利寶閣 (已結業)

超出預期的好味道 😊好耐無同朋友食中餐，趁今日適逢嚟到 The One 行街，就上 17/F 利寶閣試吓，但估唔到呢度嘅食物性價比好高喎。👍以下就係我哋今晚叫嘅 鮑魚虎蝦 菜單，總共有多款野食，每樣食物上枱時已分好一人一份，唔駛爭。😆1) 三星拱照义燒少許燶邊，好軟淋，青瓜爽甜，燒腩仔香脆，頭盤已有驚喜，正。😜2) 精選燉湯上枱時仍然熱辣辣，入口燙嘴，湯頭鮮味十足，材料有金華火腿，老雞，瘦肉，湯身晶瑩剔透，非一般燉湯可比。😋3) 原隻鮑魚扣海參名貴食材炆得非常軟身及入味，鮑汁充滿骨膠原口感，很出色的一道菜。🤤4) 牛油焗虎蝦虎蝦 Size 雖然不是珍寶級，但烹調方法卻令我十分驚喜，廚師先用切碎嘅洋蔥墊底，舖滿牛油汁醬的虎蝦放在上面，洋蔥粒全吸收了所有精華，蝦身爽甜，洋蔥香口，正。😍5) 上湯浸菜遠鮮甜無比的菜心，再配以上湯浸煮，好味就係咁簡單。😌6) 瑤柱蛋白炒飯每人一碗炒飯作為主食嘅終結，飯做得很乾身，瑤柱蛋白炒得好細滑，簡單的炒飯做得絕不平凡。🙂7) 甜品及金柚桂花糕喳咋糖水綿滑，桂花糕清香，2 款甜品都不俗。🥳ps 整體已言 加一連茶介，每人只須 3xx 左右，實屬超值之選，最重

趁慶祝母親節選擇100分鐘任點任食，入單後半小時先上到炸點，再上蒸點，食到最後都無漏單，每人仲送鮑魚酥及灌湯餃一份。而家仲有八折優惠確唔錯。唯一不足係侍應較少同枱與枱之間相隔較近。

今日同好友farewell，估唔到好友揀左飲茶而且係任食……筆者印象中的飲茶任食都是重量不重質，因此對今次飯局質素不存有大期望。 好友仲有一個要求，要有海景！最後揀左位於The One 的「利寶閣」。環境： 位於The One 17/F，一開升降機門已經見到開揚的維港景色，每個位置都可以看到海景，實在寫意！地方不算大，勝在高樓底又有維港景，加上客人不太多，沒有街坊酒樓的嘈吵聲，環境舒適 ⋯⋯ 只是樓面姐姐服務麻麻兼笑容欠奉。價錢： * 星期一至五~ 成人$134/位，小童$67/位；供應時段為午巿11:00至16:00* 星期六、日及公眾假期~ 成人$158/位， 小童$79/位；11:00及13:15入座* 用餐時間：2小時今日計埋加一及茶介大約 $175/位 (平日) ，在尖沙咀來可以接受。點心款式： 每位有一客玉桂蘋果叉燒酥、花膠灌湯餃及原隻鮑魚酥。另外，其他點心紙上食物都是任點任食。點心款式多，粥粉麵飯、小食、甜品樣樣有，冇可能可以試盡每款食品。今日叫了多款點心，每款點心都是即叫即蒸，而且味道比預期好。點心款式多，不能每款評論，就簡單地說一下不能任食的三款食物。【花膠

我book咗星期六一開門就食點心放題，並要窗囗位，點知當日去到窗口位已沒有，最重要係職員最初只安排排隊入座，座好先問邊個有訂枱，而重點係坐窗囗嘅客人是沒有訂枱的。11點到，隨即落單，點知30分鐘後才到第一碟點心，坐了45分鐘才上第二碟心，是一碟凍的义燒酥，期間已聽到隔離枱有客人鬧，半個鐘先有點心，個餐包重要係凍的點心放題限時兩小時，我坐在 1小時 15分仍然未上哂第一張點心紙。食物質素差劣，比以前舊式屋邨酒樓還差，小弟都非常喜歡飲茶食點心，呢一間難食程度都應該排第一。奶黃包， 皮厚 ，我未試過啲奶皇係冇甜味嘅灌湯餃 ，竟然係腥嘅一口鮑魚酥， 又係凍嘅重頭戲係生炒糯米飯，啲糯米真係生嘅 同個職員講，話啲點心咁耐都未到，佢話啲職員食緊飯喎， 即係間茶樓開咗，我哋又食飯，佢哋又食飯 ，咁點解唔開晏啲呢$208 全包點心放題，真係俾了自己一個教訓。

