函館元祖北海道拉麵

營業中

休息中

平時唔多寫食評，但食完發現呢間原來咁多負評，就膽粗粗寫返幾句，持平啲講，唔難食嘅！反而我覺得以呢個價位有哂前菜、湯、冷盆小食，CP值唔錯👍🏻定食我鍾意，反而拉麵有少少鹹！

依間家庭式嘅日本餐廳有拉麵、燒物、沙律、小食等，價錢實惠可接受～當晚有一枱日本人同兩枱外國人，反而香港嘅客人係小數🙈✴️豆腐沙律✴️好大一盆沙律！沙律菜主要係椰菜絲同生菜，可以揀麻醬/日式沙律汁🥗菜新鮮爽脆，食完個沙律已經飽咗一半～豆腐滑溜，喜歡💛✴️豚肉生薑燒✴️醬汁調味較濃，佐飯就啱啱好，就咁食會太鹹～豚肉片有口感，大大塊包住啖飯食好滿足😚✴️牛舌定食✴️牛舌較薄身，雖然食到牛舌有嘅彈性，但因為較薄，始終都係差少少🤔調味上較淡，好似無落鹽咁，所以提唔出牛舌嘅牛香味，比較可惜🫠

午餐時間，見無咩人排隊，唔駛等，所以無睇食評就坐低咗，點知就伏咗。我叫咗滑蛋豬扒飯定食。炸豬扒啲皮又冧又濕，似隔夜整定咁。滑蛋豬無滑蛋，已經變成老蛋，而且唔知加埋有無一隻蛋... 真係要搵先見到啲蛋。另外，個餐有跟一個麵豉湯，一碟漬物，仲有一碟兩條通粉。麵豉湯同漬物係正常，但係個兩條通粉實在不倫不類嘅小食。服務其實唔算太差，環境都尚算可以。見好多檯都係外國人，可能因為佢有幾個外籍職員。埋單99蚊，應該係我人生食過最貴最難食嘅滑蛋豬。

好啦諗住放lunch食個好拉麵心諗乜鬼嘢金蝦拉麵實冇死嚟到嘅時候 吓！？冰鮮蝦仁炒蛋size嘅蝦仲要得一粒？你夠膽死收我$100！？我發誓我呢世人食過最難食嘅拉麵永遠都唔會再去我捐錢比乞兒都唔會再食呢間垃圾，要去食嘅自己睇路，鰂魚涌飲食界污點Menu已經奇奇怪怪又中又英 詞不達意咁大個人 未試過食一間餐廳食到一肚氣難食唔緊要，你依家係詐騙乜鬼嘢海老拉麵？蝦仁炒蛋蝦粒？我想問吓負責人 你真係好意思拎出去比客人食？

🍳食物質素：鰂魚涌美食林立，能夠係度屹立不倒自然有番一定水平。函館拉麵我最鐘意食佢鹽味拉麵，醬油都正。麵的硬度，味道的濃淡我覺得都係啱啱好，係屬於行開係附近，諗唔到食乜就不如去食佢的穩定水準。🍴推薦搭配：簡單就是好。食最基本的口味就啱🪑環境座位：正常食店大小，坐到大約6枱？🚗交通：鰂魚涌A出口果邊行一陣💰人頭費：120左右

I was planning to visit the restaurant next door, but closed. Ending up decided trying this restaurant instead.Seeing two out of three groups customers were Japanese family, quality seems promising. Staff was nice and offered green tea immediately. Was a bit awkward that staff was rushing to make the order while I was just seated. Staff even asked to order noodle first and decided the next dish later. Felt a bit rushy. Rich miso ramen had a promising strong miso flavour. Neither thicken, oily no

