧈流沙奶黃湯圓外皮煙煙韌韌，內餡香甜～撻皮鬆脆，多重層次超滿足😌🔹蛋白杏仁茶美白又滋潤嘅蛋白杏仁茶，味甜潤肺，蛋白嫩滑無比～入口陣陣杏香細膩、綿滑清香，潤肺又養顏💕💕凱悅軒✨📍尖沙咀河內道18號香港尖沙咀凱悅酒店3樓
繼續閱讀
呢個夏天真係熱到痴線，難得前排係凱悦軒食到個幾出色嘅椰子入饌嘅menu，好啱呢個咁熱嘅天氣介紹下。先吃椰香紫米脆雞卷靈感來自於醉雞卷，大廚以腐皮包住三黃雞，蝦膠、紫米、萵筍、甘筍、馬蹄粒炸到熟透，入口勁脆，有肉汁而雞肉非常之嫩，點椰漿絕對係再提升其鮮度。金沙椰香脆龍蝦以原隻龍蝦烹調，大隻到不行嘅龍蝦肉每個位置也沾滿咸蛋黃椰漿，兩個味道相輔相承，在旁還有饅頭仔俾你，食完龍蝦唔夠滿足仲可以沾上蛋黃椰子醬汁同吃，成件事再完美得多。我覺得最好嘅係鮮椰青肉菠蘿炒本地黑毛豬。椰青肉嫩鮮甜，就咁食又唔駛郁手，雖然我不是太愛椰子但吃到咁甜味豐滿的椰肉都會開心，再加上不太肥又有咬口的本地黑毛豬肉，加上好多荷蘭豆、菠蘿和少量辣椒，在旁就有椰清水製作的炸椰果，吃完一口再一口，特別好。不是新menu，但呢個乾粉絲蝦球煲係我吃個最好的乾粉絲煲，之前係尖東Nara Thai食過最好的泰式粉絲，呢個蝦球係拳頭咁大，每條嘅粉絲都絕對有其鮮味與彈性，絕對值得再叫。甜品係芋香椰子糕。聽師傅講椰子肉係轉成香滑椰漿，加上芋頭蓉和椰子片，製成凍糕後就完成，入口椰子香非常濃郁，愛椰子嘅不容錯過。有興趣食嘅，係8月31日前都會有機會試到，一齊感受下椰子的唔同感覺，要食椰子入饌嘅menu唔係剩係得椰子雞煲架，來感受下不一樣的椰子魅力。
繼續閱讀
又到星期二放假食好西系列！呢日老婆大人同我去嘆食完會好開心嘅主題菜，大家估唔估到係咩呢？呢日就係去尖沙咀凱悅酒店嘅凱悅軒食蝦主題嘅新菜，對於鍾意食海鮮嘅我梗係開心到爆啦。坐低先嚟整個頭盤香辣汁拌桂蝦嘆吓！呢個香辣汁做得好惹味不過對我嚟講有啲辣，所以我食面頭冇浸住汁嗰啲就啱啱好。蝦肉夠新鮮食落仲好爽口，芥蘭同埋青瓜比到清爽嘅感覺，食到覺得辣嘅時候可以整粒紳石榴嚟中和吓，呢個頭盤真係夠晒醒胃好好味呀。滕椒三蔥爆虎蝦味道香麻唔係好辣啱晒我食！虎蝦大大隻啖啖肉食得好爽皮，入面嘅蔥、紫洋蔥同埋京蔥都係主角嚟唔可以唔食。除咗食蝦之外我哋仲叫咗雞！呢個乾蔥黑蒜豆豉雞煲熱辣辣最啱冬天食啦。雞肉煮到入晒味好香口仲幾滑添，最特別嘅係加咗黑蒜香甜味就更加重喇。雙式剁椒蒸大海蝦又黃又紅又綠咁顏色靚到不得了！色彩嚟自泡椒同埋黃椒加蔥花靚得嚟該會好惹味。鹹鹹香香辣辣嘅味道同海蝦真係幾夾喎！