利口福快餐店

營業中

休息中

利口福快餐店 #太子 #黃店 💛💛💛❗️高質港式漢堡包❗️好耐之前已經成日見大排長龍，而且仲係黃特登過嚟支持💛價錢平，個漢堡包仲要係超級好食，未試嘅一定要去，去過嘅都會想回頭🤣！佢哋嘅漢堡包其實一直以來都幾出名👍🏻夠平民又高質，不過原來除咗漢堡包之外，仲有啲粉麵，都有唔少附近嘅街坊嗌㗎。不過特登黎嘅我哋，就試咗佢哋最出名嘅漢堡包先。邪惡流心芝士漢堡包🍔$30真係名副其實🤩咬落去之後啲芝士汁流晒出嚟，而且豬扒炸得夠香脆，肉質又夠腍，加埋沙律醬，味道一流🤤麵包亦有搽上牛油烘過，所以成個包都幾香口㗎！味道: 4.5/5性價比: 4.5/5珍寶沙嗲牛肉包🌭$30呢個沙嗲牛包真係好香✨同一般嘅沙嗲唔同，用上洋蔥、香蔥去製作，冇沙嗲醬嘅花生香，但就多咗香蔥嘅香氣，非常惹味🤤啲牛肉仲好滑添！個包烘過，再索晒啲汁之後，真係好好味！味道: 4.5/5性價比: 4.5/5整體來講佢嘅漢堡包真係又平又抵食，值得多多支持！唯一一點係始終係街坊小店，有啲似大排檔，都係坐喺路邊食，夏天嚟可能會熱啲🙈。

今次介紹下貼地又好味嘅小店 位於太子店內有少量座位堂食 全部即叫即整普通常餐粉麵都有提供 但今次我地係衝住最出名嘅流心芝士豬扒包同沙嗲牛肉包黎嘅😝又平又好食 仲要係黃店 真係無唔幫襯嘅理由..🔸珍寶沙嗲牛肉包 $33🔸賣相十分吸引 滿滿的都是沙嗲牛肉洋蔥 牛肉 加埋濃郁沙嗲醬 沙嗲醬係起沙個種 勁惹味 仲要熱辣辣😱單食牛肉可能會有啲鹹 但配埋個包食味道就岩岩好！.🔸流心芝士豬扒包 $33🔸望落去平平無其的漢堡包 食落去異常鬆軟唔乾柴芝士 沙律醬份量全部岩岩好 一啲都唔會太膩兩個人食 每樣一半就perfect池啦🥰

繼續分享黃店俾大家消費呢間隱世小食店同香港人共同成長地道港式漢堡包比外資連鎖快餐店更加有濃郁人情味店員態度親切有禮貌流心芝士豬扒包（$27）係佢地既signature外表完全睇唔到芝士係邊但係當切開豬扒之後入面流出好多軟心芝士豬扒炸得超香脆肉質嫩滑又唔乾身炸粉唔厚而且咬落仲夠脆口記得要熱辣辣食凍左就食唔到佢既精髓份量唔算好大用黎當下午茶比較適合作為真正既香港人真係值得一試唔好俾佢地呢D地區良心小店消失．

利口福小食已經間左勁多年，但一路都冇食過。個日經開，即刻買返2個包試下先😛 佢地而家都係做外賣架啦，但最好都系襯熱食先好🥳 沙嗲牛肉包好大個，入面有住滿滿的洋蔥同牛肉😚 平時食沙嗲牛唔係好中意食牛肉，因為成日用鬆肉粉整到肉質好怪😣 但呢間唔同！佢啲牛肉係新鮮牛肉，但都好腍，應該用左牛柳咁🤔 啲洋蔥又炒到好甜！最緊要個汁，幾濃花生醬味，有小小小小咁多辣，但係香多啲，好惹味😍 係個包差小小，雖然好似有烘過，個包黑黑地，但佢好軟，完全唔脆就差小小🙈 食既時候仲小心會漏汁呀！-另一個招牌一定係流心芝士豬扒包，呢個又好正，熱辣辣！個包就脆啦🤪 入面一大塊芝士豬扒，一咬就爆晒芝士汁😂 好彩佢又唔係好膩，但幾香芝士味！塊豬扒好腍，但都有豬肉的肉質😋 都好juicy☺️ 最緊要仲有千島汁，所以惹味左！成個一齊咁咬真係勁滿足。雖然呢間冇裝修，但係黃店，又係老字號，所以都去支持下啦😌

