利寶茶餐廳

營業中

休息中

呢間茶餐廳應該有好耐歷史，之前一直嘅印象都係得地盤工人幫襯，喺假期前夕以為會冇乜人，點知都坐到八九成滿，時間係公眾假期嘅朝頭早11:05，事頭婆肯破例為我加多個早餐，價錢$36，好似比起快餐連鎖店仲要抵👍沙嗲牛通粉牛肉份量足夠，沙嗲汁又好夠味道，通粉煮得啱啱好唔會太腍又唔會太硬，加兩隻太陽蛋，自問自己係茄汁怪佢都有提供茄汁，我記得隔一條街嗰啲所謂茶餐廳竟然可以冇茄汁😅，成件事街坊得嚟又抵食，以後食早餐都係個好去處! 呢間餐廳由朝頭早五點做到夜晚五點，淨係提供早餐午餐同下午茶，有得收八達通，做街坊生意又有人情味，值得推介！

呢間茶餐廳係我由細食到大嘅一間茶記我最鐘意食佢嘅A餐：洋蔥汁/燒汁/黑椒汁 牛扒/豬扒/雞扒飯/意粉你睇下佢一個餐都有咁多配搭所以佢係幾貼心同多選擇嘅茶餐廳😊另外我外賣多數叫嘅係 炸醬撈麵/炸醬撈米線今日突然食完個A餐飯 望到餐牌有個菠蘿油好想食 所以都忍唔住試下嘩 第一次係呢度食 估唔到係咁正 咁好食下次都要多啲食佢嘅菠蘿油包❤️❤️其實佢嘅 奶醬多都好味佢嘅餐牌上好多嘢都有 所以唔洗驚諗唔到食咩不過餐廳好早關門 要食晚餐就難啲我通常都係食午 或下午茶🤭

炸醬有啲偏甜 少少辣辣地但炸醬份量都幾多 夠濃味 都幾好味不過啲撈麵麵幾乾下加左十幾湯匙落去 先整得散啲麵薑蔥撈麵啲薑都切得幾粗蔥都幾香 加埋啲蠔油都幾好食不過都要加湯個湯無咩味 有少少蔥2杯飲品都普通

呢度係屯門中央廣場地下，隔離有停車場，另外係入面食野可以睇到外面情況，所以泊架車係外面都睇到，十分方便揸車人仕。樓上係商廈，附近係住宅，星期六日無乜人流，但呢度大部分時間都八至九成滿座，好受街坊歡迎！今日專程去食早餐，地方唔大，不過裝修好企理，員工手腳快。看餐牌都是正常茶餐，亦有米線，選擇不少，價錢實惠。叫左個沙爹牛肉煎蛋通粉、沙爹牛肉煎蛋公仔麵同埋2杯熱檸水，$26 x 2，沙爹牛肉幾好食，煎蛋好香囗，檸檬有厚度，唔錯！

這餐廳的位置不算就腳, 我哋又不是住在附近. 如非換了新停車場, 是不會路過這裡.去遊車河前先醫肚, 就試試這間餐廳吧!快餐有湯有飲品, 只是$34.00 相當抵吖 (凍飲+$2.00, 但紅豆冰反而唔使加錢 ) 燒汁豬扒腸仔意粉--味道唔錯, 豬扒夠林亦夠入味, 意粉軟硬度適中 煎芙蓉蛋飯--有九菜,叉燒, 火腿, 芽菜...頗足料, 味道幾好 福建會飯--尚算足料, 汁亦夠多 叉燒湯米粉配火腿炒蛋方包--叉燒都算多, 其他都是一般茶餐廳味道.飲品大致OK, 但熱華田入口頗"鞋" 似是落不足花奶, 有待改善. 而紅豆冰: 都係X大樂有水準啲