底下嗰啲粉絲同埋蟲草花吸晒蝦嘅鮮甜真係好惹味。食中餐相信好多人都會叫燒味我哋都唔例外！叫咗個叉燒同埋燒腩仔雙拼嚟嘆，燒腩仔個皮好脆肥瘦同調味都啱啱好質素好高。叉燒有燶邊食落去特別香口，肉質好夠腍又唔會太肥好食喎。蝦湯蟲草花浸菠菜勁鮮味，菠菜滑嘟嘟一啲苦味都冇，加埋個鮮味濃郁嘅蝦湯真係勁好食，入面仲加咗啲彈牙嘅蟲草花所以口感好好。最尾梗係整返個飽肚嘅飯啦！呢個櫻花蝦醬臘味河蝦炒鴛鴦飯做法好特別，用咗白米同埋糯米嚟煮唔怪得知個口感咁得意。炒飯入面除咗臘味之外仲有好多爽口彈牙嘅河蝦仁，食落好香口唔知係咪有糯米食完全身都暖笠笠正呀喂。呢個酥皮流沙盞係老婆大人最鍾意食嘅甜品，有菠蘿皮又有酥皮仲要有奶黃湯丸，淨係呢三樣嘢就知道口感有幾咁豐富，最緊要係夾埋起上嚟又真係好好味喎。香滑芝麻糕整得夠爽口芝麻味都好夠濃，食多啲希望啲頭髮都黑啲哈哈。
繼續閱讀
好友約食午餐，選址在尖沙咀凱悅酒店內的凱悅軒；記得之前也食過幾次，環境舒適坐位闊落，食物有水準，雖然價錢貴少少，但也物超所值！原來由今年11月18日至2025年1月28日，推出全新的「蝦·盛宴」，主廚黃皓勤師傅精心挑選不同品種的蝦類，再以不同的烹調方法，煮出六款精緻美饌，務求令食客享受到不一樣的美味。「香辣汁拌桂蝦」是一味清爽的開胃菜，桂蝦肉質鮮嫩多汁，配上清甜鮮爽的芥蘭和青瓜，口感絕佳；而自家製的辣汁也提升了桂蝦的鮮甜味，令人垂涎欲滴。新鮮熱辣的「乾蔥黑蒜豆豉雞球煲」，一打開蓋已香氣四溢，雞球肉質鮮嫩，在吸收了黑蒜豆豉的醬汁後，更加惹味；淨食或配白飯，也很不錯。帶有四川風味的「藤椒三蔥爆虎天蝦」，喜吃辣的朋友絕對不容錯過；蝦肉吸收了爆香的肉蔥、京蔥和紫洋蔥後，顯得額外惹味；大大隻的虎蝦，肉質鮮甜爽彈，食後令人回味無窮。以鮮甜的大海蝦製作而成的「雙式剁椒蒸大海蝦」，把蝦放置在粉絲、蟲草花和木耳絲上，再在蝦肉上放上泡椒粒和黃波椒粒，睇落色彩鮮艷奪目，放入蒸爐蒸煮至剛熟；蝦肉食落鮮嫩Q彈帶微辣，令人印象深刻。燒味雙拼(叉燒+燒腩仔)～肉質嫩滑軟腍的叉燒，看似偏瘦，但入口鬆化無渣，唔錯；皮脆肉嫩的燒腩仔，入口鬆化，肥瘦均匀，令人回味。蝦湯蟲草花杞子浸菠菜～香濃的蝦湯底，配上有益健康嘅蟲草花及杞子；菠菜口感清新，食落沒有苦澀味，處理得不錯，好吃。櫻花蝦醬臘味河蝦炒鴛鴦飯～以白飯及糯米飯混合制成，再配上河蝦、臘腸粒、膶腸粒、冬菇粒、芥蘭粒等同炒，最後加入自家製櫻花蝦醬，增添香氣；河蝦鮮甜肉質軟嫩，加上油潤的臘味和米飯香，令人忍不住多吃幾口。最後甜品叫了「桑寄生蛋茶」，味道清甜而不膩，有滋補潤肺、舒緩寧神等功效，真是健康又好味的糖水。