上星期由太子行去深水埗，沿途經過這間小店，看到很多人在等外賣，也聽到鑊氣小炒的聲音，便去試吓。看見他們門口的牌，推介流心芝士豬包，買了一個外賣回家吃因為是即叫即做的關係，我等了大約15分鐘，老闆才將熱辣辣的包給我。包皮是我們常吃的漢堡包，外皮鬆軟，豬扒炸得香脆，醃得很入味，中間的芝士一咬就爆出來，整個Combination 恰到好處，食完一個也覺得不足夠🤤🤤🤤這個包$30，老闆說加$5可以配飲品

📍利口福，太子⠀⠀🔸流心芝士炸豬扒包⠀💲30⠀⠀🔺⠀⠀難得有老店是黃店，立即試下先！小店位於巷子旁邊，在巷子裡有幾張桌子，不過我當天去的時候滿坐了，就買外賣去旁邊公園吃～豬扒是即叫即炸的！熱辣辣～～取包的時候，老闆還提醒我記得洗手再享有，so sweet ❤️🔺⠀⠀漢堡包就不評論了😂就是嘉頓麵包～香港的味道～⠀豬扒剛剛炸起～好熱！又好厚身！非常脆口！好稔，不過講真無咩豬肉味～應該因為鬆肉粉～裡面爆漿cheeeeeeese偏向甜，如果是鹹香的那種我會更愛😍 因為芝士和沙律醬，整體不會乾，但偏甜喔！⠀🔺⠀⠀地址：⠀⠀利口福快餐店⠀太子界限街43號恆富大廈地下1號舖

朋友介紹太子依間已經開咗幾廿年嘅黃店，太子地鐵站食過去5分鐘度。鋪頭有啲啲up dup，不過好食最重要😋第一次係食芝士豬扒包，痴線勁好食，完全out of expectation，啲熱辣辣嘅芝士多到係咀邊流返出嚟。雖然係外賣，不過拎到返屋企啲芝士仲咁流心。食完一次返尋味，再尼幫襯！今次食佢另一名物，沙嗲牛肉包，啲牛肉多到.....個口細啲都食唔到。沙嗲牛即炒熱辣辣，而且牛肉大大塊又冇根，食完夠曬飽，好滿足☺️

係貼近時代既舊式既快餐店😂綿羊見倒有自選餡料西多士，姐係可以加芝士、朱古力醬甚至肉類e.g.咸牛肉、五香肉丁😆不過今次綿羊試左更加熱門推介既流心芝士豬扒包🤗下次先試西多士啦🙈----------流心芝士豬扒包 $27外賣既關係，塊豬扒放到側晒😅塊豬扒好大塊，表面炸得好香脆，豬扒又腍，咬開好流心，又夠多芝士，芝士味都好濃郁😍超喜歡💕包同豬扒中間有沙律醬，應該係因為怕個包比晒乾，不過綿羊個人唔太喜歡，覺得味道唔係好夾😅

喺附近工作嘅另一半經常到訪利口福，不過我就一次都未食過，所以今次係首訪。到訪當日係平日早上，都幾多人架，快食快走，唔太需要等位。小店一間，裝潢欠奉，勝在地道又有親切感店內有少量位置可供堂食，廚房半開放，唔難發現店內嘅食物基本上都係即叫即做。話明快餐店，一般港式粉麵、常餐都有供應，亦有幾款精選快餐例如炒飯、炒河等。當然唔少得招牌三文治、漢堡同西多士珍寶沙嗲牛肉包 $33牛肉包賣相吸引，麵包鋪上滿滿牛肉，份量絕無欺場，每啖都食得到牛肉。點餐後可以見到店主即時以鐵板炒牛，醃好嘅牛肉加上炒到好腍嘅洋蔥、濃郁沙嗲醬，好惹味，新鮮熱辣。醬汁量適中，牛肉入味，唔會令麵包濕笠笠。單食牛肉可能會覺得有少少鹹，配上麵包食就啱啱好流心芝士豬扒漢堡包 $33漢堡包鬆軟唔乾，揸左牛油、沙律醬，豬扒即炸，外層脆口，油份唔多。切開豬扒可以見到芝士慢慢流出，名符其實。雖然芝士嘅味道質地唔算好濃稠，勝在唔膩口，輕鬆食哂成個。凍咖啡+$2雖然食嘅野好地道，環境普普，不過價錢相宜，又有人情味，可以黎試試。