看到這篇評論的人 你可以繼續去吃 去了你就會知道我在說什麼 這家餐廳去就好遠 等電梯要等十多分鐘 上去了前台態度很差 這不是最重要的 放題的區域全部靠電梯門 不用旨意靠窗 靠窗的全部是吃貴價小炒之類的 聽說要三千塊以上才能坐在那邊 一下子就一大堆人衝進來 十分靠近食客 靠在你桌子旁邊 不斷談話和等掃安心 想換桌子 靠牆的 卻說那邊是vip放題客 問他什麼叫vip放題 他說是熟客 我無語了 菜品質素很差 所謂每人一個鮑魚酥 全焦了 滷水豆腐是臭的 涼菜卻竟然熱的 每分東西都放一起 比方說皮蛋瘦肉粥既然和春卷放一起 春捲就軟了 而且炸的全部都冷的 問他們為什麼炸的怎麼冷 他們說炸的熱氣 別吃太多就走了 what？ 菜品經常漏單 叫了要等半小時 問為什麼這麼久 卻說快來了 結果後來再問 才說漏了 點心要等一個小時 好不容易來了點心 蒸籠是臭的 燒賣裂開了 黑金流沙包也是裂開 全部露出來 再叫 包子餡料一茶匙也沒有 腸粉勝在蝦多 但是是冰的 吃兩個小時 到一個小時的時候就來說吃夠買單 快點走 哇 大開眼界 再叫了個燒賣 竟然找個大姐手上拿著 蒸籠都不用了 直接拿過來問放哪裡 丟在朋友碗裡就走了

看到這篇評論的人 你可以繼續去吃 去了你就會知道我在說什麼 這家餐廳去就好遠 等電梯要等十多分鐘 上去了前台態度很差 這不是最重要的 放題的區域全部靠電梯門 不用旨意靠窗 靠窗的全部是吃貴價小炒之類的 聽說要三千塊以上才能坐在那邊 一下子就一大堆人衝進來 十分靠近食客 靠在你桌子旁邊 不斷談話和等掃安心 想換桌子 靠牆的 卻說那邊是vip放題客 問他什麼叫vip放題 他說是熟客 我無語了 菜品質素很差 所謂每人一個鮑魚酥 全焦了 滷水豆腐是臭的 涼菜卻竟然熱的 每分東西都放一起 比方說皮蛋瘦肉粥既然和春卷放一起 春捲就軟了 而且炸的全部都冷的 問他們為什麼炸的怎麼冷 他們說炸的熱氣 別吃太多就走了 what？ 菜品經常漏單 叫了要等半小時 問為什麼這麼久 卻說快來了 結果後來再問 才說漏了 點心要等一個小時 好不容易來了點心 蒸籠是臭的 燒賣裂開了 黑金流沙包也是裂開 全部露出來 再叫 包子餡料一茶匙也沒有 腸粉勝在蝦多 但是是冰的 吃兩個小時 到一個小時的時候就來說吃夠買單 快點走 哇 大開眼界

食大閘蟹嘅季節又來啦！上年食過大角咀嗰間利寶閣，感覺好好。今年去尖沙咀encore！一嚟到睇等緊你大閘蟹嘅時候，先去攞片皮鴨食，啲皮唔夠趣，但係冇所謂，我哋主要係黎食大閘蟹！大閘蟹有油鹽，清蒸，花雕，佢有個規矩係只可以落人數嘅份量，差唔多食完就再叫，都算出得快，冇拖時間。我哋平均每人食咗15隻，簡單嘅評價係油鹽最香最好食，食到有一隻梅，蟹膏好多，蟹肉就冇乜味道。甜品有楊枝甘露，有薑茶，糕點。****************評分 : 8/10簡評 : 蟹膏攞滿分

