利興餐廳

營業中

休息中

下午茶乾炒豬扒烏冬+凍O茶$48，烏冬好淋（無牙都食到👍🏻 但本人不喜歡囉）豬扒好鞋🤭下午茶$48唔係貴，但咁嘅質素就一啲都唔值囉，整體來講好難食，一啲唔抵食

一行二人來到呢間位於元朗教育路，嘅《利興餐廳》食早餐。我揀咗火腿鮑魚絲通粉配煎雙蛋加牛油方包早餐，飲熱奶茶 ($30)。火腿鮑魚絲通粉味道ok；煎雙蛋嘅雞蛋比較細隻，呢兩樣都ok，不過個牛油方包就扣曬分，首先係方包又凍又硬，然後入面竟然係一大pat味道又鹹又甜嘅植物牛油，感覺既難食，又油膩，熱奶茶一般茶餐廳貨色，普普通通。朋友揀嘅榨菜肉絲米粉餐 ($32)，都有幾多榨菜肉絲，味道唔錯，可惜米粉比較嚡口。紅腸煎蛋都幾香口，牛油方包同樣係敗筆，熱咖啡不過不失。其實呢度早餐嘅價錢都幾抵，好可惜牛油方包實在令人印象太深刻，拉上補下，充其量衹能算味道普通。

天氣熱到受不了，真係唔會想去街，╮(￣▽￣"")╭ 結果同家人落街食茶餐廳就算。每次食茶餐廳，我都會想試佢哋嘅焗飯/意粉，仲要係白汁(╯3╰)，今次都係！呢間茶記唔係第一次幫襯，之前試過行山前食佢哋嘅早餐，不過正正經經食晚飯就第一次 ( ´▽` )ﾉ叫咗個焗白汁芝士海鮮飯，配咗杯凍飲$59，點知原來有例湯，順手就叫咗個羅宋湯。個羅宋湯味濃，唔似有不斷溝水，或者可能時間尚早。海鮮焗飯味道有啲淡，不過我慣咗食淡味嘅嘢，我覺得還可以。海鮮就有魷魚，素鮑魚片，蟹柳，就獨欠大多餐廳會有嘅魚柳，不過份量都係多嘅，食唔晒。整體質素OK，以呢個價錢($59)，唔可以期望太多，唔好同扒房比。但以平民茶餐廳來講，可以再食( ´▽` )ﾉ

假日同朋友出去念唔到食咩經過元朗呢間餐廳所以隨便搵間餐廳填飽肚算朋友叫左咖哩魚飯、奶醬多、雞脾薯條等等試過食佢地個d都系普普通通正常唔會難食得去邊既餐而我就叫咗五香肉丁米再加錢配火腿奄列我一向都好鐘意食火腿奄列 但呢度既就煎得比軟乾身 火腿又少 仲成大片油食到成口油又真唔會再食🙃🙃

👆星洲炒米 $39（推薦指數：★★★★★）下午茶還有餐飲！！！不太鹹，不會很重口味，但是鍋氣很夠，所以很香！！餐廳的服務人員態度也很好，空間也很大，在公司忙碌過後來享受一個價格便宜又好吃的😋的下午茶就最棒啦！

Unhappy lunch利興餐廳豐裕.....其實食一個燒味餐廳.....普遍都多人食燒味,,但我叫左個飯食......蒸飯,,,仲要係豬頸肉,,,我不喜歡,,肉太林身,,,飯另外上,,,但加幾菜係到,,最唔喜歡食濕既飯.....所以個飯我食左沒十淡就已經放棄了,,放棄左...唔係燒味,,係我錯了..但樓務就算好過其他餐廳，價錢彼此大約相似...唔會特別平,,都係4X 5X多元....

今日下午4:00去到利興餐廳諗住食個下午茶餐，點知個炸雞髀沙律，一陣「油益味」，雞肉鞋颯颯，再加上嗰啲沙律薯仔淋啤啤，真係食幾啖都唔想食啦，以後唔會再去幫襯😖

終於等到可以去捐血！捐血前一定要食飽飽先，為左做家務，過左早餐時間但又唔想第一餐食午餐咁heavy，去利興食個常餐都好吖！啲阿姨好好，每次見我一個人都會安排2人嘅卡位俾我自己坐！雪菜肉絲米跟煎蛋午餐肉，一定要飲茶走去輕鬆一下個米粉跟左兩條菜心係加分位

中午40元套餐，十一点开始，枝竹豆腐火腩饭，有中汤，有热饮，ok的。见其他人啲早餐，分量都足夠。卡位枱下有柜桶放餐具，落单要讲清楚，无得改，（因为个阿姐话已经写咗囉。）哈哈哈！！！

