利小館

營業中

休息中

本人2024年4月21日中午到元朗 YOHO 利小館午膳, 平時都有光顧利園，食物是不錯，價錢偏貴, 都不緊要，最慘係沒想到高級食市都會受到大肚樓面職員不禮貌對待， 1)入座不久後，本人有禮貌地向該職員查詢: 唔好意思, 請問有沒有濕紙巾, 該員工沒有尾音亦很倔的態度回覆本人: 我地無!!! (本人不是做服務行業都知應該要如何有禮貌地回覆客人啦? 直常都會: 唔好意思, 我地無提供。) 但當時本人沒有認為不太嚴重，只是心想服務態度這麼差，便沒再理會。2)但在最後一碟小菜，放下不夠5分鐘時，明顯整碟都還未吃完，起碼還有7成份量，該職員竟很無禮地走來說: 你地夠鐘啦，要走呀! (光顧了這麼多次利苑，第一次遇上這麼差態度)，平時其他餐廳都會有禮貌地說: 唔好意思, 我地要截單了, 先幫你們埋左張單先好嗎? 正常都是用這種態度跟語氣，譚仔姐姐都好禮貌過你地間利小館! 這麼簡單的禮貌及服務態度都沒有，利園一直是高級食店，竟然容許員工這樣態度!3)最令我們一枱11人生氣的是，在上方情況下隔了3分鐘後，這位職員竟再度拿張單黎說: 你地真係夠鐘, 對完張單埋單呀! 這次的到來, 令我們11人一起非常

💟蘿蔔絲酥餅熱食是不錯的，滿滿蘿蔔絲，外層是脆脆的酥餅。💟流沙奶皇包流心程度ok.💟金絲脆麻花個人最愛，會做的酒樓越來越少了，超多蜂蜜，配上脆麻花，超好吃小甜點。💟七味豆腐份量挺多的，這是吃了1/3 的量。💟香蔥芝麻滑腸粉就是普通的滑腸粉。💟擂沙湯圓外層的花生不夠脆，有陣奶香味，芝湯湯圓夠流心，不夠熱。💟蛋白杏仁茶同樣是不夠熱，明明廚房就很近，但就是沒煮熱就出來了。雖然講明坐一小時十五分鐘，但無可繼唔坐多陣，會繼續加茶，唔會黑臉。

利小館位於元朗形點商場一期。元朗形點有幾間飲茶嘅中菜館。利小館係我其中一間最喜愛的。佢入面嘅座位有別於一般酒樓的圓枱座位。佢有卡位同其他長形或者二人嘅枱。佢嘅裝修優雅舒適。座位舒服。佢嘅點心種類唔算係非常多，不過主要嘅點心都有。而且食物質素好好。佢嘅小菜都好好味，不過係細碟咗少少，但係價錢好合理。點心方面，我好鍾意鹹水角、西洋菜餃、蜂巢芋角。餐廳員工服務好好。好有禮貌，好細心。👍例如，吃完一籠點心，員工會馬上收起不要的東西。什至會幫我哋換碟。見到有小朋友，會問佢需唔需要用叉。非常細心。值得一讚！👍

在接待處看不見任何籌號機，便向接待處職員表示兩位，職員匆匆忙忙叫我地自己㩒飛，望左好耐攞飛係部iPad，螢幕仲要係向職員果邊，並唔係向客人。進入餐廳眼見有多張餐枱，並不明白為何要等位😪坐底餐廳說明是自助下單，但職員並無任何QR code給予我們，然後想搵個職員都係甚艱難😢搵到職員之後佢問我地飲咩茶，我地問有咩茶選擇，佢竟然用普通話答，聽到我懷疑人生🤯跟住20:35落左5樣野都可以漏單2樣，20:55問佢可否幫我地跟跟單，佢反問我地爭咩，講完佢回覆製作需時，甘我地再等，21:00佢問我地要唔要加甜品，我話餸都未齊食咩甜品，佢先再幫我追單，然後我偷聽到有職員講入面廚房收唔到order，明明漏單仲係度扮野，最後追單2野只黎1樣，我地決定唔等取消走人。奉勸大家唔好去呢度食，服務質素食物質素極差，仲要收服務費，簡直不合理！

