利苑酒家 (已結業)

利苑一向給我的印象都幾好，但不知道為何沙田這分店的質素會這麼差。話說上星期跟中學同學友聚，我們一行十四人，因為女仔較多所以要了兩個6人餐，每個餐都可以任點餐牌內三款小菜，再加石鍋斑腩、燒味拼盤和例湯，起初的例湯和燒味都不俗，例湯夠晒火喉，絕對唔係味精湯；輪到起小菜，便開始失望，雖然香氣四溢，但每碟都“臘臘拎”，有點恐怖，而且石鍋斑腩裡的斑腩，煎到膿晒，起初還以為係火腩添。不過，幸好碟賽螃蟹弄得算可，蛋白夠滑，清清o地，落點陳醋，非常開胃。 儘管質素教人失望，但服務態度良好，值得一讚。

前日去食晚飯,點了3斤上湯龍蝦,鹽焗蟹仔4隻, 2個4人份量湯, 炸雞, 牛柳,2碟青菜,除了蟹,基本上無樣好,龍蝦調味唔夠怪怪地,湯好一般無乜特別, 招牌菜炸雞無雞味,那些水準一定不算好, 但也不是好難食, 不過結帳8個人(大家也略為細食的)總共要約HKD 2,600.00 --實在很不直!!!!

個waitress介紹個個京燒茄子豆腐勁唔得~ d豆腐又唔滑, 茄子又唔入味, 得個鹹字, 收我$68 >_< !個招牌雞又係, 只不過係普通到不能再普通既炸子雞, 又鹹又無雞味又唔滑, 一隻又收我$220 >_< !唯一個荷葉飯幾好味,其他野食都係又貴又唔好味, 都唔明點解收我呢個價, 好唔抵, 我全家都話唔掂, 我一定唔會再去呢間hv dinner...

和之前的朋友一樣，因為美心實在太多人，所以到了利苑，雖然都要等，但總算比較合理。三個人午市時間，很多OFFICE人都已經訂位，所以等得幾耐。點心不錯，我最喜歡的是四喜烤夫，因為不是太多地方可以食得到。還有小籠包，皮薄又有湯汁。而糯米卷糯米巻飯太「林」，唔係太好。

2:00 p.m. on Easter Monday, there are still many many ppl in Maxim's in New Town Plaza. have to wait more than 80 tables. so we changed the place and went to Lei Garden for lunch.six ppl had ;蘿蔔絲酥餅- very good.潮州粉果, 芋絲春卷: HK$9.8 special price. ok.燒鱔; taste good.灼菜: so so. 魚肚, 小籠包: haven't tried. no commendwe would like to have 荷葉反, but sold out. not many choices. had a 干燒伊面and 茄子炆米, i don't like either because i don't like oily things. but my family said that it is not too oily. the MOST recommen

呢度細個果時成日都飲，有番咁上下，後來水準大降，已好少去飲，今次再去，仲差

細個果陣覺得呢間好貴好高級架..有得去會好開心...哈哈印象中只記得好多人同埋佢果西米露好好食~~

細個嗰陣去過幾次食晚飯，最難忘都係佢個楊枝甘露!mmm但係其他o野就唔記得晒la

如題

今日中午去左沙田利苑飲茶（已經唔係第一次去），唔錯。雖然唔係特別好，但有幾樣野我就覺得幾好食。第一樣係燒肉（好似係豬仔肉），新鮮燒起，熱騰騰的，d皮又夠脆，好食。第二係炸粽。外脆內軟，好食。第三係千層糕，有d似馬拉糕，唔係太甜，幾香，好食。而對於我來說，最最最最好的，就係可以打電話book位，我是一個唔鍾意等的人，可以book位的確係冇得頂！

個fd註冊後訂o左位去飲茶，D 點心都ok，馬拉榚、叉燒飽等不過碟灼菜唔係用水灼，好似用一煲豬油灼完咁。還有碟炒粉皮，雖然好味，凍o左有一層油係底。宜依d食油好平呀？

好耐以前已食過無數次,好多年前係幾好,但水準如其他酒樓一樣,一路差落去,已好耐飲,今次去覺得麻麻,當然降晒格,亦無乜選擇,味道喺而家嚟講算ok架啦,但都好嘈下,不會再去

o係沙田, 利苑算係一間high 少少0既酒家. 冇咁嘈. 因為冇點心亞姐嗌. 服務都唔錯, 仲可以訂位. 而且d 野又好食. 我同媽媽就最鍾意鮑汁雞腳, 好入味, 有d 花生, 好'林'. 好食. d 汁撈飯仲正!! 另外就係馬拉卷, 唔太甜!! 好食過明星!! 最訓身推介就係蘿蔔絲酥餅, 好到不得了. 係我食過最好食0既!! 唔會油淋淋, 好鬆化, 唔會一夾就散. 好多蘿蔔, 最緊要係唔會有蔥!! 不過價錢都唔平, 抵唔抵就見人見致!!

前兩日同事結婚請飲,去左沙田利苑地方好細,幾殘舊, 逼d喎成九點半先開席..好遲呢全部菜式都好油膩,雖然去飲都預左,但有d真係油得好嚇人,最難忘係碟好普通o既蜜糖豆炒螺片,成碟都係油...唉...味道非常一般,只有荷葉飯較好,服務亦一般,整體比唔上美心系酒樓

星期日去飲茶係我全家人既習慣﹐隔一排就會轉移陣地﹐由最初去六樓敦煌(已執)﹐北園(已執)﹐大會堂敦煌(已執)﹐潮江春﹐美心﹐新光...近年來開始留守利苑。荷葉飯好香﹐活蟹煎麵好香口(不過好熱氣)﹐燒鴨賴好有水準﹐冰燒五層肉入口鬆化﹐極品﹗(不過好貴)﹐春卷亦係我食過0甘多間之中最好食既﹗另外雞絲水晶粉都幾特別﹐幾爽口﹐不過要睇彩數﹐因為有時會好油。