喺鰂魚涌Last day，諗住食間無食過嘅餐廳，鰂魚涌向來都係食好西之地，見佢門面幾靚就入左去，同埋上次有個日本哥哥喺門口，態度好誠懇。入到去，係好有日本嘅感覺，本身都幾有期待。嗌左個鹽味蝦湯拉麵，不得了！個湯係可以好清晰咁分到鹽水同蝦嘅味！好似置身喺街市魚檔，個賣魚哥哥即時喺賣蝦嗰格，拂啲水上嚟比你飲咁🙏🏻🥹陣腥味喺個口度，別有一返風味💀可能真係喺日本空運海鮮過嚟，面頭隻蝦一睇就知係冰鮮，食落更加知！因為佢係凍架！！！不過食落就無冰火二重天嘅感覺😞因為個湯、啲粟米、芽菜都係凍架，夏天食真係好消暑🙏🏻店家好貼心。頭先咪話間鋪頭好有日式風味嘅，店家係絕對唔會比你迷失架！個拉麵就係戲肉啦，一下拉你返香港！究竟似咩呢？係！係味千拉麵！童年無錢食拉麵嘅感覺返曬嚟🫶🏻最後埋單都要過百，作為喺鰂魚涌返工嘅完美句號。我只係想講一句：有得食食對面同隔嚟嗰間拉麵鋪啦陰公🙏🏻

平日呢間日式食肆都好多人，今日見冇乜人終於入去試吓。我叫咗一碗沾麵，價錢$100 ，嚟到見到個賣相都幾驚喜，因為大大碗面，又有紫菜，叉燒，原隻糖心蛋，荀，同埋一啲配菜叉燒唔痴牙，已經有咸味，嫩嫩的口感。溏心蛋係合格既溏心蛋，都ok。而荀係最有驚喜，份量唔係兩三條，而係一堆，老闆一啲都唔吝嗇。但係拉麵就好普通，沾麵汁睇落好濃厚咁，食落口都好普通有點小失望

作為一個鰂魚涌返過工嘅人😂其實我係冇食過鼎鼎大名嘅周月嘅😂主要係因為佢唔收消費劵😂冇得去嘗鮮😂為左彌補個遺憾我決定去對面街呢間叫函館嘅拉麵食🌝而出奇地真係好食同正宗🌞🍜黑玉拉麵姐係黑蒜油拉麵🧄🧄👨🏿‍🦲啲黑蒜油係肉眼可見嘅多😂第一下麵都搵唔到而佢個湯底本身都冇令人失望濃濃嘅豬骨香味同埋油香再加上黑蒜油🧄成個層次再昇華左🤓 叉燒係有厚度🤏🏼有肉味有咬口唔會入口即溶唔見左嗰隻唔會係某蘭嗰啲即溶紙片咁😂個麵底🍜都係我鍾意嘅曲嘅粗麵底🍜又掛湯🍜本身佢自己個麥香又重我個人係非常之咁滿意 🍜唐揚炸雞🐓作為一舊唐揚雞佢好優雅地完成左佢嘅任務有醃料嘅香唐揚嘅脆雞嘅嫩滑只能夠講職人精神萬歲😎🙌🏼肥仔指數：🐒🐒🐒🐒🐒/5🐒滿分 #foodiehk #food #garliclovers #美食家 #肥仔覓食 #hongkong #hk #hkig #Instagram #食家 #食評 #香港 #香港人 #hker #hkfoodie #delicious #foodblogger #ramen #拉麵 #唐揚雞 #friedchicken #chasiu #函館 #umai #職人技 #職人魂 #匠人精神

鰂魚涌出地鐵站後有好多美食可選，與朋友原本打算食沾麵，但呢間隱蔽小店搵極都搵唔到，最後就黎到函館呢間好似係由日本人開既食店品嘗晚餐。我點左呢個係濃厚豬骨蝦湯拉麵，麵身煙韌爽口，不過湯底一般，無「濃厚」感覺，只係一般的蝦湯底，$100/碗拉麵，得一隻蝦之餘仲要係冰鮮蝦，咁就真係有點失色。朋友太想食沾麵所以不顧網上評論話太咸亦要親身一試，結果亦係偏咸的味道，不過亦係可接受範圍內，其他就不過不失。店內環境不錯，亦有日本食客，增添少少「日本」氣息。

香港食拉麵未試過差到咁拉麵味道好一般都算最恐怖係食完會肚瀉真係忍唔住要出食評第一次吃拉麵會肚瀉同行的食完都肚瀉幾次真心貼錢買難受呀真係唔建議去嘗試第一次嚴明地評論一間餐廳...

