利寶閣 (已結業)

点心品质一般，价钱不算贵也不算便宜，我们11:00 食到 14：00, 平均 HK$140 一位，星期日， 我们一共7 个人， 上菜速度都很快，洗手间距离有点远，大慨100 米， 在餐厅的外面

送貨前兩天已訂及付了全部費用. 當時答應3-5時送到. 我們從3點起一直追一直等, 酒樓就是說在路上了, 10分鐘到. 我們一直等到晚上6時30分, 他們才說有些出錯, 後來送貨的打電話給我們說現在貨在屯門, 我們在筲箕灣, 酒樓竟然叫我們繼續等. 最後我們只有要求退款, 他們竟然一口答應.我們十幾人就只有再叫外賣做節.利寶閣是一間全無責任心及不可相信的酒樓, 我從沒有見過這樣垃圾的酒樓集團.大家一定是小心.

琴晚放工係時代廣場樓下打電話問有冇位，店員話有幾個人等，唔多，可以來等位。5分鐘後我同朋友就到，發現其實冇人等。落座後，落單落左15分鐘都冇搞定，因為佢地好忙，落時話我地知烤鴨冇，羊腩冇，唯有重新再睇過，落左圖片睇起來好味的幾味。結果，上來後，差距相當遠，我地以為自己失誤左一味餸，點知後面幾味一樣茶餐廳水準。200多蚊鮑魚雞煲，得4粒小鮑魚同10快細雞件，問店員，佢話罐頭鮑魚好貴，同埋一改之前笑容，答一句就唔睬我地。食完埋單，又係10分鐘先有一個男經理睬我地，話好，之後行開，再冇出現，當時只剩5或6檯，又等10分鐘終於女經理比我地買，結果比完我發現有酸菜20蚊，我地冇見到咩酸菜，好唔容易叫到一個侍應，反問我地，係花生，一坐落就有，我話我地冇，比你睇圖片。佢話好，幫你退，又等15分鐘。同埋，睇到水晶燈上吊滿灰塵吊吊，好驚吹落碗。總之，除左上菜阿姐服務好好之外，其他，難以恭維，唔明點解分店多，客都唔少

未試過食粵菜嘅味道失水準過茶餐廳。道道菜都係鹹，而且餐牌同食物差距好大，根本係兩樣耶。食物份量細，價格貴，性價比低，千祈唔好上當。頭碟等左起碼二十幾分鐘先有（場內得一半臺坐客，唔算忙），$148嘅三椒蒸龍躉頭無論賣相定係味道都令人失望，鹹得黎份量又少。最誇張係鮑魚雞煲，$248得幾舊雞，問侍應話尼道菜鮑魚貴，又話是罐頭鮑，總共四舊細鮑魚。其他菜唔好提，質素價格不符。服務有心無力，侍應形色匆匆，叫買單都叫左兩次，下次唔會再黎。

今年選擇左利寶閣大閘蟹放題 揀左星期三平日 最平一日 $478 一位 再現場比加一及茶介蟹同片皮鴨是無限量供應片皮鴨質素本身係唔錯但片的手勢就拿西左啲 超大塊 好快片完一隻鴨 🤭🤭正大閘蟹認真說會有失望 頭幾轉蟹唔夠多膏而且佢寫明有三款整法 但無論你入幾蟹次單 佢都出唔齊比你 仲要等好耐先會出蟹 感覺佢其實係亂咁說第比你食 次次都第埋黎講「食住先」咁都要食住先既 然後最後應該係都說夠鐘個兩轉蟹說品質好好蟹了畢竟都係任食 所以都滿意既 食過就可以了 而且其實我比較鐘意食片皮鴨

剛試了銅鑼灣利寶閣的午市點心放題，發現可供選擇的點心少得可憐❗既沒有特色+味道也一般❗也有漏單的情況❗跟部長反映了漏單問題，但直到埋單後仍未能補上❗有款點心更像是發臭變壞了❗結果最後嘔吐大作❗🤮中伏了❗

正日慶生飯，好好好姊妹夫婦提議大閘蟹吃到飽，一坐底就有燉湯，目測有一小舊似打邊爐嗰種花膠筒同一舊響螺嘅物體，不過太熱擺埋一邊先，唔好阻住我隊蟹⋯⋯除咗湯，仲有每人一隻鮑魚同醉大閘蟹，片皮鴨都係任食，不過一出爐就好快俾人攞哂，鴨烤得皮脆，有提供熱辣辣嘅簿粉皮包住食，食食吓貪方便，索性就咁夾蔥醮醬食就算，又要食蟹、又要一眼關七留意廚房出鴨、又要戴口罩出去拎，成晚就係好忙蟹有三種煮法揀：清蒸、鹽焗、花雕，我哋三個比較愛清蒸，咁至食到原味道嘛。呢頭柯打，好快上枱但食食吓又想食吓新意思，因平時屋企少食到另外兩個煮法，鹽油焗響蟹膏嘅甘香中帶點鹹香，值得一試，可惜當中有三隻唔新鮮一陣餲味另外有糯米飯、薑茶、甜品、任飲任食，不過顧住拆蟹食蟹都無品嚐，只飲咗碗薑茶。埋單前點咗嘅蟹，明明已送到枱邊，但一做俾錢嘅動作就收番入廚房喇

🌟午市黑松露點心放題🌟個人覺得有少少失望點心冇乜黑松露味味道方面唔都太好食黑松露蝦多士好油膩😵‍💫😵‍💫黑松露系列嘅點心全部都好失望🥲另外每枱都會送灌湯餃灌湯餃係最好食 同埋另外要讚嘅係，上菜嘅份量唔會好多寫幾多件黎幾多件，唔會浪費就算叫麵同飯，都係一碗仔唔會一大碟上，好鍾意呢方面嘅安排🌟服務都好好，加水加茶，執枱都好勤力🌟所有點心都係即叫即蒸所以可能等嘅時間比較耐建議早少少叫定🤭