用完餐準備收拾起身埋單嘅時候 比女服務員不禮貌地大大聲地提示 「張枱夠鐘 要俾返張枱我啦」今天我想枱附近客人都呆了 我看看錶只是正好坐低一個小時15分鐘 難道貴公司嘅管理層冇教育你啲員工怎樣以禮代客 讓顧客有良好嘅服務體驗嗎 我經常光顧各大餐廳食肆 從來未層去過一間餐廳咁樣俾人叫我起身埋單我以往是利園嘅常客 一個月最少光顧四五次 老實說食物質素已經每況愈下 現在光顧只是因為地點方便就腳 不過今晚經過這個不知所謂嘅女侍應𣎴快經歷 想再幫襯都難 我見餐廳人流已經不夠多 這樣做生意只會因小失大 毫冇生意觸角

🎈 利小館 (元朗)地址：元朗朗日路9號形點 I L1樓1130-1143號舖➡️今年小編慶祝父親節，揀咗呢間食中菜既餐廳。➡️入坐時間唔需要等好耐，坐既位置唔會太逼，環境氣氛都很好。💡 🥢沙薑鳳爪 $35好肥美既鳳爪，絕對有咬口感，超入味，沙薑唔洗另點汁，整既時候已經有晒沙薑。💡 🥢鐵板風味比目魚粒 $65啖啖肉，魚肉好滑💡 🥢XO醬香煸四季豆 $62好香口，唔會太淋💡🥢三層肉 $100比起其他餸菜略貴，但皮脆肉嫩，配埋芥末醬一流😋😋😋💡 🥢金蒜乾貝蛋白炒飯 $65比起其他店舖既蛋白炒飯香好多，好香蒜同乾瑤柱味，食完一碗又一碗💡 🥢四川擔擔麵(位）$48偏酸同辣，反而唔夠花生味，感覺唔夠正宗💡🥢乾清棗皇糕 $44熱辣辣，好香紅棗味💡 🥢擂沙湯丸 $33皮薄餡多，值得一試(5🌟為滿分）環境：🌟🌟🌟🌟打卡：🌟🌟🌟🌟🌟味道：🌟🌟🌟🌟價錢：🌟🌟🌟🌟再訪：🌟🌟🌟🌟🌟

星期日下午二點後都要等位，好多人。等左15分鐘左右就有位。二個人都可以坐卡位，雖然個坐椅有點硬，但係好寬敞，尚算舒服。用QR code 點餐，叫左XO醬炒蘿蔔糕、生煎包、豬軟骨拉麵、炒回鍋肉、鐳沙湯丸。XO醬炒蘿蔔糕，熱辣辣上枱，不過比較油，不是以前食開嘅外脆內軟，質感好林，一夾就散開，麻麻地。生煎包有3粒細細粒，煎得唔夠，個底都係林嘅，諗住食入口會爆汁，好失望，係無嘅，入面的肉好乾，而且個味道好怪，好似用醬油炒過的肉，不是常規的味道，我不太喜歡。豬軟骨拉麵好味，湯底夠濃味，面條有小小過林，豬肉都夠林，尚可吧。炒回鍋肉味道有點辣，味道不錯，熱辣辣，但是肉的份量比較少，配菜就勁多。鐳沙湯丸中間黑芝麻流心，暖暖的，好味。總結，有好有唔好，整體ok吧。

利苑旗下‘’利小館‘’，之前喺屯門同銅鑼灣有分店，已經執咗，而家剩返元朗Yohomall唯一一間😗「銀芽肉絲煎麵」($68) 幾好食，煎麵夠晒脆，食薯片咁，芽菜肉絲爽口，芡汁夠味🤝🏻「砂窩雲吞雞」($60) 分量足，雞肉夠嫩唔韌，餃子大粒漲卜卜，味道OK ，清清地飲碗雞湯感覺健康🧘🏻‍♀️地方企理，好多客嘅時候都幾嘈；限時90分鐘，掃QR Code自助落單全單有95折，即係唔叫阿姐平幾蚊，多謝多謝💙