好有心嘅小店，豬扒包足料沙嗲牛包有驚喜。豬扒是足料厚度，加埋沙律醬就完美。如果沙律醬有唔同味道嘅話就更好更完美。特別要提是沙嗲牛包好有心口，唔係一般濕漉漉既包是香口啲，老闆炒過啲牛加埋洋蔥十分唔錯。

返工經過又未食早餐，決定入去坐低食個飽。 其實一直都知出名流心豬扒包，但一早吃太heavy吧🙄🙄 所以轉食沙爹牛肉包。太熱要攤一攤。包是有烘的，吃下去脆口； (之前食過另一間沙嗲牛肉包，但包是沒有烘過的，感覺很一般） 沙嗲牛肉是要加洋蔥😍😍 吸到沙嗲汁的精華，而這間的材料是放滿整個飽的，很足料亦很滿足👍聽老細點感化啲員工；聽街坊同老細傾計，好地道快餐店 😉(餐廳入面有冷氣房，天氣熱都唔怕🙈🙈）

➖➖➖太子。流心芝士豬扒飽➖➖➖從網絡上的群組，發現了這間良心小店。和太子地鐵站不算太近，但是這間店舖很支持現在的學生運動，所以今天特別來試一試他們的招牌食品。。#黃 #良心小店 金黃豬扒即叫即炸❤️。▪️流心芝士豬扒飽 $27@豬扒鬆化切開有芝士流出雖未算好澎湃但係好食😍麵包可惜無烘熱不完美。可接受。😉.▪️小總結:+$9有一杯凍飲呢個價錢值得支持啦❤️更何況係黃小店😍下次想試沙嗲牛肉包/沙嗲牛肉西多士

下班的巴士會經過這家店，在網上看到有人推薦就早幾個站下車嘗一嘗。點了下午茶餐的流心芝士豬扒漢堡+熱奶茶餐。熱奶茶非常熱，水滾茶靚。茶味夠香，奶的份量也恰到好處。漢堡看上去像普通的豬扒包，說好的芝士呢？一啖咬下去就飆出來了！好像傾瀉而出一樣要馬上把缺口向上才不會跌落檯面。香濃的芝士不燙口、混合鮮嫩豬扒的肉汁，和鬆軟的麵包混和，材料雖然簡單，但這個就好像美味的方程式一樣，不需要複雜，答案卻很明顯。因為鋪位在後巷，老闆娘很親切地介紹哪些位置可以坐，有室內的位置，有冷氣和電視。

Satay Beef breadThis restaurant is not easily noticed by the pedestrians as it’s hidden in the middle of a street. People usually walk pass it.-I tried to eat there and noticed that the food there is in fact delicious.-Satay has a strong flavor but in a good way. Unlike some low quality satay which we only feel very salty, satay here is a bit spicy yet yummy.-The portion of beef is quite a lot as well. Around 10 slides I guess, but I think it varies in different time.-Adding the above into a bre

以前食過九龍城街市嘅沙嗲牛肉西多士💁🏻‍♀️💁🏻‍♂️有朋友仔留言話太子嘅利口福都好食🤟🏻即刻就搵個假日去會一會佢！流心芝士豬扒漢堡包 $31新鮮滾熱辣，即叫即整😚一切開個包啲芝士就流哂出嚟！係真正嘅流心呀🤘🏻芝士食落唔會太膩，用兩層豬扒夾住一齊食，再加啲沙律醬🥰好味好幸福呀，雖然$31有啲貴💸但好食就無計啦珍寶沙嗲牛肉包 $31無點到西多士版🤣叫咗珍寶熱狗包版，唔該多牛肉丫🙋🏻‍♂️🙋🏻‍♀️牛肉份量唔失望嘅又滿滿嘅，沙嗲味濃但又唔會太鹹，正👍🏻好味😍指數（5粒最高）：😍😍😍😍