利寶閣 (已結業)

奧海城利寶閣每季總有新出品，無論係晚市宴客定午市點心，總有引人想去的新法子。今次吸引我的係黑松露點心放題啊🤩🤩 黑松露放喺西餐食得多 ， 但係傳統點心再加上黑松露 梗係正 精上加精 ，約埋班親戚姑姐姨媽，吃得開懷暢快，完全無得挑剔。餐廳裝修優雅，埋面仲有海景，中菜廳的格局卻不會覺得落伍，坐得舒服。午市超過數十多款點心兩小時任食，點心即叫即蒸，應有盡有。最不得不提的當然是每位都贈送的三寶吧！黑魚子鮮蝦腐皮卷炸至金黃色，黑魚子咸香，蝦肉爽彈， 整件腐皮卷香脆惹味。花膠灌湯餃灌湯餃由麵皮包裹餡料，湯皮薄，食下第一口覺得餡嫩湯旺，花膠 增添滿滿骨膠原是常識吧。最正係食得出 湯頭濃郁而不覺肥膩，果然是必食。王牌黑松露蟹鉗酥蟹鉗酥皮烤得脆酥，外皮甜而內餡鹹香兼備，風味獨特。-除了贈送的三寶外， 當然不得不提其他黑松露系列-黑松露牛柳酥 金黃香口，咬落香酥內軟黑松露鮮蝦餃在蝦餃皮內泥入黑松露， 蝦肉飽滿爽彈 ，味道層次十分豐富黑松露叉燒腸粉第一次與黑松露一起食叉燒腸粉，香甜叉燒 又帶點黑松露的香氣， 為腸粉的食味加添一層次當然還有其他傳統粵式點心吧，功夫也做得足豉汁蒸排骨北菇棉花雞湯汁滿滿肉味鮮甜，

二小時點心放題加埋一和茶錢成二百元一位。等成粒鐘，三催四請才好似雀粟，一碟碟送上黎……又唔好食再第二粒鐘，催極也說跟緊啦……等等……其他單點的客人又一車又一車，一碟又一碟咁上，但永遠冇你份，當你乞兒咁耍。四百蚊早午餐已經可以好好好豐富，好好好好多選擇啦，駛鬼乾等受氣。奇就奇在，當叫埋單時又鬼咁快九秒九可以俾張單你，一睇張單，都好多冇送上黎。放題係開心食飽飽！宜家又貴又餓又一肚火。冇下次！大家小心唔好中計。

一早上網買左「黑松露魚子醬主題 」2小時午市點心放題😄，所以差不多十一點就黎到酒樓，諗住一開門就可以擦餐飽。「黑松露魚子醬主題 」送黑松露蟹鉗酥、黑魚子鮮蝦腐皮卷、花膠灌湯餃。鐘意佢地嘅黑松露蟹鉗酥，香脆牛油皮包裹著蟹肉和黑松露醬，超鬆軟感。 還有花膠灌湯餃，真係有大大條花膠，湯底入味鮮甜。另外自選點心點了黑松露蔬菜香菇包、黑金流沙包、荔蓉蜂巢芋盒、皮蛋瘦肉粥、 咸菜豬肚… 比較喜歡：黑松露牛柳酥: 牛味香濃配上百里香，加上黑松露配曲奇撻皮。黑松露蝦多士: 超香脆鬆化，蝦滑彈牙，配上黑松露，口感十足。每款點心都好精緻，份量適中，啱晒鐘意樣樣都試小小嘅女士們。

同老人家一齊去飲中午茶，因為都肚餓，所以去飲正價，唔貪佢個下午茶優惠。同時，諗住俾正價，服務質素會好啲啦，原來一切都係自己太天真。首先，原來我哋坐嗰張枱，係拆枱（一個枱號有兩張細枱），我哋點的點心去晒隔離枱，由於隔離枱冇人坐，傳菜姐姐都好醒目咁，放返係我哋張枱度，但係到最尾一個點心，隔離枱入咗客，個部長遞咗俾隔離枱，而隔離枱又冇話錯照食。因為唔肯定嗰個點心原本係咪我，所以冇即時出聲，但等等下唔對路，搵個侍應追番個點心，點知個侍應重覆一次我的問題，就走去執其他枱。等呀.等呀.等到見到經理行過，但佢竟然見我唔到，掂行掂過。再等，終於等到個部長，好彩呢個部長肯幫我哋追返碟點心… 最後，呢碟點心去到下午茶時間終於嚟到。除咗服務欠佳，食物其實冇乜嘢。因為想老人家吃好點，都點了些貴點心，樣樣都熱辣辣的。其中，有$45一籠的百花燒賣皇，賣相不錯，size比較細粒，但勝在多蝦膠，有小小彈牙口感。有好多時間嘆茶，不妨去試吓

