初麥手作烘焙

營業中

休息中

#原味酥皮撻 💛💛💛酥皮超多層超鬆化‼️又有牛油香～fafafoodie 覺得比hashtagB/bakehouse好食呢🤪蛋漿又夠多～唔會太甜👍🏻返家焗返熱有夠驚艷～～HKD18#開心果酥皮撻 💚比原味既多左層開心果醬同開心果碎係面，開心果醬濃，但好杰身有啲漿口🙈開心果碎就有少少焗到苦左，甜度好低😲覺得原味酥皮撻驚豔啲😬HKD26#開心果細千層 💚💚為左呢個千層包而去初麥🤭真係幾細個，一個人都應該食得晒～我返到去雪完再焗返熱食，就有種冷熱交替既享受，千層整熱左又脆又香🤗入面開心果吉士醬好smooth~開心果味有，但冇酥皮撻咁濃，不過順滑啲😙一層一層搣嚟食好療癒😆HKD35#芋泥麻糬布丁達 🤍💜💛之前已經食過一次，今次回購🤪芋泥麻糬蛋漿裝晒係牛油撻皮入面😗牛油撻皮鬆化～HKD18#焙茶奶酥麻糬包 🤎🤎焙茶味幾濃，麻糬好軟糯好食🤤包體微煙韌～奶酥有機會出油喔😛HKD16不過因為環保原因，要買膠袋，但蛋撻盒裝3件已經迫爆🙈撻邊都凸出嚟就有啲…初麥#fafafoodie_北角

北角麵包小店 《初麥》 手作烘焙🧑🏻‍🍳👩🏻‍🍳👨🏻‍🍳 新鮮出爐好味道 bakery🍰🧁🍪🍩🍞🥖🥐🥯🥨今朝跑海旁 東岸公園 到 鰂魚涌公園 跑跑下中間肚餓來襲 搵到呢閒陀地烘焙小店 新鮮出爐，香噴噴又唔會甜爺爺 抵讚 Like Like Like 👍🏻 Weekend run from CWB to QB, suddenly starving attack! Thanks to OpenRice found this local bakery in North Point and their yummy pastries!Recommended dishes 必吃全部麵包 同 蛋撻 都要試哂！

之前試過佢地嘅芋泥包覺得未算好出色，今次再去試下佢地嘅新品，果然冇令我失望😋🥧芋泥麻糬布丁撻 $16芋泥X麻糬X蛋撻一個撻將三樣勁邪惡嘅食物mix埋一切開層層分明，一個撻滿足三個願望，有成4種層次面頭嘅蛋漿換上吉士醬，好似葡撻咁燶燶地撻皮係曲奇皮，好厚口感超實在，質感酥脆，牛油味好出，勁滿足再下面嘅芋泥夾住粒粒芋頭，包住大大舊麻糬，麻糬好厚，拉絲之餘口感煙韌😍成個撻一啖食到勁多重口感😍超推薦芋泥控／麻糬控去試除左出名嘅芋泥包同芋泥撻，佢地其他嘅烘焙食物都好吸引，下次可以再去試下😋

之前食過佢哋嘅 芋泥麻糬布丁撻$18，已經爆炸深刻、爆炸好食！！！ 亦已經聽聞過佢哋嘅布丁包十分出名。上網搵多啲資料嘅時候，見到有媒體都頒布佢哋布丁包中第一名！所以決定嚟開北角就一定要試食！見到賣$18/$24個，的確有啲猶豫，但我夠膽講佢完全符合期望值！呢個真係完全值呢個價錢！亦都能夠達到心靈慰藉嘅層次今次就先試咗開心果布丁包先，下次經過再試另一款。// 開心果布丁包第一啖食已經嘗到超級爆炸濃郁嘅開心果味布丁餡，質地有少少似吉士醬。佢個包好深，所以有超滿滿嘅布丁餡，啲布丁餡完全係一咬就滿瀉佢嘅好味程度係餡料滿瀉咗喺個膠袋到，我都要食返唯一個包會比較煙靭，所以食嘅時候會冇咁易咬斷個皮，令到啲布丁餡容易沾滿個嘴外圍，食得會le Hea少少🤏🏼 大家小心啲食