去咗行形點，行到攰攰地，就想搵個地方坐低飲杯茶食個包🤭。同亞女去咗利小館，人唔係太多，好快就可以坐低，用QR Code自己落單有95折優惠，我哋叫咗點心、燒味、廚點、炒粉麵，同亞女最鍾意嘅甜品。炒粉麵叫咗乾炒牛河，份量較迷你，但係就好夠鑊氣，好好食😋。點心叫咗蘿蔔絲酥餅，熱辣辣，鬆脆可口。仲有三層肉（即係燒腩仔），我幾欣賞佢哋個燒腩仔，因為佢燒得好香脆，油脂分布得好均勻，斬晒啲唔靚嘅部份，上最靚嘅比客人，但當然價錢就緊係貴啲啦！盛惠$100/9小件，每件嘅size仲細過隻麻雀🤣。廚點叫咗七味豆腐粒，非常酥脆😋。最後，甜品叫咗個擂沙湯丸，熱辣辣，流出流心芝麻，食完想再食🤣不過唔夠亞女快手😂！今次非常滿意呢間食店的出品，埋單時侍應話用銀聯卡付款，再多多個95折。yeah!乾炒牛河價錢:$62CP值：⭐️⭐️⭐️⭐️蘿蔔絲酥餅（3件）價錢:$39CP值：⭐️⭐️⭐️⭐️⭐️擂沙湯丸（3粒）價錢:$30CP值：⭐️⭐️⭐️⭐️⭐️七味豆腐粒價錢:$33CP值：⭐️⭐️⭐️⭐️⭐️三層肉（9小件）價錢:$100CP值：⭐️⭐️⭐️

食品質素係唔錯嘅，擂沙湯圓幾好食但我唔知佢啲侍應有幾混亂先可以落左單45分鐘先同我講冇魷魚酥賣囉。落單系統照俾我嗌，追左兩次仲要同我講炸野係耐啲叫我等下，結果同一個侍應同我講返根本係冇囉，咁你叫我等乜呢。次次要俾錢，收銀永遠都冇人喺度，要等一輪先有人返黎收錢。難怪執淨一間啦，快啲執埋佢算啦。

星期日要係yoho 飲茶都幾難，今次去左利小館，佢係正利苑側面， 比起其他酒樓， 佢比較容易拎到位， 大概等左6張枱20分鐘，餐廳唔算大，但轉枱快，因為佢屬於新派一d既飲茶餐廳，見到佢餐牌有焗豬扒飯同凍奶茶之外，仲有利苑點心既加持，老中青都岩食。食左幾款點心都幾高水準，同埋佢既抄飯同牛河都好夠鍋氣，估計係因為同利苑一樣既廚房。如果唔需要係酒樓吹水，入利小館更好，價錢相宜之余，都食到部分利苑既食物，唔怕老人家唔岩食。

Yoho Mall 黎講都有好多間可以飲茶食點心，但其實好食既就...個人一直都覺得利苑既點心係呢個mall 最好食，而且空間最大，坐得最舒服。不過缺點就係好full，基本上一定要訂枱先食到，同埋係分時段，時間沒咁彈性。好似今日咁，突然想食點心的話，就食唔到。不過，如果唔介意坐得hea d，旁邊呢間利小館都係好既選擇。其實佢同利苑同一個廚房，點心係一樣既，只係環境相對沒咁高級。兩個人食，叫左必食既蝦餃，標準一口既size，蝦夠鮮甜，嗰皮厚薄適中，good！野菌餃都係我鍾意既，我好少食素餃，因為好易有陣青味同好寡，但呢度唔會。素鵝就普普通通，不過不失啦～但係酥炸魷魚鬚就係我每次必點，即叫即炸，炸皮薄，夠脆身，魷魚鬚爽口彈牙，份量又多，正！