利寶閣好吃的芒果炸蝦球位於奧運站地鐵出口嘅奧海城二期奧海城二期 有好多唔同嘅食肆但係如果以酒樓嚟講就算少今次我同屋企人去咗利寶閣食晚飯樓底算高而且裝修都唔錯，不過睇得出唔算太新淨因為始終都營運左一段時間寫食評嘅原因係因為佢個芒果蝦球真係好好食😋本身我哋叫餸菜嘅時候都冇諗過要叫呢一碟見到職員上菜比隔離枱嘅時候見到好靚嘅黃色芒果蝦球多口問吓係啲乜嘢嚟再睇吓餐牌原來係$148一碟有六隻嘅芒果炸蝦球，諗都唔諗即刻叫兩碟，結果真係非常之好味，我最少都食咗兩三個，甜甜酸酸實在好正，隻蝦 食得出肉質好彈牙好新鮮而且非常之大隻，好食的確係幾好食但係$148只有六隻，除翻開每隻都要$25，食兩隻嘅話基本上已經可以去茶記食到飽死，間唔中食下都OK嘅～ 同埋想試吓唔同嘅餐廳，總括來講食物都好新鮮，好味😋比較推介嘅係咕嚕肉， 黑松露炒花枝片，燒腩仔都非常出色，蜜汁叉燒亦都好林好好味安格斯牛柳粒都好好味 不過份量就比較少～

呢間酒樓--點心放題請你食空氣叫嘢食平均半個鐘先上一Round仲要  燒賣  蝦餃  貴價食品每次唔會嚟足,單照寫, 點心唔上埋單個list水蛇春咁長接近一半無上枱的...............漏單好似一個程序咁自動減半,四人叫四個雪糕都可以只俾兩個,服了點心真係燒賣  蝦餃類先叫好食, 其他一般般, 正常發揮個放題贈送每人一隻鮑魚蛋撻,真係圖片只供參考, 鮑魚唔腥已出乎意料,但個撻真係唔夾,只為成為塞飽胃嘅一個工具點心種類選擇不多, 比其他酒樓選擇少, 每人連其他費用二百大洋食了個寂寞總之唔係錢多時間多都唔好去,食3個鐘都唔會食得飽

見今日母親節，想出去慶祝，咁啱見到呢間餐廳有推出母親節套餐，就想去試吓，結果去到之後就失望到極點。呢個套餐有一道餸叫翡翠玉帶子，其實就係西蘭花炒帶子，本身都冇咩問題，但係佢啲帶子完全唔新鮮，甚至係臭嘅，無奈之下唯有叫啲職員幫我哋換個碟。另外有條魚叫清蒸沙巴仔，都係完全唔新鮮，條魚睇上去好似死咗好耐咁，甚至啲魚肉有少少霉，已經唔係好好胃口，佢另外有個甜品喳咋送，但係佢個甜品溝咗好多花奶，而且仲要勁稀，好似飲緊水咁，係我最差嘅飲食體驗。講完佢啲餸，就講吓佢個環境啦。本身啲餸已經唔係特別好食，食到一半仲有一隻無比巨大嘅烏蠅飛咗過嚟，一次都算，仲要飛咗嚟好幾次，不單止，佢仲要食埋成個餐最好食嘅菜，碟菜仲要淨係食咗兩啖，迫於無奈叫個職員收走佢，到最後埋單嘅時候，完全冇比過任何優惠，用原價收返我哋錢，真係以後唔會再去，有人請都唔去。

員工少 態度自己諗開頭以為火鍋爐要加錢， 點知坐左30分鐘後，黎啲生牛肉係張枱比我地睇。 睇左15分鐘， 再比火鍋爐。坐左 1個幾鐘， 黎兩隻炸雞翼， 竟然唔熟。同個經理講 冇反應。 母親節唔投訴。呢個地方去傾偈 還可以。

本來滿心歡喜去食個點心放題，點知食到成肚氣。首先，點左點心紙之後半個鐘都冇野來。之後左右臺都上左勁多野，我就等到頸都長都唔齊。之後再入單都唔齊。食物方面， 芫茜流沙包係難食到一個點，請千萬唔好試，其他都 都冇咩芫茜味。其他點心都可以，一般般，最驚喜係放題不是真放題!!!員工人數不足，在場的店員都勤快但場大又多客。反正不建議前去！!