從它剛開舖的芋泥布甸包到現在新推出的橄欖包..一直都是捧場客！當以為布甸包熱潮已過，心怕它會支持不住…但店主又推出新的麵包種類開心果手撕方包、岩鹽包、bagel 、拖鞋包…令顧客保持新鮮感！保證一定有你喜愛的種類！重點是店主可以做出每款包都有驚喜，超好味，奶酥卷更不輸給韓國的麵包店唷！希望店主將來會推出無芝士/奶酪版的bagel照顧一下不吃芝士的顧客！因為原味的已滿足不了我..還有偶然重推紅莓奇亞籽包就好了！

北角这家烘焙店真的给人一种宝藏的感觉店面不算大，甚至有点容易错过但出品有很多惊喜焙茶奶酥卷如果买到刚出炉热乎的，一定试试趁热吃，焙茶香，麻薯软糯，包体韧，是一只优秀的卷子其他品类如开心果千层吐司，明太子法棍也得到了一众小伙伴们的好评

小店主打芋泥布丁包外，仲有好多款麵包同甜品，有我鍾意嘅貝果，明太子法包，布丁撻同蜂蜜蛋糕...好多包都係剛出爐，熱辣辣香噴噴蒜香乳酪包視覺上已經好吸引，表層烤過脆脆地，蒜香味超濃，質感煙煙韌韌，中間夾滿乳酪，超邪惡但好味芋泥肉鬆貝果貝果口感煙韌，食落有咬口，好足料，中間嘅芋泥綿滑，肉鬆帶鹹香， 鹹甜交融，好夾

早排突然興起壓扁牛角包熱潮🔥北角呢間麵包店初麥都趁住熱潮分一杯羹，推出開心果壓扁牛角包🥐不論牛角包控或開心果控都可以吸引到😆之前食過佢哋嘅布丁包覺得唔錯，所以今次試埋新嘅開心果布丁包，嚟個開心果盛宴。尤其開心果壓扁牛角包有驚喜💚必試！不過唔係成日有得賣，要碰下運氣。🥐開心果壓扁牛角包見到牛角包一半沾滿開心果碎就心心眼😍壓扁咗嘅牛角包特別酥脆，即使係室溫放咗超過2日，食落依然脆卜卜，完全無放軟咗，好誇張🥳🥳牛角包牛油味香之餘仲夾雜好香嘅開心果味，裡面有薄薄嘅開心果朱古力醬，開心果同朱古力果然係絕配😋🍮開心果布丁包另一款開心果控必試款式😎切開即見震騰騰開心果布丁，布丁好滑，邊食邊滲出香濃開心果香，唔係最濃郁但係開心果控會滿足嘅程度😚😚麵包係軟身地點韌度個種。建議買完即刻食或者即刻返屋企放雪櫃，唔係好似我咁攤咗一陣先食，布丁呈流心狀態，食嘅時候有啲咧氣🤣🥧芋泥麻糬布丁撻佢哋嘅布丁撻都可以一試😋牛油撻底好厚身，超級超級鬆脆，富牛油香。裡面有滑溜有蛋香嘅蛋漿、麻糬以及綿密芋泥。麻糬覺薄身，存在感低，但芋泥加蛋撻呢個組合值得一試🫶🏻人均消費：$30推介指數（10分為滿分）：8.5分

當我在"初麥手作烘焙"進食的面包時意外發現一個尖銳的異物時，我感到十分震驚和不安。這件事發生在我正享用該"培茶奶酥卷"的過程中，所幸我在吞嚥之前及時發現了異物，避免了可能對我的口腔或消化道造成傷害的風險。這次經歷不僅讓我感到驚恐，也對"初麥手作烘焙"的食品安全管理產生了嚴重的疑慮。作為消費者，我們對食品的安全抱有基本的期待，尤其是從專業烘焙店購買的產品，更應確保其品質和安全性。然而，這次意外的出現讓我對該店的生產流程和品控措施提出質疑，同時也對未來是否應繼續光顧這家店感到猶豫。我認為，為了保障消費者的健康和權益，"初麥手作烘焙"應該立即對其生產線進行徹底的檢查，查明異物的來源，並采取有效措施防止類似事件再次發生。此外，對於受到影響的顧客，該店也應該提供適當的解釋和賠償，以恢復消費者的信任。