上年在此店與多位同事，初試佢嘅大閘蟹任食餐，得到一致好評，個個蟹迷食得開心又滿足，有位同事更以食咗13隻大閘蟹之数，榮登蟹后寶座，既然食得咁高興，吾好俾佢停，近乎原班人馬今年，再來一個任食大閘蟹之夜，11月10日一行九人，到此店開懷大嚼，食到不亦樂乎，最後結果上屆蟹后，以破紀錄18隻蟬聯蟹后，講番今年此店供應的任食大閘蟹質素，蟹嘅體積同上年差不多，都係3一4両重一隻，但膏的份量却比上年嘅飽滿，蟹肉亦較鲜甜，所以是晚位位蟹迷都話，食完呢餐，要出年至再食大閘蟹

我只是想食到日本大閘蟹。見到利寶閣有廣告註明貨源。本人打電話去尖沙咀The One打算訂枱。問清楚如果另外叫幾錢一隻。店員回覆$108 一隻。我只是問清楚是否真的日本。他說不清楚。態度仲要好不善。問心我不食放題～選擇食正價。重點只係想食日本貨源。如果真的有錯我不介意道歉。

一向都鍾意食海鮮嘅我心血來潮想食而家時令嘅奄仔蟹識得食嘅我梗係揀去 「 利寶閣 」 starofcantin_hk食佢嘅 #高級粵菜晚市放題任食套餐入面每位仲送原盅佛跳牆每2人獲送一隻A級頂級爆膏奄仔蟹兩小時任點任食任飲仲有我最鍾意嘅深海大龍躉、草飼百日澳洲牛二話不說就衝上去食‼️⊰⊹════════════════⊹⊱✎食後感 ：✨❤️ 【 #京式片皮鴨 】職員即場切開新鮮出爐嘅片皮鴨睇見都好吸引包着一片片的帶皮的片皮鴨再加入青瓜等配料醬料唔夠幾啖就食晒了實在太好味😋❤️ 【 #龍躉四食 】龍躉迷必定要試晒呢四款龍躉煮法古法紅棗蒸頭腩健康米水浸斑片骨香酥炸頭腩麻香酸菜斑片食落去龍躉肉啖啖肉而且味道好新鮮好鮮嫩特別係麻香酸菜斑片酸酸辣辣食落去好開胃🟠 【 #鹹菜豬肚 】飲一啖湯香濃嘅豬骨湯底入面還有很多豬肚還有小小辣嘅黑椒味道更滋味🟠 【 #北海道元貝櫻花蝦蒸蛋 】呢個即叫即蒸的蒸蛋面頭已經見到有元貝及櫻花蝦食落去好香濃蒸蛋仲好滑溜添🟡 【 #堂煎百日澳洲草飼小牛牛板脊 】牛板脊驟眼睇油脂分佈均勻賣相已經非常吸引吃下去更是牛肉鬆軟、肉質鮮嫩🤤👍🏻🟡 【 #青胡椒白酒煮海蝦 】欣賞每一隻海蝦都

一行12人原本book咗生日餐慶祝長輩生日。訂位時問職員使唔使留定個餐，職員話唔使，絕對冇問題。點知去到現場當日，職員又話點解你哋訂座時冇留過餐，即時酒樓起唔到啲餐俾你哋嘅。服務水平更加appalling! 視線範圍是萬里冇人（酒樓職員），七時入席，上菜速度好似8號風球狂風掃落葉咁，七點十至八點已經差唔多上晒所有菜。我哋叫佢唔使咁快上菜，可以慢慢上，等我哋可以傾吓偈。部長呢頭話OK，唔使30秒立即上多兩個菜，真正係「意見接受，態度照舊」嘅典範！ 基本上八點已經食晒所有菜, 冷不防聽到其中一位高級啲嘅職員大聲同同事講:「我已經約咗人9:15pm 接我走㗎啦！」豈有此理！唔怪得催三追四、嗱嗱想快快速上晒啲菜啦，原來係 趕收工！其實我哋屬於C區, 又打咗針, 又裝晒Apps, 照計可以坐到12點。真係令人失望的服務態度！嘢食水準亦都係水平以下！中伏呀！