琴晚一行四人去奧海城搵食，行到呢間門口見有扁皮鴨和牛放題，裡面D枱又放得唔太迫，入去試吓，點知真係有驚喜！D味道好ok! 超出色係佢碗雞湯煲翅（好大粒鮑魚，好好味）、蝦多士（我地食完再叫左兩round)、櫻花蝦帶子蒸蛋、和牛、胡椒鹹菜豬肚湯、豬腳薑 同 蒜蓉粉絲蒸扇貝！建議如果唔係食量大既人個火鍋就剩食和牛同菜，留返個肚食佢D小菜，因為佢D小菜以我叫左既黎計有九成都好好味！太多選擇我哋都叫唔晒！抵食！ 值得一試！

我今早11去左大角嘴利寶閣食點心放題，侍應態度差，食物唔係太好食，點了多次蝦餃差不多一個鐘先來到食，差不多在叫食已經要埋單，我想食點心完全冇來到，在冇下次幫襯D個垃圾酒樓

嗰時過節梗係留係屋企與摯親團圓歡聚，分享滋味盆菜😋唔知大家鍾唔鍾意食盆菜我個人就10分鍾意成個聚寶盆咁樣，10分豐富咩都有啲 最近就定咗個南乳汁盆菜🍲16品金玉滿堂團圓盆菜 包括﹕ 特大蠔豉5隻、貴妃雞 1份、燒腩仔 1份、燒鴨 5件、大蝦 10件、家鄉鮻魚餅 5件、南乳豬手 5件、鴨掌 5件、旺菜 1份、枝竹 1份、豆卜 1份、瑤柱節瓜脯 5件、蓮藕 1份、豬皮 1 份、芋頭 1份、冬菇 5件 💁‍♀️我最鍾意食就係腐竹鴨掌，鴨掌非常入味瑤柱節瓜脯味道鮮甜喜歡傳統口味嘅你可試

新年一家人食盆菜有團圓嘅象徵，係依家仲禁堂食嘅情況下，外賣盆菜係一個唔錯嘅選擇😌-今次同屋企人一齊食嘅盆菜係16品金玉滿堂團圓盆菜($538/4-6人份) 如果叫18品嘅盆菜($998/4-6人份) 除左包左鮑魚，花膠等貴價食材外，就可以免運送到你屋企添，夠哂方便😊 而今次嘅16品雖然就冇免運，但係分店自取就會回贈$100現金卷。16品顧名思義即係有16款食材，比較特別嘅會有瑤柱，日本蠔豉，貴妃雞等。入面所有嘢都幾入味，由其係塊豬皮🐷 煮到變左深啡色。要一讚佢哋嘅作為盆菜嘅精髓-南乳汁，都算夠香夠濃！係個豬手冇乜南乳味

講到新年又點少得象徵團圓既盆菜呢？家人相聚一齊食盆菜更添溫馨，今年小編都同屋企人食咗盆菜😊_🍲 16品金玉滿堂團圓盆菜($538/4-6人用)材料非常豐富，包括：特大蠔豉5隻、貴妃雞 1份、燒腩仔 1份、燒鴨 5件、大蝦 10件、家鄉鮻魚餅 5件、南乳豬手 5件、鴨掌 5件、旺菜 1份、枝竹 1份、豆卜 1份、瑤柱節瓜脯 5件、蓮藕 1份、豬皮 1 份、芋頭 1份、冬菇 5件 餐廳亦有提供18品嘅盆菜($998/4-6人用)當中更包含鮑魚、花膠等貴價食材😆小編食嘅呢款盆菜味道非常入味，底層嘅蘿蔔、豬皮、枝竹等等吸晒啲味好滿足😍 鮻魚餅食落夠彈牙，鍾意傳統口味嘅你就千祈唔好錯過啦💜

一餐大滿足嘅大閘蟹放題呀！🦀🦀好多間舖都有做「大閘蟹放題」～點解我會揀利寶閣，因為貪佢主打「🇯🇵日本蟹」！內地蟹比較毒，我多數1隻起2隻止～但日本蟹相對上食多多隻都唔怕～雖然膏同肥美度比內地蟹輸蝕，但講鮮甜度就絕對優勝👍🏻利寶閣佢嚴選公蟹，偶爾送上1-2隻蟹乸～一開始會送上1人1隻太雕醉蟹，呢款凍蟹係咁多個煮法入面最好食，酒味又夠香，蟹又入曬味😋😋其次可以任食嘅分別有清蒸/花雕/鹽油焗～清蒸：正常款，蟹夠鮮甜就一定唔差花雕：失望，冇酒香，同太雕個款太大對比喇鹽油焗：encore 完再encore! 冇諗過經過鹽油焗後，蟹嘅鮮味大大提升之餘仲帶少少咸香，勁好味😋😋大閘蟹之外，一人一盅螺頭花膠湯，一人一份8頭鮑魚花菇～2樣都屬中等，不過不失，明顯係利寶閣嘅質素～任食片皮鴨方面，鴨係好食嘅～但根本不能夠叫「北京片皮鴨」～個塊皮——-我就係未食過咁難食～🙈厚，漿口，鞋口冇味，就係難食～所以剩食鴨+醬就夠喇～甜品方面有唔少糕點，仲有湯圓，豆腐花⋯etc糕點整體亦都唔錯～以大閘蟹放題黎講佢收呢個價錢唔係平，但質素不錯，同價錢成正比～而且鹽油焗同太雕係好令人難忘～喜歡食大閘蟹嘅人一定要試！