星期日去到元朗yoho mall行咗陣街，原來想再轉輕鐵去大街個邊食點心，但礙於我哋唔想再離開商場嘅關係，加上男朋友除咗點心仲想食其他野，所以係yoho利小館食lunch(꒪ཀ꒪).利小館開11:30，我哋11:15去到已見十人左右排緊隊，到搭半就入得去～兩個人點咗以下嘅野，食到好飽🤰🏻建議唔大食嘅人可以叫少啲或者點少啲，唔夠先再叫🙈.▫️茄汁焗豬扒飯 $52男朋友之前食過鍾意，豬扒真係好食又夠軟腍，蕃茄炒飯都好香，唯獨炒飯可以乾身少少🤏🏻.▫️ 南翔小籠包 $36唔錯，一咬落去有好多湯汁😻如果皮再薄少少就更正.▫️峰巢芋盒 $33我係芋頭揸💜但都覺得少少膩.▫️播沙湯丸 $30煙韌嘅湯丸皮包住濃郁順滑嘅芝麻，好好食.▫️杞子娃娃菜正常發揮.▫️叉燒腸麻麻地，啲叉燒好薄又太肥，而且口感有啲靭🥲  .▫️珍珠雞雖然有3份，但每啖都兩啖食完🤣不過某程度上係好，因為我成日都想叫唔同嘅食物，細細份可以點多啲，而且都幾好食😋.如果鍾意我嘅𝐏𝐨𝐬𝐭 (˶ˊᵕˋ˵)希望你可以𝐅𝐨𝐥𝐥𝐨𝐰我 @fibee3b

利小館是利苑集團的年青版 主攻新一代的食客 今天去了元朗的新地標-形點 無意間看到了這店 自然要去試試啦店鋪風格有別於一般酒樓 採用西式擺设 沒有圓枱 由長方形的2人小枱組合而成 所以座位有點擠逼 幸好有少量卡位 還可以採用掃二維碼下單 方便又快捷 收費比利苑平 有些份量比正常的稍細 例如蜜汁叉燒 雖然祇有8件 但味道很好 又軟又香 只收90 合理呢臘腸卷 一般正常有2大件 而它只得三小件 臘腸皮脆帶甜味 很合我的口味其餘的豬扒龍蝦湯拉麵 金蒜元貝蛋白炒飯也很好只是擂沙湯圓 如果麻蓉多D就更加好蘿蔔絲酥餅唔夠鬆化千層糕基本上是ok 可惜不是我心目中的蛋黃千層糕 所以有點失望綜合來說很滿意 尤其是單據上 祇有一項座位費 收了24元 沒有茶位費 而一般酒樓茶位費 最平是每位12元呢 另我是用信用卡付款 也給了微訊95折 這餐5個人吃了總共13款食物 才612元 還有免費泊車 實在太超值了

✨✨今日難得同家人一齊去元朗行，晚上行得攰攰哋就去左Yoho Mall搵食，見到利小館做緊4人套餐💰$688 (另收茶位及加一）見仲早無乜人等位，一於去試吓！🌱 陳醋雲耳酸酸咪咪好開胃，做前菜一流。🌱 黃金豆腐炸得好香脆，脆皮有少少咸蛋黃香，份量都多。🌱 杏汁燉白肺（盅）呢個燉湯好足料，有幾舊豬肺，杏汁味幾重，連我呢個唔太鍾意杏汁味既人都飲哂🙊🌱 石鍋薑蔥龍躉見石鍋細細，但入面龍躉件數都多👍🏻🌱 黃金蝦🦐咸蛋黃包住蝦好好味👅 可惜蝦肉有少少霉，應不太新鮮。🌱 飄香荷葉飯呢個普普通通，無乜特別。🌱 脆皮雞（半隻）皮脆肉嫩，唔錯👅🌱 乾清棗皇糕呢個都係正常味道，無乜特別。🌱 蛋白杏仁茶呢個杏仁茶幾好食👍🏻 杏仁味重，甜度適中，養顏之選❣️開頭以為價錢幾抵，就算散叫都平均每碟$60左右，點知上菜先知每碟的的骰骰。不過呢個餐都夠我地5個人食，味道中規中矩。====================推介度：❤️4/5CP值：👍🏻3/5 （份量比預期中細份）好味指數：👅4/5====================