其實我成日都來食下午茶 今晚來食飯都幾好食 鐵板鴛鴦扒 配料好足，叫左黑椒汁，其實個鐵板都會落洋蔥，唔似出面嘅餐廳叫洋蔥汁先會有洋蔥個鐵板一來到喳喳聲好夠熱平時下午茶食啲薯條好正，咬落外脆內軟好鬼新鮮今晚放左係鐵板上面變腍左即刻好普通但係啲黑椒汁好正！點薯條好野味，食真啲原來落左啲蒜蓉係入面，令我諗起金鳳鋸扒嘅味道 不過金鳳啲蒜蓉太多 呢度蒜蓉同汁嘅比例岩岩好仲加好味見唔見到啲蒜蓉 好少可食到黑椒汁咁野味 個汁加左好多分主角豬扒好嫩 放左係鐵板10分鐘都冇變鞋雞扒都好正咬落會有肉汁有時會切到啲筋，食得出唔係批發個種劣質雞扒缺點太多油！食到最後塊鐵板都比油浸住！其實平時叫碟頭飯都好鬼多油，一定要叫少油先得！！同埋姐姐太忙成日都唔記得比湯成場都聽到人追番啲湯同場加映下午茶燒鴨瀨$25好抵食！燒鴨經常都會比上脾加幾舊胸燒鴨有啲肥 同埋切完直接上碟係會有啲凍嘅但都新鮮夠嫩夠入味再加映常餐食開燒鴨瀨都好高質 諗住食個常餐試下叉燒好普通不值一提，唔會再叫常餐啲蛋同腸仔放晒落個麵到 好彩冇叫多士總結：一間抵食有心嘅茶餐廳 只要冇退步都會keep住來食

每逢星期五，六及日，元朗區的食市都人山人海，咁今日星期五得我一個人啦，去到d餐廳門口都滿晒人，自己都唔想一個人入到去霸住人地張枱，咁就唸住買外賣返屋企算啦！剛好見到利興，大大個牌寫住外賣燒味飯，單併$25-雙併$27，咁就買盒試下啦，反正屋企都有野飲，買左盒切雞飯，放低廿五蚊走人。返到屋企，一開!嘩!雞脾飯呀！對唔住呀！我食左兩舊先記得影相，以我知識，切雞飯都係新鮮呀！佢d飯煮得都剛剛好，唔太生，唔太林，廿五黎講都好好好大盒，而雞都係有雞味，再加埋d蔥油我好快就成盒食晒啦！一定有下次!

食港式早餐，最怕是遇到: 似洗碗茶溝奶既奶茶、煮到淋曬既公仔面、咬唔爛及得個鹹字既沙嗲牛肉、又乾又老既炒蛋"餅"、似未煎過既煎腸仔、似未烘過既多士等等。早上6:45am到元朗，很多餐廳都未開門。見到利興咁早就開門，即管入去試試d 早餐。沙嗲牛肉面良好，炒蛋不太老，腸仔尚可，多士良好，凍奶茶不錯。整體來說，是安全的港式早餐。

睇返對上一次黎估唔到經已係大半年前嘅事，見佢開咗一陣之後仲吞併埋隔離嗰間鋪之餘仲喺雞地嗰邊開多咗一間分店，仲以為佢持續進步添，又見咁耐都無幫襯過，今朝就喺度食番個早餐先，點知今次令我大失所失望。嗌返上次嘅沙爹牛，不過由麵轉咗做通粉，今次嘅沙爹牛明顯唔夠沙嗲味，鹹味亦都唔多夠，成碗通粉都淡茂茂咁，唯有自己落幾粒鹽啦。菜方面亦有上次嘅靚菜心變為今次下欄嘅生菜，雖然個生菜都係新鮮嘅，不過始終覺得菜心有誠意啲囉。

屋企附近又開多間茶仔喇，我當然係無任歡迎啦。舖面極度老套，老套到有一份特別，真係好小可有茶仔個招牌老套到好似麻雀館咁。餐牌都係嗰啲啦，第一次黎就梗係要嗌個最能夠反映一間茶仔實力既沙爹牛啦，跟腸仔蛋凍飲，盛惠三十。個沙爹牛完全合格，濃濃既沙爹汁包裹住啲麵，正，啲牛肉又無話乸得太過份，有時啲茶仔乸到啲牛肉梅哂真係好難頂，最鐘意佢有條菜心喺個麵度，條菜心仲要幾靚既添。煎蛋雖然反過但係都算做到動L黃，屋企附近以後又多個飯堂喇。