有日經過見到裡面既裝修好日式😍就行左入去試下 點知發現老闆同店員都係日本人！加埋店入面既裝修都係日系溫馨黃調，真係好似去左日本咁呀😍😍-見到餐牌上既拉麵有好多選擇， 一下子唔知揀邊個湯底好😂所以最後揀左最classic既金味噌味😂點知好令人驚喜，一d都唔會太鹹 湯底好鮮！-朋友叫做炸豬軟骨定食，有湯，豆腐，炸豬軟骨，同埋白飯，好豐富好有儀式感～而且炸豬軟骨好熱好香好新鮮😍外酥內軟好正呀～糖醋汁同沙律醬係另外上～滿足唔同喜好既客人！-最後追加左一個小丸子，係偏軟糯個種，雖然味道好好但如果可以脆少少就滿分啦

💭餐廳除左有好多拉麵湯底選擇之外，仲有d 定食同飯類選擇，餐廳環境舒服，夏天坐得近門口就會有dd 熱🌸金味增拉麵 （HKD 78）🌟🌟🌟湯底味道都好夠濃郁，配菜都好多，雖然叉燒有兩塊，但係相對上比較細塊，整體上都好食既。🌸北海道3.6牛乳芝士拉麵 （HKD 98）🌟🌟🌟🌟呢款湯底真系好特別，畢竟都比較小牛奶湯底！呢個拉麵湯底味道真系幾濃郁，有好香既牛奶味道！芝士都放左好多落去食到底d 芝士都無融曬！可以一試！追加 🌼煎餃子 （+HKD 25）好食！ 🌼章魚丸 （+HKD 25）麻麻地，可以唔洗試

函館元祖北海道拉麵地址:  鰂魚涌海光街11號漢威大廈地下1B號舖又再幫襯啦🤣~今日就隨意叫試下濃厚豬骨蝦湯拉麵🍜 $110做午餐外賣，湯底同之前一樣十分濃厚，滿滿豬骨湯鹹香味重但並不死鹹，拉麵掛湯能力非常，然而美中不足係蝦味唔係好覺，麵質較煙韌有咬口😚，叉燒大大塊而且脂肪層厚，不過叉燒份量較為少🤣，唔係好夠食。#nicefoodie鰂魚涌----------------#food #foodporn #hkfoodblog #hkgoodblogger #foodphotography #foodie #foodblogger #goodstagram #hkfood #hkfoodie #hkfoodlover #foodporn #delicious #hk #香港 #香港美食 #美食 #鰂魚涌美食 #打卡 #拉麵 #日本拉麵  #鰂魚涌 #香港口味  #隱世美食 #隱世小店 #半價優惠 #人氣餐廳 #人氣美食 #日本菜

今次嚟鰂魚涌搵嘢食 雖然佢個名係叫函館元祖北海道接麵 似乎主打拉麵 但環境係日本居酒屋間隔 有拉麵 亦有定食同小食揀 唔係專一拉麵店所以今次都係試一飯一拉麵吉列炸豬扒咖喱飯依個飯係個定食嚟 有味噌湯 薯仔沙律 同漬物味噌湯好淡 無咩味 薯仔沙律 菜好新鮮個薯仔烚蛋沙律好好味至於個飯 量都好大 但唔好味 炸豬扒好薄好細份 有雪藏味 豬扒好乾好嚡 亦炸得唔夠好 雖然都仲係脆 但95蚊依個價錢唔應該俾依個質素 咖喱同平時自己買一包包咖喱汁嘅質素差唔多。。。強差人意濃厚豬骨蝦湯拉麵 依間專心做好拉麵會更好吧 因為佢個拉麵係好味嘅 湯底好濃郁蝦湯味 兩塊薄叉燒仲有一隻蝦做伴菜 薄叉燒就無乜特別 而拉麵係好耐都無食過嘅一款 類似油麵樣嗰款（唔知你哋明唔明邊款）總之拉麵彈牙又好香 硬度又夠 係我最鍾意嘅拉麵款 因為好耐都無見到拉麵館用依款拉麵製作不過佢無附加溏心蛋 要加十五蚊先有 我亦都無加到嚟喱度還是食返拉麵好