同朋友想食大閘餐放題. 網上做左一輪research, 最後選了利寶閣.  $498 +原價加一同茶錢, 實際每位埋單$600.選了6-8pm. 準時入座. 外邊有片皮鴨. 但皮完全係淋唔脆.  湯同鮑魚一般, 無特別. 一開始每位先上一隻開邊凍大閘蟹. 之後開始落單, 3種選擇, 清蒸, 花雕蒸, 油鹽焗. 清蒸同花雕基本上係一樣味, 唔覺有酒味. 油鹽焗亦唔覺有鹹味. 玩法係每次落單每人1隻.  但佢俾我地每人2隻咁落單. 上蟹速度無拖時間. 2小時最後每人食左1打.至於全晚重點, 全部蟹基本上都係無味.  蟹爪全部淋身就知唔係靚貨. 本來任食就唔預佢咩頂級貨, 細隻亦都預左, 但完全無蟹味就真係估唔到. 所以唔需要特別分係咩煮法去做食評.  當中有一隻蟹肉仲係梅嘅. 第一次食大閘蟹放題, 唔知其他放題是否一樣質素. 係的話我用600蚊其實去d靚酒家食個4-500蚊蟹餐都係咁上下價錢, 但size同質素一定好佢多多聲. cheap cheap地100蚊3隻, 4隻我都食過. 一樣有蟹味, 係細隻d. 但佢啲貨我覺得只值100蚊8隻.你問點解都食到1打? 我發現佢d蟹係一批好過一批,

今次係togetda度睇到有黑松露點心放題，就買來試試，買完之後上嚟OpenRice度睇，原來好多負評，睇啲人話啲點心要等好耐，又或者點左D點心冇黎到，所以我都抱着唔好太大期望嘅心態去食。一坐低送單,就幫D點心計時，首先等咗20分鐘送黎先,係全部都是炸的點心，跟住再嚟送的腐皮卷同埋類似叉燒酥的東西，炸物大都都是微微暖，有些是凍，所以不是即整，跟住蒸嘅點心足足等了一個鐘，我哋覺得係漏左單，追問之下果然是漏單，不過員工即時跟進，攞番漏咗嘅點心出嚟，第二次再入單嘅時候，蒸點心點心出奇地快，10mins 就上到。總括今次建議大家要比D耐性去等，食物質數炸物一般，蒸嘅點心都好食嘅，起碼出來是出煙的，我哋好好彩點心全部出齊。如果想黎食嘅朋友，等咗30分鐘，D點心唔黎就要追單，我哋隔離檯，點完張單，全張單唔見咗。同埋冇需要喺togetda度買，係上面付款都係一樣價錢。

星期五晚黎，book左枱, 8:11pm落單 9:16先上菜🙄 這是甚麼餐廳？😡 政府都要餐廳10點關門啦，咁短時間點食？食物好普通，人手又唔夠，環境又立立亂，落去食雲吞麵好過🙄第一次黎印象極差，唔使再幫襯， 仲話送番甜品俾我地..唔好意思唔接受依間野，執得xxxxxxxxxxxxxxxxxxxxxxxxxxxxxx

今天準時下午到達尖沙咀，出𨋢門已經見到一半鋪面封了，似裝修非裝修，但是用膠布遮蓋也仍然外露塵埃區。完全不衛生！坐下枱面還未收拾，落單亦要自行找到服務人員才可下單，人數明顯不足。食物已經沒有之前的鮑魚撻，只有腐皮卷，及一個叫蟹乜乜的洋蔥之類的撻。難吃。花膠灌湯餃，冇肉齋菜餡！湯有味精味，回家有口渴。失望。黑色流沙包，通知巳冇貨，賣哂就不可叫了？其他食物，最敗筆是全無熱力！蝦多士可搾得出油，灼菜竟然是凍的！又再難吃。睇住樓面在一旁電磁爐上，幫手載上小碗份量和分發。連廚部都造埋。是什麼意思呢？食物質素彷如茶餐廳一般，CP值超低，完全失望。只見員工不斷努力，態度和藹，但仍然難挽留一點顧客的心。