影片
港鐵美孚站 A 出口, 步行約5分鐘
繼續閱讀
電話號碼
64650638
營業時間
今日營業
10:00 - 21:00
星期一至日
10:00 - 21:00
公眾假期
10:00 - 21:00
公眾假期前夕
10:00 - 21:00
*最後落單20：30
以上資料只供參考, 請與餐廳確認詳情
同事睇YouTube Channel介紹呢間小店！主打超薄皮餃子！約埋一齊試吓！一入去裝修簡潔！座位唔多！好有家嘅感覺！我哋一行四人叫咗二人餐（每人8粒份量啱啱好薄皮餃子！粒粒脹卜卜配米線！一飲啖湯好意外!好似媽咪煲嘅湯一樣）好欣賞佢嘅薄皮裏面啲肉汁個味啱啱好！食落的確冇味精！粟米餃好甜、上海大白菜好好味、櫻花蝦韭菜好特別！推介俾大家佢嘅泰式香葉肉碎餃超正！好多層次感..好似泰式生菜包咁！一個油菜、8件小食拼盤蓮藕煎肉餅！冷泡花茶！正😄另一個同事叫左三文魚沙律..$55好抵平時外面一般沙律要成$80（好靚好滿足有流心蛋、車厘茄..）一食落去好新鮮配黑醋汁好開胃！啱晒我呢啲減肥人士！色香味俱全！再之後再叫咗個蓮藕煎肉餅小食！手打好彈牙！再叫咗個手撕雞冷麵…$55（用咗日式胡麻醬好開胃！啲雞好滑鹹鹹地好開胃）再叫咗個雲吞麵餐$59有雲吞麵、油菜、羅漢果飲品跟住買咗幾個外賣俾我屋企人食！佢係我食過三甲好食嘅餃子！好難得搵到間薄皮有肉汁嘅餃子！一般響出邊食嗰啲都好厚皮！厚皮浪費晒我啲quota😫薄皮食得出好用心製作！同個YouTube頻道生活泰導@劉老太餃子店介紹一樣！難得有間小店咁用心製作仲有佢個羅漢果都係好好飲好出色不得不提大家一定要食佢個菜脯！好多舖頭都係配給！聽聞都係自家製獨家自己炒！好辣好過癮⋯⋯如果唔食辣就走寶今次買咗外賣你屋企人試！個個都讚好好食！一食就知啲豬肉係新鮮豬肉！下次打邊爐一定要再幫襯買啲生餃如果佢開喺我屋企樓下就好啦…可惜我樓下得嗰間X記（大陸冰鮮製造...唉）想食唯有返工食多啲⋯⋯
繼續閱讀
上星期六第一次幫襯，叫咗香煎蓮藕餅飯，麻醬雞絲冷麵，麻辣雞絲飯，椒鹽墨魚餅，煎木耳雞肉餃子及麻辣菜脯餃子。好好味，份量好夠，有驚喜。等外賣期間，老公打俾我，佢好鍾意食餃子，知道我買緊外賣，話不如買啲生餃子返屋企，於是我再買咗麻辣菜脯餃子，木耳雞肉餃子，泰式香葉肉碎餃子，及大白菜餃子，另外再買多一打雲吞加多一樽大辣嘅辣椒菜脯。老公及屋企人剛剛於星期三煎晒啲餃子同埋上湯雲吞出嚟食，個個都話好好味，皮薄餡靚，辣椒菜脯好香，好惹味。我老公已經打算要我再去買生餃子回家，我都打算再去幫襯。因為真係好好味，而且打算試埋其他美食、真係冇諗過美孚都有間隱世美食店。
繼續閱讀
行經美孚，見食評唔錯諗住去試吓員工強烈推薦一人餃子餐原價＄128，而家特價$88味道尚可份量少得可憐六隻餃子偏細隻正常米線底比譚仔量少幾條菜三合一咖啡最令人震驚係個拼盤，墨魚餅蝦餅牛肉全部切半，得$5硬幣大就算特價$88都真係唔值
繼續閱讀
家庭式經營的水餃店，今天試了粟米豚肉及白菜豚肉雙拼水餃，水餃皮薄，餡料新鮮，個人較喜歡粟米豚肉餃。湯底是蟲草花雜菌老火湯，湯底鮮甜，味道與水餃非常夾。雖然店舖座位不多，但服務員服務態度誠懇，會推介店內的美食及介紹飲品，下次會再光顧。
繼續閱讀
之前已聽過同事提過呢間食店，今日決定去試一試。一去到門口，已經好友善介紹我有唔同種類嘅嘢食，有幾款沙律同冷麵，而我一早已決定去試下個餃子！最後嗌左個雙併湯餃，一款係餐牌上有嘅芹菜豚肉餃，一款係豆苗豚肉餃，唔知豆苗呢款係咪今日先有，因為唔見餐牌有，然後揀咗個佢哋自己煲嘅松露花雜菌老火靚湯，個湯真係超正，係會忍唔住飲哂成碗🥹環境同衛生都好好，舖面亦吸引，人亦非常友善有禮☺️下次會再去試埋佢哋個煎餃😋
繼續閱讀