網上買左2小時午市點心放題134未加一未加茶位費。兩個人一共347.8，性價比超低，300幾蚊選擇超級少，野食唔好食，出面的茶樓隨便一間都好食過佢，服務態度都一般，環境又唔係好，食左我300幾蚊都唔知自己食左咩。

我差不多每星期都去飲茶食點心！最近利寶閣做緊 黑松露午市放題 ，推出全新黑松露黑魚子系列點心，一於去試下先！一入座每位送黑松露蟹鉗酥、黑魚子鮮蝦腐皮卷及花膠灌湯餃各一，另外點心紙有一系列黑松露點心選擇，例如黑松露蔬菜香菇包、黑松露素菜腐皮卷、黑松露叉燒腸等，我幾款都試哂，全部都有黑松露魚子醬在點心上面，真材實料，全部都好味！我特別中意黑松露蝦多士，炸到脆卜卜好香口！花膠灌湯餃都好正，湯很甜又有整片花膠，放題包埋好抵食～！～除了黑松露系列外，放題仲有經典點心可選，我幾中意可以逐件點心order，咁就可以食多幾款！推介黑金流沙包，入面好多奶皇好香噴噴！蝦餃燒賣等等蒸點上菜時全部熱辣辣出哂煙，真係新鮮即蒸！～煎/炸/焗點我吃了咸水角和蘿蔔千絲酥都很香口；仲有大排檔小食：鮑汁鳳爪、咸菜豬肚及豬腳薑等都有得揀！點心放題好多選擇呀！黑松露點心放題在Togetda訂，百零蚊任食又真係幾抵，鐘意飲茶嘅朋友不妨上網訂啦！

飲茶食點心就多勒！食點心放題大家又試過未⁉️我今次都係第一次試🤣🫔🥟🥧🥟價錢每人$168+1夏日黑松露點心放題，兩小時任點任食😋—————————————————————-另外仲會每人送一份黑松露蟹鉗酥，蟹鉗酥好鬆脆黑魚子鮮蝦腐皮卷，蝦份量都幾多，蝦新鮮，腐皮卷夠脆冇油*益*味，推介👍🏻花膠灌湯餃，灌湯餃好大隻！——————————————————————-整體都唔錯，下次🉑以再食😋

之前喺Togetda網站， 以優惠價訂咗利寶閣嘅任食深海大龍躉、草飼百日澳洲牛放題，今日趁同老公行街就過嚟食，原來呢個任食嘅set只係做埋呢兩日，好彩趕得切✌🏻6月份全新menu係龍躉四食一坐低就會送一人一客佛跳牆，鮑魚真係好大隻😍，加上有花膠同埋海參，湯品清甜👍另外會送上堂煎百日澳洲草飼小牛牛板脊和半隻片皮鴨每2人送一隻A級頂級爆膏奄仔蟹，店員推介我鹽焗，真係好正，爆曬羔得黎夠鮮味，如果有得encore就好了😆個package包埋任飲韓國真露燒酒及啤酒汽水，鍾意飲返兩杯嘅就抵哂了😍而且今晚都覺得呢度服務唔錯，服務員有禮貌之餘又好勤換碟，落單和食物都上得幾快，五星級嘅服務👍店員話好快就會換上大閘蟹任食嘅menu添，好期待！😍

朋友喺Togetda預訂，利舞臺呢間黑松露點心放題，見到有優惠，好抵食😍平日午市時段都好多人。任食兩小時，樣樣都想試，平日兩個人飲茶食唔到太多款式，今次可以一次過滿足哂😋一坐低店員已奉送幾款菜式。「皇牌黑松露蟹鉗酥」面皮酥脆，裡面夾著蟹鉗，口感唔錯。「黑魚子鮮蝦腐皮卷」外皮鬆脆，包著鮮蝦肉，呢個要推介...好味👍🏻「花膠灌湯餃」大大隻灌湯餃，仲有花膠，真材實料。「黑金流沙包」賣相好靚，裡面流沙熱辣辣，yummy「豬腳薑」而家已經唔係每間酒樓都食到，平日好少機會食，呢度嘅豬腳薑好好食，叫完即刻再Encore多兩次😍呢個價錢可以食到咁多款，有質數嘅點心，真係好抵。見到晚餐都有放題，下次可以再試。

在網上提早了兩星期預約星期日，補祝父親節。預約了11點，未夠11點已經可以入座，見人唔系好多，旁邊位置嘅都系散客居多。哈哈，我哋三個人，超碼食咗30碟，最好食都系蝦餃，份量黎計，同旁邊散客食嘅都一樣，如果大食嘅放題會比較抵，因為星期日，小點都要27蚊，蝦餃依啲特點都要43蚊，我都都食咗3籠😜即時覺得回本🤤

之前去了九龍君綽的海雲天，感覺不錯，今次來港島試吓。利寶閣第一次來，價錢較海雲天便宜約10%，136一位未計40元茶錢加一。環境方面固然比海雲天全海景差一大截，但既然價錢較便宜，就沒什麼要求。不過，最大敗筆竟然是沒有蝦餃（利申：我是蝦餃控）。經理說因為蝦餃的機器壞了，正在搶修，說稍後我們可以再點，相信會修理得及。最後當然是修復不了。點心不過不失，質素和選擇都跟海雲天差了一截。最後，付小費80大元，找贖時還好意思將20元打散，我不投訴沒有蝦餃貨不對辦已算，還這樣找贖...無論環境、食物質素和選擇，這裡性價比肯定不及海雲天。