和好友談天說地，不知不覺已坐了二個多小時，也是打道回府的時候了，期待下次再聚。#蝦·盛宴 #香辣汁拌桂蝦 #乾蔥黑蒜豆豉雞球煲 #藤椒三蔥爆虎天蝦#雙式剁椒蒸大海蝦 #燒味雙拼 (叉燒+燒腩仔) #蝦湯蟲草花杞子浸菠菜 #櫻花蝦醬臘味河蝦炒鴛鴦飯 #桑寄生蛋茶#凱悅軒地址: 尖沙咀河內道18號香港尖沙咀凱悅酒店3樓電話: 37217788
繼續閱讀
臨近農曆新年大家也開始安排團年飯了是嗎！我覺得中菜始終是最熱門的選擇，如果加上好意頭的菜式相信會更加受歡迎。這天再次來到尖沙咀凱悅酒店內的凱悅軒品嚐黃師傅新菜式！這次他選用了不同品種的鮮蝦來炮製新菜，誓要讓我們吃到「蝦蝦」大笑而回。香辣汁拌桂蝦$198！龍鳳呈祥的賣相超級霸氣相信味道也不能少覷。色澤鮮明的桂蝦肥美飽滿味道爽甜，配襯微辣醒胃的特色醬汁，再加上翠綠芥蘭和青瓜來增添清爽口感，這道前菜味道微辣醒胃真的好吸引。藤椒三蔥爆虎蝦$468！以新鮮花椒來爆炒大虎蝦，並加入三款惹味來源的香蒽作料頭，紮實虎蝦鮮味中帶出麻麻的濃郁川味好誘人。乾蔥黑蒜豆豉雞煲$338！冬天吃煲仔菜感覺特別溫暖，豆豉本身已經夠甘香惹味，師傅再加入了有益香甜的黑蒜，令本身香滑雞肉增添了層次豐富的味道，這個菜非常適合佐飯享用是神偷來喔。雙式剁椒蒸大海蝦$488！開邊大海蝦安躺於蟲草花和粉絲上，配上色彩繽紛的泡椒及黃椒粒調味，除了海洋的鮮味之外還有醬料的微辣香氣，令大海蝦除了鮮甜更多了點點獨特趣味。燒味雙拼$368！選了叉燒加燒腩仔來雙拼，前者肉質腍滑蜜味香甜，後者皮脆肉香肥瘦均稱非常Juicy，兩款燒味都各有捧場客令大家也吃得稱心滿意。蝦湯蟲草花浸時蔬$248！鮮味濃郁蝦湯配襯香滑的菠菜非常妙絕，再加上煙靭彈牙的蟲草花這碟時蔬吃得我滿心歡喜，那口蝦湯也不容錯過啊鮮味濃郁好好喝。櫻花蝦醬臘味河蝦炒鴛鴦飯$368！這鍋飯端來的時候香氣撲鼻非常誘人，香氣源自櫻花蝦和臘味的鹹香味道，超喜歡大廚用上白米加糯米來炮製，口感煙靭得來又不會太黏嘴，胃弱的朋友吃多點點也不用擔心。酥皮流沙盞$68/4件！來凱悅軒甜品要吃這個是常識吧！酥脆菠蘿皮夾著甜美奶黃湯圓加上鬆化曲奇盞，這個組合從來也是令人百吃不厭的理由。香滑芝麻糕$58！口感爽滑帶上濃郁的芝麻香氣，是份養生得來又美味的甜點。說到養生女士們必定要點這客桑寄生蛋茶$58！桑寄生茶對女士特別呵護這兒出品很足味，加上大大隻索滿桑寄生茶的雞蛋一起品嚐怪好吃耶。蝦盛宴菜單由即日起至2025年1月28日供應。
繼續閱讀