一直都知呢間麵包舖係北角嘅人氣小店，見佢喺Openrice有咁多正評，今日路過決定試一試佢個出名嘅布丁包😬利申我一直食開油麻地嘉多娜嘅布丁包，估唔到呢間都唔錯！呢間買麵包仲唔需要排隊添開心果布丁包 （$24）雖然未食過佢嘅原味同芋泥味布丁包，但而家周圍都興開心果味甜品，一於試一試佢嘅開心果布丁包先啦。一嚟到見個賣相就普通嘅，個表面好似好乾擺咗好耐咁。但點知一咬落去個味道唔錯，雖然未至於有流心效果，但啲cream都好滑，仲好似有啲白朱古力嘅甜味。預料之內，同一般開心果甜品一樣個cream都係冇乜開心果味，但係表面嘅開心果仁係有香味嘅，還好了。個包就有啲似鹹餐包味嘅法包🥖，以小店出品嚟講我覺得係高質。#支持小店 #開心果 #布丁包

每次去開北角，都一定要幫襯“初麥手作烘焙”，今次買了開心果布丁包，原味布丁撻，伯爵茶司康，吞拿魚包等。全部無論外觀，味道，新鮮程度，都令人吃得心滿意足，價錢亦合理。開心果布甸包，由於隔一天先食，回家便放入雪櫃，個人喜歡包皮脆脆的，可以用焗爐或蒸焗爐稍加熱，開心果布甸好滑奶香味，略嫌不夠開心果味。另一款食品係我嘅推介，但就係比較少人提及嘅伯爵茶司康，細細一個，表面佈滿茶葉碎粒，用多士爐加熱吃，聞着茶香味，吃上一口，更覺茶味香濃，不用搽任何果醬也很好味道，質感不會乾爭爭，而是鬆鬆軟軟的，個人十分喜歡。

好耐未食過咁厚實，仲唔膩嘅泡芙，水果啖啖肉，cream啱啱好，唔多唔少。麻薯味道恰到好處！下次真係要早啲起身嚟買芋泥包，價錢好適宜，性價比非常高。落班嗰陣過嚟太遲，就貝果仲有超多。

🥖🍮🥯北角手作烘焙店✅開心果布丁包- $24呢個布丁包上面有唔少開心果碎，雖然隔咗一日先食，但個布甸仲係好滑，好creamy, 同埋幾濃開心果味，可以凍食，亦都可以叮熱食，個包皮都做到好薄，吾會好難咬。唔係即日記得擺雪櫃。🆗伯爵茶麻糬條 -$7呢個麻糬係長條型，上面粉粉地，都香伯爵茶味，但口感未係好煙靭。🆗斑斕椰絲麻糬波波 -$6 波波都吾細個，綠色嘅外表好香斑斕味，入面亦都食到好多椰絲，同樣係口感差d

麵包控又出動啦，今次嚟到網上大熱提供芋泥布丁包，位於北角嘅「初麥手作烘焙」，除咗布丁包外，布丁撻、麻糬波波同貝果都係小店招牌產品；少過海嘅我梗係趁住機會買多幾款試吓；大熱店果然受歡迎，當日去到連俾錢都要排隊----------🔹芋泥布丁包 $19喺布丁面上寫上「芋」字，有誠意由於唔係即日食，所以放咗雪櫃，隔一日再用電飯煲翻熱切開見到芋泥份量都幾多又夠挺身，比例有接近一半，布丁份量大約有芋泥嘅三份一加熱咗嘅包好脆口有麥香，有一定厚度，唔會薄到冇口感；布丁夠軟滑有雲尼拿籽味道帶微微蛋香，芋泥好綿密仲好重芋香，個人好鍾意！加上整體甜度唔高，幾滿意🫶芋泥控應該唔會失望😆美味指數：9/10----------🔹開心果布丁包 $24加熱再切開之後，開心果布丁會跌出嚟😂包體同上；布丁包上灑上少量開心果碎，有開心果香但唔算濃郁；布丁部份同樣好軟滑，雲尼拿籽味道比較突出，開心果味道相對薄弱，而且個人口味覺得甜咗少少，相比芋泥布丁包較為失色美味指數：7/10----------🔹伯爵茶麻糬條 $7小店有幾款口味麻糬波波，唯獨伯爵茶味係條狀，都算幾大個入口伯爵茶味幾明顯，甜度都適中，口感就屬於正常麻糬水平，

佢個tirimisu好食到黐咗線囉～ 唔苦亦唔會好甜，所以唔會覺得滯/膩～ 勁香～ 個餅底好鬆香！擺一陣室溫就最好食！食一個唔夠喉啊！做散水餅/party勁啱！好味好味好味好味好味好味！